damiane80

მართალია, მაგრამ იგივეს ვერ ვიტყვით შებრუნებულზე. ის რაც მეცნიერულად უკვე დასაბუთებულია, ნამდვილად ობიექტურად ჭეშმარიტია.

ევოლუციის თეორია არის დასაბუთებული და არგუმენტირებული.

კი, ბატონო არსებობს უამრავი ფაქტი, რომელსაც მეცნიერება ვერ ხსნის და სხვათა შორის არა მარტო რელიგიასთან მიმართებაში. სამყარო ურთულესია, მეცნიერება კი ძალიან სუსტი მის ამოსახსნელად, მაგრამ ეს არ ნიშნავს რომ ევოლუციის თეორია არასწორია.

ტურინის სუდარის საკითხი ძალიან მრავალ კითხვას ბადებს და ამიტომ ამაზე ნუ ვისაუბრებთ, ტყუილა თემას ავცდებით. უბრალოდ მოკლედ გეტყვი სამ მომენტს:

1. მეცნიერების ერთმა ჯგუფმა ის დაათარიღა 2.000-ზე მეტი წლით.
2. მეორე ჯგუფნა დაათარიღა 700 წლით, ეს ჯგუფი ვარაუდობს, რომ ის არის ხელოვნური ასლი (ან მიმსგავსებული) მსგავსი ტიპის სუდარაზე, რომელიც განადგურდა და რომის პაპმა მიჩქმალა და კოპიო გააკეთებინა.
3. ასევე არიან მეცნიერები, რომელიც ცდილობენ რომ ნეგატივის ეფექტი ახსნან სწორედ ფოტოეფექტით, აღდგომისას მოხდა სინათლის ენერგიის დიდი ემისია, რომელმაც ზუსტად იგივე პრინციპით იმუშავა, რაც ფოტოპლიონკაზე ხდება.

თუმცა არ გვინდა. ტურინის სუდარა იმხელა თემაა, რომ ევოლუციის მთელ თეორიაზე უფრო მეტ კითხვას წარმოშობს და აქ, ამ თემაში, არ გვინდა მაგაზე.

დავუბრუნდეთ ძირითად საკითხს:

არ არის ასე...
რატომ ართულებ სიტუაციას?





მე თავიდან ბოლომდე ვეთანხმები ევოლუციას. ევოლუციის ნივთმტკიცებულებები, ნაშთები, დნმ-ის ანალიზი და ა.შ. მთლიანად ეყრდნობა მატერიალურ საფუძვლებს. იქ საერთოდ არ არის სულზე ლაპარაკი. ევოლუცია ამტკიცებს, რომ ადამიანის სხეული ფორმირდა მაიმუნისგან. მორჩა. აქ მთავრდება ევოლუცია.

ევოლუციამ არ იცის ადამიანს აქვს თუ არა სული. სულის დნმ-ის ანალიზი არ არსებობს. არც ის იცის საიდან, როდის ან როგორ შეიძლებოდა ადამიანს სული მიეღო. ამის არც დამადასტურებელი და არც გამომრიცხავი ფაქტები ხელთ არა აქვს. ხოლო ჩემი წარმოდგენების გაგრძელება ანუ ის რომ მაიმუნმა (უფრო სწორად მაიმუნისგან ფორმირებულმა ადამიანის სხეულმა) რომ მიიღო სული რაღაც ეტაპზე, საერთოდ აღარ ეხება ევოლუციას. ეს უკვე აღარაა ევოლუციის კვლევის საგანი.

მე არ გთავაზობთ ევოლუციის "ჩემეულ ვერსიას".
მე გთავაზობთ ევოლუციის კლასიკურ ვარიანტს.

ხოლო რაც შეეხება ცემეულ წარმოდგენას, ის უკვე აღარ არის ევოლუცია საერთოდ, არც მისი კვლევის საგანი და საერთოდ არ არის ზუსტი მეცნიერება. ეგ არის ჩემი ვარაუდი.


და ვინმემ იცის როგორ და რა პროცესებით მოხდება მკვდრეთით აღდგომა?
არავინ.
ამიტომ უადგილოა ტერმინი "როგორც მოხდება" იმაზე, რაც არავინ იცის როგორ მოხდება.

თუ მართლა ბოლომდე გესმის დიდი აფეთქების არსი, საერთოდ რომ თავი დავანებოთ ევოლუციის თეორიის კონკრეტულ მტკიცებულებებს, ალოგიკურად არ გეჩვენება ის რომ 3 მილიარდ წელიწადზე მეტი ხნის განმავლობაში დედამიწაზე არსებობდა უამრავი ფორმის სიცოცხლე: მცენარე, ცხოველი, ფრინველი, თევზი თუ ამფიბია, მაგრამ არ იყო ადამიანი...

თუ მთელი ეს მილიარდობით წელიწადი არ იყო საჭირო და პირდაპირ (რაღაც მოლეკულებით) იქმნებოდა ადამიანი ამდენი მილიარდი წელიწადი რატომ "ელოდებოდა" ღმერთი ადამიანის შექმნას? ხოლო თუ შენ ამბობ, რომ ის რაღაც უჯრედები ვითარდებოდა ამდენი მილიარდი წლის განმავლობაში, მაშინ რა იყო ის, სად ინახებოდა და რა ფორმა ჰქონდა პროცესის შუაში, ასე 2 მლრდ წლის წინ?

გრძნობ თვითონ იმ ლოგიკას, რომ ყოველგვარი ბიოლოგიის და ევოლუციის არგუმენტების გარეშე, კოსმოლოგია და ასტროფიზიკა (მიუხედავად იმისა რომ სხვა დისციპლინებია) არაპირდაპირ თვითონ ამტკიცებს ევოლუციის თეორიას, რადგან სხვა ოდნავ ლოგიკური აზრიც კი აღარ რჩება რამოდენიმე მილიარდწლიანი დედამიწის პირობებში ადამიანის ასე დაგვიანებით შექმნისა?

რა თქმა უნდა მთავარი კოსმოლოგიის არგუმენტები არაა. ამაზე მეტი დამამტკიცებელი საბუთები პირდაპირ თაროებზე უდევთ ევოლუციონისტებს, მაგრამ სამყაროს მაკროკოსმოსური მასშტაბები უბრალოდ კიდევ უფრო რეალურს ხდის ევოლუციას.


და ამ ყველაფერში მე მხოლოდ აზროვნებას და სულს ვხედავ.
ადამიანი მას მერე გახდა დამოუკიდებლად ადამიანი (და ღვთის ხატება) რაც უკვდავი სული და აზროვნება მიიღო. ამიტომ თუ რისგან წარმოიშვა სხეული ჩემთვის აბსოლუტურად მეორეხარისხოვანია...

ერთის მხრივ მე ვერ ვხედავ პრინციპულ წინააღმდეგობას. მეორეს მხრივ ვერაფერს ვუხერხებ ფაქტებს. (ძალიან დიდი სურვილიც რომ მქონდეს).



კი.

სულის წარმოშობის საკითხს ვერა. ხორცის წარმოშობის საკითხს - კი. (სულს უბრალოდ ვერ იკვლევს)

ერთადერთობა ნამდვილად არ ნიშნავს, რომ ჭეშმარიტია. ჭეშმარიტია იმიტომ, რომ ძალიან ბევრ კონკრეტულ ფაქტს ამტკიცებს და აქვს ძალიან ძლიერი არგუმენტაცია, ფორმულების დონემდე დაყვანილი რეკონსტრუქციები. აი, ამიტომ არის ჭეშმარიტი.

აი, ერთადერთობა კი მიუთითებს იმას, რომ მას სერიოზულ წინააღმდეგობას ვერ უწევენ, არადა მეცნიერება მრავალი მიმართულებით ვითარდება, ადამიანის სხეულიც საკმაოდ გამოკვლეულია და ის რომ ევოლუციის ალტერნატივა ვერ მოიძებნა ძალიან დიდ კითხვას ტოვებს: რატომ?



შენი აზრით კი ეწინააღმდეგება ბიბლიურს, მაგრამ ჩემი აზრით არ ეწინააღმდეგება.

ყველაფერს რომ თავი დავანებოთ ბიბლიის მიხედვით წარმოშობა შემდეგნაირია:

კაცი - მტვრისგან/მიწისგან.
ქალი - ნეკნისგან.

თუ შენ პირდაპირ არ იღებ მტვრის და ნეკნის ვერსიას მაშინ უკვე ნებისმიერი განზოგადება თანაბრად აღარ ეთანხმება ბიბლიურს.


ჰო, მაგრამ არ არის საქმე ისე, როგორც შენ იძახი. ანუ ჩვენ მარტო ამ მდგომარეობაში კი არ ვართ, რომ: არამედ ჩვენ ვიპოვეთ არგუმენტირებული მეცნიერული ახსნა, რომელიც სხვა ვერსიის ჭეშმარიტებას ადასტურებს, რომელსაც შენ რატომღაც "არაბიბლიურს" უწოდებ თუმცა მე არ ვთვლი ასე.

შენი ლოგიკა დაახლოებით ასეთია, პოულობ რაღაც უძველეს ნაკეთობას, მისი ქომიური ანალიზი გეუბნება რომ ის არის პლატინის და ოქროსი. მეცნიერება გიდებს ფაქტებს რომ ის პლატინის და ოქროს შენადნობია, მაგრამ შენ იძახი, რომ ის არის ხის და მერე რა რომ არ დასტურდება მეცნიერულად რომ ხის არის, დღეს არ დასტურდება ხვალ შეიძლება დადასტურდეს, დღეს კიდევ არ მაქვს ალტერნატიული ვერსია თუ რატომ არის ხის, მაგრამ მაინც ხის არისო.

ანუ ჩვენ განა მარტო იმ მდგომარეობაში ვართ, რომ ვერ ვხვდებით მიწისგან (ან ნეკნისგან) როგორ შეიძლებოდა შექმნილიყო ადამიანი, არამედ ზუსტად ვიცით როგორც შეიქმნა. კი ბატონო, მეცნიერება სუსტია, კი ბატონო რაღაცეებს ვერ ხსნის (მათ შორის არარელიგიურსაც), სამყაროში კი გამოსაკვლევი უსასრულოდ ბევრია, მაგრამ ეს საკითხი დახურულია, ევოლუციის თეორია არის მართალი.

...

sicher

არა, მაგრამ ამ ეტაპზე არ იხსენაბა. ვერ ხსნის დღეს მეცნიერება და მორჩა, მაგრამ ეს იმას კი არ ნიშნავს, რომ რასაც ხსნის იმაზეც უარი ვთქვათ.

დაჯერების უფლება გვაქვს მანამ, სანამ საწინააღმდეგო არ დადასტურდება.
არის საკითხები, რომელიც ღიაა და მეცნიერება ვერ ხსნის, მაგრამ ევოლუცია არაა ასეთი და თუ რატომ არაა ძალიან ბევრი მასალა, ტერმინი და ლინკი დევს ამ თემაში.

...

[quote]მართალია, მაგრამ იგივეს ვერ ვიტყვით შებრუნებულზე. ის რაც მეცნიერულად უკვე დასაბუთებულია, ნამდვილად ობიექტურად ჭეშმარიტია.ევოლუციის თეორია არის დასაბუთებული და არგუმენტირებული.[/quote]

შენ მე მგონი გადაჭარბებულად აფასებ ევოლუციის თეორიის არგუმენტირებულობას, შენ გინდა თქვა, რომ "ევოლუციის თეორია" 100%-ით დასაბუთებულია და კითხვები და შეუსაბამობები არ არსებობს? რას გადაეკიდე ამ რეკონსტრუქციებს, მე შთაბეჭდილება მექმნება, რომ youtube-ზე ის კინოებით გაქვს შექმნილი წარმოდგენა ევოლუციაზე. მითხარი ერთი, რომელიმე ევოლუციის თეორიის მოწინააღმდეგე, რომლის ნაშრომი წაკითხული და შესწავლილი გაქვს და შეჯერებული გაქვს ევოლუციის თეორიასთან.

მე შეიძლება დილეტანტი ვარ მეცნიერების მაგ დარგში, მაგრამ რამდენადაც ვიცი "ევოლუციის თეორია" არც მთლად მასე უალტერნატივო და უნაკლოა.

[quote]ტურინის სუდარის საკითხი ძალიან მრავალ კითხვას ბადებს და ამიტომ ამაზე ნუ ვისაუბრებთ, ტყუილა თემას ავცდებით. უბრალოდ მოკლედ გეტყვი სამ მომენტს:[/quote]

ვერსიები სამზე მეტია, მაგრამ ისინი ფაქტს ვერ ცვლიან. თუ გინდა შემიძლია ვიდეო დავდო, რადგან მოგწონს, მაგრამ მართალია ასე საკითხს ავცდებით.

[quote]და ვინმემ იცის როგორ და რა პროცესებით მოხდება მკვდრეთით აღდგომა?არავინ.[/quote]

იგივე პრობლემა, სვამ კითხვას, თავადვე პასუხობ, როგორც გინდა.

ცნობილია როგორ მოხდება აღდგომა, ყოველ შემთხვევაში მთავარი "პრონციპი" თუ შეიძლება ასე ითქვას. მოხდება ისევე როგორ აღდგა ლაზარე, როგორც თავად მაცხოვარი . აღდგომა იქნება ხორცით ანუ გარდაცვლილი შეიმოსავს ხორცს და თუ ამ საკითხში კარგად ვერ ერკვევი წინა გვერდებზე მეც და აფხაზმაც მიგითითეთ, რა უნდა წაიკითხო.

[quote]თუ მთელი ეს მილიარდობით წელიწადი არ იყო საჭირო და პირდაპირ (რაღაც მოლეკულებით) იქმნებოდა ადამიანი ამდენი მილიარდი წელიწადი რატომ "ელოდებოდა" ღმერთი ადამიანის შექმნას? ხოლო თუ შენ ამბობ, რომ ის რაღაც უჯრედები ვითარდებოდა ამდენი მილიარდი წლის განმავლობაში, მაშინ რა იყო ის, სად ინახებოდა და რა ფორმა ჰქონდა პროცესის შუაში, ასე 2 მლრდ წლის წინ?[/quote]

ჯერ ერთი ეს ვერსია მხოლოდ მაგალითისთვის მოვიყვანო ანუ იმისათვის, რომ ტეორიულად სხვა ვერსიაც შეიძლება იყოს და ამის დასაბუთება არ მიცდია, მაგრამ მაინც გეტყვი შენ კითხვებზე.

ის რომ ადამიანი ბოლოს შემოდის სამყაროში, როცა ყველა არსება შექმნიია ეს ბიბლიურადაც და ევოლუციურადაც ასეა. რატომ? მე როგორც მახსოვს თეოლოგიური ახსნა ამის ასეთია, სამყარო უნდა მოწესრიგდეს და მოემზადოს, რათა ბოლოს შემოვიდეს სამყაროს გვირგვინი ქმნილება - ადამიანი. ისე როგორც სიძე შედის გამზადებულ ქორწილში და არა ლობიოს ხარშვის პროცესში.

[quote]ერთადერთობა ნამდვილად არ ნიშნავს, რომ ჭეშმარიტია[quote]

რამდენიმე პოსტის წინ სხვანაირად ფიქრობდი და ეს არგუმენტად გქონდა მოყვანილი

[quote]აი, ერთადერთობა კი მიუთითებს იმას, რომ მას სერიოზულ წინააღმდეგობას ვერ უწევენ, არადა მეცნიერება მრავალი მიმართულებით ვითარდება, ადამიანის სხეულიც საკმაოდ გამოკვლეულია და ის რომ ევოლუციის ალტერნატივა ვერ მოიძებნა ძალიან დიდ კითხვას ტოვებს: რატომ?[/quote]

აქ მე გეთანხმები, მართლაც სხვა მეცნიერულად მეტ-ნაკლებად დასაბუთებული ვერსია არ არსებობს. ისე ვინმემ სცადა საერთოდ ალტერნატიული ვერსია მეცნიერულად გამოეკვლია??? მე მგონი არა. თუმცა რადგან მეცნიერული ვერსია არ არსებობს ეს იმთავითვე არ ნიშნავს იმას, რომ რაც არის უდავოა.

[quote]კაცი - მტვრისგან/მიწისგან. ქალი - ნეკნისგან[/quote]

შენ ბიბლიურ განმარტებებში აშკარად მოიკოჭლებ. კაცი მტვრისგან, ქალი კი კაცისგან (ანუ იმისგან, რისგანაც კაცი) შენი აზრით ეს სხვადასხვაა???

[quote]თუ შენ პირდაპირ არ იღებ მტვრის და ნეკნის ვერსიას მაშინ უკვე ნებისმიერი განზოგადება თანაბრად აღარ ეთანხმება ბიბლიურს[/quote]

არც ესაა მე მგონი სწორი, პირდაპირ ("ბუკვალურად") შეიძლება არ მივიღოთ, მაგრამ არ შეიძლება გადავუხვიოთ პრინციპს ქალი შეიქმნა კაცისაგან, მისი ნაწილია აი მაგალითად, მოლეკულა რომ გაიყოს (ახლა ამ შედარებაზეც ნუ გამომეკიდები. აქ პრინციპს ვუსვამ ხაზს). ანუ საუბარია იმაზე, რომ ქალი, კაცის ნაწილია და ამ ორის საწყისი ერთია.

[quote]ანუ ჩვენ განა მარტო იმ მდგომარეობაში ვართ, რომ ვერ ვხვდებით მიწისგან (ან ნეკნისგან) როგორ შეიძლებოდა შექმნილიყო ადამიანი, არამედ ზუსტად ვიცით როგორც შეიქმნა. კი ბატონო, მეცნიერება სუსტია, კი ბატონო რაღაცეებს ვერ ხსნის (მათ შორის არარელიგიურსაც), სამყაროში კი გამოსაკვლევი უსასრულოდ ბევრია, მაგრამ ეს საკითხი დახურულია, ევოლუციის თეორია არის მართალი.[/quote]

ამაზე თავში უკვე დავწერე. მე მგონი არ არის მთლად უნაკლო.

damiane80

ნუ, ასე ვთქვათ 99% დასაბუთებელია. 1% ყოველთვის რცება, რადგან უშუალოდ საკუთარი თვალით, რეალთაიმში არავის უნახავს, როგორ მოხდა მაიმუნის გაადამიანება.

ევოლუციის უპირველესი საფუძველი არის ნაპოვნი თავის ქალები (რაც ყველაზე გამძლე და თვალსაჩინო სურათს იძლევა) და აგრეთვე ჩონჩხის სხვა ძვლები. ნაპოვნი არის უამრავი თავის ქალა. საერთო რიცხვი რამოდენიმე ათასია. ძალიან მნიშვნელოვანი ეგზემპლიარების ფოტოსურათები შეგიძლია დაძებნო ინტერნეტში და გაიგო ისც თუ კონკრეტულად რომელ ინსტიტუტში თუ სამეცნიერო მუზეუმში ინახება.

ეს თავის ქალები თარიღდება სხვადასხვა პერიოდებით. დაწყებული 3-4 მილიონი წლიდან, დამთავრებული დღევანდლამდე. დათარიღების მეთოდები არის კომპლექსური. არსებობს 7-8 სხვადასხვა მეთოდი, ზოგიერთი მათგანი +/-40 წლის სიზუსტით ათარიღებს ძვლებს. ნაპოვნი თავის ქალები რაც უფრო ძველია მით უფრო წააგავს მაიმუნისას. (ყველაზე მეტად შიმპანზის თავის ქალას და ჩონჩხს). შემდეგ ქრონოლოგიურად ხდება მათი ცვლილება. დაახლოებით 2,5 მილიონი წლის წინანდელი თავის ქალები არის რაღაც შუალედური ფორმის, ისინი განსხვავდებიან მაიმუნის თავის ქალებისგან, არც ერთი დღეს არსებულ ცოცხალ არსებას არა აქვს ისეთი თავის ქალა, რაღაცით უკვე წააგავს ადამიანის თავის ქალებს. შემდეგ, 2 მილიონი წლის წინ ნაპოვნი თავის ქალები კიდევ უფრო ახლოს არიან ადამიანის თავის ქალასთან, ამავე დროით თარიღდება ფეხის და მენისკის ისეთი ძვლები, რომელიც გათვლილი იყო ორ ფეხზე სიარულისთვის, ანუ დაახლოებით 2 მილიონი წლის წინ ცხოვრობდა რაღაც არსება დედამიწაზე, რომელიც ორ ფეხზე დადიიოდა, მისი თავის ქალა წააგავდა ადამიანისასაც და შიმპანზისასაც. შემდეგ სულ უფრო და უფრო ემსგავსება ქრონოლოგიურად ნაპოვნი ჩონჩხები ადამიანისას. არის 1,8 მილიონი წლის წინანდელი თავის ქალები, 1,5 მილიონი წლის წინანდელი თავის ქალები და ასე შემდეგ ქრონოლოგიურად 200.000 წლამდე. ისინი სულ უფრო და უფრო იღებენ თანამედროვე ადამიანის თავის ქალის ფორმას.

ეს არის ქრონოლოგიურ-ვიზუალური დამტკიცება არსებული ნაშთების ფორმების და დათარიღებების მიხედვით. ძალიან ბევრი ასეთი ნაშთია ნაპოვნი, მარტო 300 ცალი არის ნეანდერტალელი ადამიანის. სხვაც უამრავია. არის მთლიანი ჩონჩხებიც ნაპოვნი ხელუხლებელივით (მათი რაოდენობა მცირეა) ზოგი ყინულმა და კლდემ შეინახა. მაგალითად ასეთი უნიკალური რაღაცაც კი მოხდა რომ ერთ-ერთი მაიმუნ-ადამიანის თავის ქალის კვლევისას მასში აღმოაჩინეს ქვის ტვინი, ანუ მილიონობით წლების განმავლობაში ტვინის ცილა და სითხეები ამოშრა, ის შეავსი ქვიშამ და გამაგრდა ზუსტად ტვინის ფოსოს კონტურის ფორმაზე ისე რომ ტვინის ფორმა შემოგვინახა.

არის სხვა დამამტკიცევბელი საბუთებიც. ცხადია უკლებლივ ყველა ამ ტავის ქალის დნმ-ის ანალიზის ცატარება შეიძლება და გენეტიკური მსგავსებების წაკითხვა. იწყება ადამიანისადმი 98%-იანი მსგავსებით. (ეს შიმპანზეა). დროში ქრონოლოგიურად დაწყობილი შემდეგი არსებები, უკვე 99%-ით, შემდეგ 99,5-ით% შემდეგ 99,9%-ით და ბოლოს 200.000 წლის წინ ნაპოვნი არსებები უკვე იგივე ჩვენ ვართ, 100%-იანი იდენტურობით. ესიც არის ევოლუციის დამამტკიცებელი საბუთი გენეტიკური ანალიზით.

არსებობს შრომის იარაღებით ევოლუციის თეორიის არგუმენტაციაც. შრომის იარაღების დათარიღებაც შეიძლება, შრეების მიხედვით იმის მიხვედრაც თუ როდის გამოჩნდა და როგორ განვითარდა ეს იარაღები.

გენეტიკური კოდის გაშიფვრის შემდეგ კი შესაძლებელია უკვე ამ არსებების მთლიანი აღდგენა ანუ იმის გაგება თუ როგორი ფორმის სხეული ჰქონდა (და ასევე სხვა მრავალი დეტალისაც). ეს ყველაფერი კიდევ უფრო თვალსაჩინოს ხდის ევოლუციის პროცესს, რომელიც რამოდენიმე მილიონი წელი მიმდინარეობდა.

არის სხვადასხვა დეტალებიც. მაგალითად ტრანსლოკაცია - ქრომოზომების რიცხვის ცვლილება და კიდევ სხვა ფაქტორები რაც დასაშვებს ხდის ევოლუციას.

შემდეგ უკვე წავიდა გაცილებით ღრმა ანალიზი. ნაპოვნი ტავის ქალების და თტვინის ფორმის მიხედვით ნათელი გახდა კონკრეტულად ტვინის ევოლუცია ანუ როგორ თანდათანა გაიზარდა ტვინი, ფიზიკური ევოლუციის ნიშანი - მოუხეშავი თითები ქრონოლოგიურად ჩაანაცვლა უფრო მოქნილმა, დეტალებზე სამუშაოდ მოქნილმა თითებმა.

ეს ნივთმტკიცებულებები დევს თაროებზე, ასევე მათი შრომის იარაღები, ასევე მათი შრომის იარაღები, გამოკვლეული გენეტიკური კოდი - კი, კომპიუტერებშია დახარისხებული და ქრონოლოგიურად დალაგებული.

პარალელურად მიმდინარეობს მუშაობა ყველაზე გონიერ მაიმუნ შიმპანზეზე, მისი ლოგიკის, უნარების შემოწმება, რა შეუძლია მას. შიმპანზე არის დაახლოებით 5-7 მილიონი წლის წინანდელ საფეხურზე, 3-4 მილიონი წლის წინანდელი არსებები უკვე უფრო განვიტარებულები და მოქნილები არიან.

მეტი რაღა უნდა იყოს?

რეკონსტრუქციები არის ვიზუალური ეფექტისათვის რეალობის სიმულაცია. თვალსაჩინოებისთვის კარგია, მაგრამ გინდა გააკეთე და თუ გინდა ნუ გააკეთებ, მთავარია რომ მთელი მასალა გაქვს ხელთ, რითაც მაგ რეკონსტრუქციის გაკეთება შეიძლება.


ჯერ დავიწყოთ ის რომ ევოლუციის თეორიას სერიოზული მოწინააღმდეგები არ ჰყავს. უმეტესი ამგვარი ნაშრომების არის კრეაციონისტების დაწერილი, რომელიც არის აბსოლუტური სისულელე, რადგან ისინი დედამიწას/მზის სისტემას ათარიღებენ 7.000 წლით. თვითონაც კარგად ესმით რომ ალოგიკურობასთან მივლენ თუ იძახეს რომ დედამიწა 4,5 მილიარდი წლის არის და ადამიანი პირდაპირი გზით შეიქმნა სიცოცხლის წარმოშობიდან მილიარდობით წლის შემდეგო. სამყაროს 7.000 წლიანობას კი კომენტარიც აღარ სჭირდება უკვე... მერეც მეორე ეს მოწინააღმდეგები რაიმე ალტერნატიულ თეორიას კი არ ასახელებენ რაიმე მწყობრი თეორიით, არა, იძახიან რომ ევოლუცია არ არის წორიო და მოყავთ სხვადასხვა არგუმენტები. ერთ-ერთი იყო ქრომოზომების რაოდენობა როგორ შეიცვალაო? ნუ, ამის პასუხია ტრანსლოკაცია. აქვთ სხვა რაღაც არგუმენტებიც, მაგრამ საქმე იმაშია რომ მათ არ აქვთ თავიანთი თეორია და მათ არგუმენტებს პასუხი, რომც არ მოეძებნოს ლოგიკურად გაფიქრებინებს იმას, რომ დღეს თუ არა ხვალ მოეძებნება პასუხი, რადგან ევოლუცია თავისი თვალსაჩინოებით დევს ჩვენს წინაშე უამრავი ნივთმტკიცებულებებით და მის მოწინააღმდეგეებს კი უბრალო ჰიპოთეზაც ვერ ჩამოუყალიბებიათ, უბრალოდ ხან ქრომოზომებს ჩაეჭიდებიან და ხან მუტაციას.



არ არის ეგრე. მე მიწერია რას ნიშნავს ერთადერთობა და რას ნიშნავს ჭეშმარიტება. თითო-თითო გვერდზე აზრებს არ ვიცვლი.

ჩვენ მეცნიერულად ვლაპარაკობთ თუ გარეგნულად?
ხორცით რომ აღდგება როგორ მოხდება ამ ხორცის განახლება აი ამ პროცესზეა ლაპარაკი.

დამასკელს რატომ მითითებ, მას შეუძლებელია ცოდნოდა უძველეს დროში ის რაც დღესაც არაა ცნობილი.



რატომ არ გესმის (არ გინდა გაიგო...) ის რომ არავინ არ გამოიკვლევს არანაირ ალტერნატიულ ვერსიას თუ მისი რეალობის ოდნავი საფუძველი მაინც არ არის. მთელი სრულყოფილებით გიდევს ევოლუცია და სიგიჟეა ამ დროს სხვა რაიმეს კვლევა დაიწყო...

გგონია ვინმე სუბიექტურია? უბრალოდ გავიდა კაცობრიობა ამ საკითხის ბოლოში და აღარ არის საჭირო ყველაფრის თავიდან დაწყება.


არ მოვიკოჭლებ.
სხვადასხვაა.

შენ თუ პრინციპულობებს მისდევ კაცი არის მტვრისგან შექმნილი და ქალი კი პრინციპულად კაცისგან და არა მტვრისგან, ანუ ერთი საფეხური განსხვავებაა.


პრაქტიკულად უნაკლოა.

კიდევ ერთი საინტერესო ფილმი ევოლუციაზე:

Human Life - Evolution To Self-Evolution

Human Life 1of5
Human Life 2of5
Human Life 3of5
Human Life 4of5
Human Life 5of5

ასე უფრო კარგია, მეც მომეწონა მსჯელობა, მაგრამ იმისათვის, რომ მსჯელობა უფრო საგნობრივი იყოს სასურველია მოვისმინოთ ევოლუციის თეორიის საწინააღმდეგო არგუმენტები და მათი დასაბუთებები. (აქ კრეაციონისტებს და 7000 წელს არ ვგულისხმობ) ვგულისხმობ ქრომოსომებზე და ა.შ, რაც უფრო არსებითი და საგნობრივია. საერთოდაც, რაღაც საკითხის გარკვევა არასდროს არ უნდა მოხდეს ცალმხრივად, უნდა წავიკითხოდ და მოვისმინოთ საწინააღმდეგო არგუმენტი, თუნდაც იმისათვის, რომ ლოგიკური განსჯით დავრწმუნდებით პირველის ნამდვილობაში ან მის მცდარობაში.

შენ თავი აარიდე ტექნიკურად ჩემს კითხვას, რომელი ნაშრომი წაგიკითხავს ან იცი ევოლუციის თეორიას რომ აკრიტიკებს საგნობრივად იმ საკითხებში, რაც მართლაც გარკვეულ კითხვებს ბადებს. თუ დააზუსტებ კარგი იქნება.



გიორგი, ერთ-ერთ წინა გვერდზე შენი არგუმენტი ევოლუციის სასარგებლოდ იყო ის რომ ის არის ერთადერთი და არ არის სხვა მეცნიერულად დასაბუთებული, თუ გინდა მოგიძებნი მაინც და მაინც, მაგრამ მეზარება ახლა იმიტომ რომ არ აქვს გადამწყვეტი მნიშვნელობა ამას. ამიტომაც, შეგედავე რომ მსჯელობის ესეთი ფორმა (ერთადერთობა უდრის ჭეშმარიტებას) არ არის მეთქი სწორი და ეს რომ ასეა მე მგონი უკვე აღარ ვდაობთ.




შენ ფიქრობ, რომ ხორცით განახლება ევოლუციური პროცესით მოხდება??? აღდგომა მოხდება ისე, როგორც აღსდგა ლაზარე, როგორც ქრისტრეს ჯვარზე აღსრულებისას აღდგენ იერუსალიმში მიცვალებულნი და მრავალს ეჩვენენ და ისევე როგორც თავად უფალი აღსდგა. სრული სისულელეა იმის თქმა, რომ აღდგომა იქნება ევოლუციური პროცესის მსგავსი. ხორცით აღსდგომა იქნება მყისიერი, შეიკრიბება ის რაც გახრწნილი იყო და მიეცემა მას სიცოცხლე. შენ თუ მეცნიერულ ახსნას მთხოვ, ეს მეცნიერულად ვერ აიხსნება და ამიტომაც ვამბობ, რომ როგორც აღდგომა ხდება ხორცით, ისევე შეიძლება მომხდარიყო თავდაპირველად ადამიანის შექმნა.



აბა სხვა ვინ მიგითითო, დარვინი?.

დამასკელი არის ღვისმეტყველი (თეოლოგი) და წმინდანი, რომელიც განმარტებას აკეთებს მიცვალებულთა აღდგომის საკითხზე (და არა ბიოლოგიურ პროცესებზე) და ხსნის იმ ფუძემდებლურ პრინციპს, რომელსაც მიცვალებულთა აღდგომა ეფუძნება. სხვათაშორის ნაშრომის სათაურიამართლმადიდებელი სარწმუნოების ზედმიწევნითი გადმოცემა. ვნახოთ ახლა რას ამბობს:
და ისევ




აგერ კიდევ ერთხელ დავდებ ლინკს სხვებსაც რომ ჰქონდეს ნახვის საშუალება.http://www.orthodoxy.ge/gvtismetkveleba/damaskeli/100.htm

ანუ მე იმის თქმა მინდა, რომ ნებისმიერი მეცნიერული ვერსია თუ იგი "პრინციპულად" არ ეწინააღმდეგება საღვთო გადმოცემას შეიძლება იყოს მისაღები, ხოლო თუ "პრინციპულად" ეწინააღმდეგება, მაშინ მის მიღებამდე ძალიან დიდი სიფრთხილე და საკითხში გარკვევა გვმართებს.

მე მგონია, რომ მაიმუნისაგან ადამიანის წარმოშობის თეორია "პრინციპულ"წინააღმდეგობაშია საღვთო გადმოცემასთან (არა "ბუკვალურად"). ამიტომ მინდა მოვისმინო, წავიკითხო, საწინააღმდეგო აზრი როგორც მეცნიერების, ისე ღვთისმეტყველების. იქნებ განმარტგება საღვთისმეტყველო ისეთია, რომ საერთოდაც არ მოდის წინააღმდეგობაში და მაშინ აგვწყობია საქმე.

მაგალითად, პირადად ჩემთვის , სამყაროს შექმნის, მცენარეების ცხოველების მნათობების წარმოშობის მეცნიერული თეორია, "პრინციპულ" თანხვედრაშია ბიბლიურთან, მეტიც, ზემოთ უკვე ვთქვი, ბიბლიაში პირდაპირი მინიშნებაა, რომ სიცოპცხლის წყარი არის წყალი (ჯერ ჩნდებიან თევზები და ფრინველებიც კი წყლიდან) და ა.შ. მაგრამ თავად ადამიანის შექმნა და მისი როლი სამყაროში, ჩემი აზრით ცოტა ვერ ჯდებაარ ჯდება ევოლუციური თეორიის ჩარჩოებში. ამიტომ კიდევ ერთხელ ვამბობ, აუცილებელია მოვისმინოთ და ამ პპოსტზე დაიდოს ამ საკითხის საღვთისმეტყველო განმარტებები, ასევე სხვა მეცნიერული საკამათო აზრები და მერე იყოს ჩვენი დასკვნებიც.



ნუ გწყინს, მოიკოჭლებ, ყველა მოვიკოჭლებთ ცოტ-ცოტას.

როგორც ქალი ისე კაცი შექმნილია ერთი და იგივე ნივთიერებისაგან. მე რომ ოქროსაგან დიდი ჯვარი გავაკეთო, შემდეგ გადავადნო და ერთი ჯვარი და ერთი "ძეწკვი" გავაკეთო. ეს ძეწკვი ოქროსი აღარ იქნება?.



ეს "პრაქტიკულად" მაგიჟებს მე, შეგიძლია შენ თვითონვე გვითხრა გულახდილად რა მინუსები აქვს ევოლუციას, თუ გინდა შენი კომენტარებიც გვითხარი, მაგრამ გვითხარი ის მინუსევიც უფრო დეტალურად. რადგან სხვა წყაროს არ გვისახელებს არავინ, იქნებ ისევ შენ მოგვეხმარო.

damiane80

დამიჯერებ რომ გითხრა რომ მინუსი არა აქვს?

მთელი მისი მინუსი არის ის რომ არავის უნახავს საკუთარი თვალით ევოლუციის პროცესი.

ოდნავი სერიოზული მინუსი რომ ჰქონდეს ეს ალტერნატიული თეორიის საფუძველი გახდებოდა, ასეთი რაიმე არ არსებობს.

მე ლოგიკური, საღ აზროვნებაზე დაფუძნებული ევოლუციის საწინააღმდეგო კონტრ-არგუმენტი არ მინახავს, ან კი რა უნდა იყოს, თაროებზე დევს მთელი პროცესი.

თუ შენ იცი სადმე კონტრ-არგუმენტები შენ თვითონ დადე, როგორც ევოლუციის მოწინააღმდეგემ.

გამაგიჟებ შენ მე, ეს შენ არ დაწერე:



ამათზე გეკითხები, ქრომოსომები და სხვა არგუმენტები, გვითხარი რაზეა საუბარი, გვეცოდინება მაინც



მე არცმომხრე ვარ და არც მოწინააღმდეგე, უფრო სწორი იქნება თუ ვიტყვით ვარკვევ საკითხს, ამიტომაც შენს გამოკითხბვაში ხმა საერთოდ არ მიმიცია ჯერ. ახლა მოწინააღმდეგის პოზიცია იმიტომ მიკავია, რომ აქ ფაქტობტივად სხვა საწინააღმდეგო აზრი არ გამოთქმულა და მაშინ შემოვკრათ ერთად ტაში და ვაღოაროთ ბრმად ევოლუცია. ბრმად აღიარებას მე იმას ვუწოდებ, რომ არ მოისმინო სხვა აზრები და ისე დაეთანხმო ერთადერთ წარმოთქმულს.

damiane80

მე დავწერე, მაგრამ ეგ კონტრარგუმენტები ძალიან პრიმიტიულია.

OK.
მაგალითად:
1. როგორ შეიქმნა ცოცხალი უჯრედი დნმ და რნმ-ს მოლეკულებისგან?
2. როგორ შეიქმნა ბიოლოგიური სისტემები?
3. როგორ შეიქმნა პროტეინის მოლეკულები?

სხვათა შორის ძირითადი პრობლემატური საკითხები ევოლუციის ადრეულ საფეხურებს ეხება (იგივე ქრომოზომების საკითხიც) თუ არა ადამიანის მაიმუნისგან წარმოშობა იმდენად თავლსაჩინოა, რომ პირიქით, სხვა რომ არაფერი ყოფილიყო, მარტო ამ მტკიცებულებებით დაიწერებოდა საკმაოდ ძლიერი თეორია.

ზემოთ მოყვანილ კითხვებზე პასუხები არ არსებობს. ანუ ალბათობა იმისა რომ ნივთიერებებისგან მიგვეღო ჯერ ცოცხალი უჯრედი და ბოლოს ბიოლოგიური სისტემები არის ძალიან დაბალი (უამრავი რაიმეს თანხვედრა სჭირდება) თუმცა ცხადია არა შეუძლებელი.

ეს კონტრ-არგუმენტი გავს დაახლოებით ასეთ რაიმეს: ადამიანის წინ დევს რაღაც მექნიზმი, მან ბოლომდე არ იცის როგორ გაკეთდა ეს მექანიზმი, მაგრამ ფაქტი უდევს წინ რომ აწყობილია ის უკვე. ასეა ევოლუციაც, უამრავი ნაშთი და მათი ანალიზი იძლევა ევოლუციის ცოცხალ სურათს და ამ კონტრ-არგუმენტებს ალბათ ზუსტად გამოიკვლევენ და გასცემენ პასუხს.

ის რომ თვითონ ევოლუციის მოვლენა ერთი დიდი სასწაულია არავინ დაობს. ეს არის ძალიან რთული პროცესების და ალბათობების გამართლება. (სხვათა შორის ღმერთის არსებობის შემოტანა ძალიან ამარტივებს სიტუაციას, რადგან შეგვიძლია ვთქვათ რომ ეს ურთულესი პროცესი შემთხვევითი დამთხვევების შედეგი არ არის და ღმერთის მართული პროცესია)

როგორც ჩანს მოხდა ატმოსფერული პირობების შედეგად ცოცხალი უჯრედის აწყობა ასეულობით მილიონი წლის განმავლობაში და ბიოლოგიური სისტემების აწყობა მილიარდობით წლის განმავლობაში.

ყველაზე არადამაჯერებელი ევოლუციის მოწინააღმდეგების ის არის, რომ მათ არ აქვთ არანაირი თეორია, (არც შეიძლება ჰქონდეთ) ისინიც ხედავენ ევოლუციის ნათელ სურათს (პრაქტიკული ნივთმტკიცებულებებით და ანალიზით), მაგრამ ვინაიდან არის რაღაც ღია საკითხებიც (თუმცა ეს იჩრდილება მოპოვებული ნივთმტკიცებულებებით) ისინი ითხოვენ ყველაფერზე პასუხს. ეს არის და ეს მთელი პრინციპი ევოლუციისადმი წინააღმდეგობისა. პასუხი კი მათემატიკაში, რთულ მოდელებშია საძებნი რათა საბოლოოდ ფიზიკურ დონემდე დამტკიცდეს ის, რაც გარეგნულად დავინახეთ.

მაგალითად ენზიმების, კარბოჰიდრატების, ჰორმონების და ა.შ. კონსტრუირება არავის უნახავს როგორ მოხდა ან რა ალბათობის გამართლება იყო მათი შექმნა, მაგრამ შეგვიძლია ვივარაუდოთ (არის სხვადასხვა ვერსიები) რომ დროთა განმავლობაში, მილიონობით წელიწადში საჭირო ატომებმა თავისით მოახდინეს კონცენტრაცია.


არ მგონია.
აზრზე არა ვარ როგორ მოხდება და იმიტომ.
წარმოდგენისთვის გონება არ მყოფნის, პრაქტიკული ანალიზისთვის კი არანაირი ნივთმტკიცებულება და ფაქტი არ მაქვს მომავალში რა იქნება იმისგან.


თუ არკვევ საკითხს მაშინ გაეცანი მასალებს ევოლუციაზეც და შეეცადე დაძებნო კონტრ-არგუმენტაციაც.

P.S. ფილმებსაც უყურე, სიანტერესო ფილმებია...

უშუალოდ ევოლუციას არ ეხება, მაგრამ ძალიან საინტერესო ფილმია "დიდი" მაიმუნების ლოგიკაზე და მეხსიერებაზე:

The Human Ape

The Human Ape 1of10
The Human Ape 2of10
The Human Ape 3of10
The Human Ape 4of10
The Human Ape 5of10
The Human Ape 6of10
The Human Ape 7of10
The Human Ape 8of10
The Human Ape 9of10
The Human Ape 10of10

თუ სწორად გავიგე ევოლუციის ბოლო საფეხურები მაიმუნიდან -ადამიანამდე) დავას ფაქტობრივად არ იწვევს? ის ტრანსლოკაციის პროცესიც მეცნიერულად დადასტურებულია?, გარდა ამისა, შეიძლება თუ არა ვივარაუდოთ, რომ იგივე პროცესი გაგრძელდეს და ქრომოსომების რაოდენობა 46 კი არა ვთვათ 76 გახდეს. (საეღტოდდ რატომ შეჩერდა ქრომოსომების განვითარება აგერ უკვე 200 000 მილიონი წელი და ერთიც აღარ მომატებია. ინტრიგნულ კითხვად ნუ მიიღებ მეცნიერული პოზიცია მაინტერესებს.



საქმე ის არის, რომ ეს მომავალში კი არ იქნება მხოლოდ, წარსულში უკვე იყო . ლაზარე, სახარებაში ნახსენები მიცვალებულთა აღდგომა, თავად მაცხოვარის აღდგომა. ეს როგორ მოხდა მეცნიერულად არავინ იცის, მაგრამ ზუსტად ვიცკთ, რომ ევოლუციით და ა.შ არ მომხდარა, მომხდა მყისიერად.



აბა მე რას ვაკეთებ შენი მეშვეობით ვეცნობით არგუმენტებსაც და კონტრსაც

ისე სხზვების მოსაზრებებიც არ გვაწყენდა, თავისი დასაბუთებებიც, მაგრამ სად არის, გავილაღეთ აქ მე და შენ

ისე აბა ეს წაიკითხე, ისევ დამასკელია, საინტერესო რამეს წერს:

"სხეულია ის, რაც სამად არის განფენილი ანუ რასაც აქვს სიგრძე, სიგანე და სიღრმე ანუ სისქე. ყოველი სხეული ოთხი სტიქიონისგან შემყარდება, ხოლო ცხოველთა სხეულები - ოთხი სითხისგან.

გვმართებს ვიცოდეთ, რომ ეს ოთხი სტიქიონია: მიწა - მშრალი და გრილი, წყალი - გრილი და ნოტიო, ჰაერი - ნოტიო და თბილი, ცეცხლი - თბილი და მშრალი. მსგავსადვე არსებობს ოთხი სითხეც, შესაბამისად ოთხი სტიქიონისა: შავი ნაღველი, რაც შეესატყვისება მიწას (რადგან იგი მშრალია და გრილი); ბალღამი, რაც შეესატყვისება წყალს (რდგან იგი გრილია და ნოტიო); სისხლი - ჰაერის შესატყვისი (რადგან იგი ნოტიოა და თბილი); ყვითელი ნაღველი, რაც შეესატყვისება ცეცხლს (რდგან იგი თბილია და მშრალი). ნაყოფი სტიქიონებისგან შემყარდება, სითხეები - ნაყოფთაგან, ხოლო ცხოველთა სხეულები - სითხეთაგან; შემდეგ ამათვე მიმართ იშლებიან ისინი, რადგან ყოველი შედგენილი იმად იშლება, რისგანაც არის იგი შემდგარი.

გვმართებს ვიცოდეთ, რომ ადამიანი უსულოებსაც ეზიარება, პირუტყვთა სიცოცხლის წილმქონეცაა და აზრისმიერთა ცნობიერების წილმიმღებიცაა, რადგან ეზიარება იგი უსულოებს სხეულებრივად და ოთხი სტიქიონისგან შეზავებულობის გამო, მცენარეებს - ზემოთქმულთა მიხედვითაც და, აგრეთვე, მასაზრდოებლოებითი, ზრდადობითი და თესლოვნებითი ანუ მშობელობითი ძალის მხრივ, პირუტყვებს - ყოველივე ამითაც და, კიდევ, წადილის (ანუ რისხვისა და ნდომის) გრძნობადობისა და აღძვრითი მოძრაობის შესაბამისად ".

გეშველა მე მგონი,

აი რატომ მინდა მამების მოსაზრებების წაკითხვაც, არა იმიტომ, რომ მეცნიერული არგუმენტები ვეძებო ევოლუციის მხარდასაჭერად ან საწინააღმდეგოდ, არამედ "პრინციპული" დამოკიდებულება, საღვვთისმეტყველო ახსნა საკითხისა.

შევეცდები სხვა რამეებიც დავდო, ბევრი ინფორმაცია და მერე უფრო კარგად ვიმსჯელოთ, შენც ნუ დაიზარებ, თუ გინდა საწინააღმდეგო არგუმენტებიც იყიო, იქნებ ვინმე ავტორი მიუთითო.

აბა ესეც ნახე, ეს პომაზანსკია დოგმატური ღვთისმეტყველება, http://www.orthodoxy.ge/gvtismetkveleba/pomazanski/8.htm.



აქ ჩანს ის "პრინციპული" განსხვავება, რაც ადამიანის შექმნასთან მიმართებაშია გამოხატული და რაზეც ზემოთ ვსაუბრობდი.

damiane80

მაგრამ აქ ისიც ჩანს, რომ როგორც "მიწიდან აღება" ისე "გამოძერწვა" არც ერთია პირდაპირად გასაგები და არც მეორე.

ახლა ისმება კითხვა:

კერძოდ, რა მოხდა, როგორ იზრუნა უფალმა ადამიანის შექმნისას?

ამაზე პასუხი რელიგიას არ აქვს და არც უნდა ჰქონდეს. დაველოდოთ მეცნიერულ კვლევებს

ამაზე ვინმე დავობს საერთოდ, მე პირიქით იმას გავიძახი "ბუკვალურად" არ უნდა გავიგოთ-თქო. მაგრამ "პრინციპული" სხვაობა რაში გამოიხატება ჩემი აზრით, იმაში, რომ ადამიანი იქმნება დამოუკიდებლად ცხოველისაგან, არა მხოლო "თქუათი", არამედ "გამოძერწა", მანამდე ითათბირა და ა.შ, ეს ჩემი აზრით, პრინციპულად ნიშნავს, რომ ახალი შექმნა და არა უკვე არსებული გარდაქმნა.

თუმცა შეიძლება პირიქითაც იყოს, ამიტომ მინდა ვნახო, "პრინციპული"წინააღმდეგობა არის თუ არა და მოვიძიოთ სხვა ავტორებიც და მოგვეხმარე შენც, რაღაც პასიურობ ძალიან.

არ თქვა ახლა, კონსტიტუციის ახალ პროექტზე ვმუშაობ და არ მცალიაო

damiane80
იქნება გამოძერწა ისაა სწორედ, რომ მთელი ამხელა ცოცხალი სამყაროს ევოლუცია მილიარდობით წელი მიდიოდა მხოლოდ იმ ერთი მიზნით, რომ პარალელური სახეობების გარდა, საბოლოოდ და დასკვნის სახით შექმნილიყო - ადამიანი - ქმნილების გვირგვინი.

იცი? არ იცი....

კი შეიძლება, მაგრამ აი რას ვამბობ, ბიბლიური გადმოცემა "პრინციპულად" შეესაბამება ევოლუციის ტეორიას სამყაროს წარმოშობაზე, ასევე ცხოველების, თევზების ფრინველების წარმოშობაც. ისიც, რომ სიცოცხლე წყლიდან იღებს სათავეს. მაგრამ მაიმუნის გარდაქმნა ადამიანად - "პრინციპულად" ხომ არ მოდის წინააღმდეგობაში ბიბლიურ გადმოცემასთან.

ისე შეიძლება იყოს საწინააღმ,დეგო აზრით, მაგალითად: ადამიანმა ევოლუციის ყველა ეტაპი გაიარა სწორედ იმიტომ, რომ როგორც ქმნილებათა გვირგვინს თავის თავში გააერთიანებია ყვველაფერი. ამაზე თითქოს მინიშნებაა დამასკელთან :

ანუ ადამიანი ეზიარება ცხოველსაც, მცენარესაც კიო და ყველაფერს რაც ქმნილია, საინტერესო განმარტებაა არაა.

მაგრამ ნუ ვიჩქარებთ დასკვნების გაკეთებას ან ერთი ან მეორე მხარეს, მე მინდა ვთქვა, რომ უფრო მეტი ინფორმაცია ავიღოთ განსჯისათვის და მერე ჩვენ ჩვენი დასკვნები გავაკეთოთ. შენ როგორც იურისტმა, მე მგონი იცი, რომ სანამ დასკვნას გააკეთებ უნდა მოისმინო საწინააღმდეგო არგუმენტები და მიიღო მაქსიმალური ინფორმაცია, რაც მოგცემს საშუალებას შენი ჩამოყალიბებული აზრი იყოს დასაბუტებული.

თუმცა მეპორეს მხრივ, ეს არ უნდა დაემგვანოს რაღაც "ჩაკირკიტების" მცდელობას, ისე როგორც "სექტანტები" დაკირკიტებენ ცალკეულ გამონათქვამებს, გლეჯენ მათ კონტექსტიდან და ა.შ. ყველაფერი ზომიერად.

damiane80

ნამდვილ მეცნიერებში - არა.
კრეაციონისტებში მხოლოდ...

კი

შეიძლება, გამორიცხული არ არის, მაგრამ მილიონობით წელი დასჭირდება.
ისე ქრომოზომების დიდი რიცხვი უფრო გონიერ არსებას არ ნიშნავს.

200.000 მილიონი რა უბედურებაა...?
თანამედროვე ადამიანი 200.000 წლისაა და ეს პერიოდი მცირე დროა ტრანსლოკაციისთვის.

გასაგებია.
მეცნიერებას ხელში არ ჩავარდნია ლაზარეს არც ერთი ნაშთი რომ რაიმე გამოეკვლია. რაც არ იცის მეცნიერებამ არ იცის. ლაზარე შეიძლება სპონტანურადაც აღდგა, მაგრამ ადამიანი მაგნაირადვე ნამდვილად არ შექმნილა.

არადა ოთხი სტიქიონი არ არსებობს და არც არასოდეს არსებულა. ეს იყო უძველესი (სავარაუდოდ ბერძნული) პრიმიტიული წარმოდგენა, რომ ყველაფერი შესდგებოდა ოთხი საწყისისგან ანუ სტიქიონისგან: მიწა, წყალი, ჰაერი, ცეცხლი. დღეს ჩვენ ქიმიის და მოლეკულური ფიზიკის დონეზე ვიცით თუ რა არის წყალი, ჰაერი, მიწა და ცეცხლი. ისიც ვიცით რომ საერთო არაფერი აქვთ მათ, ისიც ვიცით რომ სულ სხვადასხვა ელემენტებისგან შესდგებიან და მითუმეტეს ვიცით რომ სამყარო ამ სტიქიონებისგან არ შესდგება.


სხვათა შორის, ეს ოთხი სტიქიონი საერთოდ არ არის ღვთისმეტყველების ტერმინები, ეს არის პრიმიტიული მეცნიერების მცდელობა, რომელიც იმ ეპოქაში თანამედროვე შეხედულებად ითვლებოდა. დამასკელიც იმ დროინდელი მეცნიერების და ფილოსოფიის გავლენის ქვეშაა. ჩვენ სტიქიონები არაფერში გამოგვადგება (რაც არ არსებობს რაში უნდა გამოგადგეს) და უფრო თანამედროვე თვალით უნდა შევხედოთ ყველაფერს.



ვერ იპოვი ამგვარ პრინციპულ დამოკიდებულებას. რელიგიამ არ იცის როგორ შეიქმნა ადამიანი, არამედ იცის მხოლოდ ვინ შექმნა.

გიორგი
კარგი იქნებოდა გამოკითხვაში შეგეტანა პუნქტი "არ ვიზიარებ ევოლუციის თეორიას". არ ვეთანხმები დასმულ შეკითხვებს. როგორ შეიძლება ადამიანი ფორმირებულიყო ანუ შექმნილიყო დამოუკიდებლად?! მორწმუნისთვის ყოვლად მიუღებელია ევოლუციის თეორია. შექმნის წიგნში არ წერია ყველაფერი რაც შენ გაინტერესებს?

26. და თქვა ღმერთმან: ვქმნეთ კაცი ხატებისაებრ ჩვენისა და მსგავსებისაებრ.
27. და შექმნა ღმერთმან კაცი სახედ თჳსად და ხატად ღმრთისა შექმნა იგი, მამაკაცად და დედაკაცად ქმნა იგინი.
(დაბ 1, 26-27).

მეცნიერება ამ თეორიით მკრეხელურ აზრს ავითარებს, რომ მაიმუნი ევოლუცირდა ადამიანად. ეს წარმოუდგენელი სიცრუეა. ადამიანი შექმნა ღმერთმა მის ხატად და მსგავსად.

მე მწამს დაბადების წიგნში გადმოცემული ჭეშმარიტი სწავლება. მეცნიერები, რომელბიც მიენდობიან საკუთარ დაცემულ გონებას და ქმნიან თეორიებს, ბოროტის ზეგავლენით თითქოსდა ლოგიკურად ამტკიცებენ მათ, სინამდვილეში კი დიდ ცდომლიებაში შედიან და მკრეხელობენ!
გაიხსენე ასევე იყო კანტი. მან ლოგიკას მინდობილმა უარწო ღმერთის არსებობა და შემდეგ ასევე ლოგიკის საშუალებით დაამტკიცა მისი არსებობა. ნუ გავიზიარებთ თეორიებს, რომელბიც ეწინააღმდეგება წმიდა წიგნებს.

ქმნილება თავისი შექმნის საიდუმლოებას ვერ ჩაწვდება. და ის რისი ცოდნაც ჩვენთვის მოცემულია, დაბადების წიგნში წერია