tv იმედში მგონი ბერძნოიდი მუშაობს, ხშირად არის დადებული საეკლესიო გადაცემებზე "ქართულ-ბიზანტიური" გალობა, ვერ გავიგე ეს ხალხი პატრიარქის მიმართ რატომ ჯიუტობს...

რუსეთმა შეცვალა საგალობლები ეკლესიაში და ბიზანტიური გალობით მემგონი იგივეს ვაკეთებთ. რაც ჩვენია ნუ დავკარგავთ!

მშვიდობა თქვენდა.
დიდი ხანია ვკითხულობ თქვენს თემას და მართალი გითხრათ ცოტა არ იყოს დავითრგუნე. და დავითრგუნე არა იმიტომ რომ ვეთანხმები ერთ მოსაზრებას ან მეორეს, უბრალოდ ვერ მივხვდი მართლმადიდებლურ ფორუმზე მოვხვდი თუ რაღაც სვავების მდელოზე რომელთათვისაც ადამიანი და მისი თუნდაც მცდარი მოსაზრება საგანია, შეგიძლიათ ფეხქვეშ გათელოთ და გადააგდოთ!!

არ მესმის სადაა თქვენი საყვარული თუნდაც გზაა აბნეული, შემცდარი პიროვნებისა .

ეს თემაა რომელზეც ბევრი კამათი შეიძლება, ბევრ ფაქტებს მოიყვანს ერთიც და მეორე მხარეც , მაგრამ ცინიზმი და ქილიკი მართლმადიდებლობაზე რომ იდებთ თავს მიუღებლად მიმაჩნია.

უნდა გცხვენოდეთ. ადამინს რომ არ ინდობთ თქვენ სხვა დროს ქვეყნის ღირსებასაც არ დაინდობთ.

მაპატიეთ თუ ოდნავ უხეშად გამომივიდა მაგრამ მართლა შეწუხებული და აღშფოთებული ვარ.

მშვიდობა.



თქვენი პრობლემაა



არ გინდათ ასეთი ცინიკური შედარება რა, ეს თემა მერამდენედ გახსნეს იცით? მანამდე ყოველთვის წყნარად და ფაქტებით ვსაუბრობდით ამ თემაზე, მაგრამ ამ უტეხმა ქალბატონმა ყოველგვარ ზღვარს გადააჭარბა და ამის მოთმენა ყველას ძალიან გაგვიჭირდა, თქვენ არ იცით აქ მანამდე რა ხდებოდა ასე რომ...



აქ არავის თელავენ და ცოტა დაფიქრდით რას წერთ, იქნებ ჯერ გაიგოთ ვინები დაგხვდათ ამ ფორუმში გადამთიელები თუ მოაზროვნე საზოგადოება!



იქნებ ჯერ იმისთვის გესაუბრა სიყვარულზე ვინც შეიზიზღა ქართული გალობა და დაკარგა საქართველოს სიყვარული და გადაუარა ქართულ კულტურას? ამ ადამიანს სიყვარულით არაერთხელ ვესაუბრეთ, მაგრამ გაიგო? ჯინიანობა დაიწყო და ბოლოს ქართული გალობის ლანძღვაზეც გადავიდა, ასე რომ თქვენს შენიშვნას სიყვარულის არ ქონებაზე მე პირადად არ მივიღებ!!!



რომელი წმინდანი ბრძანდებით???



მას უნდა რცხვენოდეს ვინც თავისი ქვეყნის უდიდეს საგანძურს უარყოფს და სხვა ქვეყნის საგალობელს საკუთარზე მაღლა, და ხშირ შემთხვევაში უარყოფს კიდეც!

Linad
თვითონ რა აზრისა ხარ ქართული ლოცვითი ტექსტების ე.წ. "ბიზანტიურ" მელოდიებზე დადებაზე, ის დაწერე, თორე დანარჩენი ჩვენც ვიცით, რომ ყოვლად არაქრისტიანები ვართ.

არ გადაგვიარა?

"მოაზროვნე საზოგადოება" - ცოტა სხვანერად საუბრობს .

და ისიც არ მესმის დაე ხსნას თემები წეროს და იკითხოს, თქვენში რატომ იწვევს ეს ზიზღს.

ყველამ იცის ასეთ კამატებს აზრი არ აქვს და ცდებით თუ გგონიათ რომ ამ პიროვნებას აზრს შეაცვლევინებთ. დაე იფიქროს ისე როგორც უნდა.


იმასთან როგორ მართავთ ამხელა პოლემიკას.




ჩემი აზრით ამაზე არაფერია საკამათო :-)
ვისაც უნდა აქართულოს ქართული გალობა და მე კი ეკლესიში დავესწრები ქართულ მსახურებას ისეთს როგორსაც დააწესებს წმინდა სინოდი.

მაინც როგორ?



დარწმუნებული ხართ რომ გვეზიზღება? ცილისწამებაში არ ჩაიგდოთ თავი...



ეს არის მართლმადიდებლობა? შეცდომილ ადამიანს დაეხმარო და სიმართლე აუხსნა რა პრობლემაა? მაგრამ როცა გადავიდა შეურაწყოფაში და უტეხივით დაიწყო ქართული გალობის ლანძღვა ვერ მოვითმინე მე პირადად!



მდაა...

Linad

მგონი შეცდომა მოგსვლია "აქართულოს ქართული გალობა" გიწერია.
თუ, ეს შეცდომა არცაა და განზრახ წერია?
ისე, საინტერესოა, რომელ ეკლესიაში ესწრები ლოცვას.
შეიძლება რომ გაგვიმხილო?
მე რაღაც ეჭვი მაქვს, რომ ან მამა დავითის (ისაკაძე) მრევლი უნდა ოყო, ან მამა ზურაბის (ანთაძე).
თუმცა, უფრო მაინც მამა დავითზე ვფიქრობ, ვინაიდან მამა ზურაბის მრევლი ამ საკითხში გაცილებით უფრო აგრესიულია (შეიძლება ითქვას უზრდელიც კი).
მამა დავითის მრევლს რამოდენიმეს ვიცნობ.
სწორედ ასეთი ტერმინებით გამოირჩევიან. დამრიგებლურ-მოწოდებით-დამმოძღვრელი ტერმინოლოგიით.
ბოდიში თუ ვცდები, მაგრამ იქნებ მაინც გაგვიმხილო სად დადიხარ ტაძარში?

ვეშაპო
მართალია ბევრ რამეში ვერ ვთანხმდებით, მაგრამ ამ საკითხში შენს გვერდით მიგულე !!!!

რაც შეეხება ბიზანტიური გალობის მიმდევრებს. თუ ასე მოგწონთ ჩაკიდეთ ხელები ერთმანეთს მიბრძანდით საბერძნეთში და იქ იმოღვაწეთ.
და ჩვენ გვაცადეთ ქორიძის, კერესელიძის არტემის და ა.შ დანატოვარის გალობა. ნუ გამოთქვამთ ბრძნულ აზრებს. მოგვცა პატრიარქმა კურთხევა, რომ ვიგალობოთ ქართული ტრადიციული გალობა, თუ არ ემორჩილებიტ მიბრძანდით ბატონო!!!!

არანაირი კამათი არ სჭირდება იმას,რომ ქართულ გალობასთან ვერაფერი ვერ მივა ახლოსაც კი. თუნდაც მისი მრავალფეროვნებიდან გამომდინარე, რაც ახასიათებს სხვადასხვა კუთხის საგალობლებს.
საქართველოში ყველა უნდა გალობდეს ქართულად. მეცოდება ის ხალხი ვისაც ის არ მოსწონს და სხვას ანიჭებს უპირატესობას, ღმერთმა გაუნათლოს ყველა ასეთ ადამიანს გონება.

qarcivadze

შენ უნდა ნახო ეგენი როგორ ლაპარაკობენ ჩვენზე.

შენ რომ გიწერია: ღმერთმა გაუნათლოს ყველა ასეთ ადამიანს გონებაო.
ზუსტად ეგ ტექსტი თქვეს სადღეგრძელოში ერთხელ მეუფე დავითზე.
ანუ, გამოვიდეს ამ ე.წ. "ხალხური" (ანუ ქართული) საგალობლების გავლენიდანო.
ანუ, იმას პირიქით "ეცოდები" რა.
მართალი გითხრა, საერთოდ არ მეცოდებიან.
პატარა სექტანტები არიან.

ვეშაპო
ხოდა ახლა პირდაპირ ვიტყვი. ჩაკიდონ ხელი ერთმანეთს მღვდლებიან მრევლიანად და წავიდნენ საბერძნეთში ილოცონ, ჩვენც ნერვებს არ მოგვიშლიან და თავიანთ სტიქიაში იქნებიან

მეც ასე ვამბობდი, მაგრამ არაა ასე კარგი, არ გვყავს დასაკარგი და გასაგდები ხალხი, ამათ აქ "არ უყვართ" ქართული გალობა, და იქ რომ წავლენ საქართველოც აღარ ეყვარებათ, და არც საქართველოზე ილოცებენ...ავუხსნათ, რომ ცდებიან, და იქნებ გაიგონ, და თუ არ გაიგებენ უფალთან თვითონ აგებენ პასუხს.

ეხლა ხო სიყვარულის ელეთმელეთები მოსდით.

გუჯა

უF!
მაიცა რა!
ერთი მაგათი საქართველოზე ნალოცი არ გაიშვა.

არც ჩვენი ლოცვები აადგილებს მთებს

მოკლედ, ბერძნოიდებო დაივიწყეთ ეს ბერძნულ-ქართული გალობა (?) და აღიარეთ რომ შეცდით, სინანულით უფრო მიხვალთ უფალთან ვიდრე ამ გალობით, რად გინდათ ისეთი "გალობა" რომელიც პატრიარქის და წმ. სინოდის დაუმორჩილებლობაში და განკითხვაში ჩაგაგდებთ....

გუჯა
ეგენი არიან დაქირავებული ხალხი (ჩემში ეგეთ ასოციაციას იწვევენ), და სპეციალურად აკეთებენ ამას რომ ჩვენი პატრიარქი როგორმე დააღონონ. ჩემმა ძმაკაცმა მომიყვა (სემინარიაში სწავლობს და თან დიდგორშიც მღერის), რომ მალხაზ ერქვანიძე უკითხავდათ ლექციას გალობაზე, და ყველანაირად აუხსა მაგ ბერძენოიდებს რომ ცდებიან და კანონიკური არის ქართული საგალობლებიო, მაგრამ მაინც არ გაიგეს და თავისას ერეკებოდნენო. ხოდა გაფრინდნენ აქედან, არ გვინდა მათი ლოცვა. რათ გვინდა მაგათ ლოცვაში მოხსენიება როცა გამუდმებით ნერვებს გვიშლიან?

უწმიდესი და უნეტარესი ილია II: - დიახ, გაჩერდით.
P.S. ამ შეხვედრის აუდიო ჩანაწერი არსებობს.
გაზეთი „საპატრიარქოს უწყებანი“, № 7, 2003 წ.
ყველამ წაიკითხეთ ...............

ბოლო წლებია, საქართველოს სამოციქულო ეკლესიის სასულიერო და საერო პირთა ერთი ჯგუფი ცდილობს, დაამკვიდროს ახალი გალობა. ეს გახლავთ თანამედროვე ბერძნულ ერთხმიან სამგალობლო მელოდიებზე დადებული ქართული ლოცვითი ტექსტი. ამ გალობას სიახლის შემომტანები კანონიკურს უწოდებენ. შესაბამისად არაკანონიკურად ცხადდება ტრადიციული სამხმიანი ქართული გალობა, რომლის მიმართაც ამ ექსპერიმენტის მიმდინარეობის სხვადასხვა ეტაპზე უფრო მკვეთრი ეპითეტებიც გამოიყენებოდა. ნებსით თუ უნებლიედ ვრცელდებოდა ხმები იმის შესახებ, რომ პატრიარქი არ არის ამ ახალი გალობის წინააღმდეგი. სინამდვილეში კი ამ ექსპერიმენტის დაწყებისთანავე და ამჟამადაც პატრიარქის პოზიცია სრულიად მკაფიო იყო. თვითნებურ ექსპერიმენტად შეაფასა ეს ყოველივე წმიდა სინოდმა თავისი უარყოფითი დამოკიდებულება ამ წამოწყებისადმი გამოხატა თბილისის სახელმწიფო კონსერვატორიამაც. გალობის საკითხთან დაკავშირებით ისტორიის ინსტიტუტში გაიმართა საგანგებო კონფერენცია, რომლის მასალებიც გამოქვეყნდა. მიუხედავად ამისა, ეკლეკტური გალობის მომხრეთა დარწმუნება ვერ მოხერხდა. ისინი განაგრძობენ ახალი გალობის შესწავლას, ზოგიერთ ტაძარში ღვთისმსახურება სრულდება ახალი გალობის თანხლებით, გამოიცემა აუდიო კასეტები, კრებულები, გაზეთები და ა. შ. ცოტა ხნის წინ მათი თხოვნით საბერძნეთიდან ჩამივიდა მუსიკათმცოდნე გრიგორიუს სტათისი, რომელიც აღნიშნულმა ჯგუფმა მოიწვია. ობიექტური სურათის აღსადგენად გადავწყვიტეთ, გამოგვექვეყნებინა როგორც ამ ვიზიტის მასალები, ისე აღნიშნულ პრობლემასთან დაკავშირებული სხვა ინფორმაციაც.
1998 წლის 17 ივლისს საპატრიარქოში ჩატარდა შეხვედრა ეკლექტურ („ბიზანტიურ“) გალობასთან დაკავშირებით რომელზეც კიდევ ერთხელ გამოჩნდა საქართველოს მართლმადიდებელი ეკლესიის პირველ იერარქისა და მუსიკათმცოდნეების პოზიცია აღნიშნულ გალობასთან დაკავშირებით. გთავაზობთ ამ შეხვედრის ნაწილს, რომელშიც ჩანს უწმიდესისა და უნეტარესის პოზიცია
უწმიდესი და უნეტარესი ილია II: -იცით, ეს რას მაგონებს? ქართველები რომ აფხაზად ეწერებიან, ქართველები რომ სომხად ეწერებიან, იმას ჰგავს. თქვენ რა, არ მოგწონთ ქართული გალობა, არ ვარგა თუ რა? მსოფლიო თაყვანს სცემს ქართულ გალობას, ითვლება ერთ-ერთ საუკეთესოდ მსოფლიოში, მე მესმის, საერთოდ, მუსიკალური ადამიანი ვარ, ვგალობდი გუნდში, როცა ვიყავი სემინარიისა და აკადემიის სტუდენტი, აი, ჩემზე ამბობდნენ, რომ მას აქვსო იდეალური სმენა, ასე რომ, ჩემზე არ შეიძლება ითქვას, რომ მე გალობა არ მესმის საერთოდ. რა თქმა უნდა, თქვენ სპეციალისტები ბრძანდებით და იმდენი არ მესმის, რაც თქვენ გესმით, მაგრამ მე რაღაცა მაინც გამეგება და ვფიქრობ, რომ ეს შეცდომაა, შეცდომის გზაა. მე ძალიან დიდ პატივს ვცევ ბიზანტიასა და მის კულტურას, ბიზანტიის გალობას საერთოდ. მე არაერთხელ მომისმენია ნამდვილი ბიზანტიური საგალობლები და მე ძალიან ბევრი ჩანაწერიც მაქვს ბიზანტიური. მაგრამ ამას ქართული სიტყვები კი არ უნდა, ამას უნდა ბერძნული სიტყვები. თუ ჩვენ გვინდა ბიზანტიური გალობა, იმას უნდა დავურთოთ ბერძნული სიტყვები. ეს იმას ჰგავს, რომელიმე მომღერალი სხვაზე რომ პაროდიებს აკეთებს. ეს არ არის სწორი გზა. მე ძალიან მომწონს ის, რომ თქვენ დაინტერესებული ხართ ბიზანტიური გალობით, და რა თქმა უნდა, თუ გაქვთ ამისი სურვილი, უნდა შეისწავლოთ კიდეც, მაგრამ თქვენ უნდა ისწავლოთ ნამდვილი ბიზანტიური გალობა ბერძნული სიტყვებით, როცა ჩვენ გვეყოლება ბერძენი მაღალი სტუმარი ან პატრიარქი რომ მან გაიგონოს ბიზანტიური საგალობელი, მაგრამ ჩვენს ეკლესიაში, ქართულ ეკლესიაში რომ ჩვენ ასე ვიგალობოთ, ეს არის უკან წასვლა, დახევა კი არ არის, უკან წასვლაა. აი, კონკურსი იყო გამოცხადებული საბერძნეთში და ჩვენი მგალობლებიც იყვნენ, სომხეთიდან იყვნენ, კიდევ სხვა ქვეყნებიდან. ქართული გუნდიცა და გალობაც ჩაითვალა, როგორც ერთ-ერთი საუკეთესო გალობა მსოფლიოში. მე ვფიქრობ, რომ ეს არის შეურაცხყოფა ქართული გალობისა და ქართული ტრადიციებისა, მამებისა და ჩვენი წარსულისა. აქ სპეციალისტები ბრძანდებიან და მე ვიცი, რომ უძველესი საუკუნეებიდან პოლიფონიური საგალობლები იყო, ახლა ზოგი ასე ფიქრობს, რომ აქებდით უფალსა ერთითა ხმითაო. მგონი, ფსალმუნშია ასე. საქმე ის არის, რომ ბიზანტიურშიც არ არის ერთი, არის ბანი და არის წამყვანი.
ჩვენ არ უნდა დავჩაგროთ ჩვენი ეროვნული კულტურა და არ უნდა დავამციროთ იგი. ჩვენ არ შეგვიძლია ვთქვათ, რომელი კულტურა უფრო მაღალია და დიდია, ქართული თუ ბიზანტიური, და არც შეიძლება ასე. საერთოდ, კულტურათა ასეთი დაპირისპირება არ შეიძლება, იმიტომ რომ ყოველი კულტურა დიდია და ძალიან მნიშვნელოვანი; განსაკუთრებით მნიშვნელოვანია იმ ერისთვის რომელმაც შექმნა ეს კულტურა.
მამა ზურაბ ანთაძე: -თქვენო უწმიდესობავ, შეიძლება, მეც ვთქვა? ე. ი. ჩვენ ჩავატარეთ თეორიული მოკვლევა ორი მიმართულებით - საეკლესიო კანონიკის მიმართულებით და მეორე, საეკლესიო გალობის კვლევის მიმართულებით. ჯერ არ დასრულებულა, კიდევ რაღაც წყაროები გვინდა ვნახოთ, ვიპოვოთ და წარმოგიდგენთ ამ მოპოვებულს, გაცნობებთ. მხოლოდ ორი რამ მინდა კანონიკიდან და ისტორიიდან გითხრათ. როგორც ისტორია ამბობს, რომ სრული სახე საეკლესიო კანონიკურ გალობას მისცა იოანე დამასკელმა, შექმნა 8 ხმა, რომელიც მანამდეც არსებობდა. როგორც ისტორიკოსები ამბობენ, ოთხი ხმა დაწერა მეფე დავით წინასწარმეტყველმა, ფსალმუნების დამწერელმა. ეს იყო ძველი აღთქმის საკადრი გალობა, ანტიფონური გალობა, რომელიც მერე გადმოვიდა ახალი აღთქმის ეკლესიაში, შეივსო უკვე ახალი აღთქმის ღვთისმეტყტველებით, ახალი აღთქმის საგალობლებით და საბოლოო სახე მისცა იოანე დამასკელმა. ეს ერთი. მეორე, ისტორიული კვლევა, რომ დღევანდელი რომ ავიღოთ, ბერძნული საერო სიმღერები ხალხის, აბსოლუტურად ეწინააღმდეგება ბერძნულ საეკლესიო გალობას. სულ სხვაა. იმის ძირი არის პალესტინა, არაბული და უფრო ებრაული ინტონაციები. ასე რომ, იმის თქმა, თითქოს ეს ბერძნულია, აბსოლუტურად არ არის ბერძნული. იმიტომ, რომ სრულიად ეწინააღმდეგება ბერძნულს. ეს არის ძველი სატაძრო გალობა, რომელიც იგალობებოდა ძველ ეკლესიებში. როგორც მკვლევარები ამბობენ, ისევ ისტორიულად, რომ საქართველოში XI საუკუნემდე არის სხვა აზრი, მაგრამ მალხაზიმ ერთერთი დამადასტურებელი ჩემი სიტყვების უკვე მოიყვანა, რომ XI საუკუნეში დაიწყო შეცვლა. და მანამდე საქართველოში იყო ძველი საეკლესიო გალობა, რომელიც სრულიად ემყარებოდა დამასკელის 8 ხმას, იგივე მელოდიები იყო, იგივე წესი და კანონი. და ქართველი ისტორიკოსები ამბობენ, რომ XI საუკუნის შემდეგ ქართულმა ეროვნულმა გალობამ დაიჭირა ადგილი ეკლესიაში. გრიგორი ღვთისმეტყველი აღწერს, რომ საბერძნეთის ეკლესიაში, მცირე აზიისა და სხვა ეკლესიაში პირდაპირ მიდიოდა ბრძოლა, რომ ბერძნული ხალხური მელოდიები შედიოდა ეკლესიაში. ამას პირდაპირ ებრძოდნენ, რომ დარჩენილიყო ის ძველი კანონიკური გალობა ეკლესიებში. ასე თუ ისე, საბერძნეთში საეკლესიო დატოვეს საეკლესიოდ, საერო კი - საეროდ. ეს ჩვენი ერთ-ერთი მიზანი იყო და, შეძლება, კვლევა სხვანაირი ფორმით წავიდეს. ჩვენ ვფიქრობთ, რომ ძველი ქართული საეკლესიო გალობა, რომელიც აუცილებლად იყო, თუნდაც იგივე მელოდიები, როგორიც ჰქონდა იოანე დამასკელს შედგენილი, ის ძველი ქართული გალობა, საეკლესიო კულტურა აღვადგინოთ. ყველგან საეკლესიო გალობა ერთია, ხალხური სიმღერები - სხვაა. ჩვენ არცერთ შემთხვევაში არ გვინდა დავაკნინოთ ქართული ხალხური შემოქმედების უდიდესი მონაპოვარი - სამხმოვანება. მაგრამ ვფიქრობთ, რომ ვისაც უნდა, რომ იგალობოს სამხმიანი, ასეა, მაგრამ ვისაც უნდა მოიძიოს ძველი, კანონიკური, ამას ხელი არ უნდა შეეშალოს.
უწმიდესი და უნეტარესი ილია II: - მე არ გეთანხმები, მამაო ზურაბ, ე. ი. ასე გამოდის, რომ ის, რასაც თქვენ ამბობთ, ის კანონიკურია და ეს კი არაა კანონიკური. ეს არის უდიდესი შეცდომა და ეს არის დანაშაული, რასაც თქვენ ლაპარაკობთ. არ შეიძლება, ის ჩავთვალოთ ჩვენ კანონიკურად და ეს არაკანონიკურად. ე. ი. მთელი ჩვენი წინაპები რასაც გალობდნენ, არაკანონიკური იყო? ეს ერთი, მეორე, მანდ არის, მამაო ზურაბ, კიდევ, (მაცალეთ ცოტა ხანს) საქართველოს ეკლესიამ თავისი ავტოკეფალია V საუკუნეში მიიღო. მაგრამ ამისათვის იგი თითქმის XX საუკუნემდე იბრძოდა. თქვენ გახსოვთ როცა, გიორგი მთაწმიდელი გამოძახებული იყო ანტიოქიის პატრიარქთან, თეოდოსისთან, კამათი ჰქონდა, ე. ი. მის დროსაც კი გვედავებოდნენ ჩევნ ავტოკეფალიას. რა თქმა უნდა, V საუკუნეში საქართველომ მიიღო ავტოკეფალია, ბერძნული გავლენა, რა თქმა უნდა, იყო კიდევ რამდენიმე საუკუნის განმავლობაში. აი, მე გეტყვით თქვენ: ამერიკის ეკლესია, მგონი, 20 წელი მაინც ავტოკეფალურია, და მთელი საგალობლები რუსული აქვს. დედა ეკლესიიდან გადავიდა, როგორც გალობდა რუსული ეკლესია, აიღეს და სიტყვები მიუსადაგეს და გალობენ რუსულ საგალობლებს. აი, ეს პროცესი იყო სწორედ, ის კი არ იყო, რომ ის კანონიკური იყო და მრავალხმოვანი არ იყო კანონიკური.
მამა ზურაბ ანთაძე: - თქვენო უწმიდესობავ, თუ თქვენ გვაკურთხებთ, რომ მორჩით, გავჩერდებით, თუ თქვენ გვაკურთხებთ, გააგრძელეთ, ჩვენ გავაგრძელებთ. ჩვენი თხოვნაა, რომ მოგვცეთ უფლება.
უწმიდესი და უნეტარესი ილია II: - მე ერთ რამეს გეტყვით. ნამდვილი ბიზანტიური გალობა შეისწავლეთ და როცა სტუმრები ჩამოგვივა, მოგიწვევთ და...
მამა ზურაბ ანთაძე: - როგორც გვაკურთხებთ, მაგრამ საერთოდ გვგონია, რომ ეს არის ნამდვილი ბიზანტიური. ესე იგი გავჩერდეთ?
უწმიდესი და უნეტარესი ილია II: - დიახ, გაჩერდით.
P.S. ამ შეხვედრის აუდიო ჩანაწერი არსებობს.
გაზეთი „საპატრიარქოს უწყებანი“, № 7, 2003 წ.

არ ვიცი. მაგრამ






პატრიარქმა 1998 წელს უთხრა გაჩერდითო, და რადგან არ გაჩერდნენ და არ დაემორჩილნენ არ არის გამორიცხული სხვებისგან იმართებოდნენ გარკვეული მიზეზების გამო, მეც ასე ვფიქრობ.

მეც ასე ვამბობდი, მაგრამ ასე არასწორია, ჩვენ ვართ ერთი სამწყსო, თუმცა განსხვავებული აზრები გვაქვს... პატრიარქმა და წმ. სინოდმა ამ საგალობლების მომხრეებს აპატია და არ დასაჯა, თუმცა ჩემის აზრით იყვნენ ზოგიერთები დასჯის ღირსები...