კათოლიკური ღვთისმეტყველება პარამეტრები

[მნათე]

კაიროს, თხოვნა მაქვს, იქნებ შენ მაინც, კათოლიკური და მართლმადიდებლური ეკლესიის რეალურად განმასხვავებელი საღვთისმეტყველო ნიშნები გამოკვეთო?

კარგი იქნება თუ მათ სისუსტეებს დაგვანახებ

აბა შენს მოცლას ველით

პ.ს სპეციალურად, უკვე არსებულ მასალას არ ვდებ, რომელიც სხვადასხვა რელიგიური პროფილის საიტებზე დევს.. მეტისმეტად არასრულყოფილნი არიან

[KAIROS]

ძნელია აქ ჩაატიო, თუმცა ძირითადად შეგვიძლია დავყოთ სწავლებით, კანონიკურ და ლიტურგიკულ ნაწილებად, რასაც ისტორიული პრობლემატიკა დაერთვება

ახლა აქ საკითხებს აღარ გავშლი, ეგ შემდგომში, რადგან დროთა განმავლობაში ტერმინოლოგია იცვლება და შესაბამისად მიდგომაც საკითხისადმი, და ეს ჩაღრმავების და თანამედროვე ცნობების მოშველიებით, ნელნელა და არგუმენტირებულად უნდა მოხდეს...


1) სწავლებითი:

ა) ფილიოქვე ( ლათ. "ძისაგანაც") ძირითადად ეს იყო პირველი კამათის საგანი (არა მიზეზი, რადგან უთანხმოების საწყისები უპირველესად პოლიტიკაში უნდა ვეძებოთ)

ბ) განხეთქილების შემდეგ, წარმოიშვა ე.წ. პურგატორიუმზე სწავლება, ანუ განსაწმედელი, რომელსაც მოგვიანებით დაუკავშირდა ინდულგენციების გაცემის ტრადიცია, შემდგომ ეს შეიცვალა

გ) ყოვლადწმიდა ქალწულის უბიწოდ ჩასახვის, მისი ხორციელად ამაღლების და სხვა მარიანული დოგმატები

დ)რომის პაპის შეუმცდარობის (როდესაც საუბრობს ექს კათედრა დოგმატიკაზე და მორალზე) დოგმატი

ე) რომის პაპის პრიმატის დოგმატი

ვ)ხსნის შესახებ სწავლებათა განსხვავებები (პირველი ცოდვის,ღმერთისათვის ცოდვის გამო მისაგებელი საზღაურის, განსაწმენდელის, დამსახურებათა საგანძურისა და ინდულგენციების შესახებ
არსებული სწავლებები)


2) კანონიკური.

ა) უცილობელი ცელებატიზმი

ბ) პირჯვრის გადაწერის სხვა წესი

გ)ეკლესიის ცენტრისტული მოწყობა

დ) მეორედ ქორწინების დაუშვებლობა

ე) მრავალრიცხოვანი ბერული ორდენები

ვ) ეკლესიის საგარეო ურთიერთობის განსხვავებული ხასიათი



3) ლიტურგიკული



ა) ხმიადი ( უფუარი)პურით ზიარება

ბ) სხურებითი ნათლობა

გ) მირონცხება ზრდასრულებზე და მხოლოდ ეპისკოპოსის მიერ

დ) ზიარების საიდუმლოს სხვაგვარი გაგება ( მღვდლის ძალაუფლება გადაქცევაზე, ასევე ნათლისღებისას და ა.შ.)

ე) ევქარისტიის საიდუმლოს აღსრულების სხვა წესი ( მაცხოვრის სიტყვების ხაზგასმა ანაფორისას, ეპიკლეზის ადგილას)

ვ) ქანდაკებათა თაყვანისცემა


ისტორიული თვალსაზრისით პრობლემებია ანათემების,განხეთქილების პასუხისმგებლობის საეკლესიო ხელისუფლების გადანაწილების და საერთო წმიდანების ცნობის საკითხი, ასევე ლოცვის და მედიტაციის განსხვავებული გაგება და სხვა, ასევე აზროვნების ზედმეტ იურდიული მეთოდი და ა.შ. რომელსაც შემდგომ ჩავუღრმავდებით.

ვფიქრობ დღეისათვის საკმარისია,

იხარეთ,

კაიროსი!

[S a l l y]

ა) უცილობელი ცელებატიზმი

ეს რას ნიშნაავს? იქნებ განმიმარტოთ

[გიორგი]

ეს რას ნიშნაავს? იქნებ განმიმარტოთ

სასულიერო პირს ეკრძალება ცოლის ყოლის უფლება.