თემის საბეჭდი ვერსია

პოსტის ავტორი: siomani თარიღი: Dec 1 2007, 03:23 AM

მოვიდა სიგნალი რომ კეთდება რაჭველების , მეგრელების, მოკლედ სხვადასხვა კუთხის გუნები, გურულების უკვე არის ბატონო ჩემო და ასე შემდეგ... საქმე იმაშია რომ მეტი არაფერი არ ვიცი ამ საკითხთან დაკავშირებით. თუ ვინმეს რამე ახლის თქმა შეუძლია ამ საკითზე ა ბურთი და ა მოედანი:::

პოსტის ავტორი: მნათე თარიღი: Dec 1 2007, 03:24 AM

ვახ, ეს რაცხა საერთოქართველურს გავს...

პოსტის ავტორი: siomani თარიღი: Dec 1 2007, 03:34 AM

როგორც ვიცი რაჭველების გუნდს გიორგი დონაძე უხელმძღვანელებს, მეგრელების გუნდს დარასელია, გურულებისას მამუკა კიკვაძე ხელმძღავეელობს.

პოსტის ავტორი: N. R. თარიღი: Dec 1 2007, 11:23 AM

კახურს - კორნიენკო, სვანურს ცინცაძე ......



ერთჯერადი პროექტი, როცა რაღაც კონკრეტული სიმღერების გასაცოცხლებლად გუნდები შეიკვრებიან, ნახევარი წლის თავზე ჩაატარებენ კონცერტს და მერე დაიშლებიანო


ასე ვიცი მე....

პოსტის ავტორი: M.M. თარიღი: Dec 1 2007, 12:37 PM

იქნებ გაუტკბეთ და აღარ დაიშალონ?
კარგი იქნება მე მგონი

პოსტის ავტორი: yipiani gio თარიღი: Dec 1 2007, 02:09 PM

ხოდა რაჭველი კაცი აგერ გახლავართ და....

პოსტის ავტორი: misdevs mela loms თარიღი: Dec 1 2007, 04:51 PM

N. R.

მეც ეგრე ვიცი და იმედია ეგრე იქნება

პოსტის ავტორი: siomani თარიღი: Dec 1 2007, 09:04 PM

იმერეთში რა ხდება?

პოსტის ავტორი: G A B O თარიღი: Dec 1 2007, 11:00 PM

აქ იყო საუბარი იმის შესახებ რომ დღეს თბილისის ანსამბლებში ვინცაა ნიჭიერი შემსრულებლები სხვადასხვა კუთხიდან, რომლებსაც შეუძლლიათ თავიანთი კუთხის სიმღერების სპეციფიურად იმ კუთხისადმი დამახასიათებელი შესრულება ანუ ისე როგორც მაგალითად მეგრელმა მეგრული უნდა იმღეროს სვანმა სვანური და ა შ, მომხდარიყო ამის რეალიზება. იმიტომ რომ თუ დღეს ქალაქმა იტვირთა სოფლის სიმღერის გადარჩენა ერთ ერთი გონივრული გზა ეს უნდა იყოს ვფიქრობ. დღეს საბედნიეროდ არიან სხვადასხვა ანსამბლებში ისეთი ახალგაზრდები ვისაც შესწევთ უნარი თავიანთი კუთხის სიმღერები კარგად იმღერონ. იქიდან გამომდინარე რომ მათ ანსამბლური ინტერესებიდან გამომდინარე უწევთ გარკვეულწილად სხვა კუთხის სიმღერებზე აქცენტის გადატანა ეს ძალიან კარგია თავისთავად, მაგრამ, მაგრამ ალბათ დროებითი გუნდების შექმინით მოხდება ამ ერთი კუთხის ხალხის დროდადრო შეკავშირება რომ მოხდეს იმ ძველი სიმღერების მაქსიმალურად როგორც შეიძლება იმავე ხასიათით აღდგენა როგორც ჩვენამდე ეს განძი მოვიდა. აქ დაისვა კითხვა რომ რატომ დროებითო. დროებით იმიტომ რომ საფრთხე არ შეექმნას იმ ანსამბლების არსებობას რომელთა შემადგენლობაშიც ისინი არიან.

პოსტის ავტორი: Didgoreli თარიღი: Dec 2 2007, 02:10 AM

ყოველმხრივ ვგმობ ამ წამოწყებას !!! ერთი ძალიან მაინტერესებს ვითომ "გურულების ანსამბლს" რომ ვეძახით იმ ანსამბლში მღერიან ძირითადად ბასიანის და დიდგორის წევრები !!! ეხლა სერგუნას და გაბოს პარტნიორობას წკრიალა და ბათუც მშვენივრად უწევენ ჩემი აზრით და მხოლოდ რამდენიმე კაცის გულისთვის მათთვის გურულების ანსაბლის დარქმევა
გაუმართლებლად მიმაჩნია !!! ეს რაღაცაა სახელმწიფო ანსმაბლის მსგავსი წამოწყება და ჩანაფიქრი სრულიად უადგილოდ მიმაჩნია რადგან ჩემი აზრით ეს საფრთხეს შეუქმენს დღევანდელ მოღვაწე ანსამბლებს!!! თუ ვინმეს დახმარება უნდა , აგერ ვართ ბატონო და დაგვეხამრეთ რაა საჭიროა ეს გალაქტიკის გუნდების ჩამოყალიბებაა? ჩემი აზრით ეს ყოველივე დიდი დიიდიიი უაზრობაააააააააააა !!!!!!!!!!!!!!!!

პ.ს. ეს ჩემი აზრია მხოლოდ და მხოლოდ!!! ისე პრინციპში მე ვინ რას მეკითხება

პოსტის ავტორი: G A B O თარიღი: Dec 2 2007, 07:38 PM

Didgoreli

გასაგებია შენი მოსაზრება. ეს ისეთი თემაა რო შეუძლებელია ამაზე ყველა ერთი აზრის იყოს. ეს იდეა მას შემდეგ წამოვიდა, რაც გაჩნდა სერიოზული პრობლემა იმისა რომ ზოგიერთი კუთხის სიმღერები ძალიან დაიჩაგრა. კეთდება კონკრეტული ანსამბლების მიერ სოლო კონცერტები და თითო კუთხიდან მაქსიმუმ მხოლოდ ერთი სიმღერაა წარმოდგენილი, ისიც ან კი ან არა. მაგალითად იმ დღეს იყო საუბარი კომპეტენტურ პირებს შორის რომ ხევის, მთიულეთის, ხევსურეთის, მესხეთის, ლეჩხუმის ქართლის და ა შ ფოლკლორი დღეს ფაქტიურად მკვდარია. ანუ ეს იდეა რომ განხორციელდეს ანსამბლების მხრებზე, ამას ვერ მოერევა თვითონ იმ ანსამბლების რესურსი რაც დღესაა, ან ნაკლები ხარისხი ექნება და რატო გეტყვი: განსაკუთრებით უნდა აღინიშნოს სოლო კონცერტები, და ეს ჩემი აზრია რომ თავისთავად ზალიან კარგია ამდენი ანსამბლის კონცერტები რომ ტარდება და ა შ. მაგრამ აბა დავფიქრდეთ, ავიღოთ ერთი ანსამბლის სოლო კონცერტი, ძირითადი ტაქტიკაა ერთი ნადური, ჰა ჰაა ორიი კახური სიმღერა, ერთი სვანური და ა შ. ანუ მთლიანობაში ისევ ზღვა მასალა რჩება უკან, როცა ამდენი ანსამბლია. სხვათა შორის ბატონმა ანზორმა ძალიან სწორად აღნიშნა რომ დღეს ყველა ერთად აღებული თბილისის ანსამბლი ერთ 50 სიმღერიან რეპერტუარს თუ გაქაჩავსოო. ეს კი უკვე თავისთავად ძალიან ცუდზე მეტყველებს. დროებითი ანსამბლების შექმნა იმ მოტივით რომ კონკრეტული კუთხის სიმღერებზე უფრო დაწვრილებით ჩაძიება მოხდეს, ეს უბრალოდ ერთ ერთ გამოსავლად იქნა მიჩნეული, თორე ეს ამბავი ჯერ ისევ მსჯელობის ქვეშაა.

პოსტის ავტორი: Didgoreli თარიღი: Dec 2 2007, 07:45 PM

G A B O

არა ეს ყოველივე გასაგებია , მაგრამ ჩემი აზრით ასეთი ანსამბლების შექმა ხელს შეუწყობს დღევანდელი ანსამბლების დაშლას და არევ-დარევას !!! ყოველ შემთხვევაში ჩემს ანსამბლში ასე იქნება დარწმუნებული ვარ და ალბათ სხვებსაც ანალოგიური პრობლემები შეექმნებათ

პოსტის ავტორი: qarcivadze თარიღი: Dec 2 2007, 07:51 PM

პირადად მე არ მომწონს ასეთი წამოწყებები. არ მგონია რომ ამან დროებითი ხასიათი მიიღოს და საბოლოო ჯამში ჩვეულებრივ ანსამბლებს მე-2 პლანზე გადაწევს და საბოლოოდ მათ დაშლას გამოიწვევს. რაც შეეხება სიმღერების გადარჩენის საკითხს, მაგისთვის სხვა გზებიც არსებობს და უფრო უმტკივნეულო და სასარგებლოც. ამის დეტალური წერა მეზარება.

პოსტის ავტორი: potiabesbaia თარიღი: Dec 2 2007, 08:15 PM

ეს საკითხი ესე ადვილად ვერ გადაწყდება!!! უნდა დაჯდეს ყველა და კარგად მოიფიქრონ რა როგორ გაკეთდეს! არ შეიძლება მხოლოდ დადებით მხარეზე ვილაპარაკოთ კუთხური ანსამბლების. ძალიან ბევრი უარყოფითი მხარე აქვს და იმედია იდეის ავტორებიც ილაპარაკებენ ამაზე! მე ჯერ ეს ვერ მოვისმინე, სამწუხაროდ

პოსტის ავტორი: G A B O თარიღი: Dec 2 2007, 08:19 PM

როცა საუბარია ამხელა გარდაქმნებზე მის უკან ცხადია რაღაცა პრობლემები იგულისხმება. სრულიად ვიზიარებ იმ აზრს რომ არავითარ შემთხვევაში ამან არც ერთ ანსამბლში განხეთქილება ან სხვა რაიმე ურთოერთობრივი პრობლემა არ უნდა წამოჭრას და ანსამბლი არ უნდა დააზარალოს. ამაში აბსოლიტურად ერთი აზრის ვართ. მაგრამ თუ ეს მოხდება ერთი ორგანიზაციის პირობებში. თუ ეს მოხდება საერთო შეთანხმებით და რაც მთავარია იმაზე აქცენტით რომ ეს საქმისთვისაა საჭირო, მე მგონი არ უნდა შეიქმნას პრობლემა. და მეორე რომ ამ ანსამბლებს არ ეყოლებათ როგორც ასთი ხელმძღვანელი იმ გაგებით როგორი გაგებაც ეს დღევანდელ ანსამბლებშია, ანუ ამ გუნდებზე იქნება საერთო ხელმძღვანელობა. თუ არის სხვა იდეები მე პირადად ძაან მაინტერესებს, იქნებ უკეთესიც იყოს. ჩვენ ყველანი ხო საბოლოოდ მაინც ქართული ფოლკლორი გვადარდებს. საჭიროა უფრო და უფრო მეტი იდეა რომ გაკეთდეს რაც შეიძლება მეტი საქმე.
გურულების გუნდს რაც შეეხება, მე როგორც ვიცი არავითარი პრობლემა არ შექმნია ამის გამო არც დიდგორს და არც ბასიანს. მეორე საკითხია რომ ცოტა მტკივნეულია როცა შენი მომღერალი სხვა გუნდთან იწყებს მუშაობას. ეს სხვა საკითხია. მეორეც, მე მახსოვს როცა ანსამბლ დიდგორის წევრი ფოთი და კონსერვატორიის ანსამბლის წევრი ნანე ორივე ჩემთვის უსაყვარლესი ადამიანი ერთი პერიოდი აკეთბდა მეგრულ სიმრერებს, და რამდენჯერმე მოვუსმინე და მართლაც რო შესანიშნავად გამოსდიოდათ, ასევე როგორც მახსოვს შენც იყავი, ბანს ეუბნებოდი. და ძალიან ცუდი ქენით რომ დაანებეთ თავი. მე მგონი მომღერლებს შორის ასეთი ინტერესთა კავშირი ზიანს არ უნდა აყენებდეს ანსამბლს, მე ესე მგონია.ამ სემთხვევაშიც იგივე ხდება ოღონდ ცოტა გაოფიციალურებული სახით. გურულების გუნდიც სწორედ ასე შეიქმნა, და ესე მგონია არც ბასიანს და არც დიდგორც საფრთხეს არ უქმნის. მერწმუნეთ რომ ეს ესეა, და თუ არ იქნება ასე პირველი მე წავალ წინააღმდეგი.

პოსტის ავტორი: Didgoreli თარიღი: Dec 2 2007, 08:45 PM

G A B O
ეგ ყველაფერი გასაგებიაა გაბო , მარაა ნუ აქ სხვა რაღაცაა რაა ანსამბლის შიგნით რაც ხდება უკვე იმაზე უნდა დავიწყო მაშინ ლაპარაკი და ჯობია გავჩერდე

პოსტის ავტორი: yipiani gio თარიღი: Dec 2 2007, 11:33 PM

Didgoreli
გეთანხმები.ეს მრთლაც აურზაურს გამოიწვევს ანსამბლებში.
კი ნამდვილად კარგი თუ სიმღერებს გადავარჩენთ და შევუნარჩუნებთ
იმ ძველ ხასიათსრაც ქონდა მარა ჯობია ცოტა სხვა გზა მოვძებნოთ ამისთვის.
ეს მხოლოდ და მხოლოდ ჩემი აზრია

პოსტის ავტორი: M.M. თარიღი: Dec 3 2007, 05:10 PM

მგონი ჯობია, "დაუსაქმებელი" ხალხი აიყვანონ ასეთ კუთხურ ანსამბლებში, ნედლი (ან თუნდაც არა ნედლი, მაგრამ ანსამბლში დაუკავებელი) მასალა. სხვა ანსამბლებსაც არაფერი ევნებათ, მომღერალთა რაოდენობაც გაიზრდება ქვეყანაში და პროექტსაც შეიძლება მუდმივი სახე მიეცეს. დროებითი რაღა იყო?

პოსტის ავტორი: mii თარიღი: Dec 21 2007, 02:46 PM

მე ვფიკრობ კარგი წამოწყებაა რადგან ხალხი გამოკვეთილად გაიცნობს ყველა კუთხის სიმგერას სრული რეპერტუარით რაც იმგერებოდა საქართველოში. ამჟამად ანსამბლები ცდილობენ მუსიკალურად მდიდარი სიმგერების შესრულებას ამორჩეული სხვადასხვა კუთხიდან და ბევრი სადა სიმგერა რჩება მივიწყებული და უმღერი.

პოსტის ავტორი: qarcivadze თარიღი: Dec 21 2007, 05:41 PM

ასეთი ანსამბლები მეორე პლანზე გადაწევს დანარჩენ ანსამბლებს და არ გამოდგება კაი საქმე
სადა სიმღერების ასაჟღერებლად სხვა გზებიც არსებობს

პოსტის ავტორი: mii თარიღი: Dec 22 2007, 09:47 PM

რავიცი ვერაფერს დავიჩემებ შეიძლება მართალი ხარ მაგრამ თუ არგუმენტირებულად აგვიხსნი რატო გადაწევს სხვა ანსამბლებს უკანა პლანზე და სხვა რომელ გზას გულისხმობ როცა ამბობ სადა სიმგერებისთვის სხვა გზები არსებობსო. გაიხარე ))))))))

პოსტის ავტორი: komisia თარიღი: Dec 22 2007, 10:24 PM

ჩემი აზრით ცუდი გეგმა არ არის.
ვისაც პრეტენზია აქვს კეთილი ინებოს და აჯობოს ამ ახალ ანსამბლებს. რაც უფრო დიდი კონკურენცია იქნება, მით უფრო მოინდომებენ დანარჩენები რომ კარგად იმღერონ.

მგონი ხანდახან მსმენლის თვალითაც საჭიროა დანახვა. ასეთი ერთჯერადი აქცია ნამდვილად საჭიროა.

თითქმის ყველა ანმსამბლი გარკვეულწილად ასხდება რაღაც-რაღაც ჩანაწერებს, და არ ახმაურებენ, უნდათ რომ თვითონ აღადგინონ. მაგრამ როგორც საქმე გვიჩვენებს, ძალიან ნელი ტემპით მიდის ყველაფერი.

მოვიყვანოთ მაგალითი:
ამ ბოლო კონცერტზე ბასიანმა შეასრულა დაახლოებით ორი ახლადგაცოცხლებული . კახური საცეკვაო, ძველი ორირა (თუმცა ეს აღარაა ახალგაცოცხლებული, ერქომაიშვილის საღამოზეც იმღერეს). თუ რამე სხვაც იყო მომიტევეთ, აღარ მახსოვს.

ახლა, ამხელა ანსამბლია, ამხელა კონცერტი იყო, როგორი მონდომებული მაყურებელი... ორი სიმღერა რა ბედენაა?! რა, დავიჯერო მეტის გაკეთება ვერ მოასწრეს ან არ შეუძლიათ? უბრალოდ ასეთი ცუდი სტილი ჩამოყალიბდა... რაც შეიძლება ცოტა სიმღერა განაახლონ რადგან არქივი "დიდხანს ეყოთ". ეს თითქმის ყველა ანსამბლს ეხება.

მე პირადად, როგორც მსმენელს, არ მიმაჩნია სწორედ.

გაუმარჯოს ამ ერთჯერად ანსამბლებს!

პოსტის ავტორი: mii თარიღი: Dec 23 2007, 01:52 AM

რაც შეეხება ბასიანის ამ ბოლო კონცერტს სვანურის გარდა ყველა ახალი რეპერტუარი იყო , ყოველშემთხვევაში ბასიანს აქამდე არ ემღერა სცენაზე ეგ სიმღერები თან მინდა ავღნიშნო რომ გასტროლის გამო ძალიან მოკლე დროში მოუწია ანსამბლს მომზადება ამ კონცერტისთვის.

პოსტის ავტორი: G A B O თარიღი: Dec 23 2007, 02:19 AM

კონცერტზე ნამღერი რეპერტუარი ბასიანისთვის მართლაც ახალია, და თუ ის იგულისხმება რომ ჯერ არავის შეუსრულებია მაშინ ძველ ორირასა და გარეკახურის გარდა რაჭული ჯამათა კარგი კაცია და ქართლული მაყრულიც ახალი იყო, გურული მაყრულიც, ეს ინფორმაციისთვის. და ძველ აუთვისებელ ჩანაწერებს რაც შეეხება ისინი მართლაც ბევრია და მათი ათვისების საკითხშიც ვხედავ პრობლემას, მაგრამ ეს იმდენად დიდი მასალაა რო ბასიანი კი არა, საქართველოს ანსამბლები სამჯერ რო გაიზარდოს ისინიც ვერ ეყოფიან. ასე რომ ბასიანს აქვს ჩანაწერები და იზოგავს რავიცი აბა ნამდვილად არაა ეგრე და დარწმუნებით იმასაც ვიტყვი რო არცერთ ანსამბლის შემთხვევაში არაა ეგრეე. ანზორ ერქომაიშვილს რამდენიმე ათასი ჩანაწერი აქვს და რუსთავს მთელი 40 წლის მანძილზე 600 მდე ჩანაწერი თუ ექნება გაკეთებული. აქ რა ანსამბლზეა იცით ლაპარაკი, ანსამბლზე რომელიც ყველაზე ხანდაზმული და სხვისი აზრი არ ვიცი მაგრამ ყველაზე დიდი მოღვაწე ანსამბლია (აღარ მოვყვები მის ისტორიას) ასე რომ სიმღერების ამოღება და მათი საფუძვლიანად გარჩევა და რაც მთავარია ხარისხიანად გაკეთება დროსთანაა დაკავშირებული და დიდ შრომასთან. ამიტომაც იყო მცდელობა შექმნილიყო ანზორ ერქომაიშვილის თაოსნობით ორანიზაცია რომელიც დაიწყებდა სისტემურად სამეცნიერო მასალის (როგორც თეორიულის, ასევე პრაქტიკულის, ჩანაწერების მოძიებას)ვინაიდან მან მშვენივრად იცის რომ ამხელა მასალის დაძლევა მხოლოდ ანსამბლების ენერგიას აღემატება. ასე რომ ეს სერიოზული პრობლემაა რომელის წარმოქმნა ხელოვნურად არ ხდება. კონცერტს რაც შეეხება, ის თავის ფორმატს მოითხოვს და 100 სიმღერას ფიზიკურად ვერავინ გამოიტანს სცენაზე, და არც მოუსმენენ. სწორედ ამიტომაც ანსამბლები ცდილობენ რომ რაც შეიძლება მრავალფეროვანი რეპერტუარი ჩაატიონ კონცერტში, ხოლო სამეცნიერო მუშაობა სხვაა და უპირველეს ყოვლისა ეს ორი უნდა გაიმიჯნოს.

პოსტის ავტორი: komisia თარიღი: Dec 23 2007, 02:34 AM

ხო, ეგენი გამომრჩა რაჭველ ყაჩაღზე სიმღერა პირველად მოვისმინე ბასიანისგან. ბოდიში ბატონო

მაგრამ მაინც ვფიქრობ რომ ძალიან ნელა მოქმედებენ ანსამბლები. და ამ ერთჯერადი ანსამბლების წყალობით მართლა კარგ რამეს მივიღებთ.

პოსტის ავტორი: M.M. თარიღი: Dec 24 2007, 12:12 PM

ერთჯერადს არ ჯობია მუდმივი გაკეთდეს "დაუსაქმებელი" მომღერლებისგან? მეტ საქმესაც გააკეთებენ, არც სხვა ანსამბებს მოაცდენენ. მართალია, უკვე გამოჯეჯკილ მომღერლებთან მუშაობა ადვილია და სწრაფადაც წავა, მაგრამ სამაგიეროდ ისენი რო აკრეფენ, დროც მეტი ექნებათ, სხვა ანსამბლშიც არ მოცდებიან. ასე უფრო დიდი საქმე გაკეთდება, ოღონდ უფრო გვიან. ანუ, ჩემი პროექტი ( ) ითვალისწინებს საშვილიშვილო საქმეს და არა ერთჯერად აქციას.

პოსტის ავტორი: komisia თარიღი: Dec 24 2007, 03:16 PM

M.M.
ეგ თავისთავად ჯობია რათქმა უნდა

პოსტის ავტორი: qarcivadze თარიღი: Dec 24 2007, 04:08 PM

M.M.

100 %-ით გეთანხმები
mii

მაგალითისთვის ვიტყვი: მსმენელი ამჯობინებს მაგალითად ფოთელის მეგრული სიმღერის მოსმენას სხვა მეგრელებთან და მეგრულ გუნდთან ერთად, ვიდრე დიდგორთან ერთად და ა.შ.(ეს ისე სიტყვაზე ვთქვი, თორემ კონკურენციის არ გვეშინია )

ბევრი ანსამბლი ფუნქციონირებს საქართეველოში, და შეიძლება გადანაწილდეს და დაევალოს თითოეულ მათგანს კონკრეტული "სადა" სიმღერების შესრულება. ეს იმ ანსამბლებსაც წაადგება და საერთო საქმესაც

პოსტის ავტორი: komisia თარიღი: Dec 24 2007, 04:53 PM

qarcivadze

ახლა უშლის ვინმე მაგის გაკეთებას ანსამბლებს? ვისაც უნდა აკეთებს მაგას ისედაც.

პოსტის ავტორი: qarcivadze თარიღი: Dec 24 2007, 04:58 PM

komisia

არავინ არ უშლის. ხოდა მაგას ვიძახი, რომელი სიმღერებიც გონიათ ამ იდეების ავტორებს რომ გადარჩენას და ხელახალ აჟღერებას საჭიროებს და არავინ არ აკეთებს დღესდღეობით, იმ სიმღერების შესრულება დაავალონ სხვადასხვა ანსამბლებს. მემგონი უარს არავის არ იტყვის და პირიქით მათი რეპერტუერიც უფრო საინტერესო და მრავალფეროვანი გახდება

პოსტის ავტორი: komisia თარიღი: Dec 24 2007, 05:19 PM

qarcivadze

საქმე ისაა რომ სხვამ არ უნდა დაავალოს ანსამბლს რამე.
ანსამბლმა თვითონ უნდა მოიძიოს სიმღერები.

და რადგან გაჩნდა ისეთი კატეგორიის სიმღერათა ჩანაწერები, რომლებსაც არ ეძებენ დღევანდელი ანსამბლები, იძულებულები გახდნენ შეექმნათ ასეთი ერთჯერადი ანსამბელბი.

პოსტის ავტორი: qarcivadze თარიღი: Dec 24 2007, 05:21 PM

komisia
რაღაც უაზროდ მედავები. ან ჩემს ნათქვამს ვერ გებულობ ან არ ვიცი....

პოსტის ავტორი: komisia თარიღი: Dec 24 2007, 05:28 PM

qarcivadze
შენ ამბობ:

მე კი ვამბობ, რომ ვიღაც კონკრეტულმა პიროვნებამ კი არ უნდა დაავალოს სხვადასხვა ანსამბლებს შენ ეს "გააცოცხლე" შენ - ესო, არამედ თვითონ ანსამბლები უნდა ინტერესდებოდნენ ამ სიმღერების გაცოცხლებით და თვითონვე ეძიებდნენ.

პოსტის ავტორი: qarcivadze თარიღი: Dec 24 2007, 05:34 PM

komisia

ყველა ნორმალური ანსამბლი დაინტერესებულია მაგ საქმით და აკეთებს კიდეც და თუ ვინმეს გონია რომ ეს არ არის საკმარისი და რომელიმე სიმღერას განსაკუთრებული გადარჩენა ჭირდება, მაშინ თხოვოს ანსამბლებს, მიაწოდოს ჩანაწერი და ისინი გააკეთებენ. "დავალებაში" ბრძანებას კი არ ვგულისხმობ, არამედ უბრალოდ თხოვნას, ალბათ უარს არავინ არ იტყვის, თან პრესტიჟის ამბავიცაა

პოსტის ავტორი: komisia თარიღი: Dec 24 2007, 05:40 PM

qarcivadze

ძალიან ნელა მიდის ეგ პროცესი.

ეს პროექტი კარგი ნახტომი იქნება დღევანდელი დღისთვის.

ჩვეულებრივი ანსამბლები უფრო შეფუცხუნდებიან და ეცდებიან უფრო სწაფი ტემპით იმუშაონ, ანუ საქმე წინ წაიწევს

პოსტის ავტორი: qarcivadze თარიღი: Dec 24 2007, 05:49 PM

komisia

მე და შენ სხვადასხვანაირად ვუყურებთ ამ საკითხს და დავას აზრი არ აქვს

პოსტის ავტორი: aleko17 თარიღი: Dec 24 2007, 06:14 PM

ქართლელების ანსამბლი რომ შეიქმნება შემატყობინეთ