კიდევ ერთი კითხვა ნათლობასთან დაკავშირებით პარამეტრები

[ვეშაპო]

მამაო 4 კვირის წინ შემეძინა მეხუთე ბავშვი და ვაპირებ, რომ პატრიარქს მოვანათლიო.
და რა მაინტერესებს.
ხომ შეიძლება მომავალში ჩემმა შვილმა ვინმე ისეთი გაიცნოს, ვინც ასევე პატრიარქის მონათლულია.
ვინაიდან ამის ალბათობა დიდია (მომრავლდა მრავალშვილიანი ოჯახები, რომლებიც პატრიარქს ანათლიებენ შვილებს), შესაძლებელი იქნება, თუ არა მათ შორის ქორწინება?

კიდევ ერთი კითხვა.
თქვენ გვერდითა თემაში პასუხი რომ გამეცით, ბოლო ფრაზა ასეთი იყო:

დეკ. ანდრია

მამები უარყოფითად უყურებდნენ მხოლოდ ერთი ბავშვის ნათლიებს შორის ქორწინებას, თუმცა სამართლებრივი წინააღმეგობა ამმხრივ არ არის.

ანუ, ერთი ბავშვის ნათლიებიც შეიძლება დაქორწინდნენ?

დიდი მადლობა წინასწარ.

[დეკ. ანდრია]

ღმერთმა გაგიზარდოთ შვილი ღმრთისმოშიში, მოშურნე და ჯანმრთელი.

ერთი ნათლიის ნათლულები დაძმანი არიან. უწმიდესის ნათლიობასთან დაკავშირებით, იმედი გვაქვს გამოიცემა მისი ან სინოდალური განჩინება, სადაც იქნება ახსნილი სამართლებრივი მხარე. მანამდე კი ასეთი ქორწინება დაუშვებლად ითვლება. ეს საკითხი მსჯელობის საგნად იქცა არა მხოლოდ ჩვენში და მგონი აქაც, ფორუმში შეეხო მას ერთი კითხვა. პატრიარქის ნათლიობას მიზნად აქვს უფრო ერის წახალისება გამრავლებისაკენ, ვიდრე საკუთრივ ნათლიის აღმზრდელობითი ფუნქციის ტვირთვა. პატრიარქი ისედაც არის ერის სულიერი მამა.

რაც შეეხება მეორე კითხვას, ჩავასწორე. შენდობას ვითხოვ გაურკვეველი პასუხისათვის.