მაინტერესებს ქრისტიანული მოძღვრების დამოკიდებულება ადამიანის განვითარების ევოლუციის თეორიის შესხებ.
თუ ძველ აღთქმაში აღწერილ "პირველ ადამიანთა"(ადამის, ევას, კაენის, აბელისა და მათი შემდგომი შთამომავლობის)
ცხოვრებისს წესს დავაკვირდებით ადვილი მისახვედრია, რომ ისინი პრიმატები არ იყვნენ, მათ შეეძლოთ აზროვნება და საუბარი, ანუ ბიბლიის მიხედვით უფალს თავიდანვე მოაზროვნე ადამიანი შეუქმნია. თუმცა სხვას ამტკიცებს ანთროპოლოგია. მრავალწლიანი არქელოგიური გათხრების შედეგად აღმოჩენილია სხვადასხვა პერიოდის ადამიანთა ნამარხები, რომელთა განვითარება დროსთან ერთად იზრდება. ანუ პირველყოფილი პალეონთროპებიდან ჰომოსაპიენსამდე. ხოლო ის პრიმატები, რომელთა ნამარხი რამდენიმე მილიონი წლით არის დათარირებული სრულიად განსხვავდება ბიბლიაში აღწერილ პირველი ადამიანებისაგან. ბუნებაში კი დევოლუცია დაუშვებელია. შეუძლებელია ადამიანი გარკვეული გონებრივი შესაძლებლობებით გაჩენილიყო და შემდეგ დევოლუცია განეცადა პრიმატებისკენ და შემდეგ ისევ ევოლუცია ჰომპასპიენსამდე. მაინტერესებს რატომაა ამ საკითხში ამხელა შეუსაბამობა რელიგიასა და მეცნიერებას შორის?
Ochopintre 1
იმედია სხვა ნიკს აღარ გამოიყენებ .
ახლა მივუბრუნდეთ შენს პოსტს.
არსად არ გვეჩქარება . (მე ყოველშემთხვევაში) , და მოდი , ნაბიჯ-ნაბიჯ განვიხილოთ ყველა საკითხი ხომ?
მოდი პირველ რიგში გეტყვი, რომ მე არ ვარ მტერი მართმადიდებლური მოძღვრებისა და სარწმუნოების, პირიქით მე დიდად მივესალმები ამ ქრისტიანული რჯულის მორალს და ცხოვრების წესის ქადაგებას. მართმადიდებლური სწავლება მთლიანად შეესაბამება ადამიანის ქცევის მაღალ ეთიკურ და წმინდა მორალურ არსებობას, რომელიც რელიგიური სწავლების გარეშეც არსებობს სოციუმებში, თუმცა საკითხი დგას იმაში თუ რამდენად რეალურია ზოგიერთი ფაქტი რომელიც საღვთო რჯულშია მოხსენიებული და რომელსაც ბიბლია გადმოქვცემს. შეიძლება ამ ფაქტების უნებლიე რწმენა ადამიანებს არაფერ ცუდს არ უქადდის, თუმცა ჭეშმარიტებას მინც არაფერი ჯობია...
შენ ამბობ, რომ არ გაინტერესებს რატომაა ჩემს მიერ ნახსენებ საკითხში შეუსაბამობა მეცნიერებასა და რელიგიას შორის და ფიქრობ, რომ ჭეშმარიტება ერთია. მოდი ჯერ ვისაუბროთ იმაზე თუ რა განსაზღვრასვ ადამიანების გონებაში ამა თუ იმ საღვთო კულტის ჩამოყალიბებასა და ზოგადად რწმენის გაჩენას. აქ მთავარი ის გარემო და სოციუმია, რომელშიც ადამიანი იბადება და შემდგომ ყალიბდება. ვერავინ იტყვის იმას, რომ მორწმუნეებს "სწამთ ობიექტურად", (ანუ ისინი გაეცნენ უამრავ სხვა რელიგიას და შემდეგ გამოიტანეს ობიექტური დასკვნა, რომ ამ რელიგიებს შორის ყველაზე ჭეშმარიტი ქრისტიანობაა) რა თქმა უნდა ეს ასე არ არის! მორწმუნეების 99% ხდება მორწმუნე მანამდე სანამ წერა კითხვას ისწავლის. ის ინათლება (ქრისტიანის შემთხვევაში) და იზრდება მორწმუნეების გარემოში, სადაც ყველა პატივს სცემს რწმენას და თვლიან, რომ ის ერთადერთი ჭეშმარიტებაა. თუმცა რეალური საფუძველი ამ ჭეშმარიტების დასადასტურებლად არ არსებობს. უდიდესი მეცნიერი ბერტრან რასელი ამბობს: "ადამიანთა უმრავლესობას იმიტომ სწამს ღმერთI, რომ მათ იმ რწმენას ჩასჩიჩინებენ ყრმობის წლებიდან და ეს არის მთავარი მიზეზი". უფრო მკაცრად განმარტავს ამ საკითხს მარქსამდელი ბურჟუაზიული სწავლება, რომლის მოყვანისაგან ახლა თავს შევიკავებ. რწმენა და რელიგია ეს ტრადიციის ნაწილია, რომელიც თაობიდან თაობას გადაეცემა. როგორც სხვადასხვა ეროვნების ადამიანებს გააჩნიათ ამბსოლიტურად ერთმანეთისაგან განსხვავებული ტრადიციები ისევე გააჩნიათ ერთმანეთისგან განსხვავებული რწმენა, და ყველა ამტკიცებს რომ მისი ღვთაებაა მხოლოდ ჭეშმრიტება, დანარჩენი სხვა კი მცდარი. მორწმუნეებს არ უყვართ კვლევა, "ღვთის რჯულთა განჩხრეკა", ისინი გაუაზრებლად ენდობიან საღვთო წიგნს (რომელში არსებული ინფორმაციის უდიდესი ნაწილი უნიკალურია და სხვაგან არ მოიპოვება) სწორედ ამაშია პრობლემა, როცა შენ ამბობ, რომ " მე ვიცი ჭეშმარიტება . ჭეშმარიტება რომელიც ბიბლიურ მოძღვრებაშია და ამას ამტკიცებს არქეოლოგიური თუ სხვა სახის მეცნიერული გამოკვლევები.". და პირიქით! ამ მოძღვრებას სწორედაც რომ ეწინააღმდეგება არქეოლოგიაც, პალეონტოლოგიაც და ანთროპოლოგიაც ადამიანის წარმოშობის საკითხში. მე სწორედ ეს საკითხი დავაყენე. მარტვიად გავიმეორებ იგივეს:ძველ აღთქმის მიხედვით პირველი ადამიანები არ იყვნენ პრიმეტაები. ხოლო კითხვა შემდეგშია: მაშინ რა კატეგორიის ადამიანები იყვნენ , მეზონთროპები, პალონთროპები და მათი წინაპრები თუ პრიმატები არ არსებობდნენ და ღმერთმა პირველი ადამიანი გონებრივად განვითარებული შექმნა "თავის ხატად და სახად"? აქ არაფერია ზოგადი, საკითხი უაღრესად კონკრეტულია.
ის, რომ ნებისმიერი სიცოცხლის ევოლუციური განვითარება უარყო უდიდესი შეცდომაა მეცნიერული კუთხით. უხსოვარი დროიდან იცვლება გარემო , იცვლება კლიმატი, ფლორა, ფაუნა, ჰაერის ქიმიური შემადგენლობა და შესაბამისად ყველა ცოცხალი არსება განიცდის ადაპტაციას(მათ შორის ადამიანიც, რასაც ადვილად ადასტურებს სხვადასხვა პერიოდით დათარიღებული ადამიანთა ნამარხების აღმოჩენა) რათა შეეგუოს იმ დროს მოცემულ ბუნებრივ პირობებს, და ამ ყველაფრის უარყოფა მხოლოდ იმიტომ, რომ ბიბლიაში სხვაგვარადაა საღ მსჯელობას მოკლებულია.
ძალიან ბევრ რამეში არ არ დაგეთანხმე და რომ ვიცი გურამი რა კარგად აგიხსნის ყველაფერს, მას დაველოდები.
http://www.orthodoxtheology.ge/?s=%E1%83%94%E1%83%95%E1%83%9D%E1%83%9A%E1%83%A3%E1%83%AA%E1%83%98%E1%83%90
თხოვნა იქნება ფორუმელებთან , რომ პოსტი შუაზე არ გამაწყვეტინონ .
როდესაც სრულად გავცემ პასუხს , შემდეგ დაწერონ თავიანთი აზრი , რომ საუბარი უფრო ნათელი გამოვიდეს...
Ochopintre 1
ვნახოთ თუ რას ამტკიცებენ დარვინისტები . მათი აზრით , ადამიანსა და ადამიანის მსგავს მაიმუნს შორის გარდამავალი საფეხურის პირველი და სერიოზული რგოლია 1924 წ. ინდოეთში ნაპოვნი მაიმუნი - რამაპითეკი . რომელიც ,,ვითომ-ვითომ'' 9-14 მლნ. წლის წინათ ცხოვრობდა . შემდეგ უკვე ავსტრალიოპითეკი - 7-8 მლნ.წელი , დამარჯვე ადამიანი - homo habili s ე.წ. არქანტროფები . ევოლუციონისტები მიიჩნევენ , რომ ისინი homo erectus-ები , ანუ წელში გამართულნი იყვნენ . ამათი განვითარების ფორმები კია -პითეკანთროპები , სინანთროპები და ბოლო რგოლი - ნეანდრენტალები , რომლებსაც 50 - 30 ათასი წლის წინ მოყვა თანამედროვე კრომანიონელი - homo sapiens
დარვინისტები აღნიშნავენ , რომნეანდერტალელთა 2 ფორმა არსებობდა - 1- უხეში ფორმების , მდარე ცხოვრეის წესით და მეორე - დახვეწილი , უფრო სრულყოფილი და დღევანდელ ადამიანთან მეტად მიახლოებულ . ე.ი .
გამახსენე აბა რა არის ევოლუციური თეორიის ბაზისი ? რა და ის , რომ მილიონობით წლების განმავლობაში ხდება დაბალი მარტივი , ძველი ფორმების განვთარება , უფრო მაღაი , ჩამოყალიბებული და სრული ფრომებისკენ.
ხომაა ასე ჩემო ოჩოპინტრე?
მაგრამ ჰოი საოცრებავ .
ფაქიზი , დახვეწილი და სრული ნეანდრენტალი , ნალექების უფრო ქვედა შრეებში იქნა ნაპოვნი , ვიდრე უხეში , ძველი ფორმების ნეანდრენტალი?
რატომ? შეგიძლია ამიხსნა?
თან უყურე რა არის საინტერესო . ,,ბუნებრივი გადარჩევის კანონის საფუძველზე'' დაბალი განვითარების ფრომებს ცვლის მაღალი.
არის ასე?
მაგრამ მაშინ რას უნდა მივაწეროთ მეგობარო , რომ ნეანდრენტალები ცხოვრობდნენ არქანტროფებთან ერთად , არქანტროფები ავსტრალოპითეკებთან და ადამიანები კი ნეანდრენალებთან ერთად .
და კიდევ ერთი . არქანტროფები დამეთანხმები რომ შენი ,,დაცვის ქვეშ მყოფი'' თეორიის საფუძველზე ლამისაა და დღევანდელი ადამიანის უშუალო წინაპრები არიან . ისინი განვითარების ბევრად მაღალ დონეზე იმყოფებოდნენ , ვიდრე დღევანდელი - მაკაკა-გორილა - შიმპანზეები .
მაგრამ საინტერესოა რომ რამაპითეკები , ავსტრალოპითეკები , არქანტროფები , ნენადრენტალები და.ა.შ ყველანი დედიან-ბუდიანად ამოწყდნენ , პირისაგან მიწისა აღიგავენ და ეს დეგენერატი მაკაკა-გორილა - შიმპანზეები , რომლებიც განვითარებით მათზე ბვრად დაბალ დონეზე იმყოფებოდნენ , მშვენივრად ცხოვრობენ , კაის ჭმენ , კაის სვამენ და ბედნიერად ატარებენ ცხოვრებას .
სადაა დარვინის თეორიის სიმართლე დამანახე აბა აქ?
ახლა კიდევ ერთი რამე გამახსენე ჩემო ოჩოპინტრე.
homo erectus - ის ცნება პირველად ვის მიაწერეს? ვის და არქანტროფებს ხომ? მაგრამ ჰი საოცრება . თურმე 13-14 მლ.წლის წინ მცხოვრები რამაპითეკი უკვე წელში გამართული იყო .
ანუ რამაპითეკიდან არქანტროფამდე არის 10 მლნ.წელზე მეტი ხომ?ხოდა მთელი ამ ხნის მანძილზე , ამ წელში გამართულმა არსებებმა რატომ ვერ მოახერხეს ,,იარაღის მკეთებლებად'' გარდაქცევა , და შემდეგ სულ მცირე ხანში - ბუჰ . და გარდაისახენ ?
როგორ მოხდა შეგძლია მითხრა?
კიდევ ერთი გამახსენდა . ჩვენს ბედოვლათ ევოლუციონისტებს რომ კითხო , წელში მოხრილი მაიმუნის ფორმა არის გარდამავალი საფეხური მაიმუნსა და ადამიანს შორის . არის ასე ? კი .
მაგრა გორილები , შიმპანზეები , ორანგუტანგები და.ა.შ დღესაც წელშიმოხრილნი დადან . და რატო იცი? იმიტომ კი არა , რო გარდამავალ საფეხურზე მყოფებიან და ხვალ თ არა ზეგ (ჯანდაბას მა-ზეგ) ადამიანად გადაიქცევიან , არამედ იმიტომ რომ ჩემო ოჩო , ეს გარდამავალი მდგომარეობა კი არა , არამედ მისთვის დამახასიათებელი ფორმაა .
კიდევ ერთი .
დარვინისტებმა რაო მითხარი აბა? ვინ მაღწიაო უმაღლეს საფეხურსო ცხოველებიდან განვითარების პროცესშიო ? ვინ და გორილამ და შიმპანზემო .
ამ საწყალ ცხოველებს წლებია იკვლევენ და აკვირდებიან , მაგრამ მთელი ამ ხნის მანძილზე არა და არ ქნა . არ გადაიქცა ადამიანად . არ გადაიქცა კი არა , ვერც მიემსგავსა . რატომ ?
არ მითხრა დრო არ იყო საკმარისიო .
დალოცვილო , ნეანდრენტალელი და homo floresiensi თუ გარდაისახა სწრაფად და მარტივად , ამ საცოდამ ცხოველებს რა ჯანდაბა და დოზანა ეტაკათ ? რა დააშავეს ასეთი ? თუ მეცნიერებმა დააკლესმოვლა-პატრონობა ?
კიდვ ბევრის დაწერა შეიძლება ახლა , მაგრამ არ მინდაძალიან ბევრი საპასუხო დაგიგროვდეს . ჯერ ამათ უპასუხე .
თავდაპირველად ვიტყვი იმას, რომ შენი "პასუხი" ჩემს მიერ წამოყენებულ საკითხზე გავსებულია რიტორიკული კითხვებით. ზოგადად პასუხის გაცემისას ასეთ მიდგომაში ცუდს არაფერს ვხედავ, თუმცა რიტორიკულად დასმულ კითხვას ბუნებრივად უნდა გააჩნდეს ადვილად მისახვედრი პასუხი. ანუ მე ვერ ვხედავ რა პასუხს ელი შენ ამ დასმული კითხვებით. თუმცა ცხადია რასაც გულისხმობ და ახლა ვეცდები განვმარტო თითოეული კითხვა.
[quote]დარვინისტები აღნიშნავენ , რომნეანდერტალელთა 2 ფორმა არსებობდა - 1- უხეში ფორმების , მდარე ცხოვრეის წესით და მეორე - დახვეწილი , უფრო სრულყოფილი და დღევანდელ ადამიანთან მეტად მიახლოებულ . ე.ი .
გამახსენე აბა რა არის ევოლუციური თეორიის ბაზისი ? რა და ის , რომ მილიონობით წლების განმავლობაში ხდება დაბალი მარტივი , ძველი ფორმების განვთარება , უფრო მაღაი , ჩამოყალიბებული და სრული ფრომებისკენ.
ხომაა ასე ჩემო ოჩოპინტრე?
მაგრამ ჰოი საოცრებავ .
ფაქიზი , დახვეწილი და სრული ნეანდრენტალი , ნალექების უფრო ქვედა შრეებში იქნა ნაპოვნი , ვიდრე უხეში , ძველი ფორმების ნეანდრენტალი?
რატომ? შეგიძლია ამიხსნა?[/quote]
ნეანდრიტანელი ანთროპოლოგიურად მართლაც მიიჩნევა homo-ს წინაპრად და მისი ნამარხები დათარიღებულია დაახლოებით 120 ათასი წლით, ხოლო ამ კლასის 2 ნაწილად (მდარე და დახვეწილი) დაყოფა და ამათგან დახვეწილის არსებობის ადრეულ პერიოდში მიჩნევა არ არის არგუმნტი დედამიწის ფაუნის ისტორიაში დევოლუციის ფაქტის დასამტკიცებლად (რაც ალბათ პასუხი იყო შენს რიტორიკულ კითხვაზე). ამ უკანასკნელის მიზეზი უამრავი წვრილმანი დეტალი შეიძლება ყოფილიყო და მე არასდროს მსმენია ეს არგუმენტი ოდესმე ყოფილიყოს კრეაციონისტების მხრიდან ადამიანის ევოლუციის თეორიის წინააღმდეგ წაყენებული. (ალბათ ნაკლებსაფუძვლიანობის მიზეზით)
ფაქტი, რომ ნეანდრიტანელი მართლაც homo-ს ანუ დღევანდელი sapiens-ის წინაპარი იყო არსებობს და ამას წყალი არ გაუვა, რადგანაც ანთროპოლოგიური კვლევის დასტურის გარეშეც ვიზუალურად მარტივი მისახევდრია, რომ ის მართლაც ჩვენი "დიდი ბაბუაა". იხილეთ ფოტო: http://commons.wikimedia.org/wiki/File:Neanderthalensis.jpg?uselang=ru
ეს კი მეტყველებს იმაზე, რომ ამ კლასმა გაიარა 120 ათას წლიანი ადაპტაცია და მიიღო ჰომოსაპიენსის სახე, წინააღმდეგ შემთხვევაში კი გამოდის, რომ ეს ფაუნის სახეობა უსახელო კლასს მიეკუთვნება, რაც შეუძლებელია.
[quote]თან უყურე რა არის საინტერესო . ,,ბუნებრივი გადარჩევის კანონის საფუძველზე'' დაბალი განვითარების ფრომებს ცვლის მაღალი.
არის ასე?
მაგრამ მაშინ რას უნდა მივაწეროთ მეგობარო , რომ ნეანდრენტალები ცხოვრობდნენ არქანტროფებთან ერთად , არქანტროფები ავსტრალოპითეკებთან და ადამიანები კი ნეანდრენალებთან ერთად .[/quote]
სავსებით გეთანხმები იმაში, რომ ბუნებრივი გადარჩევის კანონის საფუძველზე დაბალი განვითარების ფორმები იხვეწება და ვითარდება, თუმცა ეს კანონზომიერება უმეტეს შემთხვევაში ფაუნის დომინანტ არსებებში ხორციელდება. ანუ ევოლუციონერი არსება არ უნდა იყოს ჩაგვრისა და ზეწოლის ქვეშ სხვა არსებების მხრიდან, წინააღმდეგ შემთხვევაში მისი ევოლუციური განვიტარება შეფერხდება, ანაც საერთოდ შეწყდება. შენს მიერ მაგალითად მოყვანილი ადამიანთა კლასების ერთად ცხოვრებაზე კი დიდი ხარვეზია დაშვებული. პარადოქსულად ჟღერს სხვადასხვა კლასის თანაცხოვრება. შეუძლებელია ნეანდრენტალებს და არქანტროპებს ერთად ეცხოვრათ, რადგან ნეანდრენტალების ნამარხები დათარიღებულია დაახლოებით 120 ათასი წლით, ხოლო არქანტროპები - 350 დან 650 ათას წლამდე. ასევე შეუძლებელია არქანტროპებისა და ავსტრალოფიტეკებისერთად ცხოვრება რადგან ავსტრალოფითეკები 4 მილიონი წლის წინათ ცხოვრობდნენ და არქანთროპები დაახლოებით 600 ათასი წლის წინათ. ხოლო ადამიანებსა (ალბათ ჰომოსაპიენი იგულისხმე) ნეანდრენტალებს შორის განსხვავება 100 ათას წელზე მეტია.
[quote]და კიდევ ერთი . არქანტროფები დამეთანხმები რომ შენი ,,დაცვის ქვეშ მყოფი'' თეორიის საფუძველზე ლამისაა და დღევანდელი ადამიანის უშუალო წინაპრები არიან . ისინი განვითარების ბევრად მაღალ დონეზე იმყოფებოდნენ , ვიდრე დღევანდელი - მაკაკა-გორილა - შიმპანზეები .
მაგრამ საინტერესოა რომ რამაპითეკები , ავსტრალოპითეკები , არქანტროფები , ნენადრენტალები და.ა.შ ყველანი დედიან-ბუდიანად ამოწყდნენ , პირისაგან მიწისა აღიგავენ და ეს დეგენერატი მაკაკა-გორილა - შიმპანზეები , რომლებიც განვითარებით მათზე ბვრად დაბალ დონეზე იმყოფებოდნენ , მშვენივრად ცხოვრობენ , კაის ჭმენ , კაის სვამენ და ბედნიერად ატარებენ ცხოვრებას .
სადაა დარვინის თეორიის სიმართლე დამანახე აბა აქ? [/quote]
კიდევ ერთი შეცდომა, როცა რამაპითეკების , ავსტრალოპითეკების , არქანტროფებისა და ნენადრენტალების ამოწყვეტაზე საუბრობ. ისინი არ ამომწყდრან, მათ სახე იცვალეს, ევოლუციის გზა განვლეს და ახალა ჩვენ ვარ ისინი. ამას ადასტურებს როგორც მათი და ჩვენი ფიზიკური თითქმის იდენტურობა ისე ადამიანისათვის დამახასიათებელი უამრავი ქცევაც რომლებიც მათ გააჩნდათ. (ნადირობა, ხატვა და ა.შ) ეს ზემოთხსენებული არ არის სხვადასხვა კლასის არსება.ისინი ერთი ჰომოსაპიენსის წინამორბედები არიან სხვადასხვა პერიოდში. ხოლო რაც შეეხება შენ მიერ ნახსენებ მაიმუნთა სხვადასხვა კლასის პრიმატებად დარჩენას და საერთოდ დღეს მათ არსებობას ამ საკითხზე პასუხს შემდეგ ციტატაში გავცემ.
[quote]ახლა კიდევ ერთი რამე გამახსენე ჩემო ოჩოპინტრე.
homo erectus - ის ცნება პირველად ვის მიაწერეს? ვის და არქანტროფებს ხომ? მაგრამ ჰი საოცრება . თურმე 13-14 მლ.წლის წინ მცხოვრები რამაპითეკი უკვე წელში გამართული იყო .
ანუ რამაპითეკიდან არქანტროფამდე არის 10 მლნ.წელზე მეტი ხომ?ხოდა მთელი ამ ხნის მანძილზე , ამ წელში გამართულმა არსებებმა რატომ ვერ მოახერხეს ,,იარაღის მკეთებლებად'' გარდაქცევა , და შემდეგ სულ მცირე ხანში - ბუჰ . და გარდაისახენ ?
როგორ მოხდა შეგძლია მითხრა?
კიდევ ერთი გამახსენდა . ჩვენს ბედოვლათ ევოლუციონისტებს რომ კითხო , წელში მოხრილი მაიმუნის ფორმა არის გარდამავალი საფეხური მაიმუნსა და ადამიანს შორის . არის ასე ? კი .
მაგრა გორილები , შიმპანზეები , ორანგუტანგები და.ა.შ დღესაც წელშიმოხრილნი დადან . და რატო იცი? იმიტომ კი არა , რო გარდამავალ საფეხურზე მყოფებიან და ხვალ თ არა ზეგ (ჯანდაბას მა-ზეგ) ადამიანად გადაიქცევიან , არამედ იმიტომ რომ ჩემო ოჩო , ეს გარდამავალი მდგომარეობა კი არა , არამედ მისთვის დამახასიათებელი ფორმაა .[/quote
homo erectus - ის ცნება მიაწერეს არქანტროფებს რადგანაც sapiens-ის ერთ ერთ წინამორბედად სწორედ არქანტროფები ითვლებიან, ხოლო არქანტროპებისა - რაპითეკები. ხოლო თვითონ რაპითეკი ნამდვილად უძველესი შთამომავალია ადამიანისა (როგორც ახსენე 13-14 მილიონი წლებით თარიღდება მისი ნამარხები, თუმცა ვერსია აქვთ ასევე მის წინამორრბედებზეც ჰიპოთეზის დონემდე) და ის მთელი თავისი უნარებით მართლაც ძირეული პრიმატი იყო. წელში გამართული ნამდვილად არ ყოფილა, (იხილეთ ფოტო: ) მხოლოდ ორ ფეხზე დადიოდა.
მაიმუნების დღევანდელი ფიზიკური სახე მართლაც გარდამავალია, (როგორც ნებისმიერი ყველა არსები) მაგრამ არ ნიშნავს რომ ეს გარდასვლა ადამიანის მსგავსებიკენაა. არსებობს ვარაუდი, (კვლევებით მეტ ნაკლებათ დადასტურებული) რომ პრიმატის განვიტარებას აბრკოლებს მისი არადომინანტური იერარქია თავისსავე კლასში. ანუ მათ ჩვენ ვუშლით ხელს. "თუ მაკაკას ცარიელ შენობაში დატოვებ ის ყოველ დღიურად მოიპარავს მტრედის დადებულ კვერცხს ბუდიდან, თუმცა გარკვეული პერიოდის შემდეგ ის დაიცდის რამოდენიმე დღე და ერთად მოიპარავს რამდენიმე კვრეცხს. ანუ იაზროვნებს" ასეთი იყო დაახლოებით კვლევის შედეგები რომელიც მაკაკაზე ჩაატარეს და გარდა ამისა პრიმატები ავლენენ სხვა აზროვნების ნიშნებს თუ მათ ხელს არ შეუშლი და თავისუფლებას მისცემ. ეს მხოლოდ ერთ ერთი ჰიპოთეზაა, სხვა მხრივ კი ადამიანის დღეს დედამიწაზე ლიდერობას მისი ეველუციურად გონების სწრაფად განვიტარება შეზლება მივაწეროთ, რაც სხვა პრიმატებში არ მოხდა ბუნებრივი სელექციის ფონზე.
[quote]დარვინისტებმა რაო მითხარი აბა? ვინ მაღწიაო უმაღლეს საფეხურსო ცხოველებიდან განვითარების პროცესშიო ? ვინ და გორილამ და შიმპანზემო .
ამ საწყალ ცხოველებს წლებია იკვლევენ და აკვირდებიან , მაგრამ მთელი ამ ხნის მანძილზე არა და არ ქნა . არ გადაიქცა ადამიანად . არ გადაიქცა კი არა , ვერც მიემსგავსა . რატომ ?
არ მითხრა დრო არ იყო საკმარისიო . [/quote]
ამ კითხვაზე ზემოთ გავეცი პასუხი, თუმცა აქ დროის საკითხიც მართლა ბევრს ნიშნავს, რამდენადაც ჩვენ ვხედავთ თუ რამხელა პერიოდი სჭირდება პრიმატს კლასიდან კლასზე გადასასვლელად. (100-ეულ ათასობით და მილიონობით წელი ) სწორედ ესაა ცოცხალი არსების ევოლუციის მთავარი მოძღვრება, ყველაფერი ადაპტირდება ან იღუპება დროსთან და ცვლილებებთან ერთად...
სამწუხაროდ ციტატებში არ მოინიშნა ტექსტები. არ ვიცი რატომ...
ამასთან დაკავშირებით ბევრი წავიკითხე ბევრი სჯა ბაასი და მოსაზრება. საბოლოოდ კი ერთი ცხადია რაც დარვინიზმის საფუძველია, ყველას საერთო წინაპარი გვყავსო, მაგრამ პრაქტიკაში რომ არ არსებობს ერთი სახეობიდან მეორე სახეობა მივიღოება და მას განვითრება შეეძლოს. არც ბაქტერიულ დონეზე. ვერ დაასახელებთ ვერც ერთ შემთხვევას ერთი სახეობა მეორე სახეობად გარდაიქმნას და თუ არ არსებობს ასეთი რამ მაშინ გმოადის დარვინიზმი მთლად მართალი არ ყოფილა
არსებობს ბევრ სხვა და სხვა სახეობაში და ამას უამრავი არქეოლოგიური და ანთროპოლოგიური კვლევა ადასტურებს. ჯერ მაინც ადამიანზე ვთქვათ მოკლედ.
დარვინიზისა და ზოგადად ადამიანის ევოლუციური განვითარების თეორიის მიხედვით დედამიწის ფაუნის სხვა და სხვა პერიოდში სხვა და სხვა სახის წინამორბედი ჰყავდა ადამიანს, ანუ ისნი დროის მატებასთან ერთად ვითარდებოდნენ და იხვეწებოდნენ. ისინი ამზადებდნენ იარაღს, ნადირუბდნენ, ანთებდნენ ცეცხლს, ხატავდნენ და ყველა ეს ქცევა პერიოდის მიხედვით იხვეწება. თუ არა ადამიანის წინამორბედი მაშინ ვის შეეძლო კედლებზე ბიზონებისა და ირმების ხატვა? ვის მიერაა დამზადებული ქვის პრიმიტიული დონის იარაღები? ვისი ჩონჩხეია ასე იდენტურია ჰომოსაპიენსთან? (ნეანდრტანელის ჩონჩხი თითქმის მარტო სიმაღლით და რამდენიმე ძვლის აგებულებით განსხვავდება დღევანდელი ჰომოსაგან. მაშ ვინ იყო ის? მაიმუნი?! მაიმუნი ამზადებდა ქვის იარაღს და მაიმუნი იწვავდა ხორცს ცეცხლზე? (აქ ვგულისხმობ პრიმატ წინამორბედს)) სწორედაც რომ ჩვენის წინამორბედი იყო ის და ამაზე ბევრი საჭირო დებულებაც მაქვს წამოყენებული წინა პოსტში, ხოლო ძველი აღთქმიესეული სრულფასოვანი ადამიანი მხოლოდ დღევანდელ ცივილიზებულ საპიენსს შეესაბამაება და ბიბლიის მიხედვით გამოდის, რომ ეს პრიმატთა კლასი რომელთა ნამარხებზეცაა ამდენი საუბარი რაღაც სხვა არსებები ყოფილან, არა ადამიანები, არა პრიმატი მაიმუნები არამედ რაღაც სხვა რომელზეც არც ძველ აღთქმაშია საუბარი და როელსაც არც მეცნიერება აღიარებს რა თქმა უნდა. მაში ვინ იყვნენ ისინი?!ისინი ჩვენი წინაპრები იყვნენ და ეს მეცნიერული კუთხით ჭეშმარიტებას შეესაბამება შესაბამისი ფაქტებისა და არუმენტების საფუზველზე...
საერთოდ რაზე ვსაუბრობთ? თუ დარვინიზმის თეორიას განვიხილავთ თავიდანვე განვიხილოთ თუ ადამიანის წარმოშობას განვიხილავთ და დარვინიზმს არ ვეხებით მაშინ მასე განვიხილოთ. ხან იქიდან და ახან აქედან ამოკრებილ ამოკრებილი ციტატებით წარმოუდგენელია საუბარი. დარვინიზმზე დავწერე არ არის სწორი რადგან ერთი სახეობიდან მეორე სახეობი მიღება არ ხდება და არც მომხდარა. არავინ უარყოფს რომ არსებობს განვითარებასა და ადაპტაციის უნარი ეს სხვა საქმეა. საერთოდ "დარვინის თეორია" ჯერ სახელს დავაკვირდეთ მარტო "თეორია" ანუ აზრი რომელი წამოყენებულია მაგრამ არა დამტკიცებული და ვერც დაამტკიცებენ რა თქმა უნდა.
მაშინ მოკლედ დაგისვამ მარტივ კითხვას და პასუხი გამეცი როგორც ქრისტიანული რელიგიისა და მათი მოძღვრების მაღიარებლის წარმომადგენელმა.
ვინ იყვნენ ზემოთ ხსენებული პრიმატები, რომლებიც დათარიღებულია ასეულობით ათასი წლის წინა პერიოდით და რომლეთა ფიზიკური აგებულება თითქმის იდენტურია დღევანდელ ჰომოსაპიენსთან? როგორ განმარტავს ამას მართმადიდებლური სწავლება?
ამ სტატიას გადახედე ჩემზე უკეთ ეს გაცემს პასუხს.
http://www.orthodoxy.ge/metsniereba/evolutsia.htm]
Ochopintre 1
იმედია იცი თუ რა არის ციტოქრომი . როგორც გავრცელებული განმარტებაა - ,,c ცილა რომელიც პასუხისმგებელია უჯრედის ,,შინაგან'' სუნთქვაზე , მიტოქონდრიულ სუნთქვაზე . ''
მე ხელთ მაქვს სხვადასხვა მონაცემები და წარმოგიდგენ ახლა თუ ნებას დამრთავ :
უფრო გასაგები რომ იყოს გეტყვი , რომ - ,,ცხოველთა ჯგუფებს შორის , გარეგნული განსხვავების ზრიდს შესაბამისი ამინომჟავების თანმიმდევრობის სხვაობაზე'' , მეტყველებს შესაბამისი მონაცემები :
ბაქტერია : (65 % არის ყველა )
ძუძუმწოვრები
რეპტილიები
ამფიბიები
თევზები
მწერები
მცენარეები
რამხელა სხვაობაა კი ხედავ ამ ორგანიზმებს შორის , მაგრამ ვერ დავასახელებთ შუალედურად ვერცერთი კლასის წარმომადგენელს .
ახლა ვნახოთ წყლის ხერხემლიანთა , ხმელეთის ხერხემლიანებთან შედარება :
(ჭანარი ) თევზი (განსხვავება ყველგან 13 % ია , გარდა ქათმისა , სადაც 14 % - ია)
ბაყაყი (ამფიბია)
კუ (რეპტილია)
ქათამი (ფრინველი)
კენგურუ (ჩანთოსანი )
ბოცვერი ( ძუძუმწოვარი)
ცხენი (ძუძუმწოვარი)
შენ შემოგევლე , აღარ დამაწერინო ახლა ძუძუმწოვრებისა და არაძუძუმწივრების შედარება . ყველა ძუძუმწოვარი თანარად განსხვავდება ყველა ქვეწარმავაისგან . ასევეა ძუძუმწოვართა ოჯახის შიგნითაც.
არ ვიცი რამდენად ხარ გაცნობლი , მაგრამ გეტყვი რიჩარდ მილტონის წიგნი - ,,shattering the myths of darwinizm.'- ის შესახებ .
აქ საუბარია ,,სტრატიგრფიული სვეტის'' სქემის შესახებ , ამ წიგნის ერთი ციტატის შესახებ წერდა როუზი : ,,ეს წარმოსახვითი ნაგებობაა , რომელიც სინთეზირებულია დედამიწის ერთი ნაწილის გეოლოგიური ფენის გაქვავებული ქანების დედამიწის სხვა ნაწილში აღებულ თითქოსდა მსგავს ქანებთან შედარებით . ''
ხო არის ასე?
არის .
ისიც ხომ მართალია , რომ ძალიან ხშირად , ეს გეოლოგიური ფენები - ,,ამოყირავებულ'' მდგომარეობაში ხვდებიან ძვირფას არქეოლოგებს ? . რაც ეწინააღმდეგება ევოლუციის თეორიას . (ამას ბრიტანეთის ენციკლოპედიაც ადასტურებს ) . ამიტომ რა მოიგონეს ? რა და თავიანი სისტემა მოარგეს ფაქტობივ სამეცნიერო მონაცემებს და - იხარე ერო...
მაგრამ მაინც . ეგენი ფენების წლოვანებას , განსაზღვრავენ მათში ნაპოვნი ნაშთების მიედვით .
მაგრამ ერთ რამეს მაინც ვერაფერი მოუხერხეს : ყველა ნაშთი ჩნდება უცაბედად , მოულოდნელად თითოეულ ფენაში , მაგრამ ვერ ვხვდებით გარდამავალ ფორმებს , რომლებიც ევოლუციური თეორიის მიხედვით მრავლად უნდა იყოს იქ.
არის თუ არა ასე?
ამჯეად მხოლოდ ერთ მაგალითს მოგიყვან :ე.წ. კემბრიულამდელი პერიოდის ფენებში , ძვირფასი არქეოლოგები ხვდებიან თავფეხიან ცხოველებს და აგრეთვე კაი გვარიანად განვითარებულ ცხოველთა განსხვავებულ ტიპებს .
ახლა გეკითხები რაღაცას და კაცურად მითხარი :რა სიკვდილი და ჯანდაბა უნდათ კემბრიულამდელი პერიოდის ფენებში ე.წ. (tribrachidi-ებს) , როცა ჩვენი უსაყვარლესი თეორიის მიხედვით , ისინი მილიონი წლების მერე უნდა წარმოსობილიყვნენ?
დინოზავრების არსებობას, ასევე გადაშენებული ცხოველების მამონტი და კიდე ვინ მოთვლის რელიგია როგორ უყურებს.. სადმე არავის გეგულებათ ლინკი??? ადრე მახსოვს ვკითხულობდი მაგაზე მარა სად და როდის ეგ უკვე აღარ მახსოვს
დინოზავრები, მამონტები და ცხოველები რაიმე პრობლემას ქმნის ზოგადად რელიგიისათვის? გარკვეული მითითებები წმინდა წერილში არის და ისე, ზოგადად, რომ ვიცოდეთ მეტი, ეს ბმული, სტატია საინტერესოა: http://omousia.blogspot.com/2012/07/blog-post_11.html
გასაგებია. გადაშენებასა და მსგავს საკითხებზე კვლევების მეცნიერებთან უნდა ვეძიებდეთ. როგორც ვიცი დღემდე პოულობენ გაყინულ ცხოველებს, მამონტებს. ნაპოვნია იმავე პერიოდის გაყინული ადამიანიც კი, მაგრამ ადამიანთა ნაშთების მასიური რაოდენობა ნამდვილად არ არსებობს. ყოველ შემთხვევაში არ უპოვიათ, იმ ადგილებშიც კი, სადაც მიაგნეს თუნდაც მამონტს ან სხვა პრეისტორიულ ცხოველებს.
vaxushti13
G_saxva
მიჭირს დაგეთანხმო.
მით უმეტეს ცხელ-ცხელი აღმოჩენაა , ადამიანის ნატერფალზე აღბეჭდილი დინოზავრის ნაკვალევი...
შემაგვიანდა...
მოდი ვიტყვი იგივეს რასაც აქმადე ვამბობდი, რომ შენ (A.V.M) მხოლოდ სვავ კითხვებს და არ აფიქსირებ შენს პოზიციას, როგორც მართმადიდებლური მოძღვრების გამზიარებელი და ქრისტიანული სწავლების მიმდევარი. მხოლოდ აკრიტიკებ ევოლუციის თეორიას და აღნიშნავ მეცნიერებებში დაშვებულ უზუსტობებს. გეთანხმები იმაში, რომ არქეოლოგიაშიც და ანთროპოლოგიაშიც (შესაბამისად დარვინის თეორიებშიც) არსებობს შეუსაბამობები და ამისგან არც ერთი მეცნიერება არ არის დაზღველი გარდა ზუსტი მეცნიერებებისა, რადგანაც ისეთი სახის სფერო, რომელიც მოიცავს ანთროპოლოგიას, პალეონტოლოგის, არქეოლოგიას, გეოლოგიას, გენეტიკას თუნდაც ფიზიკასა და ასტროფიზიკას არასდროსაა დაზღვეული შეცდომებისა და უზუსტობებისაგან, რადგანაც ეს მეცნიერებები იკვლევენ შორეულ წარსულს და ზოგჯერ ფაქტების არ არსებობისა ან რაიმე ნიუანსის არასწორად გაგებისას ვღებულობთ შეუსაბამობას აქამდე წამოყენებულ გარკვეულ თეორიებთან , თუმცა ეს ფაქტი არ აძლევს არავის იმის საბაბს, რომ მათ ეჭვი შეიტანონ საერთო მეცნიერულ სწავლებაში, რადგანაც მეცნიერება ეს არის სფერო, რომლის მერ წამოყენებულ თეორიას გააჩნია მყარი საფუძველ, ფაქტები, წყაროები და სხვა სიმართლის დამადასტურებელი დეტალები და არ იქმნება ჰაერზე... ( განსხვავებით რელიგიებისაგან). შენ კი გურამ, მედავები ისევ წვრილმან დეტალებზე, რომლებზეც კამათი შეიძლება უსასრულოდ გაგრძელდეს...მე ამ ფორუმზე ვსვავ კითხვას, რადგანაც მაინტერესებს მართმადიდებლური სწავლების დამოკიდებულება და მოსაზრება ამა თუ იმ საკითხზე, ( ამ შემთხვევაში კი ადამიანისა და ზოგადად ცოცხალი ორგნიზმების ევოლუციურ განვითარების თეორიასთან დაკავშირებით) შენ კი მხოლოდ კრიტიკით ხარ დაკავებული და არ წარმოაჩენ შენს პოზიციას ზემოთხსენებულ საკითხთან დაკავშირებით. რამდენადაც, შენს პოსტში ამოვიკითხე წინადადება, რომელიც მეტნაკლებად "ხსნის" ევოლუციურ თეორიაში არსებულ ქაოსს", გადავწყვიტე სწორედ ამ საკითხზე გამაკეთებინა აქცენტი. მაშასადამე შენ ამბობ, რომ პრობლემა მეცნიერების მიერ "არასწორად დათარიღებული" დედამიწის ასაკია. კეთილი...
მე აქამდეც მსმენია კრეაციონისტებისა და თეისტების მიერ იმის აღნიშვნა, რომ დედამიწა იმაზე "ახალგაზრდაა" ვიდრე მეცნიერებს აქვთ ეს ნავარაუდები, მათი თქმით დედამიწის ასაკი არა 4.5 მილიარდი წელია, არამედ 7 ათასი წელი, რაც პირდაპირ სიცილის მომგვრელია და ეს განაცხადი უდიდეს შეურაცხყოფას აყენებას თითქმის ყველა სამეცნიერო სფეროს...მიუხედავად იმისა, რომ ასტრო ფიზიკა, კოსმოლოგია დახვა მსგავსი სახის მეცნიერებები არაფერ კავშირში არაა ბიოლოგიასთან ერთხმად ადასტურებენ, რომ სამყაროს ასაკი დაახლოებით 13.5 მილიარდია წელია, დედამიწისა - დაახლოებით 4.5, ხოლო მასზე სიცოცხლე 3.8 მილიარდი წელია არსებობს. ამ ხნის განმავლობაში კი იცვლებოდა კონტინენტების ადგილმდებარეობა, ჰაერისა და მიწის ქიმიური შემადგენლობა და დედამიწაზე არსებული სიცოცხლე მრავალგზის ადამტაციას გადიოდა გარემოცვლილებებთან ერთად. ყოველგვარ ლოგიკურ მსჯელობას მოკლებულია იმის მტკიცება, რომ 3.8 მილიარდი წლის განმავლობაში ცოცხალმა არსებებმა ბიოლოგიური სახესხვაობა არ განიცადეს და ისინი "შექმნის დღიდან" დღემდე უცვლელები არიან...ეს მეცნიერების დაცინვაა...და უდიდესი მკრეხელობაა თეისტების მხრიდან მეცნიერული მოსაზრებების უარყოფა მხოლოდ იმის გამო, რომ მათ საღვთო წიგნში უსაფუძვლოდ წამოყენებული "მითები" გაამართლონ.
ცოცხალი ორგანიზმების ევოლციურ ფაქტს დღეს არსებული ბევრი ფაუნის წარმომადგენელი ამტკიცებს. ბუნებაში ბევრ სახეობას ჯერაც აქვს შემორჩენილი ეგრედ წოდებული "ნარჩენი სტრუქტურები", ანუ ზედმეტი ორგანოები მგ: (წარმოვადგენ ამონარიდს ერთერთი ნაშრომიდან ევოლუციის თეორიის შესახებ) "1) ვეშაპს აქვს ბარძაყის ძვლები რომლებიც ხერხემალთან დაკავშირებულიც კი არაა. მას საერთოდ არ აქვს ფეხები, მაგრამ ბარძაყის ძვალი შემორჩენილია. რაც სრულიად ზედმეტია მისთვის. 2)არსებობს სხვადასხვა სახეობები რომლებსაც აქვთ თვალები, მაგრამ ხედვა არ შეუძლიათ. ასეთია მაგალითად გამოქვაბულის ბრმა თევზი. რომელიც მთელ ცხოვრებას უსინათლო, ოკეანქვეშა გამოქვაბულში ატარებს. ასეთ გამოქვაბულებში სინათლე თითქმის საერთოდ არ აღწევს, მაგრამ თევზებს თვალები მაინც აქვთ. მათ ნავიგაციისთვის სხვა გრძნობები აქვთ განვითარებული. (არსებობს კიდევ სხვა ბრმა სახეობები, ხვლიკები, მწერები და ობობები, რომელთაც თვალები არ ჭირდებათ, მაგრამ აქვთ). 3) ასევე არასაჭირო, ევოლუციურ ნარჩენებს წარმოადგენენ, ადამიანის ჭიანაწლავი რომელსაც ფუნქცია დაკარგული აქვს და კუდუსუნის ძვალი. (მისი დანიშნულება კუდის დაჭერა იყო, მაგრამ კუდი აღარ გვაქვს) ფრინველები რომლებსაც დაკარგული აქვთ ფრენის უნარი, მაგრამ ფრთები ისევ აქვთ. მაგალითად სირაქლემა. (არ მითხრას ვინმემ სირბილისთვის უნდაო)" და ამყველაფრის ფონზე ისმის კითხვა რატომ აქვთ ცხოველებს ზედმეტი ორგანოები? ღმერთმა ხომ ყველაფერი სრულყოფილად და უნიკალურად შექმნა?
რაც შეეხება ადამიანს. მარტივი ბიოლოგიური დაკვირვებით ადვილად შესამჩნევია, რომ ჰომოსაპიენსიც ცოცხალი ორგანიზმების ერთერთი ჩვეულებრივი წარმომადგენელია: აქვს ორი თვალი, ოთხი კიდური, გული, ღვიძლი, ფილტვები და სხვა სიცოცხლისათვის საჭირო ორგანოები, როგორც სხვა ძუძუმწოვრებს (იმ განსხვავებით, რომ გონებრივი განვითარების საფუძველზე საპიენსმა შეძლო ორ ფეხზე სიარული და წინა ორი კიდურის, ანუ ხელების უფრო პრაქტიკულად გამოყენება).
გთხოვთ რომ არავინ ჩამეზიაროთ .
მოვიცლი და დავწერ პოსტს...
1 - დამეთანხმები თუ არა რომ თანამედროვე კვლევებით დასტურებულია მზის შეკუმშვის თანაბარი სიჩქარე? დავკონკრეტდები და საუკუნეში 0.1% - ით კიდევ უფო დაკონკრეტებაც შემიძლია - ესაა 5 ფუტი საათში . აბა დაძაბე გონება და გადაითვალე დაახლოებით 50 000 წლის წინ მზე დღევანდელზე ერთნახევარჯერ მეტი იქნებოდა თუ არა?
და თუ იქნებოდა ოკეანეები და ზღვები ჩაისწყალივით ადუღდებოდნენ თუ არა?
2-პოინტინგ-რობერნსონის ეფექტის შესახებ გსმენია რამე?
თუ არა მე გეტყვი .
მზის გარშემო მოძრავი მიკრომეტეორიტები მზისგან მიღებულ ენერგიას იღებენ და აგზავნიან სხვადასხვა მიმართულებით , რაც იწვევს მათი ორბიტების შემცირებას .
არის თუ არა ასე?
ახლა მითხარი რამდენია ალბათობა მზის სისტემაში მათი გარედან შეღწევისა? და თუ არის რა რაოდენობით იქნება ? ან მათი რაოდენობის შემავსებელი წყაროს შესახებ თუ შეგიზლია მითხრა ამ სისტემაში?
არა ხომ?
ხოდა დღეში მზე დაახლოებით 100 000 ტონა მიკრომეტეორიტს იწოვს , ამ გამოთვლებით 50 000 წლის მანძილზე მზეს ყველა მეტეორიტი უნდა შთაენთქა , მაგრამ ასე არაა და ისინი საკმაოდ ბევრი არიან ? რატომ ?
მითების გაპრავებას დავაბრალოთ ეს?
3-მეტეორიტების შესახებ გავაგრძელებ . იცი თუ არა რომ ეს მეტეორიტები განუწყვეტლივ ბომბავენ ვთქვათ სატურნის რგოლებს და თუ სატურნი 20 000 წელზე მეტისაა , მაშინ მას რგოლები აღარ უნდა ჰქონდეს .
მითებს .
მითებს ,,ვაპრავებთ'' არა?
4- ისევ მეტეორიტები .
მენიერულად არის თუ არა დადასტურებული რომ ყოველ 24 საათში დაახლოებით 20 მილიონი მეტეორი ეჯახება ჩვენ პლანეტას ? ხშირად ისინი მიწაზეც ვარდებიან ხოლმე .
ახლა გეკითხები , ამდენი გათხრა და გამოთხრა რომ ჩაატარეს , 10 000 წელზე დიდი ხნის მეტეორი იპოვეს სადმე? მე არ ვიცი და იქნებ შენ მასწავლო .
5-ახლა შემდეგი .
მთვარეს აქვს დამცავი ატმოსფერული გარსი ? არა ხომ. ანუ მზის მზის სხივები პირდაპირ მოქმედებენ მასზე და შლიან ზედაპირებს და ქანებს . არის ასე?
ამპროცესისი სიჩქარის მიახლოებითი მნიშვნელობა იცი? არა მგონია .
ხოდა მე გეტყვი - ესაა 0.00075 - 0.001 სმ.წელიწადში .
ანუ , 5 მილიარდის მანძილზე უნდა ყოფილიყო მისი მტვერი - დაახლოებით 30-50 კმ.
ხოდა კი ქონდათ დიდი იმედი ევოლუციონისტ მეცნიერებს რომ ამ მტვრის აღმოჩენით დაადასტურებდნენ საკუთარ მცდარ თეორიებს . მაგრამ სამწუზაროდ , თანამგზავრზე გაგზავნილმა დასაზვერმა აპარატმა ეს ვერსია უარყო , ხოლო საბოლოოდ გაანადგურა ხომალდმა ,,აპოლონ-11 მა.'' რადგან მთვარეზე მტვრის მასა არ აღემატებოდა 8 სანტიმეტრს. იყო ასე?
ხოდა თუ იყო ,,ბიბლიურ მითებს აპრავებთო აღარ გვითხრა.''
6- იგივე მთვარით გავაგრძელებ . ამ თანამგზავრის რეცესიის შესახებ თუ გსმენია რამე? მაშინ მე გეტყვი - ესაა ის , რომ მთვარე წელიწადში დაახლოებით 4 სმ.-ით შორდება დედამიწას . თან შორდება სპირალური ტრაექტორიით .
ხოდა დაახლოებით 30 000 წლის წინ , იმდენად ახლოს იქნებოდა იგი დედამიწასთან , რომ მიზიდულობის ძალა კვახივით დააბერტყებდა მასზე .
ბიბლიურ მითებს ვაპრავებთ არა? ჩვენ კი არა თურმე ,,მთვარის რეცესიაც'' აპრავებს .
7- დოქტორ თომას ჯ.ბერნსის შესახებ გსმენია რამე?
მაშინ მე გეტყვი - მან 135 წლის მანძილზე დაგროვილი მონაცემები შეისწავლა და რა გამოავლინა იცი? რაა და ის რომ 1835 წ-დან დღემდე , დედამიწის მაგნიტური ველის ძალა 14 % ითაა შემცირებული .
აბა მითხარით შენ და ყველა ევოლუციონისტმა , 20 000 წლის წინ , რამდენჯერ მეტი იქნებოდა ეს ენერგია და რა მოუვიდოდა დედამიწას?
რა და პლასტმასივით დალღვებოდა.
არის ასე?
ხოდა თუ არის მაშინ დიდი ბოდიში , მაგრამ არ მაქვს საფუძველი თქვენს
უსაფუძვლო თეორიებს მივემხრო , მით უმეტეს უარვყო ის ჭეშმარიტება რასაც ბიბლიური მომოძღვრება გადმომცემს და რომელიც მეცნიერულად დასტურდება .
ახლა დედამიწის ასაკზე მეტს აღარ დავწერ . და ნურც შენ დაწერ კითხვებს ნუ სვამო . ეს კითხვები შენ მიერ წამოყენებულ უსაფუძვლო ბრალდებებზე პასუხია , და ნება იბოძე და თუ მათ გვიყენებ , დაგვისაბუთე კიდევაც სიმცდარე.
(არ დაგავიწყდეს , რომ სახარებისეული სიმცდარეებიც გაქვს ,,დასასაბუთებელი'' ჩვენთვის)
ბოლოსკენ დავწერ , რომ გირჩევ აშერ არმაგის კვლევები წაიკითხო და გაიგო , თუ როდის შეიქმნა ამ მეცნიერის აზრით სამყარო და რამ მისცა საფუძველი ეს დებულება წამოეყენებინა .
და კიდევ ერთი .
თუ ეს ყოველივე შენთვის საკმარისი არაა , შემიძლია რადიომეტრული დათარიღების სისტემის შესახებ გესაუბრო და განვიხილოთ - რადიონახშირბადოვანი , კალიუმ-არგონის , ურანის დაშლის და.ა.შ. მეთოდების შესახებ .
ახლა შემდეგ საკითხს მივუბრუნებთ .
მე უკვე ავღნიშნე, რომ მეცნიერების უამრავი დარგი ადასტურებს იმას, რომ დედამიწა "10 000 წელზე მეტისაა" (მეღიმება როცა ამის მტკიცება მიწევს) და უფრო მეტიც იგი რამდენიმე მილიარდ წელს ითვლის.
მოდი ახლა ამ ფაქტის დეტალური მტკიცებულებების ჩვენება დავიწყოთ სხვა და სხვა სამეცნიერო სფეროს მიხედვით.
ჯერ ადამიანებით დავიწყოთ და ვნახოთ რას გვეუბნება არქეოლოგია და ანტროპოლოგია ამის შესახებ: ჩინეთში აღმოჩენილია Homo erectus-ის ნამარხი, რომელიც დათარიღებულია 1.9 მილიონი წლით. აფრიკის ტერიტორიაზე აღმოჩენილია Homo ergaster-ის ნამარხები, რომელიც 2.5 მილიონი წლით არის დათარიღებული. მოკლედ რომ ვთქვათ ჰომო საპიენსის, ჰოჰმონეანდერტალენის, ჰომო ჰეიდელბერგენსის, ჰომოერექტუსის, ჰომოჰაბილის, და ავსტრალოფითეკის ნამარხები აღმოჩენილია ევრაზიის, აფრიკის და ავსტრალიის ტერიტორიებზე. ყველამ კარგად ვიცით, რომ ეს ზემოთჩამოთვლილი კლასები ადამიანის წინამორბედები არიან და მათი ნამარხების წლოვანება 4 მილიონიდან 10 000 წლამდე მერყეობს დაახლოებით. ეს კი ადასტურებს იმას, რომ დედამიწა ნამდვილად 10 000წელზე მეტი ასაკისაა. ( თუ რა თქმა უნდა ათეისტებმა მთელი მსოფლიოს ანთროპოლოგები არ მოისყიდეს და ცნობები არ გააყალბებინეს...)
ახლა ვნახოთ ამ საკითხზე რა აზრის არიან პალეონტოლოგები: უძველესი სიცოცხლე დედამიწაზე თარიღდება 3.4 მილიარდი წლით, კერძოდ დასავლეთ ავსტრალიაში აღმოჩენილია უძველესი მიკრონამარხი ბაქტერიისა რომელიც ზემოთხსენებული რიცხვებითაა დათარიღებული. მიუხედავად იმისა, რომ მაშინ ჟანგმადი არ არსებობდა ჩვენს პლანეტაზე, ბაქტერიას სიცოცხლის ფორმები მაინც გააჩნდა. ასეთია ოქსფორდის პროფესორის მარტინ ბრასიერის მოსაზრება, და არა მარტო მისი...ამ ფაქტებს კი ამყარებს ის, რომ პილბარას რეგიონში კარგადაა დაცული ნალექოვანი კლდეები და მეცნიერებისათვის თითქმის უტყუარ მასალას იძლევა. ეს კი ადასტურებს იმას, რომ დედამიწა ნამდვილად 10 000 წელზე მეტი ასაკისაა. ( თუ რა თქმა უნდა ათეისტებმა მთელი მსოფლიოს პალეონტოლოგები არ მოისყიდეს და ცნობები არ გააყალბებინეს...)
ახლა ვნახოთ რა ხდება არქეოლოგიაში: გერმანიაში აღმოჩენილია კარგად შემონახული უძველესი ქვის იარაღი, რომელიც სავარაუდოდ ეკუთვნის ჰომოჰეიდელბერგენსს. ადამიანის ეს კლასი კი ცხოვრობდა დაახლოებით 300 000 წლის წინათ. ეს კი მხოლოდ ერთ ერთი მაგალითია იმ უამრავ ქვის იარაღს შორის, რომელიც შორეულ წარსულში მცხოვრებ ადამიანს ეკუთვნის...ეს კი ადასტურებს იმას, რომ დედამიწა ნამდვილად 10 000 წელზე მეტი ასაკისაა. (თუ რა თქმა უნდა ათეისტებმა მთელი მსოფლიოს არქეოლოგები არ მოისყიდეს და ცნობები არ გააყალბებინეს...)
ასტროფიზიკა: ყველაზე ძველ ვარსკვლავად მიჩნეულია ჰაბლის ტელესკოპის დახმარებით აღმოჩენილი ვარსკვლავი სახელად "მათუსელა", რომლის სავარაუდო ასაკად 14.5 მილიარდ წეს ასახელებენ( აღარ ავხსნი იმას თუ როგორ ადგენენ ვასკვლავების ასაკს. შორს წაგვიყვანს...). უნდა ითქვას ისიც რომ დავის საგანია ამ ვარსკვლავის ასაკი, რადგანაც სამყაროს არსებობა 13.8 მილიარდი წლითაა დათარიღებული, გამოდს რომ რომელიღაცა ვერსია მცდარია თუმცა ეს ყველაფერი მაინც არ უშლის ხელს იმას, რომ დედამიწის 10 000 წლიანი ასაკი უარყოს, რადგანაც ჩვენი პლანეტის წარმოშობა პირდაპირ კავშირშია დიდ აფეთქებასთან და დედამიწის "ბიბლიური ასაკი" ყოველგვარი ლოგიკის ჩარჩოებს სცდება. უძველესი ასტეროიდის მიერ გაკეთებული კრატერი კი რომელიც გრელანდიის ტერიტორიაზე ჩამოვარდა 3 მილიარდზე მეტი წლითაა დათარიღებული. ეს ყველაფერი კი ადასტურებს იმას, რომ დედამიწა ნამდვილად 10 000 წელზე მეტი ასაკისაა. ( თუ რა თქმა უნდა ათეისტებმა მთელი მსოფლიოს ასტროფიზიკოსები და კოსმოლოგები არ მოისყიდეს და ცნობები არ გააყალბებინეს...)
აღარაფერს ვამბობ ბიოლოგების და გენეტიკოსების მიერ უძველეს ცოცხალ ორგანიზმებზე მინიჭებლ ასაკებზე. და თქვენ ამ მონაცამების შემდეგ კი უდრეკათ ბრძანებთ, რომ დედამიწის ასაკი სულ რაღაც რამოდენიმე ათასი წლისაა და ამ ყველაფრის საფუძვლად მოგყავთ მზის შეკუმშვისა თუ გაფართოების, მთვარის რეცესიის, მეტეორიტების დაბომბვისა და სხვა ძნელად შესწავლადი მოვლენების მაგალითები, რომელთა მოქმედების დინამიკა მეცნიერებისათვის უცნობია და შესაძლებელია ისინი წარსულში სხვა ტემპებით მოქმედებდნენ. შეუძლებელია ყველაფრის დეტალურად განმარტება. მე ისევ ვიმეორებ, რომ მეცნიერებებში არის ბევრი ხარვეზი და შეუსაბამობები რადგანაც ხელთ არ მოიპოვება ყველა ფაქტი და შეუძლებელია განსაზღვრო შორეულ წარსულში მომხდარი ყველა მოვლენა, თუმცა ის, რომ ჩემს მიერ ზემოთჩამოთვლილი მეცნიერებები ყველა ერთდროულად და ერთნაერად ცდება დედამიწისა და სამყაროს დათარიღებაში ცოტა არ იყოს არაა ლოგიკური. 21-ე საუკუნეში მგონი მოგვეპოვება იმგვარი ტექნიკური შესაძლებლობები, რომ მეტნაკლებათ სწორად განვსაზღვროთ სხვადასხვა მოვლენისა თუ ნამარხის ასაკი და მილიონობით და მილიარდობით წლიანი ცდომილება არ მოგვივიდეს.
რაც შეეხება ბიბლიაში არსებულ უამრავ შეუსაბამობასა და მის დამწერლებისაგან გამოვლენილ დიდ მეცნიერულ უცოდინრობაზე სხვა პოსტებში განვიხილავ თუ ნებას დამრთავთ. მანამდე კი თუ შეიძლება 2 სიტყვით უპასუხეთ ჩემს მიერ ნახსენებ ცოცხალი ორგანიზმების ევოლციურ ფაქტების დამამტკიცებელ გარემოებებზე...
Ochopintre 1
ჩემ კითხვებზე არ გიპასუხია და შენსას დებ?
არაა ეგ პოლემიკის კანონებში მეგობარო.
ჯერ გაეცი პასუხი ჩემსას და შემდეგ ვისაუბროთ შენზე . სხვაგვარად არ გამოვა ჩვენი ურთიერთობა .
Ochopintre 1
როგორც ჩანს, მხოლოდ გადახედეთ პოსტებს, არათუ გაეცანით. მოკლედ რომ გითხრათ, ქრისტიანული რელიგიის "ერთადერთი" წყარო ბიბლია ნამდვილად არ არის. არც ისაა ბიბლიის და საერთოდ თეოლოგიის მიზანი, მეცნიერულ მატერიალური სამყაროს მეცნიერულ კვლევებს, მეცნიერულ ინფორმაციებს გვაზიაროს, ან რომელიმე სამეცნიერო დისციპლინაში გაგვარკვიოს, იქნება ეს ათროპოლოგია, ფსიქოლოგია, ბიოლოგია, ფიზიკა-მათემატიკა, გეორგრაფია და სხვ.
არ იქნებოდა იმის გააზრება ურიგო, თუ არა მნიშვნელოვანი, რომ ბიბლიის, საღვთისმეტყველო აზროვნების, და ზოგადად ღვთის მიზანი არის, შეუქმნელ ჭეშმარიტებას გვაზიაროს, გაგვიცადოს ვინ არის ღმერთი, რა ნებავს ღმერთს, როგორია მისი მიზანი ადამიანთა ბედნიერებისა, ერთი სიტყვით, გაგვიცხადოს და გვაზიაროს სულიერი სიმართლეს, მშვენიერებასა და ჰარმონიას. ის ღვთივშთაგონებული ადამიანები, რომლებიც წერდნენ ბიბლიას, შეუმცდარი ღვთისმეტყველნი იყვნენ, როცა ღმერთზე, სულიერ საგნებზე საუბრობენ არ ცდებიან. მათი ღვთივშთაგონებულობა, განღმრთობილობა არ გულისხმობს იმას, რომ შექმნილ სამყაროზე ყველაფერი უწყოდნენ სამეცნიერო თვალსაზრისით. ამჟამ, ეს შემიძლია გითხრათ, ვფფიქრობ, დაინტერესდით.
Ochopintre 1
Ochopintre 1
რა ხდება აქაც მოკვდა კამათი
G_saxva
უზრუნველყოფა Invision Power Board (http://www.invisionboard.com)
© Invision Power Services (http://www.invisionpower.com)