ეკლესიის აზრი პარამეტრები

[მნათე]

სხვადასხვა ფორუმებზე, სახვადასხვა აღმსარებლობის ხალხთან ურთიერთობამ, დამაფიქრა რომ ისინი ეკლესიის აზრს, კონკრეტული - რადიკალიზმში გადაზრდილი ორგანიზაციების განცხადებებთან აიგივებენ, ეს - არ არის სწორი!

სატელევიზიო სივრცეში ხდება არა - ჯანსაღი მართლმადიდებლური ინტელექტუალური რესურსის გამოყენება, 'თავისუფლად მოაზროვნეთა' დისპუტში, არამედ ყველაზე აგრესიულის... ჩემი აზრით ეს ეკლესიის დაკნინების მცდელობაა, მისი რადიკალურად წარმოდგენის და საზოგადოებისთვის, ფანატიზმის ბუდედ, გაცნობის ტენდენცია - ეს სწორი არ არის, ეკლესიის აზრს გამოხატავს საქართველოს კათალიკოს-პატრიარქი და წმიდა სინოდი - მართლმადიდებელი სარწმუნოების ძირითად ჭეშმარიტებებზე დაყრდნობით!

რატომ ხდება რომ საზოგადოებისთვის აქტუალურ თემატიკებში, რომელიც ზნეობასა და მორალს ეხება - არ მონაწილეობენ სასულიერო პირთა ის ნაწილი, რომელიც ყველაზე მეტად არიან გამორჩეულნი მსგავს თემატიკასთან ბრძოლით?! (ვგულისხმობ სიჯანსაღეს)

კიდევ ეს უნდა ჩვენს მრევლს?

[მნათე]

არავინ არ ჩემულობს, ვგონებ.

განა მე ეგ ვთქვი? უბრალოდ ასე აღიქმება თქო და ამაში ტელევიზიის დიდ როლს გავუსვი ხაზი, ვახ

[Sotiris]

განა მე ეგ ვთქვი?

ეგ თქვი, აბა სხვა რამე? მოდი დაგიკოპირებ ახლიდან:

ეკლესიის აზრს არ შეიძლება ჩემულობდეს რომელიმე ერთი - ორგანიზაცია... მას შესაბამისი უფლებამოსილების პიროვნებები უნდა აცნობდნენ საზოგადოებას

ახლა აქედან მოკლედ და კონკრეტულად გამოდის ის დასკვნა, მე რომ ვთქვი. არ უნდა იქეთ-აქეთ ხტუნაობა ამას

რომლებიც სამწუხაროდ როგორც არაერთმა სასულიერო პირმა შენიშნა ტელეეკრანებთან ვერ ხვდებიან

ჰო, ნუ ვერც საპატრიარქოს საიტზე ხვდებიან ეგ სასულიერო პირები მგონი

ეს თემა შეფასების კატეგორიების აღრიცხვასა და გამოვლენას არ ემსახურება, ნებისმიერი სიმართლე ჭეშმარიტების თარგზე უნდა მოიჭრას და იმ ცნებებისა თუ მცნებების სისწორეზე - რომელსაც ყველა - ჩვენ ვაღიარებთ - ცოდნით თუ სინდისის ხმით, რაც მთავარია სიბნელე სინათლის რაოდენობით უნდა გაიზომოს და არა ბნელეთმზომით, რადგან ობიექტურ რეალობაში არ არსებობს როგორც სიბნელე ისე ბოროტება, ისინი სინათლისა და სიკეთის არ არსებობებს წარმოადგენენ...

ამის აზრს ვერ მივხვდი, მაგრამ რატომ ვერ მივხვდი, ალბათ მარტო იმის მერე გავიგებ, რაც kato_Bato ჩემი ინტელექტუალური სიჯანსაღის კატეგორიას მიუთითებს

მაგალითად მამა თეოდორე გიგნაძე, მიიწვიეს სტუმრად 'ფლეიბოის' ჟურნალის პრეზენტაციასთან დაკავშირებით გამართულ დებატებზე, ერთ-ერთ ტელეგადაცემაში, მაგრამ ადგილი განუკუთვნეს უკანა რიგზე, რაც რა თქმა უნდა სასულიერო პირის აზრის უპატივცემულობა იქნებოდა და მოძღვარიც ადეკვატურად მოიქცა - არ წავიდა.

მე რამდენადაც მივხვდი, შენ ბოლო-ბოლო მართლმადიდებელ მშობელთა კავშირზე გაქვს საუბარი და გრიგოლიასთან გამართულ დებატებზე. რავი, ბოლო რიგში არ დაუსვამთ იქ არავინ, მგონი, და არსებობს ასეთი პროტესტის ფორმაც, როდესაც უბრალოდ მისვლით დაადასტურებ ამას, თუგინდ ჩუმად იჯდე მთელი გადაცემა. თქვა ერთი მოკლე "არ ვეთანხმები" - ესეც პროტესტია. არა მგონია წარმართულ რომში ქრისტიანებს კულტურულად გამართულ დებატებში მონაწილეობის საშუალებას აძლევდნენ და არც ის მგონია იმდროინდელი ყველა ქრისტიანი სუპერ-განათლებული ინტელექტუალი იყო. გაითვალისწინე, რომ ახლა ფაქტიურად ნეოწარმართულ ეპოქაში ვცხოვრობთ ჰუმანიზმის არნახული მოძალებით.

რაც შეეხება ჩემს შეფასებებს, ის ჩემს გონებას როგორც ასეთი არ უშვია, და ვფიქრობ არავისთვის არ იქნება გასაკვირი, რომ გარკვეული შეხედულებები ადამიანებს, ვისიმე პოზიციის გაცნობის შემდეგ გვიყალიბდება, აი მე დღეს საკმაოდ ავტორიტეტული და მაღალიერარქიული პირისგან მოვისმინე მსგავსი შეფასება

რომის პაპისგან, არა?

პ.ს. ისე ამ კათოლიკეებს სულ ვაკრიტიკებ, მაგრამ ხანდახან კაცური საქციელი მაგათაც იციან. აგერ მაგალითად ზალცბურგის მთავარეპისკოპოსმა ალოიზ კოტგასერმა უარი განაცხადა 70 წლისთავთან დაკავშირებით ჯილდოს მიღებაზე სოციალისტი გუბერნატორის ხელიდან, რადგან ამ უკანასკნელმა ნება დართო სახელმწიფო კლინიკებს აბორტები გაეკეთებინათ. მსოფლიოში ბევრია კათოლიკე იერარქი, რომლებსაც საჯაროდ აქვთ ნათქვამი, რომ აბორტების დაკანონების მომხრე დეპუტატების, კონგრესმენებისა თუ სენატორების ზიარებას არ დაუშვებენ (დააკვირდი, ნათქვამი კი არაა ვინც თავად იკეთებს აბორტს, თუ ქალია, ან ცოლს აიძულებსო, არამედ, ისინი, ვინც არ ეწინააღმდეგებიან აბორტების დასაშვები კანონების მიღებას). ახლა არ დამიწყო სუპერ-მოთხოვნები აქვთ კათოლკეებს მაზიარებლების მიმართო. მერწმუნე, ეს სერიოზული მნიშვნელობის განცხადებებია, ფაქტიურად ეკლესიისგან მოკვეთეს ეს ხალხი (აბა ევქარისტიულ ცხოვრებაში არ აღებინებენ მონაწილეობას). და მგონი იმაზეც არ დამიწყებ კამათს, საქართველოშიც რომ არიან მაღალი თანამდებობის მქონე პირები, რომლების აზრები მართლმადიდებლობისგან ან თუგინდ უბრალო ზნეობისგან (ვთქვათ აბორტების, პროსტიტუციის, ჰომოსექსუალიზმის ან ნარკოტიკების საკითხში) ძალზედ შორსაა.