არმგონია ზუსტად ვიცოდეთ რა ხდებოდა იმ კარს მიღმა სადაც "დაკითხვა" მიმდინარეობდა.
ზუსტად იმის გამო რომ არასწორი საქციელი იყო მისი მხრიდან, მსახურების უფლება შეუჩერეს და მონასტერში გაგზავნეს.

G_saxva

ხოდა ძალიან კარგი .
ჩინებული გაკვეთილი იქნება ეგ როორც მისთვის , ისე სხვა სასულიერო პირებისთვის...

A.V.M
ეჰ ნეტა გურამ ყველა სასულიერო პირის მიმართ ასეთ სამართლიანობას იჩენდნენ და გვეშველბოდა რამე.

G_saxva

ამაზე ურესებიც ხდება , მაგრამ ეს აქტურად გაშუქდა მედიასივრცეში...

A.V.M
საქმე ისაა რომ ასე არ უნდა შუქდებოდეს ეკლესიის საქმე + ქმედება საპატრიარქოსი კი დროული უნდა იყოს.

G_saxva

არაა ძმა ეგრე...
მით უმეტეს დღეს . ჩასაფრებულ პოზიციებში არიან ყველა .
ამიტომაა საჭირო რომ მიზეზი არ მივცეთ სხვას მიზეზი.
ნოეს სიშიშვლე სხვას არ უნდა დავანახოთ . თუ დაინახავენ ვსო , დაიწყებენ ყვირილს რომ ის შიშველია ! გინდა დაწყევლე და გინდა არა მერე!
(არავინ თხოვს სასულიერო პირს იოანე ოქროპირობას, მაგრამ მრუშობაში , ჩაშვებაში , მკვლელობაში , ქურდობაში და.ა.შ. არ უნდა მონაწილეობდეს , არანაირად...)

A.V.M
არ მთლად ეგრეა საქმე გურამ
ერთია რას აკეთებ ნებით მეორეა რას გაკეთებინებენ და ეს უნდა განვასვაოთ. რაც შეეხება იმას რომ მიზეზი არ მივცეთ ეს წარმოუდგენელია. ყველა დროში იყო უღირსი მღვდელი ეს თავადაც კრგად იცი, ისიც იცი რომ ამას ყველაფერს ვერ დამალავ, უბრალოდ დროულად უნდა მოვახდინოთ რეაგირება და კარების აჭედვებისა თუ მიტინგების არ უნდა ვატაროთ.

G_saxva

იესო რომ გეუბნევა-მამაჩემივით სრული იყავიო , ეს წარმოსადგენია თუ წარმოუდგენელი? წარმოუდგენელი ხომ? ხოდა აბა რატომ გვეუბნევა?
რა თქმა უნდა მიზეზი მაინც ექნებათ ,მაგრამ მინიმუმამდე უნდა დავიყვანოთ შეცდომების ალბათობა .

როგორც არ უნდა განასხვაო ფაქტი ისაა , რომ დასაგმობი საქციელია , დასაგმობი და ეს უნდა ვთქვათ .

შენ სულ რაღაცას როგორ უნდა გმობდე

http://www.youtube.com/watch?v=5e5-A-YYdL8 აი ეს შეეფერება :|

†სერგი†

პროტესტის მშვიდობიან ფორმას ვიყენებ ყოველთვის...
G_saxva

ეს საქციელიც დასაგმობია .
რაც შეეხება კიდევ ხელისუფალის დაწყევლას და ამის ,,დაძალებას სხვისადმი'' , ეს ხომ საერთოდ . პირდაპირ ეწინააღმდეგება ახალი აღთქმის მოძღვრებას...

მღვდლის ანაფორაში გახვეული აგენტები

მღვდლის ანაფორაში გახვეული აგენტები
თამთა ქარჩავა

2013-08-21 17:18:04

ნიკოლოზ ტაბაღუას მღვდელმოქმედება შეუჩერდა. მიზეზი მისი არათანმიმდევრული და ურთიერთგამომრიცხავი კომენტარებია, რომელიც მან ბოლო პერიოდში ტელეეთერით გააკეთა, რაც მღვდლისთვის შეუფერებელ საქციელად ითვლება. როგორც საპატრიარქოში აცხადებენ, პოლკოვნიკ ტაბაღუას სამუდამოდ შეუჩერდა მღვდელმსახურება. ტაბაღუამ საერო ცხოვრებაზე უარი 1 ოქტომბრის არჩევნების შემდეგ თქვა. პატრიარქის მდივანმა, დეკანოზ მიქაელ ბოტკოველმა For.ge-სთან საუბრისას აღნიშნა, რომ ტაბაღუა 2012 წლის დეკემბერში დიაკონი გახდა, ხოლო 2013 წლის 9 ივნისს უკვე მღვდელი გახდა.

პატრიარქის მდივანი, დეკანოზი მიქაელ ბოტკოველი for.ge-სთან საუბრისას აცხადებს: მიუხედავად იმისა, რომ მისი უწმინდესობა ითხოვს სასულიერო აკადემიის დამთავრებას, ირკვევა, რომ პოლკოვნიკ ტაბაღუას სასულიერო აკადემია დამთავრებული არა აქვს, მაგრამ, არის გამონაკლისი შემთხვევები, როდესაც პირი „ექსტერნად“ აბარებს საგნებს, სწორედ ასეთი გამონაკლისი იქნა დაშვებული ტაბაღუას შემთხვევაშიც.

„მისი ქმედება მიუღებელია, როგორც სასულიერო პირის, რომელიც ჯერ აცხადებს, რომ მან ჩვენება მისცა, მეორე წუთში აცხადებს, რომ მასზე ძალდატანება განხორციელდა. ჩვენ პირველ საუკუნეებში ხომ არ ვცხოვრობთ. არსებობს საეკლესიო იერარქია, როგორც მინიმუმ, თუ მას აიძულებდნენ ჩვენების მიცემას, ის უნდა დაკავშირებოდა საპატრიარქოს, ან პატრიარქის მდივანს, ან ქორეპისკოპოსს და ეთხოვა მათთვის დახამრება.

ვერანაირ კრიტიკას ვერ უძლებს მისი საქციელი. მისი ქმედება აშკარად არ ჯდება სასულიერო პირის ქმედებაში. ის იქცეოდა როგორც საჯარო პირი, რომელიც არანაირ ანგარიშს არ უწევს საეკლესიო იერარქიას. მე რომ დამიბარონ დაკითხვაზე, დამატანენ თუ არა ძალას, იმ წუთში ჩემი ეპისკოპოსი უნდა ჩავაყენო საქმის კურსში, იმიტომ, რომ ეს ელემენტარული საეკლესიო წესია, რაც ნებისმიერმა სასულიერო პირმა უნდა იცოდეს. ვისაც უნდა, რომ მიზეზი ვერ ნახონ მის ქმედებაში, რა თქმა უნდა, ეს მიზანმიართულია და ამ პოზიციას ჩვენ ვერ გავიზიარებთ“, - განაცხადა for.ge-სთან საუბრისას დეკანოზმა მიქაელ ბოტკოველმა.

პოლკოვნიკი ტაბაღუა, მთავარ პროკურატურაში სანდრო გირგვლიანის საქმის გამოძიების ფარგლებში, არაერთხელ დაიკითხა მოწმის სახით. ბოლოს ის 13 აგვისტოს დაიკითხვა. საგულისხმოა ის გარემოება, რომ ბოლო დაკითხვისას ტაბაღუას არაფერი ახალი არ უთქვამს გამოძიებისათვის, რაც მას და ამავე სასჯელაღსრულების დაწესებულებაში მომუშავე სხვა მოწმეებს მანამდე არაერთხელ დაუდასტურებიათ მათი დაკითხვისას.

ავჭალის წმინდა გიორგის სახელობის ტაძრის აწ უკვე ყოფილი მღვდელი, პროკურატურის თანამდებობის პირების მხრიდან მის მიმართ განხორციელებული ზეწოლის შესახებ საუბრობს. თუმცა ამავე ჩანაწერში იგი არ ასახელებს, თუ რა ფაქტების აღიარებას ითხოვდნენ მისგან ბაჩანა ახალაიას წინააღმდეგ და ასევე არ ასახელებს, თუ რაში გამოიხატებოდა მის მიმართ განხორციელებული ზეწოლა.

„ყველაზე მეტად ჩემთვის მიუღებელი იყო ის, რომ დაკითხვა მიმდინარეობდა 12 საათი, დილის 11 საათიდან ღამის 11 საათამდე, ერთ ოთახში ვიყავი მშიერი“, – აცხადებდა ტაბაღუა.

რაც შეეხება თავად პოლკოვნიკ ტაბაღუას შემხებლობას „სანდრო გირგვლიანის“ საქმესთან, გამოძიებით დადგენილია, რომ 2006 წელს გირგვლიანის წინააღმდეგ ჩადენილი დანაშაულისათვის მსჯავდებულები პირები ალანია, ღაჭავა, ბიბილურიძე და აფციაური, სასჯელს იხდიდნენ სასჯელაღსრულების დეპარტამენტის მე-10 დაწესებულებაში, რომლის დირექტორიც 2006-2011 წლებში გახლდათ თემურ ტაბაღუა (ამჟამად მამა ნიკოლოზი).

თემურ ტაბაღუას დირექტორობის პერიოდში მსჯავრდებულები ალანია, ღაჭავა, ბიბილურიძე და აფციაური იმყოფებოდნენ პატიმრობასთან შეუთავსებელ უკანონოდ პრივილეგირებულ მდგომარეობაში. კერძოდ, ისინი პერიოდულად ტოვებდნენ თავისუფლების აღკვეთის ადგილებს, ხანგრძლივი დროის განმავლობაში იმყოფებოდნენ საკუთარ საცხოვრებელ სახლებში, სტუმრობდნენ ძველ სამუშაო ადგილს - შსს-ს კონსტიტუციური უსაფრთხოების დეპარტამენტს. ასევე, სასჯელაღსრულების დაწესებულებაში მათი ყოფნისას მათ საცხოვრებელ ოთახებში იმართებოდა ღრეობები, მსჯავრდებულები იღებდნენ ალკოჰოლურ სასმელებს და სარგებლობდნენ სექსუალური მომსახურებით.

საგამოძიებო მოქმედებათა ამოწურვისთანავე ბრალდება მიიღებს გადაწყვეტილებას ზემოაღნიშნულ ეპიზოდებში, კონკრეტულ პირთა და მათ შორის პოლკოვნიკ ტაბაღუას მიმართ სისხლის სამართლებრივი დევნის დაწყების შესახებ. for.ge-ს ინფორმაციით ახალაიებთან დაახლოებულ პოლკოვნიკს შესაძლოა ამ საქმეზე ბრალი წაუყენონ. მეტიც, 2012 წლის სექტემბერში საიამ საქართველოს მთავარ პროკურატურას გადაუგზავნა პატიმრების ხელმოწერილი, ასევე სახალხო დამცველის ანგარიშების მიხედვით შედგენილი იმ პირთა სია, რომლებიც შემჩნეულნი იყვნენ პატიმართა წამებასა და არასათანადო მოპყრობაში. ამ სიაში „საპატიო ადგილს“ იკავებს პოლკოვნიკი თემურ ტაბაღუა. ამასთან საგულისხმოა ის ფაქტიც, რომ მამა ნიკოლოზის ადგილსამყოფელი ამ დროისათვის უცნობია.

საქართველოში ხელისუფლების შეცვლის შემდეგ ძალოვანი სტრუქტური წარმომადგენლებმა, რომლებიც მხილებული იყვნენ უფლებამოსილების გადამეტებაში, თავის გადარჩენის საუკეთესო საშუალებას მიმართეს. ნაწილმა ეკლესიას შეაფარა თავი, ნაწილი კი უფლებადამცველი გახდა.

არჩევნების შემდეგ მწვანე მონასტერში მორჩილად წავიდა ბორჯომის პოლიციის თანამშრომელი გიორგი ბლიაძე, რომელიც ბორჯომის პოლიციის ყოფილი უფროსის, მამუკა ხვედელიანისა და მასთან ერთად ბრალდებულ პირებთან ერთად მონაწილეობდა ადამიანის ღირსებისა და პატივის შემლახველ ქმედებაში, როგორიცაა წამება და გაუპატიურება. მას შემდეგ რაც ამ საქმეზე ახალციხის სასამართლომ გამამართლებელი განაჩენი დააყენა, მორჩილმა ბლიაძემ ანაფორა გაიხადა, წვერი მოპარსა და ისევ საერო ცხოვრება დაიწყო.

ამ ფაქტს ადასტურებს სამცხე-ჯავახეთის ოლქის პროკურორი გიგი პაპუაშვილი. როგორც მან for.ge-სთან საუბრისას აღნიშნა გიორგი ბლიაძე მონაწილეობა ერთ-ერთი დაკავებულის ცემა-წამებაში.

„ბორჯომის პოლიციის უფროსად მამუკა ხვედელაიანის პოლიციის უფროსად მუშაობის პერიოდში მუშაობდა გიორგი ბლიაძე. ცნობილ ფაქტთან დაკავშირებით როდესაც ხვედელიანი მიცემული იქნა სისხლის სამართლის პასუხისმგებაში, პოლიციაში გამოცხადდა გიორგი ბლიაძე, რომელიც იმ პერიოდში იყო მორჩილი და იმყოფებოდა მწვანე მონასტერში. მან განაცხადა, რომ ის იყო პოლიციის თანამშრომელი გიორგი ბლიაძე, რომელიც 2009 წელს მუშაობდა პოლიციაში და რომელმაც მონაწილეობა მიიღო ერთ-ერთი დაზარალებულის ცემა-წამებაში, შემდგომ ის პიროვნება სკამის ფეხით იქნა გაუპატიურებული.

მან გამოძიებას მისცა აღიარებითი ჩვენება. თავისივე პოზიცია დააფიქსირა სასამართლო პროცესზე როცა ხვედელიანის აღმკვეთი ღონისძიების შეფარდების საკითხი იხილებოდა. საქმის არსებითი განხილვის დროს კი შეცვალა თავისი პოზიცია და მიცემული ჩვენება. მას შემდეგ რაც სასამართლომ პოლიციის დაკავებული თანამშრომლები გაამართლა, იგი მონასტერში აღარ დაბრუნებულა. მოიპარსა წვერი, გაიხადა ანაფორა და დაუბრუნდა საერო ცხოვრებას. როგორც ამბობენ, იგი საქართველოშიც არ იმყოფება“, - განაცხადა for.ge-სთან საუბრისას გივი პაპუაშვილმა.

ყოფილი ძალოვანების მხრიდან ანაფორის ჩაცმას, პასუხისმგებლობის გაქცევას უკავშირებს უფლებადამცველი გელა ნიკოლეიშვილი, რომლის განცხადებით მათთვის ანაფორა არის ცხვრის ქურქი. რეალურად კი ამ ადამიანების უკან დგას მათი ბიოგრაფიები, რომელთა დავიწყება არ შეიძლება.

„სამოქალაქოო საზოგადოება არის ის სეგმენტი, რომელიც მეტ-ნაკლებად გარკვეულ ნდობას იმსახურებს, ასეთ სეგმენტში თავის შეფარება ძალიან კომფორტულია მათთვის. ადეიშვილის, ბარამიძის და კიდევ სხვების მოადგილეები დღეს სამოქალაქო საზოგადოებაში მოღვაწეობენ, იგივე ეკლესიაც სამოქალაქო საზოგადოების ნაწილია. ეს არის ცხვრის ტყავში გახვევის მცდელობა და რაღაცა ობიექტურობის იმიჯის მორგების მცდელობა.

მაგრამ ყველამ კარგად იცის, ვინ რას წარმოადგენდა და ვინ რა აგრესიული რიტორიკით გამოირჩეოდა. მათი მიზანია სამოქალაქო საზოგადოების იმიჯის გასვრა და მეორე მხრივ, სამართლიანობის დადგენისთვის ხელის შეშლა, ეს გამოჩნდა ახალაიას საქმეზე. მათ მიაჩნიათ, რომ თუ ერქმევათ მღვდელი, ან არასამთავრობო, მათი სტატუსებიდან გამომდინარე მისაღები იქნებიან საზოგადოებისთვის, მაგრამ ჩვენ ხომ ვიცით ვინ იყვნენ ეს ადამიანები. ესენი არიან სწორედ ის ადამიანები, რომლებიც ქმნიდნენ იმ სადისტურ პოლიტიკას, რომელსაც პოლიტიკური ხელმძღვანელობა შეიმუშავებდა“, - აცხადებს გელა ნიკოლეიშვილი.

პოლიტოგი ხათუნა ლაგაზიძე ამბობს, რომ უშიშროების სამსახურებისთვის ჩვეული მეთოდია ადამიანების ჩანერგვა სხვადასხვა სფეროებში. მისივე თქმით, ტაბაღუას შემთხვევაშიც ანალოგირ ქმედებასთან გვაქვს საქმე.

„ამ შემთხვევაში სასულიერო იერარქიაში ჩანერგეს თავისი აგენტები კონკრეტული ოპერაციის შესასრულებლად. ამ ოპერაციის დასრულების შემდეგ, ის უბრუნდება ჩვეულებრივ ცხოვრების რიტმს, სწორედ ამასთან გვაქვს საქმე. რაც შეეხება ტაბაღუას, ის, ალბათ, არის ჩანერგილი აგენტი, რომელიც თავისი ფუნქციის ამოწურვის შემდეგ დაუბრუნდება ისევ თავის ჩვეულ ცხოვრებას. ეს არის სპეცსასამხურების მუშაობის ძალიან ჩვეული მეთოდი. უბრალოდ, ესენი ძალიან მოკლე პერიოდში გაიშიფრნენ და ვიწრო დავალების შემსრულებლები იყვნენ. არავინ იცის კიდევ ვინ არის ჩანერგილი, რა დოზით და რა ვადით.

ის, რომ იცვამენ ანაფორას, ამას ორმხრივი დატვირთვა აქვს. ეკლესიისთვის სახელის გატეხვა და მისდამი მოსახლეობის ნდობის შემცირება. შეიძლებოდა მათ ისე გაეგრძელებინათ მოღვაწეობა, რომ არ გაშიფრულიყვნენ, მაგრამ ამას თავისი ფუნქცია აქვს, ერთის მხრივ შესარულონ კონკრეტული დავალება და მეორე მხრივ უნდობლობა გამოიწვიონ ზოგადად მართლმადიდებლური ეკლესიის მიმართ“, - ამბობს ხათუნა ლაგაზიძე.

http://for.ge/view.php?for_id=26073&cat=3

მე რამდენადაც ვიცი ტაბაღუა სწავლობდა სემინარიაში, არ ვიცი დაამთავრა თუ არა მაგრამ გავარკვევ მაგას ისევე როგორც მღდელმსაურების უფლება სულ შეუჩერეს თუ არა. ამის შედგომ დავწერ პასუხს მანამ უკომენტაროდ.

ზუგდიდის რაიონის სოფელ ანაკლიაში საყოველთაო ნათლობა გაიმართა. ზუგდიდისა და ცაიაშის ეპარქიის მიტროპოლიტის მეუფე გერასიმეს ლოცვა კურთხევით და ზუგდიდის სულიერების და კულტურის ცენტრის ინიციატივით ათეულობით ადამიანი მოინათლა. მონათლულებს შორის უმეტესობა აფხაზეთიდან გადმოსული მოქალაქეები იყვნენ. ნათლობის რიტუალის შესრულების შემდეგ სასულიერო პირებმა ახალმონათლულებს ჯვრები და ხატები გადასცეს. საყოველთაო ნათლობის რიტუალი ანაკლიაში მეოთხედ ჩატარდა.
http://info9.ge/?l=G&m=1000&id=25443

მოსახლეობა დედათა მონასტერს უპირისპირდება
ნატო გოგელია, კვირა, 25 აგვისტო 2013 12:33


ჩოხატაურის მუნიციპალიტეტის სოფელ ერკეთში მდებარე დედათა მონასტერს ადგილობრივი მოსახლეობა რამდენიმე დღეა უპირისპირდება. როგორც სოფელში გვითხრეს, სასაფლაოზე, რომელიც მონასტრის ეზოში მდებარეობს დედები მიცვალებულს არ ამარხინებენ:

_ აქ მარხია ჩემი მამამთილი. დედამთილი ახლა გარდაიცვალა და დამარხვა გვინდა მისი მეუღლის გვერდით, როგორც ეს წესია, თუმცა, დედაოები არ გვამარხინებენ და ამბობენ, რომ ეს მონასტრის ტერიტორიაა, _ გვითხრა თამარ კალანდაძემ.

ერკეთის დედათა მონასტრის მონაზვნების განმარტებით, ტაძრის ეზოში საერო პირის დაკრძალვა არ შეიძლება და ის მიცვალებულები, რომლებიც ამ ადგილზე მარხია, ჭირისუფალმა უნდა გადაასვენონ.

მოსახლეობა მიცვალებულების გადასვენებაზე თანახმაა და გამგეობას ალტერნატიულ ადგილს სთხოვს. ჩოხატაურის მუნიციპალიტეტის გამგებლის მოვალეობის შემსრულებლის, თამაზ ჯინჭარაძის ინფორმაციით, გამგეობა მომავალ კვირაში გამოყოფს სასაფლაოსთვის ადგილს და ცხედრების გადასვენებაშიც დაეხმარება ადგილობრივებს.

რაც შეეხება უშუალოდ დაპირისპირების მიზეზს, დღეს, მიაღწიეს შეთანხმებას, რომ თამარ კალანდაძე დედამთილს მონასტრის ეზოში, ნოტარიულად დამოწმებული ხელწერილის საფუძველზე დაასაფლავებს. ხელწერილის თანახმად კალანდაძე, დღეს დაკრძალულ დედამთილს, უმოკლეს დროში, სასაფლაოს ადგილის გამოყოფისთანავე გადაასვენებს.
http://gurianews.com/home/2010-11-25-16-58...1Aqw0A.facebook
გვაკლდა...

რაფერ ყველა ერთიანად გაგიჟდა :შ

საპატრიარქო სოფელ ჭელაში განვითარებულ მოვლენებს რელიგიურ ნიადაგზე შუღლის გაღვივების მცდელობდ აფასებს
22:47 27-08-2013
საპატრიარქო სოფელ ჭელაში განვითარებულ მოვლენებს რელიგიურ ნიადაგზე შუღლის გაღვივების მცდელობდ აფასებს ადიგენის რაიონის სოფელ ჭელაში განვითარებულ მოვლენებთან დაკავშირებით საქართველოს საპატრიარქო სპეციალურ განცხადებას ავრცელებს. აღნიშნული განცხადება ჟურნალისტებს საქართველოს საპატრიარქოს პრესსამსახურის ხელმძღვანელმა, დეკანოზმა დავით შარაშენიძემ გააცნო. "ინტერპრესნიუსი" საპატრიარქოს განცხადებას უცვლელად გთავაზობთ:
"ადიგენის რაიონის სოფელ ჭელაში განვითარებულ მოვლენებთან დაკავშირებით გაკეთებული ზოგიერთი განცხადება გვაფიქრებინებს, რომ გარკვეულ ძალებს სურთ ეს მოვლენა რელიგიური გრძნობების შეურაცხყოფად, მუსლიმთა უფლებების დარღვევად წარმოაჩინოს და ამ განწყობას უღვივებენ ისლამის მიმდევარ უბრალო ხალხსაც. მივმართავთ ჩვენს სისხლსა და ხორცს, სოფელ ჭელას მუსლიმ ქართველებს, საქართველოს სხვა სოფლებსა და ქალაქებში მცხოვრებ ქართველ და არაქართველ მუსლიმებს, ჩვენ იმ ქვეყნის შვილები ვართ, სადაც საუკუნეების წინაც კი, როდესაც ჩვენი ერი სხვადასხვა ისლამური ქვეყნების შემოსვლებს უმკლავდებოდა, საქართველოში მცხოვრებ მაჰმადიანებზე ეს არ ისახებოდა და ისინი ასეთ დროსაც კი შევიწროებას არ განიცდიდნენ. მადლობა ღმერთს, რომ ურთიერთობა დღეს უფრო მაღალ საფეხურზეა ასული და ამ დამოკიდებულებას ყველა უნდა გავუფრთხილდეთ.
ის კი, რაც ამჟამად ხდება, არის რელიგიურ ნიადაგზე შუღლის გაღვივების მცდელობა, დაახლოებით მსგავსი იმ პროცესებისა, რაც სურდათ განევითარებინათ ნიგვზიანში, წინწყაროსა და სამთაწყაროში. ამ ძალის მიზანია, როგორმე დააპირისპიროს ქრისტიანი და მუსლიმი მოსახლეობა. ამით კი ეკლესიისა და სახელმწიფოს დისკრედიტაცია მოახდინოს და ამ ფონზე თავისი მიზნები განახორციელოს. ვინც ამ მოვლენებს თვალყურს ადევნებს, შეუძლებელია ეს არ დაინახოს. თხოვნით მივმართავთ საქართველოში მცხოვრებ მუსლიმთა სულიერ ლიდერებს, ხელი კი არ შეუწყონ, არამედ შეეწინააღმდეგონ პროვოკაციულ ქმედებებს, როგორც ადიგენში, ისე საქართველოს ნებისმიერ კუთხეში. დღეს თქვენზეა დამოკიდებული, როგორი იქნება თქვენი სამწყსოს პოზიცია კანონის, სახელმწიფოებრივი ინტერესების და, რა თქმა უნდა, რელიგიური გრძნობების დაცვის საკითხში. ჩვენ ჩვენის მხრივ ყოველთვის ვცდილობდით და კვლავაც ძალისხმევას არ მოვაკლებთ, რათა ის კეთილი დამოკიდებულება, რაც გვაქვს საქართველოში მყოფ მუსლიმ რელიგიურ ლიდერებთან და მოსახლეობასთან, ასევე, ჩვენს მეზობელ მუსლიმურ ქვეყნებთან და მათ სულიერ ლიდერებთან, განვამტკიცოთ. ამისთვის კი ერთადერთი წინაპირობა მიგვაჩნია, მომხდარის რეალური მიზეზების სასწრაფოდ დადგენა, უკანონო ქმედებების ჩამდენთა, ვითარების გამწვავებით დაინტერესებულ პირთა გამოვლენა, ამასთან, სათანადო საკანონმდებლო ბაზის შექმნა, რომ ყველამ იცოდეს თავისი ქმედებების ზღვარი, რათა არ მოხდეს რელიგიურ ნიადაგზე დაპირისპირების ესკალაცია.
ყოვლადწმინდა ღვთისმშობლის მადლით, ღმერთმა დალოცოს და დაამშვიდოს სრულიად საქართველო", - აღნიშნულია საქართველოს საპატრიარქოს მიერ გავრცელებულ განცხადებაში.
http://www.interpressnews.ge/ge/sazogadoeb...bd-afasebs.html

საქართველოს საპატრიარქოს ოფიციალური საიტი Patriarchate.ge კვლავ გაითიშა. გვერდზე შესვლისას, რუსული სერვერის PeterHost-ის განცხადება გვხვდება, სადაც ნათქვამია:

"მოცემული საიტის მომსახურება შეჩერებულია

შესაძლო მიზეზები:

1. ექაუნთის მფლობელმა შეაჩერა მომსახურება

2. მიმდინარე პერიოდის ჰოსტინგის გადასახადს ვადა გაუვიდა

3. მომხმარებელმა დაარღვია ჰოსტინგის წესები"

PeterHost-ს რუსული ვებ-პროვაიდერია, რომელსაც მისამართი მოსკოვსა და სანკტ-პეტერბურგში აქვს მითითებული.
http://www.tabula.ge/ge/story/74039-sapatr...kvlav-sheuchera

განცხადების თანახმად, კათოლიკოს-პატრიარქი და მღვდელმთავრები საპატრიარქოში დღეს საქართველოს მუსლიმ რელიგიურ ლიდერებს შეხვდნენ და ადიგენში განვითარებულ მოვლენებზე ესაუბრნენ.

განცხადებაში ნათქვამია, რომ საპატრიარქო აბსოლუტურად ეთანხმება მართლმადიდებელი მრევლის სამართლიან პროტესტს მომხდართან დაკავშირებით. ამასთან, ითვალისწინებს მუსლიმი მოსახლეობის განწყობასაც და სამმართველოსთან შეთანხმებით აცხადებს შემდეგს.

"მინარეთი დასაწყობდეს სოფელ ჭელაში, ნეიტრალურ ადგილზე, დაილუქოს და იყოს დაცული სახელმწიფოს მიერ; არ მოხდეს მისი სადმე აღმართვა, ვიდრე არ მოწესრიგდება საკანონმდებლო ბაზა და არ შედგება მოლაპარაკება საპატრიარქოსა და მუსლიმთა საბჭოს შორის; ეთხოვოს ხელისუფლებას, დაიწყოს მუშაობა, რათა კანონით განისაზღვროს რელიგიური ნაგებობების მშენებლობების მიზანშეწონილობისა და ნებართვის გაცემის საკითხი, რათა თავიდან იქნას აცილებული რელიგიურ ნიაგდაზე შფოთი და დაპირისპირება", - ნათქვამია ერთობლივ განცხადებაში.

საპატრიარქო მოუწოდებს როგორც ქრისტიან, ასევე მუსლიმ მრევლს თავი შეიკავონ გამოსვლებისგან და შეინარჩუნონ სიმშვიდე და ურთიერთპატივისცემა.
http://sknews.ge/index.php?newsid=2216#.UiEWmNJHJFt

ქორეპისკოპოსების შეხვედრა მოსახლეობასთან , მინარეთის დემონტაჟის თაობაზე .


რა უბედურებაა კაცო ეს ,,არა–არა–ს'' ძახილი . 9 აპრილის მოვლენები გამახსენდა და როგორ დამთავრდა ეს ყოველივე ისიც .
რაღაცა რომ არ გინდა გასაგებია , მაგრამ ხომ შეიძლება სხვაზეც იფიქრო , კანონზეც იფიქრო , ვიღაცის უფლებებზე , მორჩილებაზე , ზრდილობაზე და.ა.შ.
მინარეთის კონსტრუქცია რომ პატრონს უნდა დაუბრუნდეს , ამაზე შეიძლება რაიმე მსჯელობა?

როგორც ტაბულას საპატრიარქოში ინფორმირებულმა წყარომ აცნობა, ეპარქიებს უხელმძღვანელებენ:

მარგვეთისა და უბისის ეპარქიას - ჭულევის მონასტრის წინამძღვარი მამა დიმიტრი კაპანაძე
ფშავ-ხევსურეთის ეპარქიას - არქიმანდრიტი მიქაელ გაბრიჩიძე, შიომღვიმის მონასტრის წინამძღვარი
გარდაბანი-მარნეულის ეპარქიას - მღვდელმონაზონი გრიგოლ კაცია
სურამი-ხაშურის ეპარქიას - მამა სვიმონ ცაკკაშვილი, მეუფე იობის ეპარქიიდან
მარნეულში - მეუფე იობის ეპარქიიდან გამორჩეული მღვდელი, მამა გიორგი ჯანდელიანი
წალკის ეპარქიაში - მეუფე იაკობ იაკობაშვილის ყოფილი მორჩილი, ფოკას ყოფილი წინამძღვარი მამა იოანე შომახია
სამთავისის ეპარქიას - ქვათახევის წინამძღვარი მღვდელი დამიანე ხუფენია

გაიყო მანგლისისა და წალკის ეპარქია, გაიყო რუსთავისა და მარნეულის ეპარქია, რუისისა და ურბნისის ეპარქიას გამოეყო ხაშური და სურამი, გაიყო სამთავისი და გორი და აღსდგა მარტყოფისა და გარდაბნის ეპარქია.
http://www.tabula.ge/ge/story/75691-vin-ar...bi-gako-sinodma