ჩვენ ჩვენი მტრები უნდა შევიყვაროთ...
მოდით, ვისაუბროთ ამ თემაზე,
თქვენ გიყვართ თქვენი მტრები?
ცდილობთ მათ შეყვარებას?
რამდენად გამოგდით ეს...
სინამდვილეში ჩვენი მტერი ისაა ვინც ჩვენ გვაქებს და გაუცნობიერებლად დიდი ზიანი მოაქვს ჩვენთვის,ხოლო ჩვენი მტერს კი თავისი საქციელებით ასევე გაუცნობიერებლად დიდი სარგებელის მოტანა შეუძლიათ ჩვენთვის თუ ყოველივეს მოთმინებით და სიყვარულით დავითმენთ.
ჩემთან მიმართებაში ისეთ ადამიანებს ვინც სიტყა მტრის მოთხოვნებს აკმაყოფილებს ასეთი ადამიანები არ მეგულება ამიტომ რამდენად მომთმენი და მიყვარს ასეთი მოყვასი არ ვიცი.
ალბათ ადამიანი როდესაც რწმენის მაღალ საფეხურზე დგას სულიერად მაშინ შეძლებს, თავის მტრის შეყვარებას.
_MATASI_
მააგრი თემაა.
მიყვარს კი არა მეზიზღება ჩვენი მტრები
მტრებად არ ვთვლი იმას ვინც ცუდი გამიკეთა და ვცდილობ დანაშაული ჩემ თავში ვეძიო, ჩემი თავი ჩავთვალო დამნაშავედ... ყოველ შემთხვევაში ვცდილობ
ძალიან ძნელია მტრების შეყვარება მაგრამ არა შეუძლებელი.
ჩვენ ისინი კი არ უნდა გვძულდნენ, არამეს უნდა გვძულდეს ის ცოდვა რომელიც მათშია და რომელი ცოდვაც მათ ჩვენს მტრებად აქცევს.
მტრისადმი სიბრალულის გრძნობა მაქვს, მეცოდება, რომ ბოროტი სულის მატარებელია..
თუ ადამიანი შეძლებს რომ მტერი ისეთივე დიდი დოზით უყვარდეს, როგორც მოყვასი, ეს იმის დასტური იქნება რომ ეს ადამიანი სულიერების მწვერვალზეა, უფალთან ძალიან მიახლოებულია, რომელიც წვიმას უგზავნის როგორც კეთილებს ასევე ბოროტებს..
ყველაზე მტკივნეული მაინც ისაა, ერთ დროს საყვარელი ადამიანი მტრად რომ გექცევა, შენს წინაშე დანაშაულს ჩაიდენს..
ეს იმდენად შოკის მომგვრელია, რომ გული იფიტება სიყვარულისგანაც და სიძულვილისაგანაც, უბრალოდ გრძნობებს კარგავ ამ ადამიანისადმი..
მტერი ცარიელი ადგილი, ცარიელი ფურცელი ხდება..
რათქმაუნდა პატიობ გულში, მაგრამ ყოველგვარი ურთიერთობა წყდება.. რათქმაუნდა მისი ცუდი არ გახარებს, სიკეთე კი არ გწყინს.. უბრალოდ ეს ადამიანი თავისი არსებობით დამთავრებულია შენთვის..
მამა დავითმა ქადაგებისას თქვა რომ ადამიანს შეცდომა სამოცაათგიზს შვიდჯერ უნდა შეუნდო, დანაშაული კი არასოდეს, რადგან ის უარესს ჩაიდენს..
მტრის სიყვარული ცოტა არ იყოს რთულია უბრალოდ წარმოიდგენეთ გიყვარს ის, ვისაც შენთვის ცუდი უნდა და ცდილობს რაღაც გავნოს ასეთის სიყვარული, მხოლოდ მათ შეუძლიათ ვინც მართლა მყარია თავის რწმენაში, ვინც მართლა გრძნობს უფლის სიახლოვეს ალბათ ჩვენც მივალთ როდესმე იმ ზომამადე, რომ მართლა გულწრფელად გვეყვარება ჩვენი მტერი. მაშინ მართლა ბედნიერები ვიქნებით
ხოოო, რთული თემაა... ამისთვის ჯერ, უნდა განვსაზღვროთ როგორ გვიყვარს საკუთარი თავი
იქნებ კარგი თვისებებისთვის? არა რასაკვირველია! რადგან ხშირად ჩემი თვისებები ჩემსავე სინდისს გადადის, მე სავსე ვარ ნეგატიური გამოვლინებებით.... მაგრამ ეს თავს არ მაძულებს! უმალ პირიქით... ანუ უნდა შევთანხმდეთ, რომ ჩვენ საკუთარი თავი გვიყვარს, არა თვისობრივად არამედ, არსობრივად! ეს რაღაც აპრიორია, რომელსაც უნდა დავმორჩილდეთ... გნებავთ ეგოიზმი უწოდეთ....
მაშასადამე, როგორ უნდა გვიყვარდეს ჩვენი მტერი? და ზოგადად კაცობრიობა? ა რ ს ო ბ რ ი ვ ა დ ! , უნდა გვძულდეს ცუდი თვისებები-მაგრამ ხატებები გვიყვარდეს! რადგან ჩვენ ყველას ერთი მშობელი გვყავს! რადგან სინამდვილეში ჩემი ბუნება, ჩემი მეზობლის, დედის, მამის და ა.შ იდენტურია... თუ მიყვარს ერთი, ალოგიკურია მეორეს სიძულვილი....
უნდა გავითვალისწინოთ მეორე ქრისტეანული ფუნდამენტი:
რომ.7. 15/25
ვინაიდან რას ვაკეთებ, არ ვიცი: იმიტომ, რომ იმას არ ვაკეთებ,
რაც მსურს , არამედ, რაც მძულს, იმას ვაკეთებ.
ხოლო თუ იმას ვაკეთებ, რაც არ მსურს,
ვეთანხმები რჯულს, რომ ის კეთილია.
მაშასადამე, მე კი აღარ ვაკეთებ ამას,
არამედ ცოდვა, რომელიც ჩემში იმყოფება.
ვინაიდან ვიცი, რომ ჩემში, ესე იგი ჩემს სხეულში,
არ იმყოფება კეთილი; ასე რომ, სურვილი არის ჩემში,
მაგრამ კეთილის კეთება - არა.
ვინაიდან არ ვაკეთებ კეთილს, რომელიც მსურს,
არამედ ვაკეთებ ბოროტს, რომელიც არ მსურს.
ხოლო, თუ იმას ვაკეთებ, რაც არ მსურს, მე კი აღარ ვაკეთებ,
არამედ ცოდვა, რომელიც ჩემშია დამკვიდრებული.
ამრიგად, ვპოულობ ამ რჯულს:
კეთილის გაკეთება მსურს და ბოროტი მეტმასნება.
ვინაიდან შინაგანი ადამიანის მიხედვით
მესიამოვნება ღვთის რჯული.
მაგრამ ჩემს ასოებში მე ვხედავ სხვა რჯულს,
რომელიც წინააღმდეგობას უწევს ჩემი გონების რჯულს
და მხდის ჩემს ასოებში მყოფი ცოდვის რჯულის ტყვედ.
უბადრუკი ადამიანი ვარ!
ვინ დამიხსნის ამ სიკვდილის სხეულისაგან?
ვმადლობ ღმერთს ჩვენი უფლის ქრისტე იესოს მიერ.
აჰა, მე თავად ჩემი გონებით ღვთის რჯულს ვემონები,
ხოლო სხეულით - ცოდვის რჯულს.
----------------------------------------------------
ანუ ჩვენ ავად ვართ ცოდვით ჩვენი სული ხორცს, ხორცი, სამშვინველს ეს უკანასკნელი კი ორივეს უპირისპირდება... სწორედ ამიტომ ხდება რომ, კვირას დილით ხორცი ლოგინისკენ მიგაქანებს-სული კი წირვისკენ....
ქრისტე იწყება სწორედ ამ, ავადმყოფობის დანახვით, როდესაც ადამიანი აცნობიერებს საფრთხის დამღუპველობას, შესაბამისად იგი იწყებს მესიის/მხსნელის ძებნას, აქ უკვე სინანული იბადება, როდესაც შენში ეს გრძნობა გაჩნდება დაინახავ რომ ირგვლივ ყველა შენნაირია, სხვადასხვა ტკივილებით, ზოგს ფეხი სტკივა, ზოგს ხელი, სინამდვილეში ყველას გვახასიათებს-ერთი ექსორიის[გამოდევნის] პროდუქტი-ცოდვა/ავადობა, მაშ რას გავს საქციელი რომელიც შენ ავადმყოფს დასაცინად და გასაკილვად აღგძრავს, შენი მოძმის სატკივარზე? საშინელებას!
სიყვარულიც სწორედ აქედან იწყება... შებრალებით....
რთულია მტრის შეყვარება, რადგან ჩვენ ჯერ ძალიან სახლობელი ადამიანებიც კი ჭეშმარიტი სიყვარულით არ შეგვიყვარებია, ალბათ რჩეულები თუ შეძლებენ ამას, ჩვენ კი უნდა ვეცადოთ და იქნებ ჩვენც აღმოვჩნდეთ იმ რჩეულებში...
მტერი მიყვარს ამის თქმა ძნელია მაგრამ ზიზღი და სიძUლვიოლი მტრის მიმართ არ გამაჩნია...
ძნელი სათქმელია მაგრამ მტერს უნდა შევხედოთ როგორც ადამიანს, რომელიც ხელს გვიოწყობს ზეციური საუნჯის მოხვეჭაში, ვინს გვეხმარება ღმერთთან დაახლოებაში, რომ არა მტრის არსებობა, მოყვარისთვის ხომ ისედაც კარგები ვართ, მთავარია მტერთან რა სახეს გამოვამჟღავნებთ... ასე რომ შევიყვაროთ მტრები, რომლებიც სულიერი ამაღლების საშუალებას გვაძლევენ.
მტრის სიყვარული? ? ? ეს ალბათ იმისთვისაა ნათქვამი რომ დამარცხებულს ვაპატიოთ თორე ისე გამარჯვებული მტრის ანდაც ჯერ დაუმარცხებლის სიყვარული, როგორც ჩვენი თავი ან გარშემო მყოფები გვიყვარს - შეუძლებელია. ყოველ შემთხვევაში მე ასე ვერ შევიყვარებ ჩემ მტერს.
"ოდნავადაც ნუ შეშფოთდებით და გაბრაზდებით, თუ ჩვენს კეთილ რჩევებს არ ისმენენ. ჩვენც ხომ არ ვუსმენთ უფალს და ამის გამო ის არ გვსჯის"
ადამიანს უყვარს ადამიანი მაგრამ არა მისი ცოდვები, ამიტომ უცოდველი არავინ ვართ და უნდა შევეცადოთ შევუნდოთ ერთმანეთს!
ეშმაკი მაცდურიაა
გვიყვარდეს მტერი ჩვენი ... აი მაშინ ვიქნებით ღირსეული მართლმადიდებელნი
ძალიან ძნელია გიყვარდეს შენი მტერი.მე არავინ არ მძულს საბედნიეროდ ამქვეყნად და იმედია არავის არ ვძულვარ მაგრამ ადამიანი რომელიც არ მომწონს ან რაიმე უთანხმოება მქონია მასთან არასოდეს მომიხსენებია ლოცვებში.თუმცა ვიცი რომ ამით ვცოდავ
"ყოველ ადამიანში არის ის რის გამოც შეიძლება გიყვარდეს ან გეცოდებოდეს მაინც, ამიტომ ადვილად ნურავის გაიმეტებ"
ეს უბრალოდ ჩემი დევიზია
მტერიც ადამიანია
თუმცა ცხოვრებაში ხანდახან დგება დრო როცა ივიწყებ მის ადამიანობას და ეს ყველაზე რთული მომენტია,
ძნელია ამ დროს არჩევნის გაკეთება.......
რა არის სიყვარული?
მერე
რას ნიშნავს გიყვარდეს მოყვასი შენი ვითარცა თავი შენი?
მერე
როგორ შეიძლება გიყვარდეს მტერი?
მარტო თქმა იმისა, რომ მიყვარს მტერი, ან თუნდაც მოყვასი, სულაც არ ნიშნავს რომ ასეა...
ამას ჭირდება საკუთარ თავზე ბევრი შრომა, მუხლებზე დგომა და ლოცვა...
განა ადვილი იყო როდესაც ქრისტემ ჯვარზე თქვა: "აპატიე მამავ, რამეთუ არ იციან რას იქმან"...?
რაც მეტად დავემსგავსებით ქრისტეს მეტად გახდება შესაძლებელი ნებისმიერი ადამიანის შეყვარება...
თუ კი არ ვცდილობთ დავემსგავსოთ ქრისტეს, მაშინ ნუ შევუქმნით საკუთარ თავს იმის ილუზიას, რომ ოდესმე ვინმე გვეყვარება...
გლახა
მომწონს ამ ბოლო დროს ამ ახალგაზრდის აზროვნება
გლახა
me "uZalianesad" miyvars Cemi udidesi mteri _ sakuTari Tavi
"მოყვარე მტერი ყოველთა მტერთა უფრო მტერიაო"...
გყოლიათ ასეთი მტერი? რომლის შეძულებაც უბრალოდ არ შეგიძლიათ, რადგან ძალიან გიყვართ და თქვენი გული არ იღებს მას, როგორც მტერს...
მე მყოლია.
და არა ერთი.
სხვა მხრივ, მე მგონი, დიდი მიღწევაა, როცა მტრის სიძულვილი არ შეგიძლია, სიყვარულით კი, გლახასი არ იყოს, უფალმა უწყის გვიყვარს თუ არა მართლა ვინმე გარდა იმ შემთხვევებისა, როცა ემოციურად "აფეთქებული" შეგრძნებებით ვართ და ბედნიერებით "ვთვრებით", ასეთ დროს ძალიან ადვილია დედამიწის მტრებიც გიყვარდეს.
მხოლოდ ეხლა შევძელი ამდენი ხნის განმავლობაში მართლაც გულით მელოცა მათთვის. აცხოვნე და შეიწყალე მოძულეთა და მაჭირვებელთა ჩვენთა...
თუმცა ვთვლი რომ მტრები არ მყავს, მაგრამ ჩემი სულის მაჭირვებელნი კი.
ისე თუ დავაკვირდებით საკუთარ თავზე მეტი მტერი არ გვყავს.. ამიტომ ჯერ საკუთარი თავიდან უნდა დავიცყოთ და მერე სხვებიც შევიყვაროთ... მტერს რა გამოლევს მაგრამ მაინც....
ადვილი სათქმელია გიყვარდეს მტერი შენი
საქმითაა ძნელი.
კაცო ხანდახან, ჩემც ძმაზე მეტად მიყვარს ხოლმე ვინც მაწყენია, ჩემ ძმას არ ვპატიობ ხოლე ზოგჯერ ვიდრე მათ, მაგრამ მოდი და ნუ გაბრაზდები ხანდახან როცა არ შესდით ყურებში. მართალია რა გულში აპატიე და ზოგჯერ არც არის საჭირო რომ გამოამჟღავნო ტორემ ყველა კი ვეერ გებულობს.
მტერი არ მყავს ისეთი მაინც არა როგორიც საქართველოს მტრები ქვია ნამდვილი მტრები მყოლია ბევრი მეგობარი რომლებმაც გული მატკინეს თავიანთი ქცევით მაგრამ დღეს ნანობენ და გამოსწორების გზაზე დგანან და დღეს ვგრძნობ რომ ისევ მიყვარს ისინი...და ყველა ადამიანი :*
ვერასდროს ვერ დავდებ თავს რომ შევიყვარებ ჩემს მტერს მაგრამ იმას კი ვეცდები რომ არ შევიძულო არასოდეს რადგან ვიცი რომ სიძულვილი ანგრევს ადამიანის სულიერებას
არვიცი მტრად ვინ ჩავთვალო.. ალბათ ვინც სარწმუნოებას შეურაცხოფენ.
უხილავ მტერზე არ ვსაუბრობ..
მტერი, მტერი, მტერი.... რაღაც იგრძნობა ამ სიტყვაში ორმხრივი. არა? ჩემი მტერიაო რომ ამბობ, რას გულისხმობ? იმას სძულხარ და ერთი სული აქვს როდის წაბორძიკდები თუ შენ არ გიყვარს ის? თუ ორივე ერთად? ალბათ, არც შენ ხარ მისდამი "გულგრილი" აიი!
მგონი, ჯერ შენში უნდა ეძიო სათავე ამ პრობლემისა. რატომ არ უყვარხარ ვიღაცას?? შენს ნაკლებს რომ ხედავს იმიტომ? ოოო, მაშინ ააშენოს ღმერთმა
ადამიანი,რომელიც შენ რაღაც მიზეზით თუ უმიზეზოდ გერჩის (სიტყვა "მტერი" არ მიყვარს) უნდა გებრალებოდეს,რადგან მის გულში სიძულვილი და მტრობა დაბუდებულა...ის ბოროტი,უნდა გძულდეს,რომელიც მასშია,მაგას უნდა ებრძოდე,ხოლო თვით ადამიანი უნდა გიყვარდეს და ყოველთვის მზად იყო მის დასახმარებლად...(გაიხსენეთ იგავი სამარიტელზე)
მგონი,ახალი არაფერი მითქვამს
ასე პირადი მტერი არ მყავს, მტერი მიყვარდეს ალბათ არ გამომივა, შეიძლება შემეცოდის, ვაპატიო, დავივიწყო მისგან ცუდი მაგრამ მტერსაც გააჩნია, ვერასდროს მეყვარება ჩემი სარწმუნოების მტერი. ცუდზე არ გავიმეტებ, არაფერს დავუშავებ მაგრამ არ მეყვარება ეს ფაქტია.
ალბათ ეს ერთად ერთი თემაა რომლის მტრობასაც ვერავის ვაპატიებ, ჩემს ეკლესიას, სარწმუნოებას, პატრიარქს , მოძღვარს, ანუ საერთოდ ამასთან დაკავშირებულს თუ ვინმემ უმტრო ან რაიმე დაუშავა ვერ მეყვარება და ვერც ვაპატიებ.
მე პირადად მყავს მტრები, მაგრამ საკმარისად ძლიერი არ ვარ სულით რო მივუტევო, მიფიქრია, მაგრამ არ შემიძლია, ძალიან ძნელია.
ადამიანის პირველი მტერი თავისი თავია და იგი მას ყველაფერს პატიობს,ასე რომ სხვას როგორ ვერ შეძლებ რომ აპატიო.
იმაზე მეტს რასაც ჩვენ ვუკეთებთ საკუთარ თავს,სხვა ვერ გაგვიკეთებს და ასე რომ მიტევებასაც შევძლებთ მთავარია გახსოვდეს რომ მტრის სიყვარულის გამო ცათა სასუფეველი გელოდება და ნუთუ ამაზე უარს იტყვი???
Floyd
ადამიანები ეგოისტები ვართ და ამიტომაც ვპატიობთ საკუთარ თავს.
საკუთარ თავს რომ არ აპატიებ და უცხოს აპატიებ ესაა ვაჟკაცობა ალბატ მაგრამ ეს ერთეულებს შეუძლიათ
მე არ ვიცი მეტერი მკავს საერთოდ?რომ ვიცოდე ალბად მისთვის ვილოცებდი
მტერს ჩვენ ვქმნით.ის ჩვენი ხატი და მსგავსია.ასე რომ მტერი არარსებობს დიდი მტერი თვით ჩვენივე თავია.
მტერი მტერია მოგერია ტუ მოერიე.კი გვეუნება უფალი გიყვარდეს მტერი შენიო მაგრამ მე ვერასდროს ვერ შევიყვარებ რა ვქნა, ერთ უბრალო მიზეზი გამო, მეთლი ცხოვრება ომია ჩვენ ქართველებს კი სულ გვეომებია გადავხედოთ ისტორიას ხო მასე არა ამის მერე როგორ უნდა შევიყვარო, თუნდაც აფხაზეღის ომი იმდენი ახლობელი წამართვა უბრალოტთ მასეთ მტრებს ვერ შევიყვარებ, ქართველი ტუ რაღაცას გიმტრობს და შენს მიმართ კარგათ არა მას კი ვაპატიებ და შევიყვარებ მაგრამ ჩვენი ერის და სარწმუნოების მტერს ვერ შევიყვარებ და მომკალი
ისე მგონია, რომ მტრის შეყვარებამდე ჯერ იქნებ ახლობლები შეგვეყვარებინა, ოღონდ მართლა.... და მერე გადავიდეთ მტრებზე
საოცარი ბედნიერი განცდაა, როცა ადამიანს რაიმე შეეშლება და მაინც პატიობ. მაშინ ხვდები, როგორ გყვარებია თურმე
t.d
ეგ ცალკე განსახილველია, რამდენად გულისხმობს ეს მცნება უფლის ან სამშობლის მტრის შეყვარებას
მცნებაში ცალსახადაა - გიყუარდედ მტერნი თქუენნი.....
ეგ ის ეტაპია სადაც მადლი მოქმედებს, ჩვენ ძალებს აღემატება მე მგონი
Mteri unda gvikvardes es ra tqma unda stsoria, magram amastan dakavshirebit erti kitxva maqvs da tu sheizleba mipasuxet.
Eklesia koveltvis aqtiurad moutsodebda mrevls, kofiliko xelisuflebis morchili da ebrzola misi mtrebis tsinaagmdeg xmlit xelshi.
Am shemtxvevashi ra xdeba, gamonakliss ushvebs eklesia Qristeseuli mcnebidan? anu unda gvzuldes mteri?
Tu es ese ar aris, mashin rogor tsarmogidgeniat omis surati: mtris sikvarulit gulantebuli mebrzoli , xmlit tavs uchechqvavs mters. verafers vitkvit sikvarulis mshvenieri gamovlinebaa! albat alogikuria xom es kvelaperi?
An sad aris aq meore lokis mishveris mcneba? an sad aris qristes mcneba, rom borots ar unda shevetsinaagmdegot borotit???
Moazrovne
რატომ არ წერ ქართული შრიფტით?
moazrovne,
მეორე ლოყის მიშვერის ფენომენი "პირდაპირად" კი არ უნდა გაიგო, შედი ღვთისმეტყველებაში და აგიხსნიან მაგის ინტერპრეტაციას, ცხადია არც ისე უნდა გაიგო, რომ მარჯვენაზე დაგარტყამენ,მარცხენას მიუშვერ, მერე კი შეუვარდები წელში და ქვემოდან ამოარტყამ, ეს ძიუდოს ილეთია მხოლოდ....
"მშვიდობით გქონდეს არა მხოლოდ შენს მოყვასთან ,არამედ შენს მტრებთანაც, მაგრამ მხოლოდ შენს პირად მტრებთან და არა უფლის მტრებთან"- (წმ. თეოდოსიე კიეველი * მაპატიეთ, თუ ზუსტად ვერ ვთარგმნე)
სამშობლოს მტრებზე კი ზუსტად აქვს ნათქვამი ფილარეტ მოსკოველს,მაგრამ ზუსტად ვერ ვთარგმნი ქართულად.
სხვები უკეთ გიპასუხებენ.
მტერი კი არა ნეტა მოყვარე შემაყვარებინა
ძალიან ძნელია კონკრეტული პიროვნების სიყვარული, ეს ალბათ ნიჭია, რომელიც მხოლოდ თავმდაბლობის შედეგად მოდის...
ყველაზე დიდი ცოდვა რაც ამას ხელს უშლის და რაზეც ქრისტიანმა იერიში პირველ რიგში უნდა მიიტანოს, ესაა ,,განკითხვა"...
ეს ცოდვა, ცოდვების გავრცელების, ანუ გადამდებაუზრუნველყოფის ძირითადი ჯაჭვია, მის გარეშე ცოდვები ერთი ადამიანიდან მეორეს არ გადაედემოდა...
როცა ერთი ადამიანი სხვას განიკითხავს, ღმერთი იძულებულია იგივე ცოდვა დაუშვას განმკითხველზე, რომ დაანახოს მისი უძლურება...
განკითხვის ამოძირკვა, კარს უკეტავს ახალი ცოდვების გავრცელებას ჩვენში, და ხელს უწყობს სიყვარულის გაბრწყინებას...
ამის შემდეგ მტერი და მოყვარე ალბათ ერთიდაიგივე იქნება...
მართალი ხარ , ნეო,
როდესაც აღარ განიკითხავ ანუ მის შენდამი მონიჭებულ ტკივილს,დამცირებას თუ განდევნას არ შეახსენებ მას ან სხვასთან არ მოიხსენიებ, ნელნელა "მტრის" შეგრძნებაც იკარგება, მე "ვმუშაობ" მაგაზე და შედეგები დადებითია უფლის შეწევნით, ამით მრისხანებაც მცირდება - დასაბამი ბევრი სხვა ცოდვის.
მტრის შეყვარება მართლაც რთულია, ეს ალბად სულიერად ძლიერ ადამიანებს შეუძლიათ.მცდელობას რაც შეეხება,იმას მაინც ვცდილობ რომ ბოროტებას სიკეთით ან სულაც დუმილით ვუპასუხო.
არაა აუცილებელი შეიყვარო მტერი გულით... თუ ვინმე რაიმეს დაგიშავებს აუცილებლად უნდა აპატიო სულიერად, ხორციელი პატიება შენზეა დამოკიდებული, თუ იცი რომ ეს პატიება შენიმე საწინააღმდეგოდ მოტრიალდება უბრალოდ თავი შორს უნდა დაიჭირო.. სულიერი პატიება კი იმას ნიშნავს, რომ არ უნდა გძულდეს, უნდა ილოცე მისთვის, თუ პური გთხოვა დააპურო, თუ თავშესაფარი-შეიკედლო...
მტერი ადამიანი კი არა მის მარცხენა მხარზე ჩამომჯდარი ეშმაკია, აი ამ მტერს ნამდვილად ვერ შევიყვარებ... თუმცა ეშმაკი რომ არ არსებობდეს ალბათ ჩემი სულიერი ზრდა გამორიცხული იქნებოდა...
მტერი ენერგიის წყაროა, მუხტის მომცემი, საკუთარი წარმატების შეფასების სტანდარტი და მოშურნეობის საფუძველი...
"შეიყვარე მოყვასი შენი, ვითარცა თავი შენი" , მაგრამ ერთ მშვენიერ დღეს საკუთარი თავი რომ გადაგვიყვადეს?
მაცხოვარი ამბობს სახარებაში: "თქვენ გსმენიათ, რომ თქმულა, შეიყვარე მოყვასი შენი და შეიძულე მტერი შენი. მე კი გეუბნებით: გიყვარდეთ თქვენი მტრები, დალოცეთ თქვენი მაწყევრები, სიკეთე უყავით თქვენს მოძულეებს და ილოცეთ მათთვის, ვინც გავიწროებთ და გდევნით, რათა იყვნეთ თქვენ ზეციური მამის ძენი, რომელსაც თავისი მზე ამოყავს ბოროტთა და კეთილთა თავზე და წყალობას უგზავნის მართლებსა და უსამართლოებს. ვინაიდან თუ თქვენ მოყვარენი გეყვარებათ, რა იქნება თქვენი საზღაური, განა მებაჟეებიც ასევე არ იქცევიან?! მაშ იყავით სრულყოფილნი ისე, როგორც თქვენი ზეციური მამაა სრულყოფილი." (მათ. 5,4.3)... ეს, რა თქმა უნდა, ადვილი შესასრულებელი არ არის. როცა კითხულობ დიდ ქრისტიან მამათა ცხორებას, ხედავ, რომ მათ მიაღწიეს სულიერების ამ დონეს.
წმინდა მამები ადამიანებს ყოფენ არა მტრებად და მეგობრებად, არამედ ღმერთის შემცნობლებად და ვერშემცნობლებად. ყველა ადამიანის, როგორც კეთილისმოქმედთა, ასევე ბოროტისმოქმედთა მიმართ სიყვარულში ისინი გულისხმობდნენ მიმსგავსებას ქრისტესთან, რომელმაც "ხელები განირთხა ჯვარზე", რათა ყველა შეეკრიბა. ერთ-ერთი წმინდა მამა ამბობდა: "ღმერთი არის აბსოლუტური სიყვარული, რომელიც ყველა ქმნილებას მოიცავს. სულიწმინდა ადამიანს მისი დატევნის შესაბამისად აძლევს ამ სიყვარულის შემეცნებას და უხსნის გზას სისრულისაკენ. იქ, სადაც არის "მტერი", არის დაგმობაც, განდევნაც, ხოლო თუ ადამიანს დავგმობთ, განვდევნით, ეს ნიშნავს, რომ ღვთიური სისრულიდან ამოვვარდებით. ქრისტეს ორი მცნება, ღვთისა და მოყვასის სიყვარულის შესახებ, შეადგენს მთლიან ცხოვრებას. თუ ვინმე ფიქრობს, რომ ის ცხოვრობს ღმერთში და უყვარს ღმერთი, ხოლო თავისი ძმა არ უყვარს, შემცდარია." ასე რომ, მეორე მცნება გვაძლევს შესაძლებლობას, შევამოწმოთ, რამდენად ჭეშმარიტად ვცხოვრობთ ჭეშმარიტ ღმერთში.
ერთელ აღდგომის რამის თევის შემდეგ ტრაპეზზე დავრჩი და ჩემმა მოძღვარმა დალია მტრების სადღეგრძელო,ძალიან გამიკვირდა მაგრამ რომ ახსნა რატომ დალია ხმა ვეღარ ამოვიღე.
ეს ჩვენი ვალია რომ ყველა უნდა გვიყვარდეს.მტერია თუ მოყვარე
მოგესალმებით ფორუმელებო. მოგილოცავთ ახალ წელს. და ყველა იმ წმინდა დგესასწაულს რომელიც აქვთ ამ დგეებში ქრისტიანებს. მე ქართველი მუსლიმი ვარ, მაქვს უამრავი კითხვები. ქრისტიანულ რელიგიასთან დაკავშირებით. იმედია მიმიღებთ ფორუმში და არ ჩამთვლით პროვოკატორად. იმედია თვენს რისხვას არ დავიმსახურებ. თუ იქნებით მეგობრულები მსურს შევისწავლო ქრისტიანობა. ალბათ გიკვირთ კიდეც ჩემი ასეთი დამოკიდებულებისა. მიზეზებს თუ დაგაინტერესებთ შემდეგ მოგახსენებთ.
უზრუნველყოფა Invision Power Board (http://www.invisionboard.com)
© Invision Power Services (http://www.invisionpower.com)