პირჯვრის გადაწერის მიმართულება, თქვენ როგორ იცით? პარამეტრები

[კანონისტი]

ცნობილია, რომ პირჯვარს სხვადასხვა ქრისტიანული კონფესიების წარმომადგენლები სხვადასხვა მიმართულებით იწერენ

ამ საკითხზე ერთადერთი განმარტება, რაც გამიგია, არის თბილისის სურბ გევორქის ეკლესიის მოძღვრის მამა აბგარის მოსაზრება, რომელმაც ეს შემდეგნაირად ახსნა:

ძველი წარმოდგენით, ადამიანის სული მდებარეობდა გულში, ამიტომ წმინდა სამების მოხსენიების დროს სიტყვა "სული" უნდა ეთქვათ ხელის გულზე, ანუ მარცხნივ დადების დროს. გათვალისწინებით იმისა, რომ ზოგ ენაში მსაზღვრელი წინ უსწრებს საზღვრულს და ზოგში პირიქით, და შესაბამისად ზოგ ენაზე ითქმის წმიდა სული და ზოგზე სული წმიდა, ხელსაც შუბლსა და მუცელზე დადების შემდეგ იდებენ ან ჯერ მარცხნივ, ან მარჯვნივ

მაგალითად,

ბერძნულად:
Doxa Patri ke Yio ke Agio Pneumati
ქართულად:
დიდება მამასა და ძესა და წმიდასა სულსა
სლავურად:
Слава Отцу и Сыну и Святому Духу

ანუ ხელს მართლმადიდებლები ვიდებთ ჯერ მარჯვნივ და წარმოვთქვამთ "წმიდასა" და მერე მარცხნივ - და "სულსა"

პირიქითაა ლათინურსა და სომხურში:
Gloria Patri et Filio et Spirito Sancti
ფარგ ჰორ იევ ვორთ იევ ჰოგუ სურფ

ამიტომ, ისინი ხელს ჯერ მარცხნივ იდებენ

თქვენ როგორ იცით?

[KAIROS]

..............................................................

ჯვრის ნიშნის შესახებ

საგნებისა და პიროვნებების კურთხევისას დასავლეთში მარჯვენა ხელით ჯვრის გამოსახვა იყო გავრცელებული, ხოლო აღმოსავლეთში კურთხევა ჯვრით ხდებოდა თავად.

ჯვარის ნიშანი ადამიანს გარდაცვლებების დროსაც მიყვებოდა, სავსეა პირველი საუკუნეების საფლავები + ან X სიმბოლოებით, ამ ნიშნებით აღინიშნებოდა ქრისტიანთა განსასვენებელნი
პირჯვარის გამოსახვა არის ერთერთი დამახასიათებელი ნიშნანი ყველა დიდი ტრაციების ქრისტიანული მიმდევრებისათვის.

ერთერთი უძველესი სისტემა პირჯვრის წერისა არის ტერტულიანეს ცნობა პირჯვრის წერა სადაც ცერით შუბლის "გადაქლიკვაზე" წერს, უძველესია ასევე ICXC შინაარსის გადმომცემ მაკურთხეველი ხელის სიმბოლოც, ჩვენებური პირჯვრის წერსაც არა აქვს მცირე ისტორია... აი დასავლეთში, ტრენტოს კრების დროს 1545 წელს პაპმა პიუს V მარჯვენა მარცხენათი შეცვალა ( მაკურთხეველ ხელს ცვლილება არ განუცდია)


ძველად ჯვარს უკავშირებდნენ ასევე ასო "ტაუს" (ებრაულს) , რომელიც თავის მხრივ ძველი ებრაულის ბოლო ასოა და დატვირთვაც ისეთივე აქვს როგორც ბერძნულ "ომეგას" ან ქართულ "ჰოეს", პირჯვარს ასევე ეზეკიელს უკავშირებენ, იგი ამბობს: " და თქუა უფალმან მისდამი: განვლე საშუალ ქალაქი შორის იერუსალჱმისა: და მისცენ სასწაულნი შუბლებსა ზედა კაცთასა, რომელნი სულთითქმენ და რომელთა ელმის ყოველთა ზედა უსჯულოებათა, ქმნილთა მის შორის! " (ეზეკ. 9; 4)

პირველი ჯვრის გამოსახვის ცნობები მეორე საუკუნის გნოსტიკურ აპოკრიფულ წიგნებში გვხვდება, ესენია : " საქმე იოანესი"; " საქმე თომას", "საქმე პეტრესი", როგორც ვთქვით ტერტულიანეც წერდა ამაზე, თავისთავად იგი საუბრობდა ჯვრის გამოსახვის ტრადიციაზე, ასევე ლიტურგიკული მსახურების იქით;
იგი წერდა :" ვემზადებით რა სამგზავროდ, გავდივართ ან შემოვდივართ, ვიმოსებით, ვიბანთ თუ ვჭამთ, საწოლში დაწოლისას თუ უბრალოდ დაჯდომისას, ამ და სხვა ყველა ქმედებისას, შუბლზევისახავთ ( ვიქლიკავთ ) ჯვრის სიმბოლოს" (TERTULLIANO, De corona, III, (PL II, 80A))

ამ ძველი ტექსტების მიხედვით ჯვარს ადამიანი იწერდა შუბლზე ან ცერით ან საჩვენებელი თითით T ან X ფორმის გამოსახვით.

ცერის გამოსახვით იკურთხებოდა ასევე მანძილით დაშორებული საგნები თუ ადგილები,სადღაც IV-V სს.ში; არის გადმოცემები სამჯერადი ჯვარის გამოსახვის შესახებ ( სამ-სამჯერ გულზე, შუბლზე და ბაგეზე), ავადმყოფებს კი მტკივან ადგილას გამოსახავდნენ ჯვარს,

მონასტრულ გარემოში სადღაც X ს.ში, შემოღებულ იქნა დიდი კურთხევის ჯვარის გამოსახვა, დალოცვის ასეთი სისტემა არალიტურგიკული გამოყენებისას არსებობდა ჯერ კიდევ V ს.ში, საუბარია მართლმადიდებლურ პირჯვრის წერაზე,

..................................................................

საინტერესო თემაა, დავძებნი მერე კიდევ რამეს,

დღეს საკმარისია,

იხარეთ,

კაიროსი!

უკაცრავად კაიროსუნა, (აშკარად ვაოფებ), მაგრამ მე მგონი თანმიმდევრობა სწორი არ არის, ასე არ უნდა იყოს? ,,მამული, ენა სარწმუნოება,,

მაგაზე ბევრჯერ მომწერეს ნინოს სიცოცხლე, მთლად არასწორია მეთქი, რომ ვთქვათ ტყუილია, როგორც ვიცი, არის ერთი ხელნაწერი სადაც ასეა განლაგებული ილიას ფორმულა, მერე კი მე ასე უფრო სწორედ ვხედავ ღირებულებათა კიბეს ( კიბეა ისიც მარცვლებითი აღმასვლითაც) , სხვა სიმბოლოებიც არის შიგნით ( კანუდოსელმა ხომ იპოვა ), მოკლედ უფრორე ღირებულებათა სისტემის ზრდადობის გამო ვარჩიე ეს სისტემა მე, პირველ ციტატაში საქართველოს გზას ვხედავ, მეორეში (ბერძნულად რომაა) ქრისტიანი ადამიანის გზას-სიყვარულის გზას, მესამეში (ლათინურად) კი ზოგადად ადამიანის მუდმივ მაფხიზლებელ კითხვას: " სად მიდიხარ" ანუ "ვიდრე ჰხვალ"...
სულ ესაა,

იხარე!