თემის საბეჭდი ვერსია

დააწკაპუნეთ აქ, რათა იხილოთ თემა ორიგინალ ფორმატში

მართლმადიდებლური ფორუმი _ საქართველოს ისტორია _ რა მოხდა 1089 წელს

პოსტის ავტორი: LOVEGAME თარიღი: Dec 18 2007, 06:22 AM

რა მოხდა 1089 წელს,როდესაც დავით უფლისწული ადის ტახტზე, იყო შეთქმულება მეფის წინააღმდეგ,თუ გიორგი II-ის პირადი ნება.
ჩემი აზრით შეიძლება მივიღოთ რამოდენიმე ვარიანტი
1დავით უფლისწულისა და გიორგი ჭყონდიდელის მიერ მოწყობილი შეთქმულება

2 უბრალოდ გიორგი მეფის კეთილი ნება

ზემოთ ჩამოთვლილი ვარიანტის როგორც გამამყარებელი ისე საწინააღმდეგო არგუმენტების მოყვანა შეიძლება.
არგუმენტი :
1 საქართველოს კანომდებლობით მეფე გარდაცვალებამდე იყო ტახტის მპყრობელი და ის რომ გიორგი მეორე უარს ამბობს ტახტზე, თავისთავად იწვევს ეჭვს, რომ ეს ნაბიჯი მან ზეწოლის ქვეშ გადადგა.

2 გიორგი მეფე არ იქნა მოკვდინებული რაც შიძლება იყოს გამოყენებული იმის არგუმენტად რომ შეთქმულებას ადგილი არ ჰქონდა.

3 ის რომ წყაროები არაფერს იძახიან შეთქმულების შესახებ შეიძლება მივიღოთ იმის დასტურად რომ ეს იყო გიორგი მეფის კეთილი ნება.

ეს ასე ვთქვათ ძირითადი არგუმენტებია რომლებსაც კიდევ გამყარება სჭირდება. ძალზედ მწირეა ისტორიული მასალა ამ ფაქტის შესახებ, ამიტომ გთხოვთ ლოგიკურად ამოვხსნათ ის რაც ისტორიას ჩვენთვის არ შემოუნახავს.

პოსტის ავტორი: Molen თარიღი: Jan 8 2008, 05:23 PM

LOVEGAME
ერთი უმნიშვნელოვანესი ფაქტორი ავიწყდება ყველას!

ამ დროს სელჩ(ჯ)უკთა მიერ ოკუპირება ხდება კახეთისა და ქვემო ქართლის რაიონისა მერე გიორგი კი სანადიროდ იმერეთს მიემართება რაც მოსახლეობაში იწვევს რევოლუციურ განწყობას...

ამას გარდა თურქთა ლაშქარი მიემართება კონტანტინოპოლის ასაღებად რაც... პალესტინაში კი ქრისტიანებზე თავდასხმები გრძელდება...

ევროპა ომისათვის ემზადება...

გამოდის რომ საქართველოსაც სჭირდება ახალი, ძლიერი ნებისყოფისა და განათლებული მმართველი...

ასეთი დავით აღმაშენებელი აღმოჩნდა...
უძლიერესი სტარტეგი, რომელმაც 1098 წელს ანტიოქიასთან ბრძოლაში 2000 ქართველო მეომარი მიაშველა ქრისტიან ჯვაროსნებს! 1099 წელს კი როდესაც ჯვაროსნებმა იერუსალიმი აიღეს, დავითმა ილ ღაზს შეუწყვიტა ხარკის გადახდა და მოემზადა საერთო, დიდი ომისათვის!

პოსტის ავტორი: meleqse თარიღი: Jan 8 2008, 11:40 PM

LOVEGAME

გადახედე, მეგობარო, შენს მიერვე მოყვანილ არგუმენტებს და მიაკვლევ სწორ პასუხსაც. ეს მხოლოდ ლოგიკურად მაგრამ ასეთ თემებზე დასკვნების გაკეთება მხოლოდ ლოგიკაზე დაყრდნობით არ შეიძლება.

პ.ს. მაგ ხელმოწერის შემყურეს უდიდესი სურვილი დამებადა, ჩემი აზრი გამეზიარებინა თქვენთვის.

პოსტის ავტორი: LOVEGAME თარიღი: Jan 9 2008, 08:36 AM

Molen

ციტატა

გამოდის რომ საქართველოსაც სჭირდება ახალი, ძლიერი ნებისყოფისა და განათლებული მმართველი...

ასეთი დავით აღმაშენებელი აღმოჩნდა...
უძლიერესი სტარტეგი, რომელმაც 1098 წელს ანტიოქიასთან ბრძოლაში 2000 ქართველო მეომარი მიაშველა ქრისტიან ჯვაროსნებს! 1099 წელს კი როდესაც ჯვაროსნებმა იერუსალიმი აიღეს, დავითმა ილ ღაზს შეუწყვიტა ხარკის გადახდა და მოემზადა საერთო, დიდი ომისათვის!

ეგ მეც ვიცი რომ საქართველოს ძლიერი მართველი სჭირდებოდა, მაგრამ ეს იყო გიორგის კეთილი ნება თუ შეთქმულება? თქვენ როგორ ფიქრობთ ეს მაინტერესებს .

აჩიკო
ჩემი აზრით გიორგიზე ზეწოლას ჰქონდა ადგილი. ამ საკითხზე მხოლოდ ლოგიკა ვერ გვიშველის მაგრამ მთლად გვერძე გადასადებიც არ არის იმიტომ ,რომ როგორც ზემოთ ავღნიშნე ძალზედ მწირია ცნობები დავითის გამეფების შესახებ.
უბრალოდ დავითის გამეფებამდე და გამეფების შემდეგ განვითარებული მოვლენების ანალიზი მაძლევს საფუძველს ,რომ ვივარაუდო შეთქმულება თუ არა უდიდესი ზეწოლა გიორგიზე.
მე თქვენი აზრი მაინტერერსებს და თუ მოიყვანთ ამ აზრის გამამყარებელ საბუთებს უდიდესი მადლობელი დაგრჩებით.

პოსტის ავტორი: nini_1 თარიღი: Jan 9 2008, 11:26 AM

LOVEGAME

ციტატა

ჩემი აზრით გიორგიზე ზეწოლას ჰქონდა ადგილი. ამ საკითხზე მხოლოდ ლოგიკა ვერ გვიშველის მაგრამ მთლად გვერძე გადასადებიც არ არის იმიტომ ,რომ როგორც ზემოთ ავღნიშნე ძალზედ მწირია ცნობები დავითის გამეფების შესახებ.
უბრალოდ დავითის გამეფებამდე და გამეფების შემდეგ განვითარებული მოვლენების ანალიზი მაძლევს საფუძველს ,რომ ვივარაუდო შეთქმულება თუ არა უდიდესი ზეწოლა გიორგიზე.
მე თქვენი აზრი მაინტერერსებს და თუ მოიყვანთ ამ აზრის გამამყარებელ საბუთებს უდიდესი მადლობელი დაგრჩებით.

გიორგიზე ზეწოლას ადგილი რომ ჰქონდა ისტორიის წიგნებიდან მაგის გაგება არაა ძნელი, მაგრამ ჯანყება და მსგავსი რამ არ მოჰყოლია, რადგან გიორგი II თავადვე ხედავდა რომ არ შეეძლო ქვეყნის მართვა სათანადოდ.
ვერ უმკლავდებოდა ვერც შინაურ და ვერც გარეშე მტრებს.
როგორც წიგნებიდან ცნობილია, სიმამაცე და რაინდული სიქველე არ აკლდა, მაგრამ ნებისყოფით იყო რბილი და მერყევი. მისი სტიქია ნადირობა და ნადიმობა იყო, მაშინ, როცა ქვეყანას უმძიმესი განსაცდელი აწვა. 1073 წელს მეფეს განუდგნენ ნიანია ქვაბულის ძე, ივანე ლიპარიტის ძე ბაღვაში და ვარდან სვანთა ერისთავი.
1089 წელს გიორგი მიხვდა, რომ უმძიმეს კრიზისში ჩავარდნილ ქვეყანას ვერ უვლიდა და მეფობა თავის ძეს, 16 წლის დავითს გადაულოცა. გიორგი II გარდაიცვალა 1112 წელს.

ეს ერთი, მაგრამ ასევე ვკითხულობთ, რომ 1089 წელს საქართველოს სამეფო კარზე პოლიტიკური გადატრიალება მოხდა. ქვეყნის მომავლით დაინტერესებულმა პირებმა, გიორგი II აიძულეს გადამდგარიყო და მეფობა თავისი 16 წლის ვაჟის დავითისათვის დაეთმო. დავით აღმაშენებელმა საქართველო ჩაიბარა კატასტროფულ მდგომარეობაში მყოფი. – თურქ-სელჩუკთაგან სრულიად დაქცეული და ამოწყვეტილი, ფეოდალურად დაქუცმაცებული და დაკნინებული.

გიორგი II თავად იცოდა, რომ ქვეყანას ვერაფერს შველოდა, ასევე ფიქრობდნენ დიდი ფეოდალებიც და სავარაუდოა დავითისთვის ტახტის გადაცემა საერთო შეთანხმებით მოხდა და არანაირი ზედმეტი სისხლისღვრა და გართულება არ მოჰყოლია, მით უმეტეს რომ ამ ცვლილებას ქვეყნისთვის სარგებლობის მოტანა შეეძლო და გიორგი II კარგად ხვდებოდა რა უფრო უკეთესი იქნებოდა.