თემის საბეჭდი ვერსია

პოსტის ავტორი: shota_shotadze თარიღი: Sep 21 2007, 01:18 AM

განათლების სამინისტრო ახალი სასწავლო წლიდან 30-მდე საჯარო სკოლაში პროგრამა "უსაფრთხო სკოლის" განხორციელებას დაიწყებს.

ექსპერიმენტის მიხედვით, სახელმწიფო სკოლის მოსწავლეების მიმართ მკაცრდება. ლომაიას განცხადებით, პროგრამა რამდენიმე კომპონენტს მოიცავს, რომელთა შორის ერთ-ერთი "სკოლებში პირადი საქმეების ინსტიტუტის"შემოღებაა.

6-12 კლასამდე მოსწავლეების პირადი საქმეები გაიხსნება, რომელიც მხოლოდ მშობლისთვის, სკოლის დირექციისთვის და უკიდურესი საჭიროების შემთხვევაში, პოლიციისთვის იქნება ხელმისაწვდომი.

პირადი საქმეების პარალელურად, სკოლაში ე.წ. პოლიციის ინსტიტუტსაც შემოიღებენ. კვირაში ერთხელ, მაღალკლასელებთან პოლიციელები არაფორმალურ შეხვედრებს გამართავენ, რომელზეც ძალოვნები მოსწავლეებს მათ უფლებებზე, კანონზე, კანონმორჩილებასა და სამოქალაქო ღირებულებებზე ესაუბრებიან.

განათლების საპარლამენტო კომიტეტმა საჯარო სკოლებში მოძღვრის ინსტიტუტის შემოღების შესახებ 'კონსერვატორების' მიერ ინიცირებული კანონპროექტი დაიწუნა. კომიტეტის თავმჯდომარე ნოდარ გრიგალაშვილი აცხადებს, რომ საჯარო სკოლის მოსწავლეს შესაძლებლობა აქვს, მოძღვარი გაკვეთილებისგან თავისუფალ დროს მოიწვიოს და ამ შემთხვევაში 'კონსერვატორები ღია კარის მტვრევას ცდილობენ'.

გარდა ამისა, გრიგალაშვილის შეფასებით, კანონპროექტი საპატრიარქოსა და სახელმწიფოს შორის გაფორმებულ კონკორდატს ეწინააღმდეგება. კერძოდ, მისი თქმით, კონკორდატის თანახმად, მოძღვრის ინსტიტუტის დაწესება მხოლოდ ჯარსა და თავისუფლების აღკვეთის ადგილებშია ნებადართული და თუ მას საჯარო სკოლებშიც შემოიღებენ, თავად კონკორდატშიც შესაბამისი ცვლელება უნდა შევიდეს.

'კონსერვატორები' ზვიად ძიძიგური, გიგა ბუკია და ბეჟან გუნავა ამტკიცებენ, რომ სკოლებში არსებულ რთულ კრიმინოგენულ სიტუაციას უკეთესობისკენ მხოლოდ მოძღვრის ინსტიტუტის შემოღება შეცვლის. ისინი გამოდიან ინიციატივით, განათლების სამინისტრომ და საპატრიარქომ მოამზადონ ერთობლივი პროექტები, რომლითაც სკოლებში მოძღვრის ინსტიტუტის შემოღება დაიწყება.

პოსტის ავტორი: თათი87 თარიღი: Sep 21 2007, 11:32 AM

shota_shotadze

ამაში მე ცუდს ვერაფერს ვხედავ. თუ მოსწავლეებს აუხსნიან რისი უფლება აქვთ და რისი არა... ან თუ მათ პირად საქმეებს შექმნიან... რამდენი მკვლელობა მოხდა სულ ახლო წარსულში 10-11 კლასელების მონაწილეობით? მგონი საგანგაშო სიტუაციაა და ინფორმირება და თვალყური ამ ასაკში მოსწავლეების მგონი აუცილებელიც კია

რაც შეეხება მოძღვრის ინსტიტუტს, აქ მაინტერესებს რა იქნება მისი ფუნქციები? თუ ბავშვების დამოძღვრა, მაშინ იგივე შეიძლება გაკეთდეს რელიგიის გაკვეთილზე ( თუ არსებობს კიდევ) ...

პოსტის ავტორი: catherina_10 თარიღი: Sep 21 2007, 01:00 PM

სკოლებში კრიმინალური შემთხვევები, რომ მომრავლდა ყველასთვის არის ცნობილი. ალბათ ურიგო არ იქნება თუ "პოლიციის ინსტიტუტსაც " შემოიღებენ და აღრიცხვაზე აიყვანენ ძნელად აღსაზრდელ ბავშვებს, გააკონტროლებენ სკოლაში მდგომარეობებს და ამასთან ერთად თუ რელიგიის გაკვეთილებსაც დაამატებენ უფრო კარგი იქნება

პოსტის ავტორი: ნიანია თარიღი: Sep 21 2007, 01:14 PM

მე პირადად მომხრე ვარ სერიოზულად გამკაცრდეს რეჟიმი სკოლებში. ნებისმიერი ახალი რეფორმის ან პროექტის სამიზნე არამარტო მოსწავლე არამედ მასწავლებელიც უნდა იყოს-უნდა გაიზარდოს ხელფასები რათა მოტივაციამ აიწიოს, შესაბამისად მათი პასუხისმგებლობაც მეტი იქნება და ხელმძღვანელ სტრუქტურებსაც უკვე ექნებათ საფუძველი მასწავლებელს მოსწავლის ცუდი საქციელისათვის პასუხი მოთხოვონ. სხვა შემთხევაში არცერთი პედაგოგი არ აიტკივებს თავს ურჩი მოსწავლის აღზრდისათვის, ისინი თავიან საგანსაც არ ასწავლიან ნორმალურად იმდენად დაბალია მოტივაცია და დიდაქტიკაზე ხო ოცნებაც არ შეიძლება.

რაც შეეხება მოძღვრის ინსტიტუტს აქ ძალიან დიდი სიფრთხილეა საჭირო. სკოლებში სხვა აღმსარებლობის ბავშვებიც სწავლობენ, ჩვენდა სამწუხაროდ, და თუ მათ მართლმადიდებლობას თავზე მოვახვევთ ამას უფლებების დარღვევაში ჩაგვითვლიან და თითს ისევ საპატრიარქოსაკენ გაიშვერენ. ასე რომ გაფრთხილებაა საჭირო

პოსტის ავტორი: კანუდოსელი თარიღი: Sep 21 2007, 01:32 PM

მაშინ სკოლა კი არა ზონა იქნება...

გამოსავალი სხვა ასპექტშია საძიებელი




სკოლაში მოსწავლეთა ჯგუფის თავისუფალი ნებით შესაძლებელია იკითხებოდეს სხვადასხვა აღმსარებლობის "რჯული", მაგრამ მე მაინც არ მინდა რომ იქ მივიდეს გამოუცდელი მღვდელი და უმტკიცოს ბავშვებს, რომ მთელი დარვინის თეორია იდიოტების დაწერილია კრეტინი დარვინის თამადობით.....ან თქვას, რომ სამყარო სულ რამდენიმე 1000 წლისაა...

მღვდელი ან სერიოზულად უნდა გადამზადდეს ან ასწავლოს იქ სადაც მისი ადგილია....

პოსტის ავტორი: ketino თარიღი: Sep 21 2007, 01:52 PM

არ ვიცი, არ ვიცი.... რაღაც რომ უნდა გაკეთდეს ფაქტია, არა მგონია პოლიციელების დამოძღვრამ შედეგი გამოიღოს, აქ საჭიროა სულიერი მოძღვარი და ოჯახი,...

პოსტის ავტორი: კანუდოსელი თარიღი: Sep 21 2007, 01:59 PM

სულ სულიერი მოძღვრები ყავთ ევროპაში და მიტომაა დალაგებული იქაურობა?

ეს არის განათლების სწორად წარმართვის, დაგეგმარების საკითხი

პოსტის ავტორი: ketino თარიღი: Sep 21 2007, 02:06 PM

აბა კანუდოსელო, მე რომ რელიგიას ერთი... დამთხვეული ქალი მასწავლიდა ის იყო კარგიი? გვაშინებდა ბავშვებს....

პოსტის ავტორი: კანუდოსელი თარიღი: Sep 21 2007, 02:08 PM

უკაცრავად ვარ და მე ანალოგიურად დამთხვეული სასულიერო პირიც მინახავს...

პოსტის ავტორი: ნიანია თარიღი: Sep 21 2007, 02:14 PM

ნამეტანი ნუ გააჯაზებთ ეხლა. ყველა თემა მოძღვრების განკითხვაში როგორ უნდა გადაიზარდოს ფორუმზე არ მესმის

პოსტის ავტორი: კანუდოსელი თარიღი: Sep 21 2007, 02:16 PM

არსებობს თუ არა დილეტანტიზმის პრობლემა საქართველოში?
ეხება თუ არა ეს მოსახლეობას?
მღვდელი მოსახლეობის ნაწილი არის თუ არა?


რა შუაშია აქ განკითხვა?
დამისახელეთ რომელი სასულიერო პირი განვიკითხე?

პოსტის ავტორი: ketino თარიღი: Sep 21 2007, 02:20 PM

ისე მართალია კანუდოსელი

- ნამდვილად არსებობს...
- ეხება მოსახლეობას
- არის უეჭველი...


პ.ს. მარა მე მჯერა, რომ მღვდლებს უფრო მეტი შეუძლიათ გააკეთონ სკოლაში , ვიდრე თეოლოგებს... რიავი ახლა ამისთვის არ ჩამიცინიზმო კანუდოსელო, რაა

პოსტის ავტორი: გიორგი თარიღი: Sep 21 2007, 02:21 PM

საერთოდ ეთნიკურ თუ რელიგიურ უმცირესობების სკოლებს სახელმწიფო არ აფინანსებს. ევროპული კანონმდებლობების ჩარჩოებისთვის რამდენადმე უცხოა ასეთი გაგება. ცხადია ნებადართულია უცხო ენაზე ან უცხო სჯულის სწავლება, მაგრამ ამის განხორციელება კერძო სექტორის და დაინტერესებული ჯგუფების პრეროგატივაა. "საქართველოში სომხურენოვანი სახელმწიფო სკოლა", ამგვარი გაგება არის კომუნისტური სახელმწიფოს კანონმდებლობის გადმონაშთი. არ არსებობს ინგლისში ესპანურენოვანი სახელმწიფო სკოლა. უფლება დაფინანსებას არ ნიშნავს. საქართველოს სახელმწიფო სკოლებში სხვა რჯული არ უნდა ისწავლებოდეს. ამ პრობლემას რელიგიურმა უმცირესობებმა თვითონ უნდა მიხედონ. ასეა წესი.

რაც შეეხება სჯულის სწავლებას ის აუცილებლად უნდა შემოღებულ იქნას, მაგრამ ძალიან შერჩევით უნდა გაიგზავნოს მოძღვრები სკოლებში, ამისთვის შეიძლება სპეციალურად მომზადდენ კიდეც, ცხადია სასულიერო პირი არ უნდა ამტკიცებდეს, რომ სამყარო რამოდენიმე ათასი წლისაა, მაგრამ ამ მიზეზის გამო სჯულის სწავლების არ შემოღება სწორად არ მიმაჩნია. მომზადებაა საჭირო.

პოსტის ავტორი: მნათე თარიღი: Sep 21 2007, 02:26 PM

სანამ არ გავითავისებთ, რომ ყველა მღვდელი რჯულისმოძღვარი ვერ იქნება, მანამ არაფერი გვეშველება

პოსტის ავტორი: ნიანია თარიღი: Sep 21 2007, 02:27 PM

არსებობს

და დანარჩენ პუნქტებშიც გეთანხმები მაგრამ დილეტანტიზმის პრობლემას რაღა მაინცდამაინც მღვდლებში ხედავ მოჭარბებულად და არა ერში?

თუმცა იმაში მეც დაგეთანხმები რომ ვინაიდან მოძღვრებიც საზოგადეობის წევრები არაინ და სამწუხაროდ ეს საზოგადოება დილეტანტია, მათ შორისაც არიან ასეთები. მაგრამ უნდა გავითვალისჭინოთ ის ფაქტო რომ ჩვენში მოძღვრის ინსტიტუტი შეიძლება ითქვამს ახალგაღვიძებულია და ძალიან ბევრ რამეში გარკვევა ვერ მოასწრეს, მათ შორის ახალგაზრდა ადამიანის ფსიქოლოგიაშიც. გამომდინარე აქედან გეთანხმები რომ საჭიროა ბავშვებთან გამოცდილი მოძღვარი შევიდეს და არა ახლადნაკურთხი. მაგრამ მე ისევ ჩემს პირვანდელ აზრს დავუბრუნდები, სკოლაში მოძღვრის ინსტიტუტის დანერგვა ძალიან დიდ წინააღდეგობას გამოიწვევს.

პოსტის ავტორი: ketino თარიღი: Sep 21 2007, 02:27 PM

აბა რა... ბავშვები ეს ფაქიზი თემაა... მიდგომა უნდა იცოდეს სწორი....

პოსტის ავტორი: კანუდოსელი თარიღი: Sep 21 2007, 02:28 PM

ამაზე არცაა საუბარი

ხოლო რაც შეეხება :


და

ერთმანეთთან საერთოდ კავშირში არ არიან, ვინაიდან სჯული არის რელიგიის სფერო, ხოლო ჩვენი სახელმწიფო დემოკრატიულია და არა რელიგიური


სკოლაში აუცილებლობა არის აუცილებელი საგნები, ანუ ის, რაც ყველასთვისაა, სჯული კი მხოლოდ მართლმადიდებლებისთვის, სხვა საკითხია, თუ ეს არის რელიგიური სახელმწიფო მაგრამ ვინაიდან ის დემოკრატიულია, ამიტომ გამოვა იმ მოსწავლეთა დისკრიმინაცია, ვინც არ არის მართლმადიდებელი - და არ უნდა ამას ლაი ლაი, ევროპაში გვინდა? მაშინ ევროსაბჭოს კანონმდებლობით ვისარგებლოთ

პოსტის ავტორი: კანონისტი თარიღი: Sep 21 2007, 02:31 PM

კანუდოსელი

მიდგომა ორია (ორივე დემოკრატიულია):

1. რაღაც არის დადგენილი, მაგრამ ნებისმიერს შეუძლია უარი თქვას მასზე
2. რაღაც არ არის დადგენილი, მაგრამ ნებისმიერ შეუძლია მოითხოვოს ის

ჩვენთან, რელიგიასთან დაკავშირებით მოქმედებს წესი 2, მე კი მიმაჩნია, რომ უნდა მოქმედებდეს წესი 1

პოსტის ავტორი: კანუდოსელი თარიღი: Sep 21 2007, 02:34 PM

დემოკრატიული მიდგომა ასე მესახება:

მართლმადიდებელს უნდა სკოლაში მართლმადიდებელი მღვდლის მოწვევა ლექციებისთვის? ძალიან კარგი - მოვიწვიოთ

მაგრამ მაშინ

უარი არ უდა ვუთხრათ იმ არამართლმადიდებელს, ვინც ასევე შეიძლება მოითხოვოს თავისთვის მოწვევა პადრესი, მოლასი ან იუდეველი რაბის

მე კი ვინაიდან არ მინდა სკოლა გარდაისახოს რელიგიების შეხვედრის ასპარეზად, არ მინდა მღვდლის მოწვევაც, რაც არ მისცემს საბაბს არამართლმადიდებელსაც...
ბოლო ბოლო ეკლესიის საქმე ეკლესიაა და სკოლის- სკოლა
მასწავლებელი დგას საკლასო ოთახში და მღვდელი ამბიონზე - არ მინდა სკოლა გადაიქცეს ამბიონად და ამბიონი სკოლად - ბოლოს მიაქციეთ დიიიიდი ყურადღება გთხოვთ

პოსტის ავტორი: ნიანია თარიღი: Sep 21 2007, 02:37 PM

აი მეც ზუსტად ამას ვამბობ. როგორც ჩვენ არ მოგვეწონება შენს მიერ ჩამოთვლილი სასულიერო პირების მოწვევა სკოლებში ისე იმათ არ მოეწონებათ მართლმადიდებელი მოძღვრის ქადაგება სკოლებში. აი ესაა პრობლემა-ხელ-ფეხ-შეკრულები ვართ

პოსტის ავტორი: კანუდოსელი თარიღი: Sep 21 2007, 02:38 PM

დაიწყო პანიკა

პოსტის ავტორი: გიორგი თარიღი: Sep 21 2007, 02:39 PM

კანუდოსელი

სახელმწიფო სკოლებში სხვა რჯული არ უნდა ისწავლებოდეს. რელიგიური და ეთნიკური უმცირესობების ერთ კონტექსტში განხილვა შეიძლება. დემოკრატიული სახელმწიფო არ ნიშნავს, რომ ყველა ენა და რელიგია ერთ პირობებშია, ეს ძალიან ბევრს ეშლება. უმცირესობების უფლებები უნდა იყოს დაცული, მაგრამ არა გატარებული. როგორც საქართველოს ეროვნულ არმიას ჰყავს კაპელანი (მოძღვარი) და არა მოლა ისეა ეს საკითხიც. საერთოდ დემოკრატიული ნორმების და მისი განხორციელების შესახებ დიდხანს შეიძლება კამათი . . .

ვინც მართლმადიდებელი არ არის ის თავისუფალი უნდა იყოს ამ გაკვეთილისგან, მაგრამ ამ დროს ისლამს ან ბუდიზმს არ უნდა სწავლობდეს სახელმწიფოს ხარჯზე, სახელმწიფოს სკოლაში, წავიდეს სახლში და დაისვენოს. შერჩევითი უნდა იყოს, მაგრამ ალტერნატივად სხვა რჯული - არა, ან მართლმადიდებლობა ან დასვენება. ამგვარი დამოკიდებულება ბევრ ევროპულ ქვეყანაშია მიღებული.

საერთოდ ქართველებს საშინელი უკიდურესობა გვახასითებს ჯერ არაფერი და მერე ისეთი დემოკრატიის, ინტერნაციონალიზმის და კოსმოპოლიტიზმის მწვერვალზე აღმოვჩნდებით, რომ აშშ დარჩება გაკვირვებული.

პოსტის ავტორი: კანუდოსელი თარიღი: Sep 21 2007, 02:41 PM

კი და ვატიკანი ამ პოლიტიკის გამო როგორი ავტორიტეტითაც სარგებლობს ხალხში აჯობებდა გაგეკითხა და გაგეგო რომ მას კომუნისტურ პარტიას ადარებენ სწორედ მაგ მცდელობით სახელმწიფოში ჩარევისა

პოსტის ავტორი: ნიანია თარიღი: Sep 21 2007, 02:44 PM

რა შუაშია პანიკა. ან რა საჭიროა ცინიზმი.
მინდა გითხრა საპანიკოდ იმას უფრო აქვს საქმე ვისაც მართლმადიდებელი მოძღვრის ქადაგება არ სიამოვნებს. ჩვენ უბრალოდ იმავე მართლმადიდებლობიდან გამომდინარე უნდა პატივი ვცეთ სხვა კონფესიებსაც, ეგ არის და ეგ.

პოსტის ავტორი: კანუდოსელი თარიღი: Sep 21 2007, 02:46 PM

ძირშივე არა , რადგან ეთნოსი არის ენის მატარებელი, რაც სახელმწიფო ენის (ხაზს ვუსვამ: ენას, რომელიც აღიარებულია სახელმწიფო ენად) "ალტერნატივაა", მაგრამ ვინაიდან სახელმწიფო რელიგია არ არსებობს საქართველოში, ამიტომ არც უმრავლესობის და არც უმცირესობის რელიგიის ცნება იურიდიულად არ არსებობს



ნამეტანი ზოგადი ნათქვამია, ხოლო იმ მოძღვრის მოსმენა, რომელიც მაგალითად ბერძნულ სტილზე გირჩევთ გალობას ქართულის ამოძირკვის ხარჯზე, ალბათ გესიამოვნებათ

პოსტის ავტორი: კანონისტი თარიღი: Sep 21 2007, 02:50 PM

კანუდოსელი
შედეგი: უმრავლესობის უფლებების დარღვევა

ამიტომ მოქმედებს ოქროს პრინციპი:
ცხოვრებაში ატარებენ უმრავლესობის აზრს, ხოლო უმცირესობის აზრი (გნებავთ, უფლება) დაცულია

ანუ, თუკი თბილისის სკოლაში, სადაც 30 მოსწავლიდან 28 არის მართლმადიდებელი, 1 ათეისტი და 1 კათოლიკე, იქ კათოლიკე სასულიერო პირის მიწვევა ატარებს პროზელიტიზმის ნიშნებს, ვინაიდან 1 მოსწავლეს არ სჭირდება გაკვეთილი, მას შეუძლია საკვირაო სკოლაშიც ისწავლოს, რამდენადაც დიდ კონტიგენტს არ წარმოადგენს, დანარჩენი 28-ისაგან განსხვავებით

მსგავსადვე: ბოლნისის სკოლაში, სადაც 30 მოსწავლიდან არის 28 მუსლიმი, 1 ათეისტი და 1 მართლმადიდებელი, უნდა შევიდეს მოლა

პოსტის ავტორი: გიორგი თარიღი: Sep 21 2007, 02:56 PM

ასეა თუ ისე ყველა თავის ინტერესებს იცავს. ევროკავშირიც და აშშ-ც მისთვის სასარგებლოდ ატრიალებენ დემოკრატიას სიტუაციის და საჭიროების მიხედვით. დემოკრატიის ჩარჩოებში რისი გაკეთება შეიძლება და რისი არა ეს ძალიან დიდი დისკუსიის საგანია. საქართველოში მართლმადიდებლები დიდ უმრავლესობაში ვართ (აღიარებით მაინც), ამიტომ არავითარი საჭიროება არაა ყველა თანაბარ პირობებში იყოს, ყველა სახელმწიფოს გააჩნია ეროვნული ინტერესები, რაც ძალიან ხშირად ტრადიციულ რელიგიასთან კავშირშია. მაგ ლოგიკით რა ქნას აზერბაიჯანელმა თუ ქართული ვერ ისწავლა ადამიანი არ არის? და ამიტომ სახელმწიფო სტატუსი სხვა ენებსაც მივანიჭოთ? ანდა იგივე რელიგიის ამბავში კონსტიტუციური შეთანხმების ექვივალენტური აქტი სხვა რელიგიებსაც უნდა დავუდოთ განსაკუთრებული უფლებების თუ პრივილეგიების მინიჭებით? საქართველოში ქართველი და მართლმადიდებელი ყოველთვის უპირატესი უნდა იყოს. ცუდია სხვისი დაჩაგვრა, მაგრამ სხვაზე თავზე გადაყოლა კიდევ ცალკე პრობლემაა. დემოკრატიაც ძალიან ზოგადი ტერმინია, არ არსებობს დემოკრატიული კანონმდებლობის კონკრეტული ჩარჩოები, დემოკრატია საერთოდ ხალხის მმართველობას ნიშნავს და ამგვარი სახელმწიფოების კანონმდებლობები ვარირებს მასში შემავალი ხალხის უმრავლესობის ნების მიხედვით.

სახელმწიფო რელიგიის სტატუსი კანონმდებლობის დონეზე როგორ გესმის?

არაა საჭირო მაინცდამაინც კონსტიტუციის ერთ-ერთ მუხლში ეწეროს, რომ საქართველოს სახელმწიფო რელიგიაა მართლმადიდებლობა, თუმცა ასეც რომ იყოს არც ესაა დემოკრატისს დარღვევა. ბევრი საინფორმაციო წყაროები საქართველოს მოიხსენიებენ იმ სახელმწიფოთა რიცხვში, სადაც სახელმწიფო რელიგია არსებობს, ოღონდ რადგან ეს ასე არაა პირდაპირ ფორმულირებული კონსტიტუციით "დე ფაქტოს" უწერენ ფრჩხილებში. პრაქტიკულად სახელმწიფო რელიგიის სტატუსი მართლმადიდებლობამ მრავალი კონკრეტული კანონის მიღების საშუალებით შეიძლება მიიღოს.

პოსტის ავტორი: კანუდოსელი თარიღი: Sep 21 2007, 02:56 PM

ეს უკვე სერიოზული მსჯელობა აღარაა



ამის გამო როგორც სტატისტიკა აჩვენებს თავად რელიგიის ავტორიტეტი ეცემა ძლიერ - გადახედე ისევ ევროპულ ქვეყნებს



აზერი პოტენციური ქართველია და თუ დღეს მან არ იცის კარგად ქართული, ეს გაუკუღმართებული წარსულის ბრალია

სახელმწიფო სტატუსი აქვს ენას და არა რელიგიას - გერევა ერთმანეთში



შენ კარგად თუ გაეცნობი იმ დადგენილებას ნახავ რომ ვერ მიანიჭებ, რადგან იქ არა პრივილეგიებზე არამედ საუბარია იმაზე, რომ მართლმადიდებლობამ დიდი როლი ითამაშა კულტურაში და ისტორიაში - ეს ასე ვთქვათ მოკლე აბრივიატურაა...და ეგ არ ნიშნავს რომ მართლმადიდებლობა არის სახელმწიფო რელიგია, ამიტომ მისი პარალელი ენობრივ დეტალებთან - არალოგიკურია

პოსტის ავტორი: კანონისტი თარიღი: Sep 21 2007, 02:58 PM

კანუდოსელი

და რატომ?

ადამიანი (რამე რომ იყოს) რელიგიას უფრო იოლად შეიცვლის თუ მშობლიურ ენას??

ენა უფრო სისხლხორცეულადაა დაკავშირებული ადამიანთან და მისი სახელმწიფო და სავალდებულო რანგში აყვანა თუ შეიძლება (ცხადია, დედაენის გამოყენების ნებადართვით), რატომ არ უნდა შეიძლებოდეს რელიგიისაც?

კითხვას ვსვამ უბრალოდ......

პოსტის ავტორი: კანუდოსელი თარიღი: Sep 21 2007, 03:00 PM

ამაშიც მართალი ხარ და არ გედავები, მაგრამ მე ზოგადად ეკლესიის სკოლაში შესვლა არ მინდა...უფრო სწორად არ მინდა ეკლესიის სახელმწიფოსთან ჩახუტება, რადგან ეკლესია რჩება, სახელმწიფოები იცვლებიან....

ჩახუტების ნაწილია რომ ალექსი II (ამ შემთხვევაში მოსკოვის ეკლესიის ჩახუტება მოსკოვის მთავრობასთან) უპრობლემოდ ერევა ჩვენს საეკლსიო იურისდიქციაში...არადა ალექსი ჩვენი პირველი მხარდამჭერი უნდა იყოს დევნილების საკითხებში...საქმეზე კი არ არის და დამერწმუნე არც არასოდეს არ იქნება, რადგან ის იგივე ნომენკლატურაა, და სადაა აქ ქრისტიანობა?

პოსტის ავტორი: გიორგი თარიღი: Sep 21 2007, 03:05 PM

ბევრჯერ დაზარალდა საქართველო დემოკრატიის მისთვის საწინააღმრდეგოდ შემობრუნების გამო.

მე არ ვთვლი, რომ მაინცდამაიც ამის გამო, უბრალოდ ათეიზმი და არა რელიგიურობა მატულობს, ამას უფრო სხვა მიზეზები აქვს.

რელიგიასაც მივანიჭოთ, გგონია ეს არა დემოკრატიულია?!

ოოოო, ძალიან კარგად რომ ვარ გაცნობილი კონსტიტუციურ შეთანხმებაშიც და იურისპრუდენციაშიც ამიტომ დანამდვილებით გეტყვი, რომ საქართველოს მართლმადიდებელი ეკლესია ბოლომდე ვერ იყენებს ამ დოკუმენტის ძალას თუ არა სახელმწიფო რელიგია კი არა პრაქტიკულად მართლმადიდებლობის დიქტატის გარკვეული ფორმების ჩასმაც კი შეიძლება თეორიულად მაგ აქტის ჩარჩოებში, თუმცა ცხადია ამას არ ვემხრობი.

პოსტის ავტორი: კანუდოსელი თარიღი: Sep 21 2007, 03:07 PM

კი, ერთ ერთი იყო ძირს ბუში (მამა) შეძახილები...ეგ დემოკრატიის შემობრუნება კი არა, იმ მთავრობის სრული იმპოტენციის შედეგი იყო

ბოლო ბოლო ამ ნაწილით რას ამბობ? რომ დემოკრატია არ გვინდა?
ჩამოყალიბდი ან კი ან არა

და სახელმწიფო რელიგია არ მინდა და უკვე ვთქვი რატომაც, სახელმწიფო რელიგიის შედეგია რომ დღეს რელიგია უფრო ნომინალურია ვიდრე ევქარისტიული და ეს კრიზისი ევქარისტიისა დაიწყო სწორედ რელიგიის ჩახუტებით სახელმწიფოსთან

პოსტის ავტორი: კანონისტი თარიღი: Sep 21 2007, 03:09 PM

კანუდოსელი

კონსტიტუციურ შეთანხმებას დადგენილება უწოდო ეს იგივეა, ასტრონომებისთვის რომ ვთარგმნოთ, რომ თქვა - მთვარე არის კვაზარი

http://church.ge/index.php?s=&showtopic=2579&view=findpost&p=175883 მიპასუხე რა

პოსტის ავტორი: კანუდოსელი თარიღი: Sep 21 2007, 03:11 PM

მთავარიდან კაზუისტიკაზე გადახვიდე კი, რაც არის არ მათქმევინო ახლა იცოდე


პ.ს.
კარგი, საქმეები მეძახიან, მერე განვაგრძოთ...

პოსტის ავტორი: გიორგი თარიღი: Sep 21 2007, 03:11 PM

ეგ ნამდვილად ეგრე იყო, მაგრამ მეც შემიძლია სხვაგვარი მაგალითების მოყვანა.

მოკლედ ჩემი პოზიცია ასეთია, სკოლებში უნდა შემოღებულ იქნას მხოლოდ და მხოლოდ მართლმადიდებლური საღვთო სჯულის სწავლება ოღონდ არჩევით, თანაც სპეციალურად მომზადებული მოძღვრების მიერ. სხვა რელიგიების სკოლაში შემოტანის მომხრე არ ვარ, არც იმის მომხრე ვარ, რომ არა მართლმადიდებლებს მართლმადიდებლობა თავს მოახვიონ.

ჩემი აზრით ეს არის ყველაზე უფრო ეროვნულ-დემოკრატიული მიდგომა.

ჩემი მისიაც დასრულდა ამ თემაში

პოსტის ავტორი: shota_shotadze თარიღი: Sep 21 2007, 05:00 PM

1.იცი რა მიკვის ამ ხელისუფლებისგან?

სახვთო რჯულის შეტანას ეწინააგმდეგებიან და სექსოლოგია შეაქვთ.
მოძღვრის შეყვანას ეწინააღმდეგებიან და პოლიცია შეყავთ.

მემგონი ესეც საკმარისია სხვას რო თავი დავანებოთ.

2. დღეს სკლოებში და არამარტო სკოლებში უმცირესობის უფლებები უფრო არის დაცული ვიდრე უმრავლესობის,

თავად გადაწყვიტეთ ეს რას ნიშნავს.

3. მე არ მინდა ისეთმა სახელმწიფოებმა როგორიცაა აშშ , რუსეთი , გერმანია , აზიის ქვეყნები, აფრიკის ქვეყნები და ევრო კავშირის და ნატოს წევრმა ქვეყნებმა აღიაროს საქართველო დემოკრატიულად და ევროპულ ქვეყნათ, თუ ჩემი ქვეყნის ენა, მამული, სარწმუნოება, ტრადიციები, კაცობა და ვაშკაცობას არ დააფასებს და არ ეცდება მის დაცვას.

პოსტის ავტორი: solomony თარიღი: Sep 21 2007, 07:50 PM

სკოლაში რა და როგორ უნდა ისწავლებოდეს ამის შესახებ არაერთხელ თქვა პატრიარქმა თავის ქადაგებაში და თუ განათლების სამინისტროს სურვილი იქნება საპატრიარქო წარმატებით გაართმევს თავს ამ საქმეს,მაგრამ ლომაიას მსგავსის გაგონებაც არ უნდა.ამბობენ დემოკრატიააო მაგრამ კომუნისტებივით კი იქცევიან დემოკრატიულ ღირებულებებს ამოფარებულები.

პოსტის ავტორი: კანუდოსელი თარიღი: Sep 25 2007, 04:08 PM

პატრიარქი უკანასკნელი სააპელაციო არაა ამ საკითხში...ეგ მისი კონკრეტული აზრია, რამეთუ ის არ არის პროფესიონალი ამ სფეროში - ეს სრულებით არ ნიშნავს, რომ ლომაიაა პროფესიონალი

ანუ ამოსავალი წერტილი პატრიარქის სიტყვა კი არაა, არამედ კადრების სწორად შერჩევა

პოსტის ავტორი: კანუდოსელი თარიღი: Sep 25 2007, 04:53 PM

მოკლედ ჩემი აზრი მარტივია:

არ მინდა სკოლაში მღვდლის შესვლა რამდენიმე მოტივით:

1. მართლმადიდებლობა სახელმწიფო რელიგია არ არის
2. თუ მოვითხოვთ ჩვენ, მოითხოვენ სხვებიც და სკოლა გარდაიქმნება რელიგიურ დაჯგუფებათა ასპარეზად, სადაც ლოკალური მარგინალები იჩენენ თავს
3. არ მიმაჩნია პრინციპში სწორ ფორმად კლასიდან მოსწავლეთა გაყვანა მათი აღმსარებლობის მიხედვით - თუნდაც გაყვანა ღიმილით...ეს არის დისკრიმინაცია
4. ენასთან პარალელი არ არის იურიდიულად გამათული, რადგან ენა არის აღიარებული სახელმწიფო ენად, ხოლო რელიგია არ არის
5. ჩვენ არ ვაშენებთ თეო-დემოკრატიას, რაც უნდოდა ზ. გამსახურდიას, არამედ ვაშენებთ დემოკრატიას - ცუდია თუ კარგი ეს სხვა თემაა, მაგრამ ესაა რეალობა

პოსტის ავტორი: კანონისტი თარიღი: Sep 25 2007, 05:09 PM

კანუდოსელი

ანუ, მართლმადიდებლობა რომ გამოცხადდეს სახელმწიფო რელიგიად, თანახმა იქნები?


ამაზე ქართული ანდაზა გამახსენდა: მგლის შიშით ცხვარი ვის გაუწყვეტიაო

პოსტის ავტორი: კანუდოსელი თარიღი: Sep 26 2007, 11:26 AM

კი
მაგრამ ზოგადად მართლმადიდებლობის სახელმწიფო რელიგიად გამოცხადების წინააღმდეგი ვარ, თუმცა თუ ასეთი პრეცენდენტი მოხდა, იურიდიულად კორექტული იქნება ...



მთლად სწორი პარალელი არაა...
აქ საუბარია სახელმწიფოს მოწყობის პრინციპზე, რომელსაც (დემოკრატიულს) ძირში ეწინააღმდეგება ნებისმიერი დისკრიმინაცია

პოსტის ავტორი: კანონისტი თარიღი: Sep 26 2007, 11:53 AM

კანუდოსელი

გასაგებია. გეთანხმები იმ ნაწილში, რომ ახლა მთლად გამართულად არ ჩანს, მაგრამ არ გეთანხმები სახელმწიფო რელიგიად გამოცხადების საწინააღმდეგო პოზიციაში

პოსტის ავტორი: კანუდოსელი თარიღი: Sep 26 2007, 12:02 PM

ღამეები არ დამეძინება

პოსტის ავტორი: კანონისტი თარიღი: Sep 26 2007, 12:05 PM

კანუდოსელი
არც მე მეძინება ეს ღამები . დილით ასეთი მესიჯი რომ მოგივა:

რა დაგაძინებს?

ბოდიში ოფტოპიკისთვის!

პოსტის ავტორი: solomony თარიღი: Sep 26 2007, 04:30 PM

მე კვლავ ვიტყვი რომ თუ სახემწიფოს და განათლების სამინისტროს ნება იქნება საქართველოს მართმადიდებლური ეკლესია წარმატებით გაართმევს თავს ამ საქმეს.
ისე კი ლომაიას და სხვებს რაც უნდათ მაგისგან ღმერთმა დაგვიფაროს.

პოსტის ავტორი: ubralod ninka თარიღი: Sep 27 2007, 12:38 PM

mda ragacit momxre var aseti gamkacrebit mara ragaceebi ar momcons

პოსტის ავტორი: m16 თარიღი: Jan 22 2008, 09:11 PM

ჩვენს სკოლაში პოლიცია შემოვა და თავისი ფეხით ვეღარ გავა
ან მერხი მოხვდება თავში ან დაფა.

პოსტის ავტორი: afxazi თარიღი: Jan 22 2008, 09:42 PM

m16

ძალიან არ აგივარდეს თავში ეხლა.

პოსტის ავტორი: anano-anano თარიღი: Feb 21 2008, 01:31 AM

სკოლამ თავად უნდა მოაგვაროს მოსწავლეების პრობლემა. ვფიქრობ, არ არის საჭირო პოლიციის ინსტიტუტის შემოღება. რას აკეტებენ, აბა, მასწავლებლები? ნუთუ, მოზარდის გაგება და მათი სულის შეცნობა არ შეუძლიათ?