როგორ შეაფასებდით სიკვდილით დასჯას II პარამეტრები

[Sotiris]

ვინაიდან ის თემა დროებით დახურულია, არადა აზრის გამოთქმის საშუალება არ მომეცა და არც ისაა ცხადი, ვინ როდის დაშოშმინდება, ამიტომ ხელახლა ვხსნი. იმ დისპუტში მონაწილე ხალხს ვთავაზობ უფრო ფართოდ შეხედოს პრობლემას და არა მარტო სიკვდილის დასჯის კუთხით.

1) მისაღებია თუ არა მართლმადიდებლისათვის სასამართლოს, როგორც სასჯელის გამომტანის, და ციხის, როგორც სასჯელის მოხდის ადგილის არსებობა? ციხეში (განსაკუთრებით ქართულ ციხეში) მოხვედრილი ადამიანი ხომ შეიძლება დაავადდეს და ეს მისი სიკვდილის მიზეზი გახდეს?

2) როგორ უნდა გავიგოთ ის, რომ ადამიანთა მიერ შექმნილი ინსტიტუტი ხდება სხვისი დამსჯელი, მაშინ როდესაც ჩვენი განსჯის უფლება ღმერთს ეკუთვნის? ხომ არ მივიტაცებთ ამით ღმერთის უფლებებს?

3) ხომ არ ვეწინააღმდეგებით სახარების მრავალ ადგილს (ლოყის მიშვერის შესახებ, მახვილის ქარქაშში ჩაგების შესახებ, მოძულეთა და მტერთა კურთხევის შესახებ)? თუ ერთ შემთხვევაში (სიკვდილით დასჯის) წმიდა წერილს ვიხმობთ, რატომ არ ვაკეთებთ ამას სხვა შემთხვევაშიც?

4) რატომ არის სამართალდამცავი ორგანოების (პოლიციის და ა.შ.) არსებობა გამართლებული მართლმადიდებლური თვალსაზრისით?

აი ამ და ამ ტიპის სხვა კითხვებზე მაინტერესებს პასუხი, განსაკუთრებით მათგან, ვინც სიკვდილით დასჯის მოწინააღმდეგეა. ამ ეტაპზე მეჩვენება, რომ თუ მათ სურთ თანმიმდევრულები იყვნენ, სხვა ბევრი რამის წინააღმდეგიც უნდა იყვნენ (ან ყოველ შემთხვევაში მათ, ე.ი. პოლიციას, სასამართლოს და ა.შ არ უნდა იყენებდნენ). ხოლო თუ ამაზე უარს არიან, მაშინ ხომ არ გვაქვს მართლმადიდებლური სწავლების ფსევდომორფოზასთან საქმე, ე.ი. ხომ არ ენაცვლება მართლმადიდებლურ სწავლებას სხვა რამ (ჰუმანიზმი?)? და რა არის ამ შემთხვევაში მართლმადიდებლური სწავლება?

მგონი პოლემიკურად არ დამიწერია, რა ვიცი.

პ.ს. დარწმუნებული არ ვარ ეს კითხვები უკვე არ დასვა ვინმემ, მაგრამ 34 გვერდის წაკითხვა ნამდვილად არ შემიძლია.

[Lenus]

რა ვიცი, ერთის მხრივ იძახი წმიდა გიორგი დიდგორის ბრძოლაში იბრძოდა ქართველების მხარესო, მეორეს მხრივ ეს "არა კაც ჰკლა" აგიფარებია. ცხრა ძმა ხერხეულიძეს წმიდანებად აღიარებ, თუ სინოდის განჩინებას არ ეთანხმები?

შენ ისე მოგდის ან ვხოცოთ სუყველა ან არავინ, ასე არაა. შენც იცი რომ არაა და რატომ გინდა ყველა ცნება ერთად აითქვიფოს?

შაბათის შესახებ მცნებას არ ვიცნობთ მართლმადიდებლები

საკითხს თავს არიდებ.

ეკლესიის პრაქტიკა სხვა რამეს გვეუბნება

ვერ ვხვდები ბოდიში, რისი თქმა გინდა ამით.

იმით, რომ თუ გსურს იყო სრული, როგორც ჩვენი ზეციური მამაა სრული, მაშინ ლოყა უნდა შეუშვირო სხვას

ეს საიდან ასეთი დასკვნა? ანუ, ლოყის შეშვერას რას ეძახი? მტერი რომ შემოგივარდება, ხმა არ უნდა გასცე? მე უკვე დავწერე, რასაც ვფიქრობ მაგ ნათავამზე.

ცხადია, ღმერთმა თუ არ დაუშვა, არ მოკვდები (მგონი გვწამს, რომ ღმერთი ყოვლისშემძლეა).

და რა უპასუხა ქრისტემ იგივე შეკითხვაზე ეშმაკს?

მაგრამ საერთოდ შენი პასუხი არაფერ შუაში იყო ჩემს კითხვასთან. მე ვამბობ, რომ თუ სიკვდილით დასჯას უარყოფ, რატომ არ უარყოფ საერთოდ ვინმეს დასჯას? რატომ მიმართავ მაინც პოლიციას, სასამართლოს და ა.შ.? საიდან გაქვს ვინმეს დასჯის უფლება? იყავი შენთვის და ეგ ამბები "წარმართებმა" და "უღმერთოებმა" აკეთონ. თან სახარებისეულ იდეალთანაც ახლოს იქნები.

რა არის იცი? შენ ცდილობ ამ თემის შავ თეთრ ფერებში განხილვას. არაა ასეთი თემა. არ შეიძლება ან სუყველა ვხოცოთ, ან არავინ. შაბათის მცნების განმარტებაც ამიტომ მიიღეს იუდეველებმა. ეს ქვეყანა წარმართების და უღმერთოებისთვისაა მარტო შექმნილი?

ჰოდა ეგ საერო სამართალი რა არის? ღმრთაებრივი წარმომავლობისაა? რატომ უნდა დაიცვას იგი ხალხმა? სად წერია ახალ აღთქმაში (ნუ რახან ძველი გვერდზე გადადე) ქურდი უნდა დაიჭირო და ციხეში ჩააყუდოო? ცოდვას უწოდებს ცოდვას, მაგრამ სადაა იქ რამე ნათქვამი საერო სამართლით უნდა დასაჯო აუცილებლად ყველაო? თუ მართლმადიდებლური სწავლება ჟეგლოვის დაწერილი ჰგონია ზოგიერთს, вор должен сидеть в тюрьме-ო? და თუ ქურდობისთვის ციხეში ჩასმა არის შესაძლებელი, სიკვდილით დასჯა რატომ არის დაუშვებელი ვთქვათ განზრახ მკვლელობისთვის საერო სამართლის თვალსაზრისით?

რა შუაშია ჟეგლოვი? ციხეში ჩასმას მოპარვისთვის და სიცოცხლის გამოსალმებას ნებისმიერი მიზეზის გამო ნუ ვადარებთ ერთმანეთს. სიცოცხლის ხელყოფა სხვაა და უბრალო დასჯა სხვაა.

ან ყველაფერი ან არაფერი - ეს ის პრინციპი არაა, რომელიც ამ თემაზე მსჯელობისას გამოგადგება კაცს.

სტალინის შენეულ აპოლოგიას მაშინ რა ვუყოთ

ეგ "ომში" გადიოდა

[Sotiris]

ვატყობ ამ თემაში არაფერი შეიცვლება.

[quote name='Lenus' date='Jul 6 2007, 09:37 PM' post='126608']
შენ ისე მოგდის ან ვხოცოთ სუყველა ან არავინ, ასე არაა. შენც იცი რომ არაა და რატომ გინდა ყველა ცნება ერთად აითქვიფოს?
[/quote]

შენ ამბობ სიკვდილით დასჯა დაუშვებელია და ამისთვის მეექვსე მცნებას იშველიებ. მე გეკითხები მაშინ რატომ არის ბრძოლაში კაცის მოკვლა დასაშვები. შენ პასუხს არ მცემ და ცნებების ათქვეფაზე გადაგაქვს საუბარი.

[quote]საკითხს თავს არიდებ.[/quote]

შაბათის დამცველი მართლმადიდებელი იპოვე ჯერ. შაბათს კეთილი საქმის კეთება და კაცის კვლა ბრძოლაში ერთია? რაღაც არადამაკმაყოფილებელი მაგალითი მოიყვანე.

[quote]ვერ ვხვდები ბოდიში, რისი თქმა გინდა ამით.[/quote]

იმის, რომ გვერდითა თემაში კანონისტმა რომ კატეხიზმოდან ნაწყვეტი დადო, ის ნახე. იგივეს ამბობს რუსული კატეხიზმო (ქართული რუსულზეა დამოკიდებული):

570. ЧТО ЗАПРЕЩАЕТ ШЕСТАЯ ЗАПОВЕДЬ?
Шестой заповедью запрещается убийство, или лишение жизни ближнего каким бы то ни было образом.

571. ВСЯКОЕ ЛИ УБИЙСТВО ЯВЛЯЕТСЯ ЗАКОНОПРЕСТУПЛЕНИЕМ?
Не всякое лишение жизни есть законопреступление. Не является беззаконным убийством: когда преступника наказывают смертью по правосудию; когда убивают неприятеля на войне за Государя и Отечество.

რუსული კატეხიზმო შედგენილია დიდი რუსი წმიდანის, ფილარეტ მოსკოველის მიერ და დამტკიცებული იყო რუსული სინოდის მიერ.

[quote]ეს საიდან ასეთი დასკვნა? ანუ, ლოყის შეშვერას რას ეძახი?[/quote]

ლოყის შეშვერას ვეძახი წინააღმდეგობის არგაწევას.

[quote]მტერი რომ შემოგივარდება, ხმა არ უნდა გასცე?[/quote]

მტერი რომ შემოგივარდება, მაგის მოკვლას დასაშვებად მიიჩნევ და თუ დამნაშავე შემოგივარდა მოსაკლავად და მოკლა კიდეც ვინმე, მაგის სიკვდილით დასჯას დაუშვებლად. ლოგიკას ვერ ვხედავ.

[quote]და რა უპასუხა ქრისტემ იგივე შეკითხვაზე ეშმაკს?[/quote]

რა უპასუხა მაგას არა აქვს მნიშვნელობა, რადგან შენ სხვა კითხვა დასვი:

ანუ, გადავხტეთ მე-9 სართულიდან, თუ ღმერთს არ უნდა, მაინც არ მოვკვდებით, არა??

მე გიპასუხე, რომ თუ ღმერთის ნება არაა, მე-9 სართულიდან გადახტომით არ მოკვდებით. ისე კი სიმაღლიდან გადმოხტომა რა შუაშია პოლიციისთვის ან სასამართლოსთვის არმიმართვასთან?

[quote]რა არის იცი? შენ ცდილობ ამ თემის შავ თეთრ ფერებში განხილვას. არაა ასეთი თემა. არ შეიძლება ან სუყველა ვხოცოთ, ან არავინ.[/quote]

კარგად წაიკითხე გვერდითა თემა, იქ ზუსტად მასე წერს ხალხი: არავის მოკვლა არ შეიძლებაო. რატომღაც ბრძოლაში მოკვლაზე ყაბულს ხარ და სიკვდილით დასჯის კი წინააღმდეგი (თუ სტალინს არ ეხება საქმე). რა ლოგიკით?

[quote]რა შუაშია ჟეგლოვი?[/quote]

იმ შუაშია, რომ სახარებაში არ წერია ქურდი ციხეში ჩასვითო, ვგონებ.

[quote]ციხეში ჩასმას მოპარვისთვის და სიცოცხლის გამოსალმებას ნებისმიერი მიზეზის გამო ნუ ვადარებთ ერთმანეთს.[/quote]

ნებისმიერი მიზეზი რას ჰქვია?

[quote]სიცოცხლის ხელყოფა სხვაა და უბრალო დასჯა სხვაა. [/quote]

ვინ მოგცა ვინმეს დასჯის უფლება? სად წერია სახარებაში ციხეში ჩასვით ყველა დამნაშავეო?

[quote]ეგ "ომში" გადიოდა[/quote]

აი ეს საიტი ნახე და დააკვირდი იმ სახელებს, ვინც ოცდაათიან და ორმოციან წლებში ივნო (თვეების მიხედვითაა ხსენებები დალაგებული, აგრეთვე ადგილების მიხედვითაც). თან ეს არის ზღვაში წვეთი, კანონიზაციების პროცესი ნელა მიმდინარეობს და სიას კიდევ მრავალი ახალმოწამე შეემატება. ვის წინააღმდეგ იყო ომი?