თემის საბეჭდი ვერსია

პოსტის ავტორი: lingvo თარიღი: Jul 18 2007, 07:33 PM

ზვიად გამსახურდია გარდა ყველაფრისა ღრმად მორწმუნე და დიდი სულიერების მქონე პიროვნება გახლდათ. საზოგადოებისთვის განსაკუთრებით ცნობილია მისი ლექცია "საქართველოს სულიერი მისია". ჩემი აზრით ეს ლექცია ყველა ქართველმა უნდა წაიკითხოს! განსაკუთრებით აღსანიშნავია შემდეგი შრომები და ნაწარმოებები:

1. "საქართველოს სულიერი მისია"
2. "გელათის აკადემიის სულიერი იდეალები"
3. "გამოცხადების, სამების და სამოთხიდან გმაოძევების შესახებ"
4. "ქებაი და დიდებაი ქართულისა ენისაი"

ყველა ამ ნაწარმოებს გაეცნობით კატეგორიაში "ძირითადი სამეცნიერო შრომები და ლიტერატურული თხზულებები" ვიკიპედიაში http://ka.wikipedia.org/wiki/%E1%83%92%E1%83%90%E1%83%9B%E1%83%A1%E1%83%90%E1%83%AE%E1%83%A3%E1%83%A0%E1%83%93%E1%83%98%E1%83%90%2C_%E1%83%96%E1%83%95%E1%83%98%E1%83%90%E1%83%93
გააკეთეთ კომენტარები...

პოსტის ავტორი: lingvo თარიღი: Jul 18 2007, 07:37 PM

ამ შრომებში და ნაწარმოებებში ძირითადად საქართველოს ისტორიაზეა საუბარი, ქართული ენის ისტორიაზე და სხვა მრავალი...

პოსტის ავტორი: კანუდოსელი თარიღი: Jul 23 2007, 04:49 PM

ეგ ლექცია კი არა წიგნია და თან ისეთი, რომ ანათემაზე გადავცემდი დიიიიიიიიიიიდი სიამოვნებით
სისულელეების ტაშფანდურია

აი ეს საერთოდ გლიჯავს :
მამა შეუმეცნებელი საწყისია ყველაფრისა. ძე არის იგივე მამა ყოფიერებაში, ქმედებაში, ხოლო სულიწმინდა არის ის, რაც აძლევს ყოფიერებას სიწმინდეს, რაც განწმენდს ყოფიერებას და აძლევს სიბრძნეს, თრგუნავს და ამარცხებს ყოველგვარ უარყოფითს. აი, ეს არის ქრისტიანული სამება. ფაქტობრივად, აქაც ერთი და იგივე ღმერთია, რომელიც სამ სხვა და სხვა ასპექტში გვევლინება: მამის, ძის და სულიწმინდის ასპექტში. ამას ჰქვია ღმერთი სამი ჰიპოსტასი

ამ სტრიქონების ავტორი ისევეა სამების დოგმატის აზზე, როგორც მე - სექსოპათოლოგიის სფეროში უახლესი აღმოჩენებისა

პოსტის ავტორი: lingvo თარიღი: Jul 24 2007, 01:16 PM

რა არის ამ მსჯელობაში არამართლმადიდებლური? ესეც უნდა დააფიქსირო როდესაც ასეთ პროტესტს გამოხატავ.

პოსტის ავტორი: კანუდოსელი თარიღი: Jul 24 2007, 01:56 PM

იმ სიტყვების ავტორი აზზე არაა ღვთისმეტყველებისა...განვიხილოთ:

აქ არის ერესი სამებაში ერთის სამ გამოვლინებად განმარტებისა, რომ მამა გვევლინება ძის სახით, ანუ ის მამაა გამოვლინებაში... ღვთისმეტყველება კი ამბობს: ძე არ არის მამა და მამა არ არის ძე, ისინი ერთნი არიან



ძე და მამა არ აძლევს?




რა აზრიც დავწერე ზემოთ აქ თავმოყრილია...არანაირი ასპექტი არ არის, ერთი არ გვევლინება სამ ასპექტში, არამედ ერთი არის სამ სახოვანი გამოვლინებამდე..იმისათვის რომ ეს გაიგო - ღვთისმეტყველება უნდა იცოდე

პოსტის ავტორი: lingvo თარიღი: Jul 24 2007, 06:29 PM

აი ეხლა უკვე ნათელია თქვენი პროტესტის არსი ამ საკითხთან დაკავშირებით.

პოსტის ავტორი: Misha_kartveli თარიღი: Oct 6 2007, 09:52 PM

ძალიან კარგი და საინტერესო თემაა. ზვიად გამსახრდიას მრავალმხრივი მოღვაწეობიდან ერთ-ერთი გამორჩეული ადგილი სწორედ სამეცნიერო და სალიტერატურო შემოქმედებას უჭირავს. შეიძლება თამამად ითქვას, რომ საქართველოს პირველი პრეზიდენტი ამ მხრივაც სრულიად გამორჩეული პიროვნება იყო. იგი ავტორია მრავალი უაღრესად საინტერესო სამცნიერო ნაშრომისა ერთერთი მათგანია "დილემა კაცობრიობის წინაშე", რომლის ლინკსაც აქ გთავაზობთ http://www.caucasology.com/IX%202/zviadi.pdf ზვიად გამსახურდიას მდიდარ სამეცნიერო მემკვიდრეობაში გამორჩეული ადგილი უჭირავს რუსთველოლოგიურ კვლევებს. ეს ლინკი გახლავთ მისი მონოგრაფიული ნაშრომის "ვეფხისტყაოსნის სახისმეტყველების" ელექტრონული ვერსია, რომლისთვისაც მას 1991 წლის 14 ნოემბერს HONORIS CAUSA მიენიჭა ფილოლოგიის მეცნიერებათა დოქტორის სამეცნიერო ხარისხი, გარდა ამისა ზვიად გამსახურდია ამ ნაშრომისათვის არჩეულ იქნა ჰელსინკის უნივერსიტეტის საპატიო პროფესორად. http://www.nplg.gov.ge/dlibrary/coll/0001/000018/ რაც შეეხება ზვიად გამსახურდიას "საქართველოს სულიერ მისსიას", მე აქ არ დავიწყებ მის ღვთისმეტყველურ გარჩევას, მაგრამ ერთი რამ სრულიად ცხადია, რომ მასში ნათლადაა გადმოცემული ქართველი ერის სულიერი მისიის ძირითადი საკითხები. ცხადია, ნაშრომმა განიცადა გარკვეული პოლიტიზაცია, რადგან მისი ავტორი პირველ რიგში პოლიტიკური მოღვაწე იყო, მაგრამ შეუძლებელია ვუარყოთ, რომ ზვიად გამსახურდია იყო ენციკლოპედიური განათლების მქონე პიროვნება, რომლის ნაშრომებიც ნებისმიერ მეცნიერს შეშურდება.

პოსტის ავტორი: georgianeli თარიღი: Nov 2 2007, 01:26 AM

განსხვავებული აზრი: გაიზრდებიან, დაღვინდებიან, გაიღრმავებენ თავიანთ ღვთისმეტყველებით ცოდნას ე ბოშუნები და მერე სხვანაირად ისაუბრებენ, თუკი (sic) ... კიდევ უფრო არ დაბრმავდნენ მანამდე, თორემ წმინდა მამათა კითხვას გახსნილი გული სჭირდება, არა a priori მოშხამულ-უგნური გულისხმა.

პოსტის ავტორი: iisperiTOVLI თარიღი: Jun 19 2008, 03:53 AM

V - მამა
თვალნი ყოველთანი შენდამი ესვენ,
უფალო, ამაცდინე სასუმელი ესე.

მამა ხარ ყოველთა, ძეთათვის მზრუნველი,
უფალო, ამაცდინე ესე სასუმელი.

ნუ ჩემი იყოფინ, არამედ შენი,
შენ თავად ნება ხარ, სიმართლის მჩენი,

ხამს მოყვასისათვის სიმძიმე ვითვისო,
გვედრი შემიწყალე, ძეო დავითისო!

პოსტის ავტორი: orthodox-georgia თარიღი: Jul 17 2008, 11:53 PM

ჩემდა სამარცხვინოდ უნდა ვაღიარო, რომ ზვიად გამსახურდიას არცერთი ნაშრომი არ მაქვს წაკითხული

პოსტის ავტორი: ქევანა თარიღი: Oct 14 2009, 05:02 PM

orthodox-georgia

არა უშავს, დალაგებულად არც მე მაქვს
ხოდა ნაწყვეტებით მსჯელობა თუმცა ძნელია, მაგრამ რაღაც არ მომეწონა და არც დავამთავრე : )

ვუაბშე არ მომწონს ეგ კაცი .. იმედია ზვიადისტი არავინაა : )

პოსტის ავტორი: ლურჯი ბუ თარიღი: Oct 14 2009, 10:56 PM

ჩემდა სამარცხვინოდ, რაც წაკითხული მაქვს, იმან მაფიქრებინა რომ რაც არ მაქვს წაკითხული, სჯობს არ წავიკითხო გინდა იყოს ზვიადისტი აქ ვინმე და გინდა არა, გინდა იესოდ ცნან და გინდა ლუციფერად...

პოსტის ავტორი: თამარი_ცქნაფო თარიღი: Oct 15 2009, 01:07 AM

ერთადერთი, რაც მომწონს, იგავ-არაკებია. ''ვეფხისტყაოსნის ღვთისმეტყველებაშიც'' კი ბევრ რამეს ვერ ვიზიარებ.

ლინგვო, ნუ ჩამქოლავ. არ მიყვარს მე შტაინერისეული აზრები და რა გიყო

პოსტის ავტორი: ქავთარაძე თარიღი: Oct 15 2009, 08:58 AM

ერთ-ერთი უდიდესი ფანატიკოსი ადამიანი საქართველოს ისტორიაში ...
რომელმაც თავში ჩაარტყა ოსებს და სხვა ნაციონალობის მქონე ადამიანებს...
კვერცხი...

ჩემი ზვიადისტი მეზობლის დამსახურებით N1 N3 და N4 წავიკითხე... ჩაქუჩიზმია...

პოსტის ავტორი: თამარი_ცქნაფო თარიღი: Oct 15 2009, 04:53 PM

ცოტა კორექტული რომ იყო, არ შეგიძლია? მეც არ მომწონს ბვრი რამ მისი ნაწერ-ნაღვაწიდან, მაგრამ ფორუმ.გე-ს ენით არ ვამკობ. ბოლოს და ბოლოს, პირველი პრეზიდენტია და ჩემზე მეტი პატრიოტი ნადვილად იყო ალბათ.

პოსტის ავტორი: afxazi თარიღი: Oct 15 2009, 06:00 PM

გამსახურდია ძალიან შორს იყო ქრისტიანობისგან. იმდენად შორს, რომ წარმოდგენაც ძნელია იმ ყოველივესი, რასაც ის წერდა ვითომ ქრისტიანობის შესახებ.

პოსტის ავტორი: Atman თარიღი: Oct 15 2009, 06:04 PM

afxazi

მაინც რას წერდა? მეზარება წაკითხვა და მოკლედ მითხარი მაგის იდეების არსი...

პოსტის ავტორი: afxazi თარიღი: Oct 15 2009, 06:09 PM

Atman

ეს თემა ძალიან შორს წაგვიყვანს. თუ გვხვდა წილად პირადად შეხვედრის ბედნიერება მერე ვისაუბროთ ამ ყოველივეზე. აღნიშნული სამების შესახებ ლექცვიიდან მაგალითად ეს ციტატა:


".. მამა შეუმეცნებელი საწყისია ყველაფრისა. ძე არის იგივე მამა ყოფიერებაში, ქმედებაში, ხოლო სულიწმინდა არის ის, რაც აძლევს ყოფიერებას სიწმინდეს, რაც განწმენდს ყოფიერებას და აძლევს სიბრძნეს, თრგუნავს და ამარცხებს ყოველგვარ უარყოფითს. აი, ეს არის ქრისტიანული სამება. ფაქტობრივად, აქაც ერთი და იგივე ღმერთია, რომელიც სამ სხვა და სხვა ასპექტში გვევლინება: მამის, ძის და სულიწმინდის ასპექტში. ამას ჰქვია ღმერთი სამი ჰიპოსტასი. სამება არ ნიშნავს რიცხობრივად სამობას, სამ სხვა და სხვა საგანს, არამედ ნიშნავს გვამოვნებას, ანუ თვისობრივად სამს, ე.ი. ღმერთი რიცხობრივად კი არ არის სამი, არამედ თვისობრივად არის სამი , სამგვარია მისი გამოვლინება, თორემ არსებით ის ერთია (უნდა განვასხვავოთ არითმეტიკული სამება და რელიგიური სამება)".


მკვეთრი საბელიანიზმია, თუ არ ვცდები III საუკუნის ერესი, რაც აღიარებდა ერთ ღმერთს, თუმცა სამი სხვადასხვა გამოვლინებით, რომ ერთი ღმერთი ჯერ იყო მამა, მერე გახდა ძე და ბოლოს სულიწმინდა. ეს კი სამების დოგმატი არაა, პირიქით მისი არსებითი უარყოფა, რადგან ეს მოძღვრება მამის, ძისა და სულიწმინდის პიროვნულობას, ჰიპოსტასურობას აუქმებს.

შესაძლოა ტერმინოლოგიაა დასახვეწი.

პოსტის ავტორი: Atman თარიღი: Oct 15 2009, 06:11 PM

afxazi

ვერ ვხვდები წინააღმდეგობას... ქრისტიანობა არ ამბობს რომ ღმერთი სამი ჰიპოსტასითაა და თან ერთია? რა განსხვავებაა?

პოსტის ავტორი: lingvo თარიღი: Oct 15 2009, 06:13 PM

afxazi
კარგია რომ დაწერე. როცა გავხსენი ეს თემა ვერ ვერკვეოდი ჯერ კიდევ კარგად დოგმატებში.

პოსტის ავტორი: afxazi თარიღი: Oct 15 2009, 06:21 PM

Atman

ანუ მამა არასოდეს არ გვევლინება ძის სახით და პირიქით. მამა მამაა მარადის, ძე ძეა მარადის და სულიწმინდა სულიწმინდაა მარადის. აქ კი წერია



აქ უკვე გაუქმებულია როგორც მამის, ასე ძის ჰიპოსტასი. ანუ ამ მოძღვრების მიხედვით არის ერთი ღმერთი, რომელიც ხან მამაა, ხან ძე და ხან სულიწმინდა. მართლმადიდებლური მოძღვრების მიხედვით კი მამა ყოველთვის მამაა და ის ძე არასოდეს არ ხდება, ისევე როგორც ძე არ ხდება მამა და ის ყოველთვის ძეა. მსგავსად სულიწმინდაც.

პოსტის ავტორი: Atman თარიღი: Oct 15 2009, 06:25 PM

afxazi

არ გეწყინოს მაგრამ სიტყვით აუხსნელის ახსნას ცდილობ და იგივე შეცდომა მოგდის რაც ბატონ ზვიადს მოსდიოდა... ასე რომ თან ორივე მართლებოი ხართ და თან არც ერთი

პოსტის ავტორი: afxazi თარიღი: Oct 15 2009, 06:28 PM

Atman

მე დოგმატს გამოვთქვამ, თუ როგორ უნდა გვესმოდეს მართლმადიდებლური მოძღვრებით სამების დოგმატი. ახსნა სხვა რამეა.

პოსტის ავტორი: Atman თარიღი: Oct 15 2009, 06:30 PM

afxazi

რაა დოგმატი, რომ სამი ერთია და თან სამია და არაა ერთი? ჩამოაყალიბე აბა კარგად ეგ დოგმატი, კარგად შევათვალიერო

პოსტის ავტორი: afxazi თარიღი: Oct 15 2009, 06:35 PM

Atman

დამასკელი ან პომაზანსკი რომ მიგითითო წაიკითხავ?

პოსტის ავტორი: Atman თარიღი: Oct 15 2009, 06:36 PM

afxazi

არა

პოსტის ავტორი: afxazi თარიღი: Oct 15 2009, 06:47 PM

Atman

როგორ გავკადნიერდე და დამასკელის არ წამკითხველს საკუთარი სიტყვებით ავუხსნა ესოდენ მნიშვნელოვანი დოგმატი.


ნუ ერთ სახეობრივ მაგალითს დავწერ მაშინ, რომელიც დიონისე არეოპაგელისაა. წარმოვიდგინოთ სამი სანთელი, რომელიც ერთ სინათლეს აშუქებს.

პოსტის ავტორი: Atman თარიღი: Oct 15 2009, 06:50 PM

afxazi

მე რო ვკადნიერდები და ყველა ბრძენს ვაციტირებ ცოდვილი ვარ მაგის გამო?

გაკადნიერდი ერთხელ ჩემი ხათრით

ოღონდ ციტირება არ გინდა. შენი სიტყვებით მითხარი

პოსტის ავტორი: კანონისტი თარიღი: Oct 15 2009, 07:44 PM

ზვიადის ეს ლექსი მიყვარს ძალიან:

წმინდაო გიორგი,
დიდების რაინდო,
ვუმზერ შენს ხატებას
და სული მხნედ არი.

შემუსრე უწმინდურ
დრაკონთა ორგია,
იხსენი სამკვიდრო
შენი – გეორგია,

წმინდაო რაინდო,
გველი არ დაინდო,
მოგვმადლე იმედი
და უფლის სვე-დარი.

პოსტის ავტორი: lingvo თარიღი: Oct 15 2009, 07:52 PM

Atman

ყველა ქრისტიანულ დოგმატთაგან უმნიშვნელოვანესი - ყოვლადწმიდა სამების დოგმატი ადამიანის შეზღუდული გონებისათვის ყველაზე რთულად გასააზრებელიც არის. აი, რატომ იყო, რომ ეკლესიის ისტორიაში არც ერთი ქრისტიანული ჭეშმარიტებისათვის არ გამართულა ისეთი დაძაბული ბრძოლა, როგორიც ამ დოგმატისა და უშუალოდ მასთან დაკავშირებული საკითხების გარშემო გაჩაღდა.

ყოვლადწმიდა სამების დოგმატი თავისთავში აერთიანებს ორ ძირითად ჭეშმარიტებას:

ა. ღმერთი ერთარსია, მაგრამ სამპიროვანი, ანუ ღმერთი არის სამი ჰიპოსტასი, სამება ერთარსი;

ბ. ჰიპოსტასებს პირადი თვისებები აქვთ: მამა არშობილია, ძე - მამისაგან შობილი, სულიწმიდა - მამისაგან გამომავალი.

წყარო: http://www.orthodoxy.ge/gvtismetkveleba/pomazanski/4.htm

იმედია დაინტერესდები და ბოლომდე წაიკითხავ

კანონისტი
იგავებიც მომწონს. აი მაგალითად ესენი:



ერთხელ ცირკის მხეცები ზოოპარკში ჩამოატარეს, სურდათ ენახათ, თუ ვით შეხვდებოდნენ მათ გალიაში დამწყვდეული თვისტომნი. ერთი ყველაზე სამაგალითოდ გაწვრთნილი ლომი თავის მოძმის გალიასთან შეჩერდა და უთხრა: "ეჰ, რარიგ მებრალები, ძმობილო, აქ ჩამწყვდეული, გაძვალტყავებულხარ, თვალებში შუქი ჩაგქრობია ნიადაგ ერთ ადგილას გდებით და გალიაში წრიალით. წამოდი ჩვენსას ცირკში, ჩვენი ბატონი კარგად გაჭმევს, არაფერს მოგაკლებს, საზოგადოებაც დიდი გეყოლება. აბა, აქ გდება რას მოგცემს, შენს სანატრელ უდაბნოში, ხომ იცი, მაინც არავინ გაგიშვებს, რახან აქ მოხვედი, სიკვდილამდე აქ უნდა გალიო დღენი შენნი".
გალიის ლომმა კი მიუგო:
"ეჰ, ძმობილო, რარიგ გადაუგვარებიხარ კაცს, თავისუფლება მონობაზე რომ გაგიცვლია. ისევ ის მირჩევნია, აქ ვიჯდე მოწყენით, ვიდრე კაცის მონა ვიყო და მისი მათრახის ტკაცუნზე ვიხტუნო და ვიჯამბაზო. აქ ის მაინც ვიცი, რომ არავის მონა ვარ და იმასაც ვერავინ ამიკრძალავს, ხანდახან დავიქუხო გულდარდიანმა და უდაბნოს სევდა განვიქარვო, შენ კი ხმის ამოღებაც აკრძალული გაქვს, რათა შენმა გრუხუნმა ცირკის მაყურებლები და მომსახურენი არ შეაშფოთოს. ჩვენი მოდგმა მაინც გადაშენების გზაზეა დამდგარი, მალე ასპარეზი ლომ-ვეფხვთა ნაცვლად ვირთხებსა და ტურა-მელიებს დარჩებათ, ასე, რომ, აქაც მშვიდობიანად დავლევ ჩემს დღეებს".




ბრმათა ქვეყანაში ცხოვრობდა ერთი თვალხილული ექიმი, რომელმაც იცოდა ბრმათა მკურნალობა. ნაცვლად იმისა, რომ მისთვის კლინიკა მიეცათ, იგი შინ ჰყავდათ დამწყვდეული და არ აძლევდნენ უფლებას ხალხში გასულიყო და უსინათლოთათვის ემკურნალა, ვინაიდან ამ ქვეყნის ხელმწიფე და დიდებულნი არწმუნებდნენ ხალხს: "თქვენ თვალხილულნი ხართ, ხოლო ის ერთი მეტიჩარა, რომელიც ვითომდაც თვალის ახელას გპირდებათ, თავად არის ერთადერთი ბრმა ჩვენს სამეფოში და სახლშიც იმის გამო გვყავს დამწყვდეული, რომ თვალხილულები არ დაგვიბრმაოს და გარდა ამისა, თავად არ გადაიჩეხოს სადმე და არ დაშავდესო".

პოსტის ავტორი: Atman თარიღი: Oct 15 2009, 08:11 PM

ეს ვიცი მაგრამ მგონი ზვიადიც იგივეს ამბობდა...

პოსტის ავტორი: lingvo თარიღი: Oct 15 2009, 09:02 PM

Atman
ციტატას მოგიყვან:

”... მამა შეუმეცნებელი საწყისია ყველაფრისა. ძე არის იგივე მამა ყოფიერებაში, ქმედებაში, ხოლო სულიწმინდა არის ის, რაც აძლევს ყოფიერებას სიწმინდეს, რაც განწმენდს ყოფიერებას და აძლევს სიბრძნეს, თრგუნავს და ამარცხებს ყოველგვარ უარყოფითს. აი, ეს არის ქრისტიანული სამება”.

ეს არამგონია იყოს მართლმადიდებლური სწავლება. აფხაზი დაწერს იმედია უფრო ვრცლად თუ რატომ. ანუ ასეთი განმარტება არის სუბიექტური ნააზრევი. წმიდა მამებს ასე დაკონკრეტებული აქვთ როგორც აქ.

პოსტის ავტორი: Atman თარიღი: Oct 15 2009, 09:09 PM

lingvo

გაიხარე!

პოსტის ავტორი: lingvo თარიღი: Oct 17 2009, 07:20 PM

თამარი_ცქნაფო
გთხოვ დახურო თემა, ვინაიდან მხოლოდ გაღიზიანებასა და აგრესიას იწვევს ჩემდა სამწუხაროდ და ფორუმელებს განკითხვაში აგდებს.

პოსტის ავტორი: syd თარიღი: Oct 17 2009, 10:07 PM

lingvo

რაში გამოიხატებოდა? მაგალითები თუ შეიძლება

პოსტის ავტორი: lingvo თარიღი: Oct 17 2009, 10:16 PM

syd
აზრი არ აქვს მაგალითების მოყვანას. ეს ჩემი სუბიექტური დამოკიდებულებაა. შენ შეიძლება სხვაგვარად ფიქრობ

პოსტის ავტორი: თამარი_ცქნაფო თარიღი: Oct 17 2009, 10:17 PM

მე არ დავხურავ ამ თემას. ისაუბრეთ საკითხზე და ნუ დაიწყებთ აქ არა მარტო იმ ადამიანის, ერთმანეთის ლანძღვასაც.

პოსტის ავტორი: KAIROS თარიღი: Oct 18 2009, 04:55 PM

ძალიან კარგი თემაა და არ უნდა დაიხუროს, ისაუბროს მან ვინც იცის, ზედმეტი გაფეტიშებისა და ზედმეტი გაკრიტიკების გარეშე.

პოსტის ავტორი: georgianeli თარიღი: Oct 20 2009, 06:36 PM

http://www.youtube.com/watch?v=R-ZC8tV4kso&feature=player_profilepage

მესხეთისადმი

შენ გეზმანება ვაჰანი და ძველი ვარძია,
სამსარი, კლდეში შეხიზნული, გედივით წუნდა,
შოთას აკვანი მადლიანი ვინაც არწია,
ვინაც ჯვარცმული იყო მარად და არ შეძრწუნდა.

შენ გეზმანება გარუჯული სამცხის სერები,
მუნჯი მოწამე წარსულისა - მდუმარე მტკვარი,
ცის კაბადონზე სპილენძის და ტყვიის ფერები,
კუმურდოს თაღი დაღარული და ზარზმის ზარი.

შენ გეზმანება ოლთისი და მდუმარე ბანა,
იშხანი, ოშკი, პარხალი და წმინდა ხახული,
ვინაც ხილვები წარსულისა ცრემლებით ბანა,
ჟამთა სიავით დასეტყვილი და ჭირნახული.

ხანძთის უდაბნო, მუნ მლოცველი წმინდა მამები,
ცისკარზე წმინდა გარდამოხსნის გამოსვენება,
მონასტრის ვაზი, მზით ძალუმად ნათამამები,
და აღაპებში გარდასულთა ძმათა ხსენება.

აქ თითქოს ქვებიც ჩაკირულან ცრემლის დუღაბით,
დანისლულ ქედებს დასტყობია სევდის ხაზები,
მოსჩანს ხერთვისი, სალ კლდეებთან შენადუღები
და საფლავებზე გახლართულად უსურვაზები.

თმოგვს მკერდდალეწილს დაფრქვევია სხივთ ათინათი,
სეფე-გოდოლზე გადმომდგარა სარგის თმოგველი,
გასცქერის ზეცას, მარადიულ მზისა თინათინს,
ნათელმხილველი მზერა მისი მზეობს მოგვური.

ვარძიის ცაზე შარავანდნი ბევრად ასობენ,
დიდი თამარი დაჩოქილა ღვთისმშობლის ხატთან,
დღეს მხედრობანი ზეციურნი მასთან დასობენ,
ღვთივკურთხეული ლიტანია ცისკრამდე გასტანს.

ევლოგ სალოსი, შავთელი და დიდი რუსთველი,
თანამლოცველნი დედოფლისა სთხოვენ განგებას,
ქართველთა ლაშქრის გამარჯვებას, მტერთა მმუსვრელის
ქართული მოდგმის საუკუნო არგადაგებას.

ისმის ყიჟინა სამცხის სპათა თავგანწირული,
დღეს შეიმუსრა საქართველოს დუშმანი, მტერი,
ისმის გალობა, ისმის ჟამნი, ჰანგი გმირული,
და საქართველოს აღზევებას ზეიმობს ერი.

გარდასულ ჟამის ამ ხილვებით მარად ნეტარი,
მტკიცე ნაბიჯით მომავლისკენ მიიკვლევ შარას,
წმინდა გიორგი, საქართველოს ნათლის მხედარი,
ფერისცვალების მაღალ მთაზე დაგიდგამს კარავს.

ზვიად გამსახურდია

პოსტის ავტორი: arjuni თარიღი: Apr 27 2010, 11:15 PM

განა შენ, მამაშენის შვილი, მამაშენის სახე არ ხარ?
თუკი დოგმა უარყოფს მამისა და ძის ერთიანობას მაშინ კიტხვები დოგმებს უნდა დაესვას
ძე დიახაც რომ ძეა მაგრამ მამის ნების აღმსრულებელი და მამის სახე


ეს კითხვა კი თქვენ წინა აზრს ეწინააღმდეგება. თუკი ადრე გამოყოფთ ძეს, მამას და სულიწმინდას, მაშინ რად გიკვირთ რომ სულიწმინდა სხვაა?

ავტორი არ საუბრობს სულიწმინდის ძისა და მამის სრულ დაყოფაზე
საუბარია იმაზე რომ მამა არის შემოქმედი
ძე არის მამის ძალა
ხოლო სულიწმინდა სიყვარული

ვერ ვხვდები წინააღმდეგობას მის ნაწერებსა და ქრისტიანობის იდეას შორის
აი დოგმასა და რელიაგსთან არის სხვაობა თუმცა ვინ ვისგან არის განსხვავებული (ზვიადი ეკლესიისგან თუ ეკლესია ღვთისგან) ეს საკამთო საქმეა თუმცა ამაზე არ კამათობენ

როგორც პოლიტიკოსს არ ვაღიარებ და არც ვთვლი საჭიროდ მისი ეს კუტხე განვიხილო
აკი თემაც მის ნაწარმოებებზეა, მის მეცნიერულ და პოეტურ მხარეზეა

რა აზრის ხართ ვეფხისტყაოსანზე? ხედავთ რამეს სახარებისეულს თუ ეროტიკაა და მიწიერი ვნებაა არწერილი მხოლოდ?

პოსტის ავტორი: arjuni თარიღი: May 5 2010, 11:38 PM

არავის გინდათ ამ ტემაზე საუბარი?

პოსტის ავტორი: ქევანა თარიღი: May 10 2010, 04:14 PM

arjuni

ეზოთერიკულს ვერ ვხედავ ვეფხისტყაოსანში და რა გიყო?