 ეკუმენიზმის შესახებ, ემოციების გარეშე |
სტუმარს სალამი ( შესვლა | დარეგისტრირება )
  |
| კანონისტი |
 Nov 29 2006, 12:01 PM
პოსტი
#161
|
 დავით  ჯგუფი: Members პოსტები: 16,930 რეგისტრ.: 17-October 06 მდებარ.: თბილისი, საქართველო წევრი № 284  |
KAIROS
ციტატა ეს სწავლება დღეს უკვე შეცვლილია და აჯობებს თანამედროვე კათოლიკური კატეხიზმოებიდან ამოვიდეთ ინდულგენციებთან დაკავშირებით თუ ამბობ, შეცვლილია, მაგრამ იმქვეყნიური მისაგებლის შესახებ სწავლება? შეცვალეს განა ის დოგმატი, რომ წმინდანებს დამსახურებები ერთი ადამიანის ცხონებისათვის საკმარისზე მეტი აქვთ და ამ "ზედმეტ" მადლს პონტიფიკოსი განკარგავს? რაღაცა მეეჭვება... ციტატა აი ეს დაბერტვა არ მომეწონა, შე კაი კაცო, ხომ დაგიწერე, რამდენი რამის გამო უნდა გვქონდეს დიალოგი და მაგ საუკუნეზე კანუდოსელმა კარგად დაგიწერა რა გითხრა აბა? მე მწვალებლებს ვერაფერს ვატყობ ამ დიალოგების მერე, რომ სურვილი ჰქონდეთ ჭეშმარიტებას ეზიარონ! ის აზრი, შენ და კანუდოსელმა რომ მომიწონეთ, მე არ მეკუთვნის, მსოფლიო პატრიარქ ყოვლადუწმიდეს ბართლომეოსისაა (რამდენადაც მახსოვს). როგორც ვიცი, ამჟამინდელი ვიზიტის დროსაც კიდევ ერთხელ დაუყენებს პონტიფიკოს მაქსიმუსს! ჰა, ბურთი და ჰა მოედანი. თუ რაიმე სურვილი აქვთ ლათინებს, გამოჩნდება... თუ არა და, "დაე იყვნენ ვითარცა წარმართი და მეზუერე..." გუჯა ციტატა ნეტა ის ქართველი სასულიერო პირი ვინ იყო? მომეწონა ხელზე რომ ემთხვია რომის პაპს, პატივისცემა გამოხატა ამით მის მიმართ. . . მე არ მომეწონა!!! რისთვის ემთხვია ხელზე? კურთხევის ასაღებად? კურთხევას მადლმოსილი სასულიერო პირისგან იღებენ! პონტიფიკოსი კი მეეჭვება რაღაც ეგეთი იყოს... ეგ კი არა და, იოანე პავლე II-ზე დამწყდა გული, ასეთი კარგი პიროვნება მოუნათლავი რომ წავიდა ამქვეყნიდან...  Guguna777 ციტატა მსოფლიო პატრიარქი რას ამბობს არ მაღელვებს მე ჩვენ დიდ მამის მამა გაბრიელის(ურგებაძეს) სიტყბების მჯერა ???????? მსოფლიო პატრიარქი არის პირველი თანასწორთა შორის, არქიეპისკოპოსი ახლისა რომისა, ღვთაებრ ყოვლადწმიდაა საყდარი მისი, რამეთუ მოსაყდრეა ანდრია პირველწოდებულისა. იგი სრულ ლოცვით და ევქარისტიულ კავშირშია საქართველოს სამოციქულო ეკლესიასთან, ერთ ბარძიმში იხსენიებენ ურთიერთს ბართლომეოს კონსტანტინოპოლელი და ილია საქართველოისა (ბერძნული მოხსენიების ფორმულა ასეთია). ასე რომ, მეტი მორიდება გვმართებს... -------------------- „ნეტარ არიან, რომელთა დაიცვან სამართალი და ჰყონ სიმართლე ყოველსა ჟამსა.“ (ფს. 105; 4) |
   |
 
|
| მნათე |
Nov 29 2006, 12:02 PM
პოსტი
#162
|
 Advanced Member ჯგუფი: Members პოსტები: 17,662 რეგისტრ.: 23-July 06 მდებარ.: Tbilisi წევრი № 4 |
ამ ფოტოზე ვაფრენ
 -------------------- ანალოღია და ჯვარი მომიტანეთ, ვქადაგებ!
რომ გამრეცხავთ, გავიწევ :))))) |
|
|
|
| მნათე |
Nov 29 2006, 12:12 PM
პოსტი
#163
|
|
Advanced Member ჯგუფი: Members პოსტები: 17,662 რეგისტრ.: 23-July 06 მდებარ.: Tbilisi წევრი № 4 |
 -------------------- ანალოღია და ჯვარი მომიტანეთ, ვქადაგებ!
რომ გამრეცხავთ, გავიწევ :))))) |
|
|
|
| zealot |
Nov 29 2006, 02:41 PM
პოსტი
#164
|
|
Newbie ჯგუფი: Members პოსტები: 3 რეგისტრ.: 27-November 06 წევრი № 584 |
 ბერი საბას წერილი "ახალ ათონელებს" ღირსი მამა საბა (+1994), ათონის მთის კაპსალის წმინდა ნიკოლოზის სახელობის კელიიდან იყო და იმ ცხრამეტი მონასტრის თვალსაზრისს იზიარებდა, რომელნიც მრავალთა დარად, გარკვეულ დრომდე დასაშვებად მიიჩნევენ სარწმუნოების საკითხებში დათმობებსა და შეთანხმებებს. მამა საბა, სათნოებებით მოსილი კაცი იყო და მასთან რჩევის საკითხავად, ხშირად დადიოდნენ ეგრეთწოდებული "ახალი ათონელი მამები", რომლებიც მსოფლიო პატრიარქთან და სხვა ეკუმენისტებთან იყვნენ და არიან კავშირში. თანამოსაუბრეებთან, ხშირად იშველიებდნენ მამა საბას მაგალითს და ამბობდნენ: მართებული რომ იყოს იმ მოშურნეთა პროტესტი, რომელთაც არა აქვთ ერთობა პატრიარქთან, მამა საბაც მათ რიცხვში იქნებოდა". მაგრამ როდესაც 1987 წელს, მსოფლიო პატრიარქმა დიმიტრიოსმა რომის პაპთან ერთად ღმრთისმსახურება აღასრულა, მამა საბას სულმა, ამის მოთმენა და ამ აშკარად ეკუმენისტურ ეკლესიაში დარჩენა ვეღარ შესძლო. მან სხვა მოღვაწეებთან ერად თავისი პროტესტი გამოხატა და გამოეყო იმ ათონელებს, რომლებიც ცხრამეტი მონასტრის ქომაგად დარჩნენ. იმ დღიდან მამა საბა იმ მონასტრების ეკლესიებში აღარ შესულა და არც იმ კელიების კარი შეუღია, რომლებიც ამ მონასტრების დაქვემდებარებაში იყო. მსოფლიო პატრიარქთან და ეკუმენისტებთან კავშირში მყოფნი შეშფოთდნენ. დაიძრნენ მონაზვნები კელია - მონასტრებიდან, ბერის გადარწმუნებას ლამობდნენ, მაგრამ ამ ხშირსა და მომაბეზრებელ სტუმრობებს მათთვის სასურველი შედეგი არ მოჰყოლია. ბოლოს მამა საბა იძულებული გახდა წერილობით ეპასუხა ერთ-ერთი მონაზონისათვის (რომელიც განსაკუთრებით ცდილობდა ბერის "გონს მოყვანას") და იმ დანარჩენისათვის, რომლებიც მას მართლმადიდებლობისაგან მოწყვეტას და ეკუმენიზმში გახლართვას უპირებდნენ. ეს წერილი ქვემოთ მოგვყავს. წმინდა ნიკოლოზის კელია, კაპსალა. 13 აგვისტო 1991 წ. მამა ნიკოდიმოს, დაგვლოცე! ბოლოს, რამოდენიმე დღის უკან რომ მესტუმრე კელიაში, შენი არამართლმადიდებლური განცხადებები კვლავ გაგვიმეორე: "ეკლესიის გარეთ ხართ, რაკიღა პატრიარქს არ იხსენიებთო". იქვე სხვა აზრებიც განავითარე და ამან გვაიძულა წერილობით გვეპასუხა შენთვის, რადგან მაშინ შენთან საუბრისას ეს არ მოხერხდება: ჩვენმა პასუხმა, რომლებიც შენს მოსაზრებებს აბათილებდა, მშვიდობა დაგიკარგა და მრისხანებაში ჩაგაგდო. წმ. მამა აგათონს უთხრეს: "ხარ, აგათონ, ცუდისმეტყველი, ამპარტავანი, მემრუშე და მწვალებელი?" - პირველ სამს დაეთანხმა და თქვა: "ამ სამ ვნებაში მხილება სასარგებლოა ჩემი სულისათვის, ხოლო მეოთხე - წვალება უარყო და განმარტა რატომაც: "მწვალებლობა ღმრთისაგან განშორებას ნიშნავს". შენი აზრით (და ათონის ცხრამეტი მონასტრის აზრით) ჩვენ შევცდით და განხეთქილებაში ვართ. შენთვის ძალზე ძნელია იმის აღიარება, რომ კონსტანტინეპოლის ეკლესია წვალებას ქადაგებს, რადგან ამ შემთხვევაში ისიც უნდა დაადასტურო, რომ მგლებთან გაქვს ერთობა და არ მწყემსებთან, რის გამოც წმიდა მამებისა და წმიდა კრებების თანახმად უნდა გაწყვიტო მათთან კავშირი. ფანარის გამართლებას ცდილობ, მაგრამ მათი სიტყვისა და ნამოქმედარის მიხედვით აშკარაა, რომ სცდები, ამაოდ იშველიებ მამა პაისისა და სხვათა მოსაზრებებს, რომლებიც შემწყნარებლურად უდგებიან დღევანდელ მოვლენებს და "იკონომიის" დათმობებზეც მიდიან. დაგიჩემებია, რომ როცა დრო მოვა (ალბათ დიმიტრიოსი პაპთან ერთად რომ ეზიარება, მაშინ - ესეც შენი სიტყვებია) წმიდა კრებებისა და მამების შეურაცხმყოფელთ მაშინ განუდგებით. თქვენ ცდებით, ძლიერ ცდებით. რაც შეეხება მამა პაისის, მისი მეზობლის მამა ისააკისა და მავანთა შეგონებებს, რომელთა მიხედვითაც დიმიტრიოსი "მართლგამომეტყველია" ღმრთის ჭეშმარიტი სიტყვისა, როგორ მიიჩნევთ მათ სიტყვებს ღვთივსასურველად, თუკი ისინი ეწინააღმდეგებიან მართლმადიდებლურ სწავლებას! ჭეშმარიტების ღალატს უსჯულოება ჰქვია სახელად და არა იკონომია, შეთანხმება თუ დათმობა. შენი პოზიციის გამართლებას მამა პაისის ამ სიტყვებით ცდილობ "დიმიტრიოსი იერარქებს შეჰყავთ შეცდომაში და მათ გამო აკეთებს იმას, რისი გაკეთებაც არ სურსო" და კიდევ: "თუ პატრიარქს აღარ მოვიხსენიებთ, ეკლესიის გარეთ აღმოვჩნდებითო". ასეთსა და ამის მსგავსს აზრებზე ამბობს წმ. იოანე ოქროპირი - "ყოველი მათი სიტყვა-რატრატია, სულელი ბავშვის რატრატი". ამ ხალხის სიტყვები იმ ახალი ღვთისმეტყველების ნაყოფია, რომელიც ფანარმა 1920 წლის ენციკლიკეში გამოიყენა და მწვალებლებს "ღვთის მადლის თანამემკვიდრენი" უწოდა. წმ. იოანე ოქროპირის სიტყვებით მემუქრები, მახსენებ - "განხეთქილების ლაქა მოწამეობრივი სისხლითაც კი არ განიბანებაო", შემდეგ წმ. ეგნატე ღმერთშემოსილის სიტყვებს მახვედრებ - "ნურაფერს მოიმოქმედებ ეპისკოპოსის გარეშეო" და აქედან გამომდინარე ასკვნი, რომ რაკიღა ეპისკოპოსს გამოვეყავით, ახლა ეკლესიის გარეთ ვართ. მაგრამ რატომ დაგავიწყდა მთავარი, ანუ იმ ვითარებათა გათვალისწინება, რომელთა გამოც სთქვეს და დაწერეს ეს ჭეშმარიტებები წმინდანებმა? ეს იყო ჩვენი დღევანდელი ვითარებისაგან სრულიად განსხვავებული ჟამი, იმ დროს ეკლესიაში მთელი სისავსით იყო დაცული მართლმადიდებლობა, დღეს კი ეკუმენიზმის წვალებათა-წვალების ქარიშხალმა რჩეულებიც კი თან გაიყოლა და იგივე წმინდანების სხვა სიტყვების გახსენებაც ნამდვილად უფრო უპრიანია და დროული: "თუ შენი ეპისკოპოსი მწვალებელია, გაექეცი, გაექეცი, გაექეცი, როგორაც ცეცხლსა და გველს. (წმ. იოანე ოქროპირი), და კიდევ - "თუ შენი ეპისკოპოსი ისეთ რამეს ქადაგებს, რაც სცილდება კანონების ზღვარს, უბიწოების დამცველიც რომ იყოს, კიდევ რომ წინასწარმეტყველებდეს და სასწაულებს აღასრულებდეს, ცხვრის ტყავში გადაცმულ მგელად იგულე, რამეთუ იგი სულების დაღუპვას ცდილობს". (წმ. ეგნატე ღმერთშემოსილი). დიმიტრიოსი ჭეშმარიტების დამცველი და მიმდევარი რომ იყოს, მაშინ მართებული იქნებოდა წმინდანთა იმ სიტყვების მომარჯვება, შენ რომ მახსენებ. მაგრამ ახლა რას ჰგავს შენი საქციელი, როგორ იქცევი? წმ. მამათა აზრებს შენს გემოზე ატრიალებ, რომ როგორმე გაამართლო საკთარი თანამეინახეობა დიმიტრიოსთან, პართენიოს ალექსანდრიელთან, იაკობ ამერიკელთან, სტილიანოს ავსტრალიელთან და სხვებთან. უცნაურია, ნუთუ წმ. მამებისა და წმ. კრებების მრავალგზისი დადგინება არაფერია შენთვის? იქნება იმასაც შიშობ, მგლების ხროვას არ მოგკვეთონ? ის ფაქტი, რომ სხვა საპატრიარქოებს ფანართანა აქვთ კავშირი, აღარცაა მნიშვნელოვანი. სხვაა საძებარი: ვინ მისდევს ჭეშმარიტებასა და წმინდათა გზას? პართენიოსმა, ალექსანდრიის პატრიარქმა სთქვა: "მუჰამედი მოციქულია და ბევრი იღვაწა სასუფევლისთვისო". პართენიოსს, მე რომ არ გასწავლო, თავადაც იცი, ბევრი სხვა გმობაც უთქვამს. საჭიროა კი იაკობ ამერიკელისა და სტილიანოს ავსტრალიელის, წვალებების თაობაზე საუბარი? შენ კი ისე ხარ მათთან კავშირში, თითქოს ისინი მართლმკვეთელნი იყვნენ სიტყვისა ჭეშმარიტებისა. ვინ განსჯის იაკობს? იქნება ბართლომეოსი, რომელიც აგერ უკვე ორი წელია იკვლევს და ვერ გაურკვევია, სტილიანოსი მწვალებელი არის თუ არა? როგორ არ გესმის, რომ არ უნდა განაჩენის გამოტანა, არა! ფანარმა ათონის მთის მონასტრის წინამძღვართ აღუთქვა: დიმიტრიოსის განცხადებას ლათინელთა ზიარების შესახებ პრესაში შევასწორებთ და სტილიანოსს საღმრთისმეტყველო დიალოგის პრეზიდენტობიდანაც გავათავისუფლებთო. კიდევ ბევრ სხვასაც დაპირდა იგი ბერებს, მაგრამ თუნდაც ერთი იმ დანაპირებიდან თუ შესრულდა? არა. იქნება ისიც მითხრა ახლა, რომ მსგავს შემთხვევებში ჩვენ არც ბრალი გვედება რაიმეში, არც პასუხი მოგვეთხოვება და შეგვიძლია მათთან ერთობა მშვიდად ვიქონიოთ, რაკიღა შენი ბერი პაისი ასე უსვინდისოდ აცხადებს - დიმიტრიოსი არ ღალატობს ჩვენს სწავლებას და ჭეშმარიტებას იცავსო? ისტორია მეორდება. წმ. თეოდორე სტუდიელს, წმ. მაქსიმე აღმსარებელს და ბევრ სხვა ქრისტიანს, რომელნიც თავის თანამედროვე ეპისკოპოსების სხვადასხვა წვალებებს არ ეზიარნენ, იგივე ეპისკოპოსები ყოველ მათგანს სქიზმატიკოსად აცხადებდნენ. მეკითხები: "შეიძლება ბერი პაისი, საბერძნეთის ოფიციალური ეკლესიის 79 ეპისკოპოსი ცდებოდესო?" და გპასუხობ: "წმ. გერასიმე იორდანელი სასწაულმოქმედი მამა იყო, ლომი ემსახურებოდა და დრო იყო, ისიც კი ძლიერ შეცდა: არ სცნო მეოთხე მსოფლიო კრება და ათასობით ბერი გაიყოლა თან, სანამ ბოლოს წმ. ექვთიმე დიდმა არ დაარწმუნა იგი ჭეშმარიტებაში, რის შემდეგაც წმ. გერასიმემ შეინანა თავისი ახირება. ახლა მეორე მაგალითს გეტყვი: ხატმბრ-ძო-ლობის ჟამს, იმპერატორ კოპრონიმეს დროს, 338 ეპისკოპოსმა შემარძრწუნებელი რამ აღიარა ერთბაშად: "გაუმარჯოს იმპერატორს! ხატი-კერპია, ან უნდა განადგურდეს, ან ისე მაღლა უნდა დაიკიდოს, რომ მისი მთხვევა ვერავინ შეძლოსო". თუკი მაშინ ამდენი ეპისკოპოსი შეცდა, დღეს რატომაა დაუჯერებელი, 70 ეპისკოპოსი ცდებოდეს? ჩვენს დროში მონაზვნებს მარტოოდენ მიტრები ელანდებათ, წინამძღვრებს - კვერთხები, სარწმუნოებას კი ნაკლებად დაგიდევენ, ვაგლახობენ, ფაფხურობენ, რაღაც-რაღაცებს თითქოს კიდეც აპროტესტებენ, მაგრამ პატრიარქთან კავშირს არ წყვეტენ, მაინც ითმენენ ყველა იმ სიახლეებს, რომლებიც დიმიტრიოსის, იაკობისა და პათენიოსისა და მათი მსგავსების მიერ ინერგება. წმ. თეოდორე სტუდიელი კი წერს: "მონაზონს ერთი ევალება და ესაქმება, ქრისტეს სახარებაში არავითარ სიახლეს არ შეურიგდესო". რომში, დღესასწაულზე, დიმიტრიოსი არ ეზიარა პაპთან ერთად, შიშობდა, "კონსერვატორთა" რისხვა არ დასტყდომოდა თავს, მაგრამ იმ სწავლებას, სადაც ნათქვამია, რომ ლათინელთა საიდუმლოებებიც მადლმოსილიაო, ხელი მოაწერა! არაა საკმარისი? ერთი მაგალითი მაინც მითხარი ისეთი. სადაც რომელიმე მართლმორწმუნე ქრისტიანი, წვალების ესოდენ აშკარა ქადაგებისას შენსავით მოქცეულიყოს? მომიძებნე და მომიტანე ქრისტიანთა ისტორიიდან შენი საქციელის მსგავსი ანალოგია, რათა გავიგო - ვის ვბაძავ, ვისი მაგალითი მაქვს წინ, რითი ვხელმძღვანელობ? თუ წმინდათა მემკვიდრე ხარ (ანუ მათი მიმდევარი და მიმბაძველი), მაშინ "აბრაამის საქმეებს" აღასრულებდი, როგორც სახარებაშია ნათქვამი. პატრიარქ ვეკას წმ. ათონის ბერები არ იხსენიებდნენ, თუმცა ეს მღვდელმთავარი საეკლესიო კრებისგან განსჯილი არ იყო. მაშინდელი ათონელები მტკიცედ და განუხრელად იცავდნენ წმ. მამათა გადმოცემას, (იგულისხმება ევქარისტული კავშირის გაწყვეტა მათთან, რომლებიც განუდგნენ მართლმადიდებლურ სწავლებას), რის გამოც ღმერთმა ისინი მოწამეობრივი გვირგვინებით შეამკო, ხოლო ოფიციალური პატრიარქის მომხსენებელთა "ნეშტები" კი დღესაც, როგორც ცნობილია-გაბერილი და მყრალია. ეს მაგალითი, წესით, უნდა კმაროდეს გონს მოსასვლელად. განა შენ არ ამბობდი, დიმიტრიოსი თუკი თავის ყველა ნამოქმედარს არ აღიარებს და არ შეინანებს, განწირულია მარადიული სატანჯველისთვისო. შენი სიტყვებით რომ იმსჯელოს კაცმა, რა უნდა იფიქროს, თუ ხვდები მაინც? რა და ის, რომ იმ კაცს უდგახარ გვერდით, რომელმაც თაივისი ნამოქმედარით საკუთარი სული წარწყმიდა. სულის წარწყმედა კი რაა, თუ არა ეშმაკის საქმეთა აღსრულება! აქედან გამომდინარე, განა თავადვე არ აღიარებ, რომ ეშმაკს დასდგომიხარ თანამგზავრად?! "თუ ათინაგორამ სიკვდილის წინ "შეინანა" და აღსარებაში თავისი ცოდვები აღიარა, ცხონდება თუ არაო? მითხარი, ამას მართლა მეკითხები თუ ხუმრობ? ერთი მაგალითი მაინც დამიმოწმე წმ. მამათაგან იმ აზრის დასასაბუთებლად, რომ "ჩუმი და წყნარი თავი მართლმადიდებლობისა" - დიმიტრიოსი, მიუხედავად წვალების ქადაგებისა, მაინც ეკლესიის წევრია. და გვაცხოვნებს კი ასეთ იერარქებთან კავშირი, რომელნიც არამართლმკვეთელნი არიან სიტყვისა ჭეშმარიტებისასა? თუ ასე გიმძიმს აღიარო, რომ ესთიგმენოს მონასტრის ძმობა და სხვა მოშურნე მამები პატივის ღირსნი არიან ორგზისი კრების მე-15 კანონის მიხედვით, დადუმდი მაინც და ღმერთს ნუ გმობ, თითქოს ისინი სქიზმატიკოსობის გამო ეკლესიის გარეთ იყვნენ დარჩენილნი. ეს სხვა არაფერია, თუ არა წმ. მარკოზ ეფესელის ანდერძის შეურახყოფა, რომელმაც საკუთარ დაკრძალვაზედაც კი არ ისურვა ლათინელთა ბრძნობას აყოლილი იერარქების დასწრება. ჯერ შეისწავლე ის საკითხი, რის შესახებაც მსჯელობას ეპირები და მერე გვასმენინე შენი განცხადებები. კაცმა რომ გისმინოს, წმ. მარკოზ ეფესელი, წმ. მაქსიმე აღმსარებელი და გუნდი წმინდანებისა, რომელთაც არ ჰქონდათ კავშირი მწვალებლებთან - ეკლესიის გარეთ დარჩენილან და არ არიან ეკლესიის წევრები?! თუ ხედავ მაინც, საით მიყავხარ შენს ახალ "ღვთისმეტყველებას"? ვინ იფიქრებდა, რომ ათონელი მამები მეორე ბიბლიად დაიდგენდნენ თეოდოროპულოსის წიგნს. რას გვირჩევ, ამ წიგნს მივყვეთ და პროტესტები ვაკმაროთ მიმდინარე მოვლენებს? - "წმ. კანონები ჩვენს დროს არ პასუხობს, ისინი სიყვარულს არიან მოკლებულნი". იგივე ავტორი ათინაგორაზე ამბობს: "მისი სიყვარული-დემონურიაო" და მაინც მასთან აქვს ერთობა. მართლაც გასაოცარი" თანამიმდევრულობაა"! მამა ეპიფანე თეოდოროპულოსი დუმდა, როდესაც 20 წლის წინ მისი ცდომილებანი და ხიბლი ამხილეს და უარყვეს. მაგრამ შენ შენი არაღვთისმეტყველური დასკვნებით ცდილობ გაამართლო სულიერი ერთობა იმ პატრიარქებთან, რომლებიც ურცხვად ქადაგებენ მწვალებლობას, რომლებსაც მწვალებლებისადმი დემონური სიყვარული გააჩნიათ და იმავდროულად ჭეშმარიტ მართლმადიდებლებს სდევნიან. ისინი ჭეშმარიტად პატრიარქ ვეკასა და იმპერატორ კოპრონიმეს მსგავსნი არიან. როდესაც თქვენ მათ მრავალჟამიერს უგალობთ და იხსენიებთ, ეს იმის თქმის ტოლფასია: "მტკიცედ სდექით თქვენს რწმენაში, თქვენ გშვენით მორჩილება, პატივი და ხსენება". თქვენ მათ ხელს უშლით იმის დანახვაში, რომ ბოროტ გზას ადგანან. არადა, რომ გაგეწყვიტათ მათთან ერთობა, იქნება სინდისს კიდეც შეეწუხებინა ისინი და ჭეშმარიტების ძიება დაეწყოთ. და ამ დანაშაულებრივი დუმილის პასუხისმგებლობაც თქვენ გეკისრებათ, რომელსაც წმ. გრიგოლ პალამამ მესამე სახის ათეიზმი უწოდა. ეს ურწმუნოება თქვენი ეგრეთწოდებული პროტესტებისდა მიუხედავად დღითი-დღე იზრდება. როდესაც პატრიარქ ვეკას დროს წმინდა მთაზე უნიის დასამტკიცებლად ლათინოფილნი მოვიდნენ, მაშინ ჩვენმა მფარველმა ყოვლადწმიდა დედა ღვთისამ თავად ბრძანა: "მიახლოვდებიან ჩემი და ჩემი შვილის მტრებიო!" გასულ წელს, როდესაც ვეკას მემკვიდრე დიმიტრიოსი ათონზე ჩამოვიდა, მას მთელი ნახევარკუნძული ორკვირიანი ხანძრით გადამწვარი დაუხვდა. ვისაც ჯერ კიდევ ასხენ ყურნი-ისმინენ, შეისმინონ ხმა ყოვლადწმიდისა. ღმერთმა გიშველოს და გაპოვნინოს კეთილი გზა. წმ. ნიკოდიმოს მთაწმინდელი პავლე მოციქულის ეპისტოლეთა განმარტებისას გვასწავლის: "თუ იღუმენს ანდა ეპისკოპოსს არასწორი სარწმუნოება აქვს, ანუ მწვალებლურ და ღვთისმგმობ სწავლებათაკენ იხრება, გაიქეცი მისგან, თუნდაც იგი ანგელოსი იყოს ზეციდან". ბერი საბა, უღირსი მონაზონი, მაგრამ მართლმადიდებელი. თარგმნილია ჟურნალიდან "აგიოს აგათანგელოს". 1991 წ. ნოემბერ-დეკემბერი. |
|
|
|
| ზებედე |
Nov 29 2006, 03:06 PM
პოსტი
#165
|
 ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19 |
ციტატა(კანონისტი @ Nov 29 2006, 08:01 AM)  გუჯა მე არ მომეწონა!!! რისთვის ემთხვია ხელზე? კურთხევის ასაღებად? კურთხევას მადლმოსილი სასულიერო პირისგან იღებენ! პონტიფიკოსი კი მეეჭვება რაღაც ეგეთი იყოს... ეგ კი არა და, იოანე პავლე II-ზე დამწყდა გული, ასეთი კარგი პიროვნება მოუნათლავი რომ წავიდა ამქვეყნიდან... მე არ დაგეთანხმებით, ხელზე მთხვევა მხოლოდ კურთხევის აღებას არ ნიშნავს, ის შეიძლება მხოლოდ პატივისცემის გამოხატულება იყო, ან შეიძლება პროტოკოლით იყო გათვალისწინებული რომ პაპს ხელზე უნდა მთხვეოდნენ, ასე რომ არ დავადანაშაულოთ, მგონი მეუფე ზოსიმე (შიოშვილი) იყო ის ეპისკოპოსი... ციტატა(Guguna777 @ Nov 29 2006, 02:30 AM) თუ არ ხარ ეკუმენისტი არც უნდა ეთანხმებოდე ეკუმენიზმს რადგან საქართველოს სინოდი არ ეთანხმება, ერთობლივ ლოცვებს არც მე ვეთანხმები, და არც ეკუმენისტი ვარ!!! zealot ეს ბერი ბოსტონის ეკლესიას შეურთდა? ციტატა(Guguna777 @ Nov 29 2006, 02:30 AM) მე ვერ გავიგე რა არის აქ მოსაწონი:ქართველი სასულიერო პირი წარმართის(მწვალებელს) ხელს რომ ემთხვია,ეს მოსაწონი კი არა სატირელია რომის პაპი წარმართი არ არის!!! (მწვალებელი არის) -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა |
|
|
|
| xirseli |
Nov 29 2006, 04:44 PM
პოსტი
#166
|
|
Newbie ჯგუფი: Members პოსტები: 7 რეგისტრ.: 25-November 06 წევრი № 521 |
zealot
მაგარია!! გუჯა ციტატა შეიძლება პროტოკოლით იყო გათვალისწინებული რომ პაპს ხელზე უნდა მთხვეოდნენ არ უნდა მთხვეოდა მაინც! რას ჰქვია პროტოკოლი?? |
|
|
|
| ზებედე |
Nov 29 2006, 05:23 PM
პოსტი
#167
|
|
ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19 |
ციტატა(xirseli @ Nov 29 2006, 12:44 PM) zealot მაგარია!! არც ისე, რაღაც ბოსტონური სტილია, ანუ განდგომილების (სქიზმის)  გუჯა ციტატა(xirseli @ Nov 29 2006, 12:44 PM) არ უნდა მთხვეოდა მაინც! რას ჰქვია პროტოკოლი?? აღარ განვიკითხოთ!!! -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა |
|
|
|
| მნათე |
Nov 29 2006, 05:27 PM
პოსტი
#168
|
|
Advanced Member ჯგუფი: Members პოსტები: 17,662 რეგისტრ.: 23-July 06 მდებარ.: Tbilisi წევრი № 4 |
ციტატა არ უნდა მთხვეოდა მაინც! რას ჰქვია პროტოკოლი?? რას ქვია და ელემენტარულ ესთეტიკას და კულტურას  ამასთან უაზრო მაგალითების მოყვანას და სქიზმის ქადაგებას მოვეშვათ! -------------------- ანალოღია და ჯვარი მომიტანეთ, ვქადაგებ!
რომ გამრეცხავთ, გავიწევ :))))) |
|
|
|
| კანონისტი |
Nov 29 2006, 05:28 PM
პოსტი
#169
|
|
დავით ჯგუფი: Members პოსტები: 16,930 რეგისტრ.: 17-October 06 მდებარ.: თბილისი, საქართველო წევრი № 284 |
გუჯა
ციტატა არც ისე, რაღაც ბოსტონური სტილია, ანუ განდგომილების (სქიზმის) აბა აბა! ბოსტონისტია ორივე (რამდენადაც ვიცი) -------------------- „ნეტარ არიან, რომელთა დაიცვან სამართალი და ჰყონ სიმართლე ყოველსა ჟამსა.“ (ფს. 105; 4) |
|
|
|
| Sotiris |
Nov 29 2006, 06:08 PM
პოსტი
#170
|
 Advanced Member ჯგუფი: Members პოსტები: 1,567 რეგისტრ.: 3-November 06 წევრი № 382 |
ციტატა(გუჯა @ Nov 29 2006, 03:06 PM) მე არ დაგეთანხმებით, ხელზე მთხვევა მხოლოდ კურთხევის აღებას არ ნიშნავს, ის შეიძლება მხოლოდ პატივისცემის გამოხატულება იყო, ან შეიძლება პროტოკოლით იყო გათვალისწინებული რომ პაპს ხელზე უნდა მთხვეოდნენ, ასე რომ არ დავადანაშაულოთ, მგონი მეუფე ზოსიმე (შიოშვილი) იყო ის ეპისკოპოსი... რამდენადაც მე მივხვდი, მეუფე კონსტანტინე მელიქიძე იყო. პროტოკოლზე საუბარი ზედმეტია, რადგან იქ მყოფი არცერთი სხვა მართლმადიდებელი ეპისკოპოსი არ მთხვევია რომის პაპს ხელზე. გარდა ამისა, პროტოკოლს პაპი ხომ თავს ვერ მოგახვევს თუ შენ არ დაეთანხმე, და რა საჭირო იყო ასეთ რამეზე დათანხმება? მოკლედ პირადი ინიციატივა იყო და ძალიან ცუდად კი გამოჩნდა (საერთოდ ასიზიში ყოფნაზე არაფერს ვამბობ უკვე). -------------------- მძიმეწონოსანთა კატეგორია.
ქარის წისქვილებს არ ვებრძვი, კომერციულ საქმიანობაში ვიყენებ მხოლოდ: ქატო იქა, ფქვილი აქა. |
|
|
|
| ზებედე |
Nov 29 2006, 06:22 PM
პოსტი
#171
|
|
ზეციკეთი ჯგუფი: Members პოსტები: 4,332 რეგისტრ.: 27-July 06 წევრი № 19 |
ციტატა(Sotiris @ Nov 29 2006, 02:08 PM) რამდენადაც მე მივხვდი, მეუფე კონსტანტინე მელიქიძე იყო. პროტოკოლზე საუბარი ზედმეტია, რადგან იქ მყოფი არცერთი სხვა მართლმადიდებელი ეპისკოპოსი არ მთხვევია რომის პაპს ხელზე. გარდა ამისა, პროტოკოლს პაპი ხომ თავს ვერ მოგახვევს თუ შენ არ დაეთანხმე, და რა საჭირო იყო ასეთ რამეზე დათანხმება? მოკლედ პირადი ინიციატივა იყო და ძალიან ცუდად კი გამოჩნდა (საერთოდ ასიზიში ყოფნაზე არაფერს ვამბობ უკვე). გამოვრიცხოთ პროტოკოლი, მაგრამ პატივისცემის ნიშნად არაუშავდა მგონი -------------------- მზეო ამოდი, ამოდი ნუ ეფარები გორასა წიწილის თეთრი ბუმბული, ველად გაჰქონდა ნიავსა |
|
|
|
| Sotiris |
Nov 29 2006, 06:22 PM
პოსტი
#172
|
|
Advanced Member ჯგუფი: Members პოსტები: 1,567 რეგისტრ.: 3-November 06 წევრი № 382 |
ციტატა(კანონისტი @ Nov 29 2006, 05:28 PM) აბა აბა! ბოსტონისტია ორივე (რამდენადაც ვიცი) საგანგებოდ ბოსტონელებისთვის ამონარიდი რუის-ურბნისის კრების ძეგლისწერიდან: მერმეცა ღმრთის მოძაგებულისა მის და ღმრთის განმამწარებელისა ცოდვათა უბილწესისა საძაგელებისა სოდომელთაჲსა, რომლისაჲ არა უწყით, თუ ვითარ შეეთჳსა იგი უბადრუკსა ამას ნათესავსა და სრულიად განაშორნა და უცხო ყვნა ღმრთისაგან, ვიეთთანაცა პოვა თავისა მისადრეკელი, ამას განვასაზღვრებთ სიტყჳთა ღმრთისაჲთა და სამოციქულოჲთა ჴმითა და მამობრივითა განჩინებითა: დაღათუ მრავალგზის ქმნილ არიან მრავალთა ნათესავთა მიერ მრავალნი და რიცხჳსა მძლენი ცოდვანი, ვითარ-იგი მტერობანი, შურნი, სიძულილნი, კაცისკლვანი, მრუშებანი, ცრუფიცებანი და უკუანაჲსკნელი და თავი ყოველთა ბოროტთაჲ კერპთმსახურებაჲ და თაყუანისცემისა შეცვალებაჲ დამბადებელისაგან დაბადებულთა მიმართ, გარნა არცა ერთისა მათგანისათჳს აღძრულ არს აღუძრველი იგი, ვითარცა თჳთ იტყოდა აბრაჰამის მიმართ, ვითარმედ -- ღაღადებაჲ სოდომისა და გომორისაჲ მოიწია ჩემდა და გარდამოვჴედ ხილვად, უკუეთუ ღაღადებისაებრ მათისა არიან საქმენი მათნი, რომლისა შემდგომად იხილეთ, თუ რაჲ იქმნების და თუ ვითარ ნივთნი ესე სამსახუროდ კაცთათჳს დაბადებულნი ღმრთისაგან წინაუკუმო ბუნებისა თჳსისა შესცვალებენ ბუნებითსა ძალსა თჳსსა და უცხოჲსა ცოდვისა აღსაჴოცელად უცხოსა მოიპოებენ მოქმედებასა, რამეთუ მარადის აღმართ მოძრავი და სუბუქი ბუნებაჲ ეთერისა ცეცხლისაჲ, ვითარცა ზრქელი რაჲმე და მძიმე დაღმართ ჰყოფს დამოდინებასა და სახედ მძაფრისა წჳმისა საშინელებით მჩქეფროჲს აღრეული წუნწუბასა თანა მრისხანედ განსალევნელად უკეთურთა მათ სიბილწითა მრავლითა კაცთა. ხოლო წულილი და თხელი უფერული ბუნებაჲ ჰაერისაჲ, მიზეზი ცხოველთა აღმოფშჳნვისა და სიცოცხლისაჲ სიზრქედ ალმურისა ჴშირისა და ფერად ჴელით საძიებელისა ბნელისად და შემაშთობელად კუამლად სასწაულად რისხვისად შესცვალებს თავსა თჳსსა მათ ზედა. ამათ თანა ქუეყანაჲ მყარი და მტკიცე დამტჳრთველი სიმძიმესა მას ზედა მდებარეთა გუამთასა ვერღარა იტჳრთავს სიმედგრესა ბილწებათა მათთასა, არამედ პირველად შესძრავს საფუძველთა თჳსთა და სიღრმით იატაკთა თჳსთაჲთ აღმომდუღარე ჰაერად აღმოიხუამს სიღრმეთა საფუძველისა მათისა სიმტკიცეთასა და მიწად გარდამოიხუამს სიმაღლეთა გოდოლ-ტაძრებისა მათისა სიმაგრეთასა. მერმე განაღებს ვიდრე მუნ ჟამადმდე განუღებელსა პირსა და თანად ქალაქებითურთ და სახლებით შთანსთქამს არღარა კაცებასა, არამედ დამწურებსა რასმე ძუალებსა და ოდესმე ყოფილთა კაცთა საწყალობელსა ნეშტებსა. ხოლო წყალი იგიცა უცხოდ იხილვების შეცვალებულად მათთჳს და არღარა საშუებელად და საჴმრად, არამედ სხუათა ნივთთაგან დაშთომილისა ნეშტისა მათისა აღსაჴოცელად პირსა ზედა მათეულისა ქუეყანისასა, უფროჲსღა საფლავ მათდა ქმნილისა ჯოჯოხეთისა იხილვების მოდინებულად ეგოდენ შეცვალებული სხუათა წყალთაგან ბუნებითა, რაოდენ იგინი სხუათა კაცთა ჰმატდეს ბილწებისა გარდარეულებითა. ამან უსჯულოებამან ასურასტანელთა იგი უმრავლესთა ნაწილთა ქუეყანისათა დამპყრობელი მეფობაჲ ტყუედ წარუქცია სპარსთა და მიდთა და სრულიად აღმოჰფხურა ქუეყანით საჴსენებელი არა ხოლო მეფე და მძლავრი, არამედ კაც-ყოფისაცა მათისაჲ. ამან ცოდვამან დიდი იგი და ყოვლით კერძო ყოვლისა ქუეყანისაჲთ ჴმაგანსმენილი ნათესავი სომეხთაჲ მეფობითურთ და მთავრობით მათით არა ოდენ დაამდაბლა და დაამჴუა, არამედ სრულიად აღიღო კაცთაგან სახელი მათი, რომელთაჲ ვერვინ პოოს დღეს ერთიცა მეფე ანუ მთავარი მქონებელი დაუმონებელისა თავისუფლებისაჲ, დაღათუ ყოველიცა ვინ პირი მიწისაჲ მოიხილოს. ამან ბილწებამან სპარსთა იგი მაღალი და მარადის ჰრომთა მეფობისა მჴდომი ფლობაჲ, მჴეცის ბუნებათა ვიეთმე კაცთა ავაზაკურითა ზედამოსლვითა მიწადმდე დამდაბლებულ ყო და ვიდრე მოაქამდე მძლავრებისა მათისა მორჩილ ყო. ესე არა უწყით, თუ ვინაჲ უკეთურებით შემოეხრწნა მოქალაქობასა ქრისტეს მოსახელისაცა ერისასა, რამეთუ "რაჲ ზიარებაჲ იყო ბელიარისი ქრისტეს თანა?". და ჴელსა უცხო-თესლთასა მიცემითა დასასრულ მახჳლისა მათისა ქმნითა ნეშტნი ოდენღა დამიტევნა ისრაჱლისანი. რომელნი უკუეთუ ვეგნეთღა მასვე უკეთურებასა ზედა, ჵ ჩემდა, დავიდუმო ძნელ სიტყუაჲ, რომელი ყოველთადა ცხად არს, დაღაცათუ ჩუენ ვჰრიდოთ. ამისთჳს ვამცნებთ ყოველსა -- დიდსა და მცირესა, მდიდარსა და გლახაკსა, მეფესა და მთავარსა, აზნაურსა და მდაბიორსა, მღდელთა და უმღდელოთა, მოწესეთა და ერისკაცთა, ბერთა და ჭაბუკთა და შუაკაცთა, ყოველსა პატივსა და ყოველსა წესსა და ყოველსა ჰასაკსა განყენებად ამის ვნებისა უფროჲსღა საძაგელისა ბილწებისა. და ესრეთ დაუმტკიცებთ სახელითა უფლისა ჩუენისა იესუ ქრისტესითა: ყოველმან სულმან ქრისტეანემან მართლმადიდებელმან ამათ სიტყუათა მსმენელმან, რომელმან შემდგომად ამის ძეგლისა წარკითხვისა არა იჯმნას ბილწისა მის სოდომურისა ცოდვისაგან და არა ხოლო საქმით ქმნისა მისისა, არამედ რეცა ლაღობით ფერებისა და სიტყჳთ თქუმისა რათაცა სამისოთა და მისთა დამსახველთა სიტყუათა და საქმეთაგან, უეჭუელად მოიწიოს მის ზედა ამას უკუე საწუთოსა საშინელი რაჲმე და ცოცხლივ ჯოჯოხეთად შთამჴღელი რისხვაჲ მსგავსად წუნწუბასა თანა აღრეულისაჲ მის სოდომელთა ცეცხლისაჲ ხოლო მუნ იგი მიმთუალველ ექმნეს მას, რომელი ვალს წინაშე პირსა უფლისასა და შესწუავს გარემოჲს მისსა მტერთა მისთა, ვინაჲთგან სიყუარული ჴორცთაჲ მტერობაჲ არს ღმრთისა და რომელმან განხრწნას ტაძარი ღმრთისაჲ, განხრწნეს იგიცა ღმერთმან და ამას თანა და ჩუენგან, უღირსთა მონათა საღმრთოჲსა მონებისა ღირსქმნულთაჲსა, ჵ ჩუენდა არღარა კურთხევაჲ, არამედ კდემაჲ და მხილებაჲ დაიმკჳდროს საუკუნოჲ. -------------------- მძიმეწონოსანთა კატეგორია.
ქარის წისქვილებს არ ვებრძვი, კომერციულ საქმიანობაში ვიყენებ მხოლოდ: ქატო იქა, ფქვილი აქა. |
|
|
|
| KAIROS |
Nov 29 2006, 07:37 PM
პოსტი
#173
|
 იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ციტატა იოანე პავლე II-ზე დამწყდა გული, ასეთი კარგი პიროვნება მოუნათლავი რომ წავიდა ამქვეყნიდან ხანდახან ცუდად მაოცებ  ციტატა თუ რაიმე სურვილი აქვთ ლათინებს, გამოჩნდება საკითხავი ჯერ ისაა ჩვენ გვაქვს სურვილი?.. ციტატა მე არ მომეწონა!!! რისთვის ემთხვია ხელზე? კურთხევის ასაღებად? კურთხევას მადლმოსილი სასულიერო პირისგან იღებენ! პონტიფიკოსი კი მეეჭვება რაღაც ეგეთი იყოს ჯერ ერთი განკითხვა არ გვინდა, მეორეც ხელზე კურთხევა მეც არ მომწონს, მაგრამ ბერძნები მაგას "კურთხევის" გამო კი არა უბრალოდ მისალმების ფორმის გამო მიმართავენ და მესამეც მადლის მყოფობის შესახებ ჩვენი ბევრი ვილაპარაკეთ, შენ კი უცებ გადაუსვი ყველაფერს ხაზი... ხანდახან მრჩება შთაბეჭდილება, რომ ნსოფლიო პატრიარქის სიტყვებს ეთანხმები გარეგნულად და შინაგანად კი საპირისპიროდ ხარ განწყობილი... -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| კანონისტი |
Nov 30 2006, 11:53 AM
პოსტი
#174
|
|
დავით ჯგუფი: Members პოსტები: 16,930 რეგისტრ.: 17-October 06 მდებარ.: თბილისი, საქართველო წევრი № 284 |
KAIROS
ციტატა იოანე პავლე II-ზე დამწყდა გული, ასეთი კარგი პიროვნება მოუნათლავი რომ წავიდა ამქვეყნიდან ხანდახან ცუდად მაოცებ სანამ დადგენილი არ გვაქვს საბოლოოდ კათოლიკეთა ნათლობის მადლმოსილების საკითხი, იმის უფლებაც არ გვაქვს, რომ ვთქვათ, მათ მიერ შესრულებული ნათლობა რომ ჭეშმარიტია. აი, ეს ჰგავს უკვე ეკუმენიზმის ერთ-ერთ ქვაკუთხედს მადლის განფენილობის შესახებ, რომ თითქოს ყველა ეკლესიაში სულიწმიდა მოქმედებს. ციტატა თუ რაიმე სურვილი აქვთ ლათინებს, გამოჩნდება საკითხავი ჯერ ისაა ჩვენ გვაქვს სურვილი?.. მსოფლიო პატრიარქი როცა შეჩვენების ტომოსს აუქმებს, ყველანაირ დათმობაზე მიდის (დოგმატურის გარდა), ისევ პირველ ადგილს ჰპირდება დიპტიქში და რომის ეკლესია ისევ უარზე დგას, სხვა დასკვნა შეგიძლია გამოიტანო?? ციტატა ხანდახან მრჩება შთაბეჭდილება, რომ მსოფლიო პატრიარქის სიტყვებს ეთანხმები გარეგნულად და შინაგანად კი საპირისპიროდ ხარ განწყობილი... ნამდვილად არ არის ასე. მსოფლიო პატრიარქს არ უთქვამს, დოგმატი დავთმოთო. არც ის უთქვამს, ლათინთა ეკლესია მადლმოსილია და იქაც მოქმედებს სულიწმიდაო. დიალოგს რაც შეეხება, მიდგომას ვამართლებ, თუმცა ყოვლადუწმიდესისაგან განსხვავებით შედეგი მეეჭვება რომ ჰქონდეს. -------------------- „ნეტარ არიან, რომელთა დაიცვან სამართალი და ჰყონ სიმართლე ყოველსა ჟამსა.“ (ფს. 105; 4) |
|
|
|
| KAIROS |
Dec 1 2006, 02:51 PM
პოსტი
#175
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
მერე კანონისტ, შე კაი კაცო, პატრიარქმა ამდენი რამე აღიარა და შენ ნათლობა როგორ ვერ უღიარე ამხელა პაპს? აბა ახლა მოუნათლავად განიხილავს შენი აზრით პატრიარქი პაპს?
რაღაც არა მგონია ისე კი ყოვლადუწმიდესს გირჩევ იმედშიც დაეთანხმო -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| G_I_O_R_G_I_ |
Dec 1 2006, 04:55 PM
პოსტი
#176
|
|
Advanced Member ჯგუფი: Members პოსტები: 1,857 რეგისტრ.: 31-July 06 წევრი № 27 |
ისე გინდა კონსტანტინოპოლის საპატრიარქომ აღიაროს რაიმე ეგ იმას არ ნიშნავს რომ სხვა ავტოკეფალური ეკლესიებიც იმწუტში აღიარებენ ამას,რადგანაც ყველა ავტოკეფალური ეკლესია თანასწორია და რასაც ერთი დაეთანხმება სხვამ შეიძლება არ მიიღოს.
|
|
|
|
| კანონისტი |
Dec 1 2006, 05:09 PM
პოსტი
#177
|
|
დავით ჯგუფი: Members პოსტები: 16,930 რეგისტრ.: 17-October 06 მდებარ.: თბილისი, საქართველო წევრი № 284 |
KAIROS
ციტატა შენ ნათლობა როგორ ვერ უღიარე ამხელა პაპს? ეს ასე მარტივი არ არის. ნათლობის აღიარება ნიშნავს, რომ ლათინებს გარკვეული დოზით მადლმოსილება გააჩნიათ, რისი აღიარების შემთხვევაში საერთოდ აზრს დაკარგავს ყოველგვარი საეკლესიო კანონი. ამდენად, მე არ მაქვს უფლება ვთქვა, რომ პონტიფიკოსი მონათლულია (რამხელაც არ უნდა იყოს ის). ციტატა აბა ახლა მოუნათლავად განიხილავს შენი აზრით პატრიარქი პაპს? სხვათაშორის, არსად არ აქვს ნათქვამი ყოვლადუწმიდესს, ლათინთა ნათლობა ნათლობააო. ის ფაქტი, რომ ზოგიერთი ეკლესიები ნათლობის გარეშე იღებენ კათოლიკეებს, ჯერ კიდევ არ ნიშნავს, რომ მათი ნათლობა თუნდაც მცირედით ჭეშმარიტია. მართალია, ცალკე საიდუმლოა, მაგრამ ნათლობა მირონცხების გარეშე არ არსებობს, ანუ ადამიანი ამ ორივე საიდუმლოს აღსრულების შემდეგ ხდება ეკლესიის წევრი. ამდენად, ასე მარტივად არ მგონია საქმე... ციტატა ისე კი ყოვლადუწმიდესს გირჩევ იმედშიც დაეთანხმო ღმერთმა ქნას მე ვცდებოდე. თუმცა ისეა სულიერად გამოცარიელებული მთელი დასავლეთი (და ეს პატრიარქისა და პაპის გუშინდელ ერთობლივ დეკლარაციაშიც აისახა), რომ შეიძლება მათთვის დოგმატის უარყოფა დიდ პრობლემას აღარც წარმოადგენს -------------------- „ნეტარ არიან, რომელთა დაიცვან სამართალი და ჰყონ სიმართლე ყოველსა ჟამსა.“ (ფს. 105; 4) |
|
|
|
| KAIROS |
Dec 1 2006, 11:23 PM
პოსტი
#178
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ციტატა ნათლობის აღიარება ნიშნავს, რომ ლათინებს გარკვეული დოზით მადლმოსილება გააჩნიათ, რისი აღიარების შემთხვევაში საერთოდ აზრს დაკარგავს ყოველგვარი საეკლესიო კანონი არანაერად , ჩემო კარგო, ჩვენ ხომ უკვე განვასხვავეთ, ნათლობის მადლი და ცხონების მადლი? ამაზე ხომ უკვე ვისაუბრეთ? ხომ ვთქვით, რომ რადგანაც არსებობს პრეცედენტი, მათი უნათლავად მიღებისსა ( მირონცხებით, სინანულით...), მაშინ ეს თავისთავად მიანიშნებს, სწორედ საპირისპიროზე, ანუ იმაზე, რომ არანაერი კანონი კარგავს აზრს ნათლობის აღიარებით... და ისევ ამაზე ხომ გვქონდა უკვე საუბარი? ციტატა ნათლობა მირონცხების გარეშე არ არსებობს ნწუ, ნწუ ამხელა შეცდომებს არ უნდა უშვებდე  , გახსოვს მირონცხების ისტორია? ანუ მირონის და საერთოდ რაიმე სითხის ცხება, მხოლოდ გვიან დამკვიდრდა ეკლესიაში, მანამ იყო ხელდადობა, რომლის დროსაც საღვთო სულიწმიდის მადლი უკვე ქრისტეში ნაშობთ სულიერი საჭურველით აღჭურავდა, თუმცა ეს სხვა საიდუმლოა, ფრიად საჭირო და უცილობელი, მაგრამ სხვა, როგორც ვთქვათ სინანულის საიდუმლო და ზიარება, ჩვენ ვიცით უუამრავი შემთხვევა როცა ადამიანი მოინათლა, მაგრამ სხვადასხვა მიზეზების გამო, ხელი არ დაუსხმიათ, მაგრამ არათუ მონათლულებად, არამედ წმიდანებად არიან აღიარებულნი მოკლედ, ნუ აურევ ამ საიდუმლოებებს ერთმანეთში.ციტატა შეიძლება მათთვის დოგმატის უარყოფა დიდ პრობლემას აღარც წარმოადგენ მერე ეს საწყენია?თუკი დაგმეს ცრუ სწავლება რას ერჩი? სულიერად მდიდრები რატო არა ხართქო ეს ვუთხრათ? კაი ახლა ჩვენს ნუ გავხდებით წმინდანები ციტატა ისე გინდა კონსტანტინოპოლის საპატრიარქომ აღიაროს რაიმე ეგ იმას არ ნიშნავს რომ სხვა ავტოკეფალური ეკლესიებიც იმწუტში აღიარებენ ამას,რადგანაც ყველა ავტოკეფალური ეკლესია თანასწორია და რასაც ერთი დაეთანხმება სხვამ შეიძლება არ მიიღოს. აი, ბატონო, მიიღო მსოფლიო საპატრიარქომ ( ისე მაინც რა? ) , და არ უნდა სოლომონს და არ მიიღო , სოლომონ, რათქმაუნდა ავტოკეფალური ეკლესიები დამოუკიდებლებია, მაგრამ ეს არ ნიშნავს იმას, რომ ერთმა აღადგინოს ევქარისტიული კავშირი ( თუ ამას გულისხმობდი "მიღებაში" ), და მეორემ არა, არის რაღაცეები, რაშიც ეკლესიები ერთსულოვანია და არის ნაკლებად მნიშვნელოვანი და კანონიკური საკითხები, სადაც ეკლესიებს აქვთ უფლება შეინარჩუნონ მათი პოზიციაც!გმადლობთ კაიროსი -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
| კანონისტი |
Dec 4 2006, 05:08 PM
პოსტი
#179
|
|
დავით ჯგუფი: Members პოსტები: 16,930 რეგისტრ.: 17-October 06 მდებარ.: თბილისი, საქართველო წევრი № 284 |
KAIROS
ციტატა არანაერად , ჩემო კარგო, ჩვენ ხომ უკვე განვასხვავეთ, ნათლობის მადლი და ცხონების მადლი? ამაზე ხომ უკვე ვისაუბრეთ? ხომ ვთქვით, რომ რადგანაც არსებობს პრეცედენტი, მათი უნათლავად მიღებისსა ( მირონცხებით, სინანულით...), მაშინ ეს თავისთავად მიანიშნებს, სწორედ საპირისპიროზე, ანუ იმაზე, რომ არანაერი კანონი კარგავს აზრს ნათლობის აღიარებით... და ისევ ამაზე ხომ გვქონდა უკვე საუბარი? მე ეგრე არ მივიჩნევ. ლათინთა ნათლობა ნათლობა არ არის. დავანებოთ თავი მირონცხებას. მხოლოდ ნათლობის ნაწილსაც რომ შევეხოთ, მაინც ლათინთა ნათლობა ჩვენი ნათლობის თანასწორი ვერ იქნება, ანუ მათ მიერ მონათლული პირი მონათლულად ვერ ჩაითვლება. ანუ, სხვა სიტყვებით, ლათინთა მიერ აღსრულებული ნათლობის ნაწილით მხოლოდ წყლის დასხმა იქნება და მეტიც არაფერი. ყოველ შემთხვევაში, ასე მივიჩნევ მე პირადად, და რაც მთავარია, ჩვენი ეკლესიის სინოდიც ციტატა ნწუ, ნწუ ამხელა შეცდომებს არ უნდა უშვებდე , გახსოვს მირონცხების ისტორია? ანუ მირონის და საერთოდ რაიმე სითხის ცხება, მხოლოდ გვიან დამკვიდრდა ეკლესიაში, მანამ იყო ხელდადობა, რომლის დროსაც საღვთო სულიწმიდის მადლი უკვე ქრისტეში ნაშობთ სულიერი საჭურველით აღჭურავდა ეგ რა შუაშია? რა მნიშვნელობა აქვს, ხელდება ხდებოდა თუ მირონცხება, ფაქტია, რომ მხოლოდ ნათლობის შემდეგ ადამიანს ეკლესიის წევრად არ თვლიდნენ. შესაბამისად, ეს მსჯელობაც: ციტატა ჩვენ ვიცით უუამრავი შემთხვევა როცა ადამიანი მოინათლა, მაგრამ სხვადასხვა მიზეზების გამო, ხელი არ დაუსხმიათ, მაგრამ არათუ მონათლულებად, არამედ წმიდანებად არიან აღიარებულნი გაურკვევლია. მოუნათლავებიც არიან წმინდანები. მერე? ამიტომ მოუნათლაობა მონათვლის თანასწორია?? გარკვევით არის ჩაწერილი საეკლესიო განწესში, რომ ერისკაცის მიერ მომაკდავის მონათვლისას, მისი ცოცხლად დარჩენის შემთხვევაში, აუცილებლად (!!!) უნდა დასრულდეს ნათლობა და აღესრულოს მირონცხებაც, წინააღმდეგ შემთხვევაში ეჭვქვეშ დადგება ნათლობის საკითხი (როგორც წესი აღნიშნულის დადგენა ადგილობრვი ეპისკოპოსს ევალება). ციტატა თუმცა ეს სხვა საიდუმლოა, ფრიად საჭირო და უცილობელი, მაგრამ სხვა, როგორც ვთქვათ სინანულის საიდუმლო და ზიარება, განა მე ვთქვი სადმე ერთი საიდუმლოა-მეთქი???  -------------------- „ნეტარ არიან, რომელთა დაიცვან სამართალი და ჰყონ სიმართლე ყოველსა ჟამსა.“ (ფს. 105; 4) |
|
|
|
| KAIROS |
Dec 5 2006, 12:46 AM
პოსტი
#180
|
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ციტატა ნათლობის შემდეგ ადამიანს ეკლესიის წევრად არ თვლიდნენ ეგ შეცდომაა, თვლიდნენ და თან როგორ! ნათლისღების საიდუმლოს დამცირება გამოგდის... ციტატა მოუნათლავებიც არიან წმინდანები. მერე? ამიტომ მოუნათლაობა მონათვლის თანასწორია?? რა იყო სასაცილო? მოუნათლავი წმიდანები მომეწონა, და ამავე დროს ზემოთ წერ:" ციტატა ლათინთა მიერ აღსრულებული ნათლობის ნაწილით მხოლოდ წყლის დასხმა იქნება მაშ რა გამოგდის, იმათი მონათლული მონათლული, არ არის და ჩვენი მონათლული წმიდანიც შეიძლება იყოს?  , კაი რა გეხვერწები, ცოტა შეარბილე ტონი და ნუ აბრალებ, სინოდს შენს აზრს, ციტატა მივიჩნევ მე პირადად, და რაც მთავარია, ჩვენი ეკლესიის სინოდიც , მხოლოდ შენ პირადად, ჩენი სინოდის გადაწყვეტილება ამის შესახებ ცალმხრივად არ არსებობს, ხდება ისეც რომ ნათლობას აღიარებენ ზოგიერთ ქართულ ეკლესიაში და უამრავ სხვა ავტოკეფალურ ეკლესიაში და რა უფლებით წერ: " ციტატა ლათინთა მიერ აღსრულებული ნათლობის ნაწილით მხოლოდ წყლის დასხმა იქნება და მეტიც არაფერი. , მოკლედ ყოველთვის ერთ რამეს გთხოვ, შეარბილე ტონი და შეეცადე საკითხი სხვა მხრიდანაც დაინახო, ეს ხომ დოგმატს არ ეხება?-------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
|
|
|
|
ამ თემას კითხულობს 2 მომხმარებელი (მათ შორის 2 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 31st May 2024 - 03:20 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2024
Licensed to: church.ge