ქრისტეს მოძღვრება და ახალგაზრდობა, დააფიქსირეთ თქვენი აზრი პარამეტრები

[ნათია]

საქართველოში ახალგაზრდების უმეტესი ნაწილისთვის უცხო არაა უფლისადმი ლოცვა და წმიდა საიდუმლო ზიარება. ქართველი მრევლი მართლაც, რომ შესამჩნევად გაახალგაზრდავდა ბოლო წლების განმავლობაში. ეს ფაქტი პოზიტიური მოვლენაა არა მარტო ქართული ეკლესიისთვის, არამედ, მთელი ქრისტიანული სამყაროსთვის. მაგრამ საკითხავია, რამ მიიყვანა ქართველი ახალგაზრდა ეკლესიასთან ასე ახლოს? ზოგიერთმა, შეიძლება, გააცნობიერა ამქვეყნიური ამაოება და ცდილობს უფლის სახლში მიეახლოს იმ ზეციურ სიწმიდეს, რომელიც ყოველდღიურ რეალურ ცხოვრებაში ხელმიუწვდომელია... ბევრი პირადი პრობლემების გადაწყვეტას ღვთის სახლში ეძიებს. რაოდენ სამწუხაროც არ უნდა იყოს, ზოგიერთი მოდას აჰყვა და ფიქრობს, რომ ეკლესიაში ხშირი სიარულითა და წირვა-ლოცვის მოსმენით შეუძლია უზენაეს მიუახლოვდეს, ისე რომ ქრისტეს მცნებები თავის რეალურ ცხოვრებაში არც კი განახორციელოს.

P.S. თქვენ როგორ მიხვედით ეკლესიამდე?

რამ განაპირობა ზოგადად ქართველი ხალხის და განსაკუთრებით ახალგაზრდების ეკლესიასთან დაახლოება ამ ბოლო წლებში?

უფროსი თაობა ხშირად საყვედურობს ახალგაზრდებს აგრესიულ ქცევებზე ... თქვენი აზრით, ახალგაზრდობა განიცდის უსიყვარულობას, სულიერ შიმშილს?

[italieli-dato]

შენს კითხვას შენივე პოსტი პასუხობს.

რამ განაპირობა ზოგადად ქართველი ხალხის და განსაკუთრებით ახალგაზრდების ეკლესიასთან დაახლოება ამ ბოლო წლებში?

რაოდენ სამწუხაროც არ უნდა იყოს, ზოგიერთი მოდას აჰყვა და ფიქრობს, რომ ეკლესიაში ხშირი სიარულითა და წირვა-ლოცვის მოსმენით შეუძლია უზენაეს მიუახლოვდეს, ისე რომ ქრისტეს მცნებები თავის რეალურ ცხოვრებაში არც კი განახორციელოს.

უმეტესობა ეკლესიის შენობას დაუახლოვდა. მაგრამ ღმერთს ვერა. მოდად იქცა სამების ტაძარში სიარული. მე სამებაში მლოცველი ახალგაზრდა იშვიათად მინახავს. თითქმის ყველა ახალგაზრდა ლაპარაკობს.

თქვენი აზრით, ახალგაზრდობა განიცდის უსიყვარულობას, სულიერ შიმშილს?

კი განიცდის. იმიტომ რომ იშვიათად იქადაგება ამბიონიდან სიყვარული. ჭეშმარიტი ღმერთის სიყვარულს პატრიარქი ხშირად ქადაგებს, როცა ზოგიერთი მოძღვარი ბოლო ჟამის დადგომას, ფსევდოგადმოცემებს და ფსევდომართლმადიდებლობას ქადაგებს და აშინებს მრევლს ეს არასწორია ჩემი აზრით. ისიც უნდა ითქვას რომ ეს შეშინებული მორწმუნეები სხვებსაც აშინებენ და ასე მიჰყავთ ტაძრამდე. როცა გაივლის შიში მთავრდება ეკლესიაში სიარულიც. ხშირია ასეთი შემთხვევები.

P.S. თქვენ როგორ მიხვედით ეკლესიამდე?

მე ტაძრამდე ბერძნული გალობის მომხრეებმა მიმიყვანეს. გამაფანატეს და კინაღამ პატრიარქს დამაპირისპირეს. მადლობა უფალს გალობის ამბებში არ ავყევი და არ დავუჯერე და დროზე დავშორდი მათ.