ქართველი ერის ღვთიური მისია |
სტუმარს სალამი ( შესვლა | დარეგისტრირება )
ქართველი ერის ღვთიური მისია |
samreklo |
Nov 11 2009, 08:26 PM
პოსტი
#1
|
Newbie ჯგუფი: Members პოსტები: 78 რეგისტრ.: 13-November 08 წევრი № 5,939 |
ცნობილია, რომ განგების ძალით საქართველო იესო ქრისტეს დედას - მარიამს ხვდა წილად და მის მფარველობაში მოექცა. უფლის ეს ნება განპირობებული იყო არა მარტო ყოვლაწმინდა მარიამის ეთნიკური წარმომავლობით.
იგი უპირველესად ეფუძნებოდა იმას, რომ საქართველო დედამიწის გეოპოლიტიკურ კვანძს, მისი სულიერი ველის ეპიცენტრს შეადგენს. სამწუხაროდ, ქართველებმა დღემდე ღრმად ვერ გავიაზრეთ ის დიდი პასუხისმგებლობა, რაც თავისი არჩევანით უფალმა დაგვაკისრა. ამის შედეგია, თუნდაც ის განსაცდელი, რომელიც ბოლო დროს თავს გვატყდება. მხედველობაში მაქვს ქართული სახელმწიფოს ტერიტორიული მთლიანობის რღვევა. ასე მაგალითად, პირველი და მეორე პრეზიდენტის - ზ.გამსახურდიასა და ე.შევარდნაძის მმართველობისას ფაქტობრივად ჩამიგვცილდა სამხრეთ ოსეთი და აფხაზეთი. დღეს მომქმედი პრეზიდენტის - მ.სააკაშვილის წყალობით კი სამხრეთ ოსეთი და აფხაზეთი იურიდიულადაც დავკარგეთ. აქ საუბარია არა მარტო ტერიტორიების დაკარგვაზე. ჩვენ დავკარგეთ ჩვენი ოჯახის წევრები, აფხაზები და ოსები, ახლობელი ადამიანები, ჩვენი ძმები და დები. ქართველთა ერთი ნაწილი ამ უბედურების მიზეზად საპრეზიდენტო ინსტიტუციას მიიჩნევს. ამის გამო მის გაუქმებას და საპარლამენტო რესპუბლიკის დამკვიდრებას მოითხოვს. მიზეზი სულ სხვაა. 1918-1921 წლების საქართველო საპარლამენტო რესპუბლიკას წარმოადგენდა, მაგრამ ჩვენ იმ დროს ქვეყნის არა თუ ნაწილი, მთელი ტერიტორია დავკარგეთ. ჩვენი ტრაგედია განაპირობა თავისთავად არა ქვეყნის მოწყობის პოლიტიკურმა ფორმამ, არამედ ერთმორწმუნე მეზობელ რუსეთთან ქართული სახელმწიფოს მეთაურთა ფარულმა თუ ღია დაპირისპირებამ. მართლმადიდებელი ხალხების ერთიანობის მოშლა, ქართველებისა და რუსების გადამტერება, მსოფლიოზე გაბატონების მოსურნე კოსმოპოლიტური ძალების სასიცოცხლო ინტერესებშია. ეს საგრძნობლად უიოლებს მათ მიზნის მიღწევას. ამიტომაა, რომ მართლმადიდებლური სამყაროს ერთიანობის განმტკიცება ჩვენი ეროვნული თვითმყობადობის შენარჩუნების წინაპირობაა. ამის გაგება არ სურს არც ხელისუფლებას და არც ოპოზიციას. არცერთ მათგანს ვაგლახ, რომ არ იმსახურებს მრავალტანჯული ქართველობა. ხელისუფლებისა და ოპოზიციის ჭიდილი გაზააბნეულთა ჭიდილია და მეტი არაფერი. მათ ვერ გაისისხლხორცეს ის საპატიო მისია, რომელიც განგებამ დაგვაკისრა: თუ უფალმა იესო ქრისტე ქმნა ღმერთკაცად - თითოეული ადამიანისათვის პიროვნულ სახატედ, საქართველო მან გადასცა მფარველობაში მის მშობელ დედას იმ განზრახვით, რომ ადამიანთა მოდგმას აქ მოვლინებოდა ახალი ქვეყნიერება - სახატე ქვეყანა, სადაც იბატონებდა “სამართალი, წყალობა და რწმენა”. ამასთან ქართული ენა ღმერთმა საიდუმლოებებით აღავსო და აღიარა წმინდა ენად, რომელ ენაზეც მაცხოვარმა მეორედ მოსვლის ჟამს უნდა განსაჯოს მთელი კაცობრიობა. აქედან გამომდინარეობს ორი დიდი ისტორიული ამოცანა,რომელთა ხორცშესხმა განგების ძალით ქართველობას დაგვევალა: დავამკვიდროთ ჩვენს სამშობლოში ახალი ქვეყნიერება და შევინარჩუნოთ ღვთის მადლით კურთხეული ქართული ენა. ამ განგებულებათა სისრულეში მოყვანას ქართველები ვერ შევძლებთ მანამ, სანამ ჩვენთან საერო და საეკლესიო საზოგადოება ერთმანეთისადან გამიჯნული იქნება. ღვთისმშობლის წილხვედრილ ქვეყანაში ისინი უნდა შეადგენდნენ არა ორ, განცალკევებულ საწყისს, არამედ ერთი, განუყოფელი საწყისის ორ მხარეს. საერო და საეკლესიო საზოგადოების გათიშულობის შედეგია თუნდაც ის, რომ ისინი მოკლებული არიან ერთიან დღესასწაულებს. სასურველია, ასეთ საერთო დღესასწაულებად იქცნენ საქართველოს მფარველად ყოვლაწმინდა მარიამის მოვლინებისა და ღვთივრჩეული ქართული ენის - მაცხოვრის სამსჯავრო ენის დღეები. საერო და სასულიერო საზოგადოების ერთსაწყისიანობის მიღწევა როდი ნიშნავს სახელმწიფოს მიერ ეკლესიის დაქვემდებარებას, ან პირიქით, ეკლესიის გაბატონებას სახელმწიფოზე. ამ ერთსაწყისიანობაში იგულისხმება, ერთის მხრივ, სახელმწიფო იდეოლოგიის დაფუძნება ქრისტიანულ პოსტულატებზე, მეორეს მხრივ კი - ქვეყნის მართვა-გამგეობაში საერო და საეკლესიო საზოგადოების თანამონაწილეობის პრინციპის აღიარება. საერო და საეკლესიო საზოგადოების ურთიერთობის ჰარმონიზაციისათვის განსაკუთრებული მნიშვნელობა ენიჭება განგების მიერ დადგინებული მეფის ინსტიტუტის აღდგენას კონსტიტუციური მონარქიის ფარგლებში. დღეს კამათის საგანს შეადგენს საკითხი - სამეფო ტახტი მემკვიდროებითი უნდა იყოს თუ არჩევითი? ყოვლაწმინდა მარიამის წილხვედრილი ქვეყნისათვის მისაღები არც ერთია და არც მეორე. ღვთივრჩეულ წმინდა მიწაზე მეფობა არ შეიძლება იყოს დინასტიური. თავის დროზე ჩვენს ქვეყანას დიდად ავნო ნიჭიერ ხელმწიფეთა უნიჭო და უძღები შვილების მეფობამ, ასევე სამეფო ტახტისათვის მემკვიდრეთა შორის ბრძოლამ, რომლებიც არ თაკილობდნენ მიზნის მისაღწევად უცხო ძალებთან გარიგებას. ამ კუთხით აღსანიშნავია, რომ სამათასწლიანი ისტორიის მქონე ქართული სახელმწიფო მხოლოდ ორასიოდე წელი იყო ერთიანი და დამოუკიდებელი. მაცხოვრის დედა-ქვეყანაში მეფე არც “ქუჩის” თავყრილობაზე შეიძლება აირჩეს. საზოგადოებრივი ცნობიერების ზომბირების თანამედროვე შესაძლებლობის პირობებში ეს ერის თვითმკვლელობის ტოლფასი იქნებოდა. ღვთისმშობლის წილხვედრილ ქვეყანაში მეფობა მხოლოდ უფლისაგან ბოძებული უნდა იყოს. ამიტომ საქართველოს მეფე უნდა მოევლინოს ღმერთის სავანედან - ეკლესიის წიაღიდან. კონსტიტუციის ძალით ეს მძიმე ხვედრი უნდა ერგოს მოწამეობრივი გზით მავალ ქართველთა შორის პირველ ქართველს-უფლის დესპანს ჩვენს მიწაზე. ასეთი ღვთივრჩეული პირი კი წმინდა სინოდის მიერ კურთხეული კათოლიკოს-პატრიარქია. სხათაშორის,სამოციქულო ეკლესიის საჭეთმპყრობელის მეფობას დასაშვებად მიიჩნევდა ძველი ქართული სამართალიც. მეფე უუფლებო არ უნდა იყოს.ამასთან, მას მხოლოდ იმდენი უფლებები უნდა გააჩნდეს,რომ სახელმწიფომ კლერიკალური ხასიათი არ შეიძინოს. კონსტიტუციური მონარქის უფლებამოსილებაში უნდა შედიოდეს: კონსტიტუციის ხელმოწერა და გამოქვეყნება, საკანონმდებლო ინიციატივა,ვეტოს დადება პარლამენტისა და მთავრობის იმ გადაწყვეტილებზე,რომლებიც ეწინააღმდეგებიან ქართველი ხალხის ინტერესებს, ეროვნული უშიშროებისა და იუსტიციის უმაღლესი საბჭოს თავმჯდომარეობა, ეროვნული ბანკის, კონტროლის პალატის,სტატისტიკის დეპარტამენტის კურირება, საკონსტიტუციო და უმაღლესი სასამართლოს ხელმძღვანელთა დამტკიცება, პარლამენტის არჩევნების, რეფერენდუმის, გენერალური პროკურორის, საქართველოს ელჩების დანიშვნა, უცხოეთის სახელმწიფოთა ელჩების რწმუნებათა სიგელების მიღება,დაჯილდოვება, შეწყალება, მოქალაქეობის და თავშესაფრის მიცემის საკითხების გადაწყვეტა,საგანგებო და საომარი მდგომარეობის გამოცხადება. ღვთის მიერ კურთხეულ მეფესთან უნდა შეიქმნას სათათბირო ორგანო-სამეფო დარბაზი, სადაც გაერთიანდებიან საერო და საეკლესიო საზოგადოების ღირსეული წარმომადგენლები. ამასთან, მეფე პირდაპირ და უშუალოდ უნდა იქნეს წარმოდგენილი პარლამენტში სამეფო დარბაზით. სამეფო ინსტიტუტის სწორედ ასეთი,ღვთისმშობლის წილხვედრილი ქვეყნისათვის დამახასიათებელი, მოდელი უნდა გახდეს საქართველოს სახატე ქვეყანად გარდაქმნის ქვაკუთხედი. ახალი ქართული სახელმწიფოს მთავრობის შემადგენლობაში არ შეიძლება არ იქნან შეყვანილნი სასულიერო საზოგადოების ღირსეული წევრები. სასურველია, თუ ისინი სათავეში ჩაუდგებიან განათლების, კულტურის, ჯანმრთელობისა და სოციალური უზრუნველყოფის დარგებს, სასჯელაღსრულებისა და პრობაციის სამსახურს. ასევე მიზანშეწონილია წმინდა სინოდის შემადგენლობაში გამორჩეული საერო პირის – მრევლის სრულუფლებიანი წარმომადგენლის შეყვანა. ამისათვის კი აუცილებელია დღეისათვის დაქსაქსული მრევლის ორგანიზება, მისი გადაქცევა მძლავრ საერო მოძრაობად. საქართველოში ახალი ქვეყნიერება უნდა დამკვიდრდეს მერიტოკრატიული წეს-წყობილების სახით,სადაც ცხოვრებისეული წინსვლის წინაპირობა იქნება არ გვარიშვილობა და წოდებრიობა (არისტოკრატია),არა პარტიულობა და ფული (დემოკრატია), არამედ ცოდნა, რწმენა და ნიჭიერება. ამასთან დაკავშირებით საგულისხმოა ბიბლიური შეგონება: ”მთავარი სიბრძნე სიბრძნის მოხვეჭაა, ყოველ მოსახვეჭელთაგან ცოდნა მოიხვეჭეო!” მაცხოვრის დედა-ქვეყნისათვის უცხო და მიუღებელია ლიბერალიზმის ფასეულობანი, რომლებმაც კაცი კაცის მგლად აქციეს, ადამიანი ვიწრო მატერიალიზმში ჩაფლეს და სულიერებაგან დააცარიელეს. ჩვენ უნდა შევინარჩუნოთ ქართული ზნე-წესი, ქართული მორალი,კაცთმოყვარეობა და რაინდობა, ოჯახური ცხოვრების სიმტკიცე, პიროვნული და ეროვნული ღირსების შეგრძნება. ახალი ქართული სახელმწიფო უნდა დაეფუძნოს სოციალური სოლიდარობის პრინციპს, რომელიც კაცს კაცის წამლად მიიჩნევს და ნივთიერ კეთილდღეობას სულიერების წინ არ აყენებს. სწორედ ამიტომ გვმართებს ჩვენ ვიდგეთ “საერთო ნიადაგის” პოზიციაზე, აღვადგინოთ პატრონყმობის უნიკალური ქართული ტრადიცია, განვამტკიცოთ ერის კორპორატიული ბუნება. ჩვენს წმინდა მიწაზე ახალი ქვეყნიერების დამკვიდრება მოითხოვს ქართული ცივილიზაციის შევსებას ზღვაოსნური კულტურით. ათასწლეულებია ქართველები ვცხოვრობთ ზღვის პირას, მაგრამ ვერ გაგვიგია მისი ყადრი, ვერ დაგვიძლევია განვითარების ცალმხრივობა. ჩვენ უნდა აღმოფხვრათ ეს ხარვეზი, დავუძმობილდეთ ზღვას, ავითვისოთ მისი სიმდიდრე. რა თქმა უნდა არაა სასურველი პატარა ერი გავხადოთ მეზღვაურ ერად,მაგრამ ყოვლად დაუშვებელია ჩვენთვის დამღუპველი ანტიზღვური ინერცია. ლაზების ტრადიციებისა და გამოცდილების გათვალისწინებით ჩვენ უნდა გარდავქმნათ საქართველო სახმელეთო-საზღვაო ქვეყანად. ჩვენი ვალია გავხადოთ სოფლისა და ზღვის მეურნეობა, მათი პროდუქტების გადამუშავება ეკონომიკური ცხოვრების უმთავრეს პრიორიტეტად. იესო ქრისტეს დედის წმინდა მიწაზე “ახალი ქუეყნის” აშენება, რაც პირველად დავით აღმამშენებელმა მოიწადინა, დღეს დროში დაემთხვა გლობალიზაციის აქტიურ ფაზაში შესვლას. გლობალიზაცია ღვთიური მოვლენაა,მაგრამ იგი როდი ნიშნავს იმას,რომ ამა თუ იმ ცივილიზაციის მატარებელმა სახელმწიფომ,რა დიდი და მდიდარი არ უნდა იყოს იგი,თავს მოახვიოს მთელ მსოფლიოს თავისი ფასეულობები და პრობლემები. გლობალიზაცია ბუნებით დადგინებული პროცესია და გულისხმობს დასავლეთისა და და აღმოსავლეთის კულტურების კონვერგენციას, რის შედეგადაც ჩამოყალიბდება ერთიანი, სრულიად ახალი, ევრაზიული ცივილიზაცია. ამ კუთხით ქართველები პირნათელი ვართ ღვთის წინაშე, რამეთუ ამ ობიექტური პროცესის ავანგარდს წარმოვადგენთ. ჩვენი თვითმყობადი კულტურა შეიცავს დასავლეთისა და აღმოსავლეთის კულტურათა მონაპოვრებს. იგი თანაბრად მიეკუთვნება ორივე ცივილიზაციას, მაგრამ არცერთს ცალკე აღებულს. ქართული კულტურა ევრაზიულია თავისი არსით. ამავე დროს იგი მყარად დგას ეროვნულ ნიადაგზე. ამიტომ გლობალიზაციის ქართული მეთოდი უნდა გაითავისოს მთელმა მსოფლიომ. ჩვენ კვლავაც უნდა გვქონდეს მჭიდრო ურთიერთობა დასავლეთის ქვეყნებთან. მაგრამ ამავე დროს ინტენსიურად უნდა ვითვისებდეთ ადამიანის ფიზიკური და სულიერი სრულყოფის აღმოსავლულ ფასეულობებს. ორიენტაცია აღმოსავლეთზე ჩვენს აღმსარებლობაში უდიდესი დატვირთვის მატარებელია. საგულისხმოა, რომ თვით სიტყვა “ორიენტაცია” პირდაპირი გაგებით ნიშნავს სწრაფვას აღმოსავლეთისაკენ. ბიბლიის მიხედვით სამოთხე აღმოსავლეთშია. მართლმადიდებლები ტაძრებს აშენებენ საკურთხევლით აღმოსავლეთისაკენ, მიცვალებულებს ასვენებენ სახით აღმოსავლეთისაკენ, ლოცულობენ აღმოსავლეთის მიმართულებით. საქართველო ღვთიური ხიდია, რომელიც დასავლეთს აღმოსავლეთთან აკავშირებს. შემთხევითი არ იყო, რომ დიდი კონსტანტინე ქართველი ერის ისტორიულ მოწოდებად “ორი დიდი სამყაროს: ევროპისა და აზიის სულის შეხამებას” მიიჩნევდა. უდაოა, რომ მარიამ ღვთისმშობლის წილხვედრილი ქვეყანა კარგახსნილი უნდა იყოს ყველა ხალხისათვის. მის საგარეო პოლიტიკას საფუძვლად უნდა დაედოს გეოპოლიტიკური პრულარიზმის პრინციპი. საქართველო არ შეიძლება მიეჯაჭვოს ერთ ქვეყანას ან ქვეყნების ჯგუფს. ამავე დროს მისთვის ნეიტრალიტეტიც მიუღებელია. იესო ქრისტეს დედა-ქვეყანა ვერ იქნება ნეიტრალური მართლმადიდებლური სამყაროს სხვა ქვეყნებთან მიმართებაში, რამეთუ დაუშვებელია გულგრილი დამოკიდებულება ერთმორწმუნე ხალხების ბედისადმი. საქართველო ვერც აგრესიული იქნება ნებისმიერი სხვა ტრადიციული კონფესიების მიმდევრებთან ურთიერთობაში. აქ, პირველ რიგში, იგულისხმება ჩვენი მოსახლეობის მაჰმადიანული ნაწილი,ასევე მეზობელ ქვეყნებში მცხოვრები ისლამის მიმდევარი მილიონობით ქართველი. მართალია, სხვადასხვა დროს ბევრმა სახელმწიფომ მოგვაყენა ზიანი, მაგრამ არ გვმართებს დავემონოთ წყენასა და ბოღმას. ჩვენ უნდა ვისწავლოთ პრაგმატიზმი და ვიფიქროთ უპირატესად მომავალზე. მეორედ მოსვლის ჟამს მაცხოვარს მისი მშობელი დედის წმინდა მიწაზე ახალი ქვეყნიერება დამკვიდრებული უნდა დახვდეს, რათა შესძლოს ადამიანთა ცოდვების განკითხვა ქართულ ენაზე. ამ მხრივ ყურადსაღებია, რომ რეალური სამყაროს გაორება, მიწიერის გვერდით ვირტუალური ცივილიზაციის შექმნა მთელი სიმწვავით აყენებს ღვთივრჩეული ენის სიციცხლისუნარიანობის საკითხს. საქმე ეხება უცხოტომელთა ახალი სიტყვების მოზღვავებას, რომელთა ოდენობა გეომეტრიული პროგრესიით იზრდება. ამან პერსპექტივაში ქართული ენა შეიძლება ჩაძიროს,გადაადგვაროს ან მკვდარ ენად აქციოს. საბედნიეროდ, რეალური საფრთხის თავიდან აცილების შანსი მოგვეპოვება. ღვთის მადლით ჩვენს წმინდა ენას გააჩნია დაუშრეტელი იდიომური წყარო,რომლის შემწეობითაც მას შეუძლია დღევანდელ ინფორმაციულ ქარტეხილებში გადაირჩინოს თავი. ეს წყაროა მეგრული და სვანური ლექსიკა, რომელიც სახელმწიფოს ზრუნვის საგანი ვერა და ვერ გახდა. სწორედ აქ მოიპოვება უამრავი სიტყვა,რომლებითაც შეიძლება ჩავანაცვლოთ ესოდენ მომრავლებული უცხო ბარბარიზმები. ქართულ ენაში მეგრული და სვანური სიტყვების შემოტანას ის მნიშვნელობაც აქვს, რომ იგი მდგრადს გახდის ქართველობას როგორც ისტორიულ ერთობას. შესაბამისად მდგრადი იქნება ქართულ მიწაზე დამკვიდრებული ახალი ქვეყნიერებაც. რთულია, უკიდურესად რთულია მისია, რომელიც უფალმა ქართველობას დაგვაკისრა. თანამემამულენო, სანამ თითოეული ჩვენთაგანი ღრმად ვერ ჩავწვდებით ამ მისიის არსს, მანამ ტაძრისაკენ მიმავალ გზას ვერ გავიკვლევთ. გურამ მუჩაიძე, ისტორიის მეცნიერებათა დოქტორი, პროფესორი |
samreklo |
Nov 15 2009, 08:51 AM
პოსტი
#61
|
Newbie ჯგუფი: Members პოსტები: 78 რეგისტრ.: 13-November 08 წევრი № 5,939 |
ამ ტერმინების რახარუხით გინდათ უპასუხოთ თეოლოგიურ არგუმენტს?
პროფსამრეკლო? კატეხიზმო მაინც წაიკითხეთ სანამ აქ ამ აბსურდებს დაწერდეთ, შეგახსენებთ ისევ: გაქვთ თეოლოგიური არგუმენტი? არა? დუმილი მაინც ხომ გასწავლეს მაშინ სანამ "პროფესორი" გახდებოდით? იცით თქვენ თუ არა რომ ღვთისმშობლის წილხვედრობას მსოფლიოში 5 ქვეყანა და 12 ქალაქი კუთვნილობს? მათ შორის კონსტანტინეპოლიც დღეს რომ სტამბულია? ან რა შუაშია ღვთისმშობლის წილხვდომილობა იმ ერესულ ეთნოფილეტიზმთან აქ რომ წერთ? საერთოდ ეს ტერმინი იცით რას ნიშნავს? ეჰ, რომ კითხო მხევალ ნინოს იქნება რაიმე გაიგოსო... ხელისჩაქნევით; კაირო მაიძულებთ განმანათლებელის მისიაც ვიტვირთო.ღვთისმშობლის წილხვედრილი ადგილი ოთხია:ერთი ქვეყანა-საქართველო,ერთი მთა და ორი მონასტერი. |
samreklo |
Nov 15 2009, 09:11 AM
პოსტი
#62
|
Newbie ჯგუფი: Members პოსტები: 78 რეგისტრ.: 13-November 08 წევრი № 5,939 |
[quote name='KAIROS' date='Nov 15 2009, 03:47 AM' post='565714']
სატირალია, სასაცილო რომ არ იყოს (ნამდვილად ასე და არა პირიქით ) თქვენ ბატონო პროფსამრეკლო, ლოგიკიდან და მეცნიერებიდან შორს რომ იყავით ეს გამოჩნდა, თეოლოგიის გარტყმაშიც რომ არ ხართ ეს ფაქტია, და ხელოვნებაც თურმე უფრო შორს ყოფილა თქვენგან, სისულელე, რომ საქართველოსაკენ იშვერს ხელს არის უძალიანესად სასაცილო, სინამდვილეში კი "ახალი კაცი" იბადება ამერიკიდან და უბრალოდ ვიზუალური ჩვენებაა თითის მდგომარეობა, რომელიც რომელიმე გეოგრაფიულ ადგილზე კი არ მიანიშნებს არამედ პროცესზე რაც ხდება ანუ ახალი კაცის დაბადებაზე და ამას ქონდა თავისი ისტორიული საფუძველი, რადგან II მსოფლიო ომის დროა და აშშ ახალი ძლიერება: გეოგრაფიულ ადგილს რომ მიუთითებს,ამაზე აზერბაიჯანელებიც მიუთითებენ, ოღონდ ჩვენ გვეცილებიან:"На картине Сальвадора Дали "Геополитический ребенок" женщина указывает пальцем на Баку.Гениальный художник вложил в это некий тайный смысл". |
KAIROS |
Nov 15 2009, 09:54 AM
პოსტი
#63
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ციტატა მაიძულებთ განმანათლებელის მისიაც ვიტვირთო.ღვთისმშობლის წილხვედრილი ადგილი ოთხია:ერთი ქვეყანა-საქართველო,ერთი მთა და ორი მონასტერი. რეებს წერთ ჯერ ერთი "წილხვდომილობა" ქართული ტრადიციაა და არა საყოველთაო , რომელიც ამბობს რომ საქადაგებლად ხვდა წილად ღვთისმშობელს ჩვენი მიწა, კი მაგრამ ეს "მთა" (ანუ ათონი) და ორი მონასტერი როდისღა ხვდა წილად? თქვენ ურევთ ბევრ რამეს, სხვაა მფარველობა და სხვაა წილხვდომილობა, მფარველი კი დედა ღვთისა ითვლება კონსტანტინეპოლისა, კიევისა, მოსკოვისა, ათენისა, სოფიასი და ა.შ. კონსტანტინეპოლის ჩვენებაზე (ბეძნულად Skepê (Σκέπη)), რუსებმაც "პოკროვ"-ად გადაიღეს არ გსმენიათ არაფერი? არც სხვა ქალაქებზე ან ქვეყნებზე? თქვენ რომელიც სექტანტიზმს ქადაგებთ რა "განმანათლებლობა" უნდა იკისროთ? რა შუაშია წილხვდომილობა ან თუნდაც მფარველობა და ის სექტანტიზმი რასაც აქ წერთ? აკი დაგიწერეს ციტატა თქვენ თუ იცით, რომ თქვენს მიერ გაჟღერებული იდეების ანალოგი, რუსებსაც აქვთ, ბერძნებსაც და თუ ზუსტად მახსოვს - ბულგარელებსაც?! და რა ვქნათ ეხლა, ერთმანეთს გავეჯიბროთ და ყველა ერმა თავისი უპირატესობა ამტკიცოს? ეს ყველაფერი სიბნელეა... წილხვდომილობა ან მფარველობა სრულიად არაფერ შუაშია იმ რასიზმ-ეთნოფილეტიზმთან თქვენ რომ წერთ. გსმენიათ პროფსამრე ტერმინი "ეთნოფილეტიზმი" რაა? იმედია არა, რადგან რომ იცოდეთ რომ სექტანტიზმია, შეგეშინდებოდათ რასაც წერთ და არ დაწერდით, ჰოდა დრო ხომ არაა რომ გაჩერდით მაინც! ციტატა აზერბაიჯანელებიც მიუთითებენ ნუ "წყარო"მესმის ... აზერები სომხები დუმან? არ გააგებინოთ, მაგასაც დაიბრალებენ ეგ არის სისულელე პროფსამრე, სისულელე... დალი ამ დროს იყო ამერიკაში, საიდანაც მოდიოდა ახალი ძალა , რომელსაც უნდა მოეგო II მსოფლიო ომი და ამაზე მიუთითებდა იგი, იქითკენ იხედება ბავშვიც და იქიდანვე ხდება დაბადება, ეგაა უდიდესი სისულელე ბაქოს თბილისის და რიონის ძებნა დალიში, წარმოდგენაც კი არ ქონდა დალის სად იყო ბაქო ან თბილისი... It is easy to see the emerging man rising from the young nation, America, thus signifying the importance that Dali associated with his home in exile. Also important however, are the third world countries symbolized by the enlargement of the continent of Africa. The androgynous figure points to an area of Europe near where Dali himself was born ამას ვერაფერს პასუხობთ პროფსამრე? ციტატა ეკლესიის სწავლებით არ არსებობს რაიმე რჩეული ერი, რაიმე რჩეული ენა, რჩეული მიწა, წყალი, ჰაერი, სისხლი, გვარი და ა.შ. არამედ არის ერთი წმიდა, კათოლიკე და სამოციქულო ეკლესია და ეკლესიის წევრები ნათლისღებით მასში შეკრებილი , მიუხედავად მათი სქესის, კანის ფერის, ასაკის, ეროვნული კუთვნილების,სამეტყველო ენის, საცხოვრებელი ადგილის და ა.შ. არამედ ყველანი "ერთ ვართ ქრისტე იესუს მიერ"რასაც გიწერთ, იოტისოდენადაც არ ეწინააღმდეგება სამშობლოს სიყვარულს, კეთილგონიერი პატრიოტიზმი არაა ის შოვინზმი რასაც აქ აბსურებით ღაღადებთ, არც რასიზმი, რომელიც ეკლესიის მიერ მრავალგზისაა დაგმობილი, გიყვარდეს სამშობლო ნიშნავს მიუჩინო მას ღირებულებათა სისტემაში ზუსტი ადგილი, არ გძულდეს სხვა, არ აყენებდე სხვას შენზე ქვემოთ, არ მიგაჩნდეს, რომ შენ ხარ რაღაც უცხო, წმინდა, რჩეული და სხვები ნაკლებად, ქრისტიანულად ეგ აბსურდია და მეტიც ანათემას დაქვემდებარებული ეთნოფილეტიზმია!. ვერც კი ხვდებით,ისე ავრცელებთ მწვალებლობას, რასიზმს და აბსურდს ბატონო პროფსამრე... პ.ს. ჰოლი დალიც მოგვევლინა -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
მხევალი ნინო |
Nov 15 2009, 11:55 AM
პოსტი
#64
|
ზღაპრის ბოლო კეთილია.. ჯგუფი: Senators პოსტები: 25,889 რეგისტრ.: 19-December 06 წევრი № 715 |
samreklo
ციტატა ქართველთა ერთი ნაწილის ცნობიერებაში მასონური იდეოლოგიის გავლენა. არ გეკადრებატ... ციტატა ნუთუ არ გიკვირთ,რამ შთააგონა სალვადორ დალი,რათა თავის ნახატში საქართველო მიეთითებინა.რატომ მაინცდამაინც საქართველო?შეხედეთ კიდევ ნახატს და გაიაზრეთ. რატომ, ღვთისმშობელი გამოეცხადა და საქართველოზე აუწყა???? -------------------- ჩვენ ვინც ქრისტიანობა დაგვაბრალა ....
დიდება შენდა, რომელმან მოგვფინე ნათელი -Поверь мне Карлсон, Не в пирогах счастье. -Да ты что, с ума сошёл?! А в чем же ещё? © |
b-a-r-b-a-r-e |
Nov 15 2009, 01:18 PM
პოსტი
#65
|
Advanced Member ჯგუფი: Members პოსტები: 1,436 რეგისტრ.: 24-September 09 წევრი № 7,538 |
რათავხედია.
კაცობის გაგების დემონიზაცია... ფორუმზე უმსგავსი პოზიციები აქვს მოწინააღმდეგეების(?)წინააღმდეგ ფრთებმოფართხუნე განბრწყინეულთ. იქნებ სიბნელეს კვეთავდეს კიდეც თქვენი ჭკუით მსგავსი სიტყვები. ჩემში კი თქვენს ავტორიტეტს კიდევ უფრო ძირს სცემს პრინციპში თემის გაგრძელება ამად ღირს -------------------- დავიღლე.........მოდი ჩემთან უფალო...........ძალიან დავიღალე,მართლა დავიღალე.........
"წიგნებით ვერ ჩახედავ ნამდვილებს..." |
კანუდოსელი |
Nov 15 2009, 02:24 PM
პოსტი
#66
|
Advanced Member ჯგუფი: Members პოსტები: 8,829 რეგისტრ.: 2-November 06 მდებარ.: კანუდოსი წევრი № 374 |
ამ ტერმინების რახარუხით გინდათ უპასუხოთ თეოლოგიურ არგუმენტს? პროფსამრეკლო? კატეხიზმო მაინც წაიკითხეთ სანამ აქ ამ აბსურდებს დაწერდეთ, შეგახსენებთ ისევ: გაქვთ თეოლოგიური არგუმენტი? არა? პრეტენზიული უცოდინარობა ყველაზე უფრო საშიშია ბატონო უვიცო პროფეროსო არგუმენტი მრავალია, გეტყვით მხოლოდ ახალი აღთქმიდან ჯერ: აღარაა ელინი, იუდეველი, წარმართი, არამეტ ყველა ერთია უფალ იესოში პ.ს. იმიტომაც ვართ ამ უბედურ დღეში, რომ თქვენნაირი უვიცები პროფესორები არიან და მართლა ჭკვიან ადამიანებს ვირად რაცხენ ხშირად პ.პ.ს. ახლა ვატყობ, მორიგ კრეტინობას დამიწერთ პ.პ.პ.ს. ისე, კრეტინობაშიც ვერ ქაჩავთ ექსტრიმზე, აი თეოფილე მალაქია გაცილებით ნიჭიერი კრეტინია მაიძულებთ განმანათლებელის მისიაც ვიტვირთო არა რაა...სიდებილეს საზღვარი არ ჰქონია -------------------- ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს. ბყკ :-) ბ - ბუდისტ ყ - ყრმათა კ - კავშირი |
sable |
Nov 15 2009, 02:33 PM
პოსტი
#67
|
Advanced Member ჯგუფი: Members პოსტები: 1,694 რეგისტრ.: 29-August 07 წევრი № 2,651 |
samreklo როდის იყო, ქვეყანა სათავეში მეფედ პატრიარქი ჰყავდა, მაჩვენე ქვეყნის ასეთი მოდელი. როდის იყო, ქვეყანას სასულიერო პირები მარტავდნენ? რას ამბობ სამრეკლო, საიდან ასეთი აზრები, ან რა საჭიროა ვერ გავიგე. თუ მღვდელს უნდა ემართა ქვეყანა, რისტვის გვყავდნენ ამხელა მეფეები და ამდენი მერე. როდის, რომელ საუკუნეში ტქმულა, მეფედ პატრიარქი უნდა იყოსო, ვინ იყო ასეთი იდეის ავტორი, როდის გაჟღერებულა? სხვა თუ არაფერი, იმით ვტრაბახობთ ბიბლიური დავიტ მეფის შთამომავლები არიან ჩვენი ბაგრატიონებიო, თურმე რად გინდა, რა საჭიროა, ვის დაკარგვია მეფე, რომელიც ცხებულია, ან მისი სთამომავლობა, დასვი პატრიაქრი და ამეფე ვინ იყო ასეთი იდეის ავტორი და დომენტი იყო! მის ყოვლადუწმინდესობა დომენტის უნდოდა, საქართველოს კათალიკოს-პატრიარქს მუხრანბატონ-ბაგრატიონს, ვახტანგ VI ძმას, ამისთვის ოსმალეთშიც გაიქცა და ისლამის მიღებასაც აპირებდა -------------------- გერმანიაში ნაცისტები რომ კომუნისტებს მოადგნენ ხმა არ ამომიღია რადგან კომუნისტი არ ვყოფილვარ
ებრაელებს მიადგნენ და ხმა არ ამომიღია რადგან ებრაელი არ ვყოფილვარ პროფკავშირებს მიადგნენ და ხმა არ ამომიღია რადგან პროფკავშირელი არ ვყოფილვარ კათოლიკებზე გადავიდნენ და ხმა არ ამომიღია რადგან კათოლიკე არ ვყოფილვარ შემდეგ მე მომადგნენ და აღარავინ იყო დარჩენილი ხმა რომ ამოეღო |
მხევალი ნინო |
Nov 15 2009, 03:08 PM
პოსტი
#68
|
ზღაპრის ბოლო კეთილია.. ჯგუფი: Senators პოსტები: 25,889 რეგისტრ.: 19-December 06 წევრი № 715 |
sable
ციტატა დომენტი ანუ, ბატონი პროფესორი, დომენტიანელია ? -------------------- ჩვენ ვინც ქრისტიანობა დაგვაბრალა ....
დიდება შენდა, რომელმან მოგვფინე ნათელი -Поверь мне Карлсон, Не в пирогах счастье. -Да ты что, с ума сошёл?! А в чем же ещё? © |
მხევალი ნინო |
Nov 15 2009, 04:47 PM
პოსტი
#69
|
ზღაპრის ბოლო კეთილია.. ჯგუფი: Senators პოსტები: 25,889 რეგისტრ.: 19-December 06 წევრი № 715 |
კანუდოსელი
ციტატა სიდებილეს საზღვარი შეურაცყოფის გარეშე თუ შეიძლება. სწამს ამ ადამიანს ასე და რა ქნას? -------------------- ჩვენ ვინც ქრისტიანობა დაგვაბრალა ....
დიდება შენდა, რომელმან მოგვფინე ნათელი -Поверь мне Карлсон, Не в пирогах счастье. -Да ты что, с ума сошёл?! А в чем же ещё? © |
კანუდოსელი |
Nov 15 2009, 05:40 PM
პოსტი
#70
|
Advanced Member ჯგუფი: Members პოსტები: 8,829 რეგისტრ.: 2-November 06 მდებარ.: კანუდოსი წევრი № 374 |
შეურაცყოფის გარეშე თუ შეიძლება. სწამს ამ ადამიანს ასე და რა ქნას? ეს არ იყო პასუხი მის რწმენაზე, არამეტ ამბიციაზე -------------------- ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს. ბყკ :-) ბ - ბუდისტ ყ - ყრმათა კ - კავშირი |
Ligia |
Nov 15 2009, 07:08 PM
პოსტი
#71
|
Advanced Member ჯგუფი: Members პოსტები: 2,990 რეგისტრ.: 2-April 08 წევრი № 4,411 |
რათავხედია. კაცობის გაგების დემონიზაცია... ფორუმზე უმსგავსი პოზიციები აქვს მოწინააღმდეგეების(?)წინააღმდეგ ფრთებმოფართხუნე განბრწყინეულთ. იქნებ სიბნელეს კვეთავდეს კიდეც თქვენი ჭკუით მსგავსი სიტყვები. ჩემში კი თქვენს ავტორიტეტს კიდევ უფრო ძირს სცემს პრინციპში თემის გაგრძელება ამად ღირს გადაგვითარგმნე ერთი რა დაწერე და რა იგულისხმე |
b-a-r-b-a-r-e |
Nov 15 2009, 08:19 PM
პოსტი
#72
|
Advanced Member ჯგუფი: Members პოსტები: 1,436 რეგისტრ.: 24-September 09 წევრი № 7,538 |
გადაგვითარგმნე ერთი რა დაწერე და რა იგულისხმე არა სიკვდილით დასჯა მელის გამგები გაიგებს -------------------- დავიღლე.........მოდი ჩემთან უფალო...........ძალიან დავიღალე,მართლა დავიღალე.........
"წიგნებით ვერ ჩახედავ ნამდვილებს..." |
samreklo |
Nov 16 2009, 12:25 AM
პოსტი
#73
|
Newbie ჯგუფი: Members პოსტები: 78 რეგისტრ.: 13-November 08 წევრი № 5,939 |
|
abo |
Nov 16 2009, 12:40 AM
პოსტი
#74
|
Advanced Member ჯგუფი: Members პოსტები: 3,533 რეგისტრ.: 20-March 07 წევრი № 1,441 |
samreklo
ციტატა მზად ვარ მეორე ლოყაც მიუშვირო მავანთ. ხოდა თქვენც გააგრძელეთ, მხოლოდ შემდეგ ლოყაც მზად გქონდეთ.. აბო. -------------------- არ გაიწვრთნების სამი რამ: მგელი, არწივი, კაი ყმა.
|
samreklo |
Nov 16 2009, 01:10 AM
პოსტი
#75
|
Newbie ჯგუფი: Members პოსტები: 78 რეგისტრ.: 13-November 08 წევრი № 5,939 |
samreklo არ გეკადრებატ... რატომ, ღვთისმშობელი გამოეცხადა და საქართველოზე აუწყა???? ღმერთის გამოცხადების თაობაზე იხილეთ:"Cамое достоверное доказательство существования высшей воли получил российский исследователь Петр Гаряев. Изучая генный аппарат живых существ, он неожиданно обнаружил, что в нем записана отнюдь не вся наследственная информация, по которой "строится" организм, а именно только информация о том, как изготовить узлы и детали: сердце, легкие, печень, мышцы и так далее. А вот указания, как и в какой последовательности сочетать их, приходят извне. Свое открытие Гаряев подтвердил изящным экспериментом. Он поместил оплодотворенные икринки лягушки в камеру из пермаллоя металла, не пропускающего никакие излучения, в том числе и электромагнитные. И хотя в камере были созданы абсолютно все условия для нормального развития лягушки, ни один из появившихся головастиков не был нормальным. Появились одни уроды, которые быстро погибли. Контрольная же группа, помещенная в камеру из обычного металла, развивалась нормально. Не прийти после этого к идее существования Всевышнего было просто нельзя. камера из пермаллоя обладает только одним свойством - не пропускает никакие излучения. Очевидно, сигнал, едущий от высшего разума, волновой. Это либо электромагнитные волны определенной частоты, либо какое-то еще не известное нам излучение или силовые поля. Но факт то, что мозг некоторых людей способен их принимать постоянно или только в отдельные моменты. Так сказать, попадая в резонанс". ზოგიერთი,როგორს სჩანს ისეთ დახშულ სივრცეშია,რომ მასთან ვერ აღწევს უფლის ელექტრომაგნიტური ტალღები. |
abo |
Nov 16 2009, 01:22 AM
პოსტი
#76
|
Advanced Member ჯგუფი: Members პოსტები: 3,533 რეგისტრ.: 20-March 07 წევრი № 1,441 |
საინტერესო ექსპერიმენტია. მერე რა გაგრძელება პოვა ექსპერიმენტთმა? რა წყაროდანაა მიგვითითე.
აბო. -------------------- არ გაიწვრთნების სამი რამ: მგელი, არწივი, კაი ყმა.
|
კანუდოსელი |
Nov 16 2009, 01:42 AM
პოსტი
#77
|
Advanced Member ჯგუფი: Members პოსტები: 8,829 რეგისტრ.: 2-November 06 მდებარ.: კანუდოსი წევრი № 374 |
მე არ მიკვირს "ზრდილი" ფორუმერების,მე კი არა და იესო ქრისტეს მოუღეს ბოლო.ლანძღვა-გინება სუსტების ხვედრია.მე მზად ვარ მეორე ლოყაც მიუშვირო მავანთ. კი ბატონო, სუსტიც ვარ, ვიგინები კიდეც, თქვენ კი კრეტინობას ქადაგებთ მაღალი ამბიონიდან და მეტად ამბიციური ტონით....ეს უკვე სიმპტომატურია -------------------- ინკვიზიტორი იეღოველი ეკუმენისტი მასონი ბუდისტი მღვდელი გულისყურით გისმენთ :-)
პ.ს. ბყკ :-) ბ - ბუდისტ ყ - ყრმათა კ - კავშირი |
sable |
Nov 16 2009, 02:27 AM
პოსტი
#78
|
Advanced Member ჯგუფი: Members პოსტები: 1,694 რეგისტრ.: 29-August 07 წევრი № 2,651 |
sable ანუ, ბატონი პროფესორი, დომენტიანელია ? არამგონია ეს ბატონი პროფესორი იყოს, ყოველ შემთხვევისთვის არ დაუდასტურებია -------------------- გერმანიაში ნაცისტები რომ კომუნისტებს მოადგნენ ხმა არ ამომიღია რადგან კომუნისტი არ ვყოფილვარ
ებრაელებს მიადგნენ და ხმა არ ამომიღია რადგან ებრაელი არ ვყოფილვარ პროფკავშირებს მიადგნენ და ხმა არ ამომიღია რადგან პროფკავშირელი არ ვყოფილვარ კათოლიკებზე გადავიდნენ და ხმა არ ამომიღია რადგან კათოლიკე არ ვყოფილვარ შემდეგ მე მომადგნენ და აღარავინ იყო დარჩენილი ხმა რომ ამოეღო |
sable |
Nov 16 2009, 02:52 AM
პოსტი
#79
|
Advanced Member ჯგუფი: Members პოსტები: 1,694 რეგისტრ.: 29-August 07 წევრი № 2,651 |
ცნობილია, რომ განგების ძალით საქართველო იესო ქრისტეს დედას - მარიამს ხვდა წილად და მის მფარველობაში მოექცა. უფლის ეს ნება განპირობებული იყო არა მარტო ყოვლაწმინდა მარიამის ეთნიკური წარმომავლობით. იგი უპირველესად ეფუძნებოდა იმას, რომ საქართველო დედამიწის გეოპოლიტიკურ კვანძს, მისი სულიერი ველის ეპიცენტრს შეადგენს. საკრალურ გეოგრაფიაში ღრმად გადადიხარ სამწუხაროდ, ქართველებმა დღემდე ღრმად ვერ გავიაზრეთ ის დიდი პასუხისმგებლობა, რაც თავისი არჩევანით უფალმა დაგვაკისრა. როდის იაზრებდა რო?! ამის შედეგია, თუნდაც ის განსაცდელი, რომელიც ბოლო დროს თავს გვატყდება. მხედველობაში მაქვს ქართული სახელმწიფოს ტერიტორიული მთლიანობის რღვევა. არამარტო ! ასე მაგალითად, პირველი და მეორე პრეზიდენტის - ზ.გამსახურდიასა და ე.შევარდნაძის მმართველობისას ფაქტობრივად ჩამიგვცილდა სამხრეთ ოსეთი და აფხაზეთი. ''სამხრეთ ოსეთი'' საქართველოს ტერიტორიაზე როგორც რეგიონი არ არსებობს და არც არის საჭირო რომ არსებობდეს. იმას რასაც თქვენ შეცდომით მაგ ტერმინს უწოდებთ არის პირობითად ცხინვალის რეგიონი, ისტ. შიდა ქართლი! ამ ტექსტს თუ ისტორიკოსი წერდა, მსგავსი ელემენტარული შეცდომა არ უნდა დაეშვა, სირცხვილია!!!! დღეს მომქმედი პრეზიდენტის - მ.სააკაშვილის წყალობით კი სამხრეთ ოსეთი და აფხაზეთი იურიდიულადაც დავკარგეთ. კიდევ ერთხელ მცდარი ტერმინი მცდარ კონტექსტში. ამასთან იურიდიულად ცხინვალის და აფხაზეთის მხარეები ჩვენ არ დაგვიკარგია სააკაშვილის დროს (რუსეთის აღიარება ამას არ ნიშნავს, რომ ისინი დე იურე დავთმეთ), მაგრამ დავკარგეთ ის ნაწილი ტერიტორიებისა რასაც საქარველოს მხარე აკონტროლებდა 2008 წ-დე. აქ საუბარია არა მარტო ტერიტორიების დაკარგვაზე. ჩვენ დავკარგეთ ჩვენი ოჯახის წევრები, აფხაზები და ოსები, ახლობელი ადამიანები, ჩვენი ძმები და დები. ქართველთა ერთი ნაწილი ამ უბედურების მიზეზად საპრეზიდენტო ინსტიტუციას მიიჩნევს. ამის გამო მის გაუქმებას და საპარლამენტო რესპუბლიკის დამკვიდრებას მოითხოვს. მართალია. ხოლო სისტემა, რამდენად გაამართლებს ერთმა ღმერთმა იცის. 1918-1921 წლების საქართველო საპარლამენტო რესპუბლიკას წარმოადგენდა, მაგრამ ჩვენ იმ დროს ქვეყნის არა თუ ნაწილი, მთელი ტერიტორია დავკარგეთ. ჩვენი ტრაგედია განაპირობა თავისთავად არა ქვეყნის მოწყობის პოლიტიკურმა ფორმამ, არამედ ერთმორწმუნე მეზობელ რუსეთთან ქართული სახელმწიფოს მეთაურთა ფარულმა თუ ღია დაპირისპირებამ. მართლმადიდებელი ხალხების ერთიანობის მოშლა, ქართველებისა და რუსების გადამტერება, მსოფლიოზე გაბატონების მოსურნე კოსმოპოლიტური ძალების სასიცოცხლო ინტერესებშია. ეს საგრძნობლად უიოლებს მათ მიზნის მიღწევას. ამიტომაა, რომ მართლმადიდებლური სამყაროს ერთიანობის განმტკიცება ჩვენი ეროვნული თვითმყობადობის შენარჩუნების წინაპირობაა. მცდარია ის, რასაც რუსეთი არასდროს არ უყურებდა ჩვენს ერთმორწმუნეობას და არც არასოდეს არ შეხედავს, ეგ იმდენად ცხადია, რომ მაგაზე კამათიც არ ღირს! რაც შეეხება კოსმოპოლიტურ ძალებს მაგათგან მტრის ხატის შექმნა არამგონია ქრისტიანული და მორალურად გამართლებული რომ იყოს. ამის გაგება არ სურს არც ხელისუფლებას და არც ოპოზიციას. არცერთ მათგანს ვაგლახ, რომ არ იმსახურებს მრავალტანჯული ქართველობა. ხელისუფლებისა და ოპოზიციის ჭიდილი გაზააბნეულთა ჭიდილია და მეტი არაფერი. როგორიც ხალხია იმგვარი პოზიცია და ოპოზიცია ყავს! დანარჩენზე უბრალოდ დავწერ, რომ უაზრობაა კომენტარის კეთება, ამასთან ფორმუნიც მიჭედავს, მოკლედ რავა ყველა ჭედავს თავისებურად -------------------- გერმანიაში ნაცისტები რომ კომუნისტებს მოადგნენ ხმა არ ამომიღია რადგან კომუნისტი არ ვყოფილვარ
ებრაელებს მიადგნენ და ხმა არ ამომიღია რადგან ებრაელი არ ვყოფილვარ პროფკავშირებს მიადგნენ და ხმა არ ამომიღია რადგან პროფკავშირელი არ ვყოფილვარ კათოლიკებზე გადავიდნენ და ხმა არ ამომიღია რადგან კათოლიკე არ ვყოფილვარ შემდეგ მე მომადგნენ და აღარავინ იყო დარჩენილი ხმა რომ ამოეღო |
KAIROS |
Nov 16 2009, 04:13 AM
პოსტი
#80
|
იხარეთ! ჯგუფი: საფინანსო პოსტები: 9,492 რეგისტრ.: 9-November 06 მდებარ.: Aurea mediocritas წევრი № 438 |
ესეც შეცდომები ისტორიულად (საბლე), შეცდომები იურდიულად (მხევალი) შეცდომები თეოლოგიურად (კანუდოსა,მე...) და სინანულის იოტისოდენას რაიმეს გაგების ვერაფერს ვატყობ ვაიპროფს!
ვუმეორებ თქვენ ქადაგებთ ერესს, რასიზმს და სიმცდარეს! ციტატა ეკლესიის სწავლებით არ არსებობს რაიმე რჩეული ერი, რაიმე რჩეული ენა, რჩეული მიწა, წყალი, ჰაერი, სისხლი, გვარი და ა.შ. არამედ არის ერთი წმიდა, კათოლიკე და სამოციქულო ეკლესია და ეკლესიის წევრები ნათლისღებით მასში შეკრებილი , მიუხედავად მათი სქესის, კანის ფერის, ასაკის, ეროვნული კუთვნილების,სამეტყველო ენის, საცხოვრებელი ადგილის და ა.შ. არამედ ყველანი "ერთ ვართ ქრისტე იესუს მიერ"რასაც გიწერთ, იოტისოდენადაც არ ეწინააღმდეგება სამშობლოს სიყვარულს, კეთილგონიერი პატრიოტიზმი არაა ის შოვინზმი რასაც აქ აბსურებით ღაღადებთ, არც რასიზმი, რომელიც ეკლესიის მიერ მრავალგზისაა დაგმობილი, გიყვარდეს სამშობლო ნიშნავს მიუჩინო მას ღირებულებათა სისტემაში ზუსტი ადგილი, არ გძულდეს სხვა, არ აყენებდე სხვას შენზე ქვემოთ, არ მიგაჩნდეს, რომ შენ ხარ რაღაც უცხო, წმინდა, რჩეული და სხვები ნაკლებად, ქრისტიანულად ეგ აბსურდია და მეტიც ანათემას დაქვემდებარებული ეთნოფილეტიზმია!. ესეც დაიმახსოვრეთ რაც დაგიწერეს ციტატა აღარაა ელინი, იუდეველი, წარმართი, არამეტ ყველა ერთია უფალ იესოში პავლეა ეგ მოციქული და თქვენ კიდევ ვიღაც გარაევზე და მის "Cамое достоверное доказательство существования высшей воли " გვესაუბრებით, ვაიპროფ... სასაცილოა ეს ყველაფერი. ნინო, კიდევ გჯერა ეს რომ რაიმე გაიგებს? -------------------- ...მართლმადიდებლობა ყოველგვარი უკიდურესობებისგან გამიჯნული სამეუფეო გზაა. აქედან გამომდინარე, მისთვის დამახასიათებელია თავგანწირვა, მაგრამ მიუღებელია ფანატიზმი, დამახასიათებელია შემწყნარებლობა, მაგრამ მიუღებელია ფსევდოლიბერალიზმი (ყველაფრის დაშვებულობა)-
ილია II- სააღდგომო ეპისტოლე, 2008 წელი |
მსუბუქი ვერსია | ახლა არის: 29th May 2024 - 12:48 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი