სულიწმინდა პარამეტრები

[gvanchi]

რას ნიშნავს სულიწმინდის გმობა?

[დეკ. ანდრია]

სულიწმიდის გმობა არის მისი ქმედების ბოროტისათვის მიწერა, ჭეშმარიტების, ჭეშმარიტი სწავლების უარყოფა. ამაზე მიგვითითებს ის გარემოება, რომელშიც ბრძანა მაცხოავარმა, რომ სულიწმიდის გმობა არ მიეტება ადამიანს. კერძოდ, ეს ითქვა მაშინ, როცა სულიწმიდის მიერ აღსრულებულ ქმედებებს, სასწაულებს ფარისევლებმა ეშამაკეულობის გამოვლინება უწოდეს. ყოველი ადამიანი, რომელიც მსგავსად ფარისეველთა ღმრთაებრივი მადლის მოქმედებას მიაწერს ეშმაკეულობას, გმობს ამით სულიწმიდას. ამან უნდა გამოგვაფხიზლოს, რათა ღმრთისმიერ ნიჭებს, რომლებიც ებოძებათ მოღვაწეებს, არ ვუწოდოთ სიცრუე, ხიბლი. ზოგადად კი შეიძლება ითქვას, რომ სულიწმიდის გმობა არის იმ სწავლების უარყოფა, სიცრუედ წოდება, რომელიც შეიცავს ჭეშმარიტებას, ანუ მართალმადიდებლური სწავლების უარყოფა. ეს ცოდვა არ მიეტევება ადამიანს და ესეც სწორად უნდა გავიგოთ. მონანულს მიეტევება ღმრთის მიერ ნებისმიერი ცოდვა. მაგრამ სულიწმიდის მგმობელს, სანამ ის გმობაშია, ვერ ექნება სინანული ამ ცოდვის გამო და, შესაბამისად ვერც მიტევება მოემადლება. თუ ადამიანი გადის ამასოფლიდან სულიწმიდის გმობის ცოდვით, ის იღუპება საუკუნოდ. მაგრამ თუ ადამიანი მიხვდა, აღიარა და შეინანა თავისი ცდომილება, უფალი მიანიჭებს მას ამ ცოდვის მიტევებას.