თემის საბეჭდი ვერსია

პოსტის ავტორი: Alterego თარიღი: Aug 13 2013, 04:38 PM

თუკი ადამიანის ამქვეყნად ცხოვრების მთავარი მიზანი უნდა იყოს ის რო ღმერთი ჩევიცნოთ და თუკი ეს ცხოვრება დიდი გამოცდაა, რატო კვდებიან ჩვილი ბავშვები და მათ ღმერთი რატო არ აძლევს საშუალებას რო მათმაც განვლონ ეს ცხოვრება? და საერთოდ ღმერთი რო სულს შთაბერავს ადამიანს მალევე რამდენიმე დღეში უკან რატო მიყავს?

პოსტის ავტორი: A.V.M თარიღი: Aug 13 2013, 09:53 PM

უფლის მოწყალების და გამო...

იქნებ იმიტომ რომ თავისი წინასწარმცოდნეობით იცის თუ როგორ საქმეებს განახორციელებს ის მომავალში და ამის გამო?
ამაზე გიფიქრია?

მაგალითად როდის აბა?

პოსტის ავტორი: Alterego თარიღი: Aug 13 2013, 10:47 PM

ეგრე უამრავი ადამიანია ვინც ცუდ გზას ადგას ისინი რატო არ წაიყვანა დაბადებისთანავე? ეგ ცუდი არგუმენტია )

პოსტის ავტორი: A.V.M თარიღი: Aug 13 2013, 10:55 PM

Alterego

ადამიანი მაშინ გადის ამ ქვეყნიდან , როდესაც ყველაზე საუკეთესო მომენტია.მაშინ , როდესაც უფრო წინ ვეღარ წაიწევს სულიერებაში...

პოსტის ავტორი: Alterego თარიღი: Aug 13 2013, 11:30 PM

ხო მაგრამ მაგალითად ჩარლზ მენსონი, ბონი და კლაიდი და სხვები ხო იცოდა ღმერთმა რო ცუდ გზას დაადგებოდნენ როცა ჩვილები იყვნენ რატო არ წაიყვანა და აარიდა იმას რაც ეხლა ჩაიდინეს? და რატო წაიყვანა სხვა ბავშვები?

პოსტის ავტორი: A.V.M თარიღი: Aug 13 2013, 11:35 PM

შეიძლება იმიტომ რომ მენსონზე და სხვებზე უარესები უნდა გამოსულიყვნენ...

პოსტის ავტორი: Alterego თარიღი: Aug 13 2013, 11:54 PM

მენსონზე უარესი არსებობდა ადოლფ ჰიტლერი, იოსებ სტალინი მაგრამ არსებობდნენ )

პოსტის ავტორი: A.V.M თარიღი: Aug 14 2013, 12:09 AM

Alterego

უნდა შეცვალო საუბრის მიმართულება , თორემ ეს ყველაფერი , ,,უკანასკნელი რიცხვის ძებნას ჰგავს.''
მეტყვი რომელიმე უარყოფით პიროვნებას და მე უარესს დაგისახელებ , უფრო უარესს მეტყვი და მეც გეტყვი რომ მაგათზე უარესები არ გაზრდილიყვნენ ეს ბავშვები და საბოლოოდ მივალთ ყველაზე უარეს პიროვნებამდე-ანტიქრისტემდე და მეტყვი , თუ რატომ არ მოკლა მცირე ასაკშივე იგი ღმერთმა...

პოსტის ავტორი: Alterego თარიღი: Aug 14 2013, 12:24 AM

ჰო უბრალოდ ეგ არგუმენტი ცუდია რო იცი რაა? ცუდი გაიზრდებოდა და მიტო, აი მამიდაჩემები რო პატარები გარდაიცვალენ ეხლა ისინი თუ ჰიტლერზე უარესს რამეებს გააკეთებდნენ ნუ რავიცი ) უბრალოდ ვაღიაროთ ის რო ამ კითხვაზე პასუხი არ გვაქვს ) ეს იცის ღმერთმა და ოდესღაც ალბათ გავიგებთ ) აქ იმიტო დავსვი ეს კითხვა იქნებ ვინმეს რამე ისეთი პასუხი გაეცა, აი ეგ პასუხი რო ღმერთმა იცოდა ის რო რაღაც ცუდი ადამიანი იქნებოდა უამრავჯერ მომისმენია მაგრამ არ ვეთანხმები , პასუხი სხვა არის და რა არის ჯერ არ ვიცი, მაგალითად ბავშვი რომელიც ხეიბარი იბადება , იბადება იმიტო რო ის რო ჯანმრთელი ყოფილიყო რამეს დაუშავებდა ვინმეს და ღმერთმა დააინვალიდა და მისთვის ასე ჯობდა? არასწორია მსგავსი მიდგომა

პოსტის ავტორი: G_saxva თარიღი: Aug 14 2013, 09:23 AM

გცოდნია პასუხი და რაღა საჭირო იყო კითხვის დასმა? საერთოდ ადამიანი იმდენს იგებს რაც მისთვის არის საჭირო, მეეჭვება პასუხი იმაზე, თუ რატომ მიჰყავს ღმერთს თავისთან პატარა ბავშვები, რომელიმე ჩვენგანს სულიერებაში დაეხმაროს. ადამიანს ვისაც არ სწამს, სხვა კითხვას მოძებნის, ვისაც წამს, იმისთვის მნიშვნელობა არ ექნება ამ საკითხს. ამას იმასაც თუ დავუმატებთ , რომ ადამიანის გონება იმასაც ვერ იტევს რაც იცის და ღვთის არსებობას ეჭქვეშ აყენებს ( ათეისტებს ვგულისხმობ), პატარა დეტალების ცოდნა უფრო მიუწვდომელი იქნება და ასეც არის. ჩემი პასუხი ეს არის.

პოსტის ავტორი: A.V.M თარიღი: Aug 14 2013, 01:33 PM

Alterego
აუჰ...
ფორმაში ხარ გეტყობა . დასვამ რაღაც კითხვას და მერე ერთი და იგივე...
იქნებ ცოტა მოგეცადა და ბოლომდე მიგეყვანა საუბარი?

კითხვა ნომერი პირველი:
1–სულს ასაკი აქვს?
2– ქრისტიანის ცხოვრებაში უმთავრესი რაა? დიდხანს იცოცხლოს ქვეყანაზე თუ ცხონდეს?

პოსტის ავტორი: Alterego თარიღი: Aug 14 2013, 02:49 PM

ზემოთ დავწერე ეგ თუ რატო დავსვი ეგ კითხვა ))



სულს ასაკი ალბათ არ აქვს მაგრამ ცხონებას რაც შეეხება ცხონება ადამიანმა უნდა მოიპოვოს მისი ცხოვრებით, სინდისით და იმ ცხოვრებით როგორაც ცხოვრობდა და ამ ქვეყნად მოვლინება მერე ეგრევე წაყვანა და ცხონება უაზრობაა )

პოსტის ავტორი: A.V.M თარიღი: Aug 14 2013, 09:20 PM

Alterego

თუ ამ აზრზზე ხარ , დღევანდელ პრობლემებს რაღატო განვიხილავთ? აგერ მშვენიერი მაგალითია სახარებაში , ჰეროდემ რომ 14 000 ყრმა დახოცა , ,,2 წლისა და უდარესი ასაკის.''
როგორი უსამართლო ყოფილა ღმერთი ხომ?

პოსტის ავტორი: Alterego თარიღი: Aug 14 2013, 09:39 PM

ხოდა ზუსტად მაგ კითხვას ვსვამ რა აზრი ქონდა იმ 14 000 ბავშვის დაბადებას? მაგრამ ალბათ რაღაც როლი ითამაშეს იმ ბავშვებმა იმ ისტორიული მომენტის შექმნაში )

პოსტის ავტორი: A.V.M თარიღი: Aug 14 2013, 11:18 PM

Alterego

AUH...
დაგიწერ პასუხს ,რომ მოვიცლი...

პოსტის ავტორი: A.V.M თარიღი: Aug 15 2013, 09:00 PM

Alterego
როდესაც ფორუმზე დარეგისტრირდი გვითხარი რომ ხარ მართლმადიდებელი ქრისტიანი , გყავს მოძღვარი და.ა.შ მოკლედ მართლმადიდებელი ვარო . მაგრამ აქედან , თითქმის ყოველი დღის მანძილზე ისეთ რაღაცეებს მოქმედებდი ფორუმზე რომ კითხვის ნიშნის ქვეშ აყენებდი შენს რელიგიურ სტატუსს.ამის გამო მიჩნდება საფუძვლიანი ეჭვი რომ მართლმადიდებელი არ ხარ . მცირე მიზეზებს ჩამოვთვლი თუ რატომაც :

1-მღვდლების გაუთავებელი კრიტიკა . მაგრამ ამას არა უშავს , ვფიქრობდი ჯანსაღი კრიტიკაა და გული შეტკივა მეთქი.

2-სასულიერო იერარქებისათვის შეურაცხყოფის მიყენება - (მეუფე იაკობზე მახსოვს შენი კომენტარები)

3-ე.წ;. სექსუალურ უმცირესობებზე შენი აზრებიც მახსოვს .

მაგრამ ეს კიდევ არაფერი . ვფიქრობდი მეთქი საკუთარი აზრები გააჩნია და მერე რა იყო მეთქი .

ამას კი რა დაემატა:

4-დაბეჯითებით მტკცება რომ ბიბლია და სახარება რეინკარნაციის შესაძლებლობას უშვებს .

5- ცრუ ბრალდებები ეკლესიის ისტორიის შესახებ , რომ ვითომ მე-6 საუკუნემდე რაღაცა უბედურობებს ამართლებდა და მერე ,,ხალხის სამართავად'' შეცვალეს მეთოდი.

6- და ახლა უკვე ღმერთის ქმედებებში შეგაქვს დაეჭვება .

ყოველივე ამის შემდეგ მიჩნდება კითხვა- მართლმადიდებელი როგორ ხარ? ან თუ ხარ რაში გამოიხატება იგი?

სწორად გამიგე . შენ შეგიძლია ნებისმიერ რამეს ფიქრობდე და ნებისმიერი რამე გეგონოს , მაგრამ მართლმადიდებლობა გარჯკვეულ ჩარჩოებში მოქცევას გულისხმობს და თუ მასში არ მოექცევი შეუძლებელია მართლმადიდებელი იყო .

ახლა უშუალოდ ჩვილთა სიკვდილის შესახებ გადავალ

ვკითხულობდი იოანე ოქროპირის ჰომილიებს და ძალიან ბევრი რამ აღმოვაჩინე მასში ისეთი რაც შენი მცდარი აზრის შესახებ მსჯელობას ეხება . შენის ნებართვით დავაციტირებ:

პოსტის ავტორი: A.V.M თარიღი: Aug 15 2013, 09:30 PM

,,ბევრი განუსჯელად მსჯელობს ამ ბავშვების შესახებ და მათი მოწყვეტის უსამართლობა აღაშფოთებს ; ზოგი მორიდებით გამოთქვამს ეჭვებს ; ზოგიც საკმაოდ უტიფრად ...
თუკი გასაკიცხია , რომ ყრმათა მოწყვეტა დაუშვა საღმრთო განგებულებამ , მაშინ პეტრეს მცველი მეომრების სიკვდილის გამოც გაკიცხონ იგი, როგორც აქ ყრმის განრიდების შემდგომ ისჯებიან სხვა ყრმები , ასევე იქაც , მას შემდეგ რაც პეტრე დილეგისა და ბორკილებისგან გაანთავისუფლა ანგელოზმა , სახელითა და ხასიათით მსგავსმა ტირანმა პეტრეს მიერ მისი მცველი მეომრები დასაჯა!...
ქრისტე კი არ იყო ამ ჩვილების სიკვდილის მიზეზი , არამედ , – სისასტიკე მეფისა . შესაბამისად განა პეტრე იყო მეომართა სიკვდილის მიზეზი? არამედ ჰეროდეს უგუნურება . ..
უნდა ვფიქრობდეთ ჩვენს სატანჯველზე . ამ ტანჯვით ან საკუთარ ცოდვებს წარვხოცავთ , ანდა , თუ ცოდვა არ გვაქვს , მათთვის ბრწყინვალე გვირგვინებს ვიღებთ . ისმინე , რას ამბობს პავლე მეძავების შესახებ : ,, მიცემად ეგევითარი იგი ეშმაკსა სატანჯველად ხორცითა , რათა სული ცხონდეს . ‘’ (1კორ.5,5)...
იტყვი შენ , რა ცოდვა ჰქონდათ ყრმებს , თავიანთი სისხლით რომ უნდა ჩამოერეცხათ? ზემოთთქმული ხომ შეიძლება მიესადაგოს მხოლოდ ზრდასულ ადამიანებს , რომელთაც მრავლად სცოდეს...
თუკი არ არსებობს ცოდვა , მაშინ ამქვეყნიური ტანჯვისათვის ჯილდო მიიღება? ამგვარად რა დააკლდათ ამ მიზეზით მოწყვეტილ ბავშვებს , რომლებმაც მსწრაფლ მიაღწიეს მშვიდ ნავთსაყუდელს? შენ იტყვი , რომ ისინი ბევრ რამეს გააკეთებდნენ და შესაძლოა ძალიან დიდ საქმეებსაც , მათი ცხოვრება რომ გაგრძელებულიყო . მაგრამ ღმერთი მცირედ ჯილდოს როდი სთავაზობს მათ იმისათვის , რომ სიცოცხლეს ამისთანა მიზეზით მოაკლდნენ . იგი არც დაუშვებდა მათ ნაადრევ სიკვდილს , მათ რომ შესძლებოდათ დიდებულნი გამხდარიყვნენ . თუკი ღერთი ასეთი მრავალმოთმინებით უშვებს , იცოცხლონ მათ , ვინც მთელ ცხოვრებას ბოროტებაში ატარებენ , მაშინ მით უმეტეს , არ დაუშვებდა სიკვდილს ამ ბავშვებისას , თუკი განჭვრეტდა , რომ ისინი დიად საქმეებს აღასრულებდნენ . ..
ამგვარია ჩვენი საფუძვლები . თუმცა , ეს ყველაფერი არ არის , არამედ არსებობს სხვა დაფარული მიზეზები , რომელთა შესახებაც სრულად უწყის მან , ვინც ყოველივე ამგვარად განაგო . ..''
(გვ–73 ; 74 ; 75 . წმ.იოანე ოქროპირი კონსტანტინოპოლის მთავაეპისკოპოსი – განმარტება სახარებისათვის წმიდისა მოციქულისა და მახარებელისა მათესი . თბილისი 2009)

პოსტის ავტორი: Alterego თარიღი: Aug 15 2013, 11:26 PM

მართლმადიდებელი ვარ , მოვინათლე 1998 წელს ქუთაისის ხარების ეკლესიაში ) როგორც მახსოვს მამაოს გიორგი ერქვა ) მყავს 3 ნათლია ) ადრე ვცდილობდი მეცხოვრა ეკლესიურად და მოძრვარიც მყავდა 2 თან ერთი საქართველოში და მერე როცა ესპანეთში წავედი აქ ქართულ ეკლესიაშიც ) შემდეგ მოხდა ის რომ გამიჩნდა კითხვები და მოსაზრებები რაღაც საკითხებზე , შევხედე სასულიერო პირების არასწორ ქმედებებს რაც ამ ფორუმზე აღვნიშნე და სხვა საკითხები ) ასე რომ არ ვარ მართლმადიდებლობას ამოფარებული სხვა რელიგიის წარმომადგენელი ან თუმდაც ათეისტი ) მწამს ღმერთის მაგრამ თუ რამეს არ ვეთანხმები და დოგმად მივიჩნევ არ ნიშნავს რო ურჯულო ვარ და რაღაც ეგეთი

რაც შეეხება პასუხს, ბავშვთა მკვლელობა არ იყო ღმერთის მიერ და ჰეროდეს ბრალი იყო, და გასაგებია რო ის ბავშვები სასუფეველს დაიმკიდრებდნენ მერე მაგრამ ღმერთმა ხო იცის წარსული,აწმყო და მომავალი? შესაბამისად ხო წინასწარ იცოდა რო ჰეროდე მოკლავდა ამ ჩვილებს? ჰოდა მაგას ვამბობ რო ეს საჭირო იყო იმიტომ რომ ისტორია შექმნილიყო გასაგებია რო ის ბავშვები ღმერთთან იქნებიან მაგრამ ისტორია შეიქმნა ესაა და ეს

პოსტის ავტორი: A.V.M თარიღი: Aug 15 2013, 11:47 PM

Alterego

ვერ გაიგე რა გითხარი...
რაც შენ დაწერე (და რასაც წერ მთელი ამ ხნის მანძილზე) ნიშნავს იმას რომ მართლმადიდებელი არ ხარ .
გწამდეს ღმერთი კი ბატონო . არავინ გეუბნევა რომ ათეისტი ან სხვა რელიგიის წარმომადგენელი ხარ , უბრალოდ გეუბნევი იმას თუ რა არ ხარ .

ღმერთმა კი არა მთელმა ებრაელმა ხალხმა იცოდა ამის შესახებ . პირდაპირი წინასწარმეტყველება იყო ძველ აღთქმაში რომ ამგვარი ფაქტი მოხდებოდა .
იქნებ უფრო დაგეკონკრეტებინა...

პოსტის ავტორი: Alterego თარიღი: Aug 16 2013, 12:01 AM

ოკ არ ვიყო ) ჯობია ლოგიკური კითხვები მიჩნდებოდეს და ამის გამო არ მეძახოდნენ მართლმადიდებელს ვიდრე ბრმად დავეთანხმო ყველაფერს და მართლმადიდებელს მეძახდნენ ))




რაღა დავაკონკრეტო ყველაფერი ვთქვი რო რაც მოხდა წინასწარ იყო დაგეგმილი, ასევე მსგავსი კითხვა შეძლება დაისვას იმაზე რომ ღმერთმა წინასწარ იცოდა რო იუდა ისკარიოტელი იესოს გასცემდა , ანუ ეს ისტორიის ნაწილი იყო იუდას როარ გაეცა ჯვარსაც არ აცვავდნენ იესოს და ეს ესე უნდა მომხდარიყო, ასე რო ვთქვათ იუდას ბედი იყო ეგ

პოსტის ავტორი: G_saxva თარიღი: Aug 16 2013, 09:28 AM

საერთოდ არასწორია იუდას მდგომარეობის გაგება. ამ წინადადებით შენ ეჭ ქვეშ აყენებ ადამიანის თავისუფალ ნებას.
ის რომ წინასწარილი მაგიტომ კი არ გასცა იუდამ ქრისტე არამედ რომ გასცა მაგიტომ დაიწერა. განსხვავება ძალიან დიდია ამ ორს შორის.
ამ თემაზე გახსნილია თემა ჩვენ ფორუმზე და შეგიძია გადაათვალიერო http://church.ge/index.php?showtopic=1610

პოსტის ავტორი: G_saxva თარიღი: Aug 16 2013, 10:02 AM

ასევე დავამატებ წინასწარ ცოდნასა და წინასწარ განზრახულობის შესახებ წმინდა იოანე დამასკელის მართლმადიდებელი სარწმუნოების ზედმიწევნითი გადმოცემა.
თავი ორმოცდამეოთხე

წინასწარმცოდნეობისა და წინაგანსაზღვრულობის შესახებ

საჭიროა ვიცოდეთ, რომ ყველაფრის წინასწარმცოდნეა ღმერთი, მაგრამ - არა ყოველივეს წინაგანმსაზღვრელი, რადგან წინასწარ იცის მან ისიც კი, რაც ჩვენზეა დამოკიდებული, თუმცა წინასწარ არ განსაზღვრავს ამას, არ ნებავს რა, რომ მოხდეს ბოროტება და არც ის, რომ გვაიძულოს სათნოება. ამგვარად, წინაგანსაზღვრულობა არის საღვთო წინასწარმცოდნეობითი ბრძანების საქმე. ღმერთი თავისი წინასწარმცოდნეობის შესაბამისად წინაგანსაზღვრავს იმას, რაც ჩვენზე არ არის დამოკიდებული, რადგან მას უკვე წინდაწინ განსჯილი აქვს ყოველივე თავისი სიკეთისა და სამართლიანობის შესაბამისად.

საჭიროა ვიცოდეთ, რომ სათნოება ღვთისგან ებოძა ბუნებას და რომ ღმერთი თავად არის ყველა სიკეთის დასაბამი და მიზეზი, რომლის თანამოქმედებისა და შემწეობის გარეშე შეუძლებელია ჩვენთვის კეთილის ნებება და ქმნა. ჩვენზე ისაა დამოკიდებული, ან დავმკვიდრდეთ სათნოებაში და შევუდგეთ ღმერთს, რომელიც ამისკენ გვიხმობს, ანდა გავემიჯნოთ სათნოებას, რაც ნიშნავს, ბოროტებაში მოვხვდეთ და შევუდგეთ ეშმაკს, რომელიც აქეთ გვიხმობს იძულების გარეშე, რადგან ბოროტება სხვა არაფერია, თუ არა კეთილის განშორება, ისევე როგორც სიბნელე - ესაა სინათლის განშორება. ამრიგად, თუკი იმაში ვმკვიდრობთ, რაც ბუნებისეულია, სათნოებაში ვიმყოფებით, ხოლო თუ ბუნებისეულს, ანუ სათნოებას, გადავუხვევთ, ბუნების გარეგანისკენ წავალთ და ბოროტებაში აღმოვჩნდებით.

სინანული არის ბუნების გარეგანისგან ბუნებისეულისკენ და ეშმაკისგან ღვთისკენ ზეასვლა მოღვაწეობისა და შრომათა მიერ.

ამიტომ ეს ადამიანი შემოქმედმა მამაკაცად შექმნა, უბოძა რა წილად თავისი საღვთო მადლი და მადლის გზით თავისთან მზიარებლად აქცია იგი. ამის გამო [ადამმა] ცხოველების, როგორც მისთვის ბოძებული მონების, სახელდებანიც წინასწარმეტყველურად აღასრულა, როგორც მეუფემ, რადგან მას, - ღვთის ხატისებრ მოაზროვნედ, გონისმიერად და თვითუფლებრივად ქმნილს, - მართებულად გადაეცა მიწიერთა მოთავეობა ყოველთა საერთო შემოქმედისგან და მეუფისგან.

ამასთან, უწყოდა რა წინასწარმცოდნე ღმერთმა, რომ გადავიდოდა იგი მცნებას და ხრწნილებაში ჩავარდებოდა, შექმნა მისგან ქალი, „შემწედ მისდა მისებრი“ (შესაქ. 2,18; 31-33), კერძოდ, შემწედ მოდგმის მემკვიდრეობითად შენარჩუნებაში, გარდასვლის შემდეგ, შობადობის გზით, რადგან პირველი დაბადება „შექმნად“ ითქმის და არა „შობად“, არის რა „შექმნა“ პირველი დაბადება ღვთისგან, „შობა“ კი ესაა გარდასვლის შედეგად სიკვდილის სასჯელისგან გამომდინარე ურთიერთმემკვიდრეობითობა.

დაამკვიდრა მან იგი გონისეულ და გრძნობად სამოთხეში, რადგან თუმცა გრძნობადში ხორციელად ცხოვრობდა მიწაზე, სულისმიერად ანგელოზებთან იმყოფებოდა, იმუშაკებდა საღვთო აზრებს და საზრდოობდა მათგან, იყო რა შიშველი სიწრფელითა და უზაკველი ცხოვრებით, მხოლოდ შემოქმედისაკენ ზეამავალი ქმნილებათა წიაღ და მისი ჭვრეტით დატკბობილი და მოლხინარე.

ამიტომ, რადგან ღმერთმა ბუნებითად შეამკო იგი თვითუფლებრივი ნებით, მცნება მისცა მას, რომ არ ეგემა ცოდნის ხისგან (ამ ხის შესახებ, ჩვენი ძალისებრ, თვითკმარად ვთქვათ „სამოთხის შესახებ“ თავში). მისცა მას ეს მცნება და აღუთქვა, რომ თუ დაიცავდა იგი სულის ღირსებას და გონებას გაამარჯვებინებდა, შეიცნობდა კიდეც შემოქმედს და მისი ბრძანების დაცვით წილმქონე გახდებოდა მარადიული ნეტარებისა და სიკვდილზე უმჯობესქმნილი იცოცხლვბდა უკუნისამდე, მაგრამ თუკი სხეულისადმი დაამორჩილებდა სულს და სხეულის სიამეებს მიანიჭებდა უპირატესობას (ვით უმეცარი საკუთარი პატივისა და ეგუნურ პირუტყვთადმი მიმსგავსებული), განიშორებდა რა შემოქმედის უღელს და უგულებელყოფდა რა მის საღვთო განჩინებას, სიკვდილსა და ხრწნას დაექვემდებარებოდა და, უბადრუკი ყოფის მზიდველი, შრომაში ჩავარდებოდა მართლაც, არ იქნებოდა სასარგებლო, რომ მას, ჯერაც გამოუცდელს და გაუწვრთნელს, უხრწნელება ეპოვა, რადგან ჩავარდებოდა იგი ამპარტავნებაში და ეშმაკის სასჯელში, ეშმაკისა, რომელსაც არჩევანისმიერი დაცემის შემდეგ უსინანულო და უცვლელი სიმყარე ჰქონდა ბოროტებაში ამ უხრწნელების გამო, ისევე როგორც ანგელოზებს - მადლისმიერი და შეუძრავი დაფუძნება სიკეთეში, კვლავაც და კვლავაც სათნოების არჩევანისმიერი გამორჩევის შემდეგ.

ამიტომ, მართებდა ადამიანს, რომ უპირველესად გამოცდა გაევლო და მცნების დამარხვის გზით გამოცდილებითად სრულქმნილიყო, რომ ამ სახით უხრწნელება მოეხვეჭა სათნოების ჯილდოდ, რადგან იგი, ღმერთსა და ნივთიერებას შუა მყოფი, არსთა მიმართ ბუნებითი მოთვისეობისგან მცნების დაცვის გზით განთავისუფლების შემდეგ შეთვისებითად შეუერთდებოდა ღმერთს და მიიღებდა შეუძრავ დამყარებას სიკეთის ახლოს. მაგრამ მან გარდასვლის შედეგად უფრო ნივთიერებისკენ იმოძრავა, თავის მიზეზს (ვამბობ, ღმერთს) მოსწყვიტა გონება, ხრწნილებას მიეთვისა, გახდა ვნებული უვნებოს სანაცვლოდ და მოკვდავი - უკვდავის ნაცვლად, საჭიროება გაუჩნდა შეწყვილებისა და დინებადი შობისა, სიცოცხლის სურვილით დაეწაფა იმ სიამეებს, რაც თითქოსდა სიცოცხლეს შეადგენს, ხოლო რომლებიც ამათი ჩამოცილებისკენ ასწრაფებდნენ მას, ურიდად მოიძულა და საკუთარი მისწრაფება ღვთისგან ნივთიერებაზე გადაიტანა, რისხვა კი - ცხონების ნამდვილი მტრისგან მოყვასზე.

ამრიგად, ეშმაკის შურით იძლია ადამიანი, რადგან ვერ აიტანა მოშურნე და კეთილისმოძულე ეშმამ, თვით ქვედაცემულმა ამპარტავნების გამო, ჩვენს მიერ ზენათა წვდომა. ამიტომაც, ღმერთობის იმედით შეიტყუა მან უბადრუკი, და ზეაიყვანა რა თავისი ამპარტავნების სიმაღლეზე, დაცემის მსგავსსავე უფსკრულში ჩააგდო იგი.

- See more at: http://www.orthodoxy.ge/gvtismetkveleba/damaskeli/44.htm#sthash.RWGfWPlj.dpuf

პოსტის ავტორი: A.V.M თარიღი: Aug 16 2013, 12:11 PM

Alterego

არანაირად...მცდარ აზრზს ამბობ.
ჩვენ იუდას გამცემლობამ კი არა , ქრისტეს თავდადებამ გვიხსნა .
იუდამ ეს საკუთარი ნებით აირჩია და ღმერთმა ეს ყოველივე იცოდა მისი ყოვლისმცოდნეობით და არა იმიტომ რომ მისი ,,დაწერილი იყო ეს ბედი იუდასთვის.''
დრო არის ჩემთვის , შენთვის , იუდასთვის და.ა.შ.
ღმერთისთვის კი დრო არ არსებობს . მისთვის მარადიული აწმყოა ღმერთთან არც წარსულია და არც მომავალი . იგი ზედროულია .


ერთ კითხვას დაგისმევ:
ამ მომენტში შენ ხედავ როგორი ამინდია გარეთ . მაგრამ ამ ამინდის ასეთად შექმნაში რამე მონაწილეობას იღებ?
კი ან არა...

პოსტის ავტორი: Alterego თარიღი: Aug 16 2013, 04:08 PM

ამინდი სხვა რამეა როცა მოიღრუბლება ვიცი რო გაწვიმდება მაგრამ მე ვერაფერს გავაკეთებ რო არ გაწვიმდეს მაგრამ როცა ვიცი რო მაგალითად ჩემმა მეზობელმა გურამამ ჩემი მეზობელი პლატონი უნდა მოკლას მე შევეცდები ხელი შევუშალო ამაში

პოსტის ავტორი: A.V.M თარიღი: Aug 16 2013, 04:43 PM

Alterego

მთელ შენს მსჯელობას ვაკვირდები და ერთ სერიოზულ შეცდომას უშვებ .
შენ რომ არ გინდა ვიღაცის დაღუპვა , ვიღაცეების ამოხოცვა , ვიღაცის გაცემა და.ა.შ. ეს ნორმალური მოვლენაა , პირიქით სავალდებულოა ქრისტიანისთვის , მაგრამ გავიწყდება რომ დედამიწაზე ხარ.
შენ გინდა რომ არავინ არავის კლავდეს , არავინ უშვებდეს და.ა.შ. და არა იმიტომ რომ ადამიანმა , საკუთარი თავისუფალი ნებით მიიღოს ეს გადაწყვეტილება , არამედ ღმერთი ჩაერიოს მის საქმიანობაში და ძალით მიაღებინოს ის გადაწყვეტილება , რომ სხვა ადამიანი არ დააზიანოს.

ადამიანის გაცემა და მოკვლა კი არა , როდესაც მოუნდა მოკვდავს , რომ ღმერთი გაეცა , იმისთვისაც არ შეუძლია ხელი ღმერთს . ადამიანს მოუნდა რომ ჯვარს ეცვა ღმერთი , ამისთვისაც არ შეუშლია ხელი უფალს.
რატომ? არ ძალადობს ადამიანზე და იმიტომ.

ხოლო როდესაც ,,ცა და მიწა '' გადავა , შემდეგ აღარ იქნება იქნება ქვეყნად არც სიკვდილიანობა , არც გაცემა , არც ჩაშვება და.ა.შ.
რატომ? იმიტომ რომ ყველა ინდივიდი საკუთარი თავისუფალი ნებით მიხვდება ამ განზრახვის სიავეს და არა ვიღაცის ძალდატანებით . (თუნდაც ღმერთის)

ამას ვგულისხმობ როდესაც გეუბნევი რომ შენ გავიწყდება თუ სად იმყოფები .
შენ დედაიწაზე ხარ და არა სასუფეველში..

პოსტის ავტორი: Alterego თარიღი: Aug 16 2013, 05:18 PM

გასაგებია, უფროსწორედ გაუგებარია რაღაცეები მაგრამ ალბათ ესეა საჭირო იქ ზემოთ

პოსტის ავტორი: A.V.M თარიღი: Aug 16 2013, 05:23 PM

Alterego

ზემოთ კი არა , ქვემოთაა საჭირო , დედამიწაზე.

ზემოთ საერთოდ არაა საჭირო აქ ჩამოთვლილი საგნები თუ მოვლენები...

პოსტის ავტორი: Alterego თარიღი: Aug 16 2013, 05:40 PM

ისე როგორც ვიცი კიდე მართლმადიდებლური სწავლებით სამოთხეში ცოლ ქმრობა არ არსებობს ხო?

პოსტის ავტორი: G_saxva თარიღი: Aug 16 2013, 05:56 PM

ეგ თავად ბიბლიაში წერია და ეგ მაინც უნდა გახსოვდეს.

პოსტის ავტორი: Alterego თარიღი: Aug 16 2013, 05:59 PM

ანუ მე თქვენგან მინდა პასუხი და რას მეტყვით?

პოსტის ავტორი: G_saxva თარიღი: Aug 16 2013, 06:16 PM

23. იმ დღეს მიადგნენ მას სადუკეველნი, რომელნიც ამბობენ, რომ არ არსებობს აღდგომა, და ჰკითხეს:

24. მოძღვარო, მოსემ თქვა: თუ კაცი უშვილოდ გადაეგო, დაე, მისმა ძმამ მოიყვანოს მისი ცოლი, რათა აღუდგინოს თავის ძმას მისი თესლი.

25. იყო ჩვენს შორის შვიდი ძმა: პირველმა ცოლი შეირთო და უშვილოდ მოკვდა, ხოლო ცოლი თავის ძმას დაუტოვა.

26. ასევე მეორემაც და მესამემაც თვით მეშვიდემდე.

27. ყველაზე ბოლოს კი ქალიც მოკვდა.

28. მერედა, აღდგომისას, ამ შვიდთაგან ვისი ცოლი იქნება იგი? ვინაიდან შვიდივეს ცოლად ესვა.

29. იესომ პასუხად მიუგო მათ: სცდებით, რადგან არც წერილს იცნობთ და არც ღმრთის ძალას.

30. ვინაიდან აღდგომისას არც ცოლს ირთავენ და არც თხოვდებიან, არამედ არიან როგორც ანგელოზები ცაში. მათე 22: (23-30)

- See more at: http://www.orthodoxy.ge/tserili/akhali_agtqma/mate-22.htm#sthash.xsOu6BCG.dpuf

პოსტის ავტორი: A.V.M თარიღი: Aug 16 2013, 07:29 PM

Alterego

რაღაცა ახალი ,,ხელჩასაჭიდი'' არგუმენტი იპოვე შენი აზრით?
ცოლქმრული თანაცხოვრება არ არსებობს , თორემ სულს თავისი მოაზროვნებთი ნაწილით ეცოდინება ვინაა მისი ცოლი , ვინ შვილი და.ა.შ.
როდესაც სახარება მასწავლის ცოლქმრული თანაცხოვრება არ არსებობსო , შენი აზრით მე განსხვავებულს გეტყვი?

პოსტის ავტორი: Alterego თარიღი: Aug 16 2013, 07:57 PM

არა სხვა არგუმენტი არ მიპოვია და საერთოდ არც ვცდილობ იმას რო მართლმადიდებლობას ვებრძოლო და კონტრარგუმენტები ვეძებო უბრალოდ რაზეც კითხვები მიჩნდება იმას ვამბობ და მგონი ფორუმიც იმისთვისაა რო ადამიანებმა განიხილონ ესა თუ ის საკითხი, და ცოლ ქმრობაზე კიდე ჩემ კლასელს მოუკვდა ბიძა და რამოდენიმე წლის შემდეგ ჩემი კლასელის ბებიას ანუ გარდაცვლილის დედას ესიზმრა რომ შვილმა უთხრა რო დედა ცოლი მოვიყვანეო ესა და ეს გოგოა ამადა ამ მისამართზე ცხოვრობს და მიდითო, დედამ მერე გაიგო რო იმ მისამართზე გოგონა იყო გარდაცვლილი, თქვენი აზრით უბრალო დამთხვევა იყო? ეს ქალი ვერანაირად ვერ გაიგებდა რო იმ მისამართზე მკვდარი იყო ვინმე და გულში არ ჩაყვებოდა რო დაესიზმრა აბსოლუტურად არაფერი იცოდა ამ ქალმა, ვიცი ვიღაცისთვის ბოდვა იქნება და იტყვის აუ ეს რეებს პოსტავსო მაგრამ მე მჯერა ესეთი რაღაცეების )

პოსტის ავტორი: A.V.M თარიღი: Aug 16 2013, 08:02 PM

Alterego
ეს შემთხვევა არ ვიცი , ასე რომ ვერ ვიმსჯელებ მასზე. ისე კი გეტვი , რომ მეც მსმენია მსგავსი რაღაცეები.
და ყოველთვის ისინი მივაწერე არა შემთხვევითობას , არამედ ბოროტის ხრიკებს .