უკრაინის ეკლესიის ავტოკეფალია, რას ფიქრობთ? პარამეტრები

[კანონისტი]

უკრაინაში როგორც იცით სერიოზული დაპირისპირებაა უკრაინის ავტონომიურ ეკლესიასა (მოსკოვის საპატრიარქო) და უკრაინის ავტოკეფალურ ეკლესიას შორის (კიევის საპატრიარქო)

ავტოკეფალიის მომხრენი ამტკიცებენ, რომ ვინაიდან ანდრია მოციქულმა ქალაქ კიევის ადგილზე დაადგა ფეხი, ვინაიდან კიევო-პეჩორა არის ღვთისმშობლის წილხვედრი მიწა, ვინაიდან რუსთა ნათლობა მოხდა კიევში, კიევი უნდა იყოს საპატრიარქო კათედრა

მეორენი კი ამტკიცებენ, რომ რუსეთის ეკლესია ერთიანია და მისი გაყოფა არ შეიძლება

ამ დავაში "იჭყლიტებიან" მორწმუნე უკრაინელები, რადგან ავტოკეფალური ეკლესია, თავის პატრიარქ-სინოდ-მრევლიანად ანათემას გადასცა მოსკოვის საპატრიარქომ

ეგ კი არა და, გასულ კვირას, მართლმადიდებლობის ზეიმზე, კიდევ ერთხელ წაიკითხეს ანათემა ღვთისმბრძოლთა, რომელთა შორის უპირველესად კიევის ე.წ. პატრიარქი ფილარეტ დენისენკო დაასახელეს

თქვენ რას ფიქრობთ??

[Lenus]

აქ არ არის ჩვენზე და რუსებზე საუბარი, საუბარია კანონიკურ ნორმებზე, რომლის მიხედვითაც ანტიოქიის საპატრიარქო საყდრის მიერ კონსტანტინოპოლის თანხმობით მიღებული ავტოკეფალიის გაუქმების უფლება არ ჰქონდა რუსეთის იმპერატორს, ეს კანონიკურ სამართალში არის ორჯერ ორი. ამას ვერცერთი რუსი ვერ იტყვის რომ მართალი არ არის, თუკი ოდნავ გაეგება ამ საქმის

შენ სტალინის მაგალითზე უპასუხე და სწორედ ჩვენზე და რუსებზე იყო იმ მაგალითით საუბარი. და ვიმეორებ რომ საეკლესიო სამართალით რომ შენია, ეს კიდევ არ ნიშნავს რომ შენად დამკვიდრდება. კანონებში რა წერია იმას არ აქვს მნიშვნელობა (და ისტორიამ დაამტკიცა ეს) არამედ იმას, გცნობს თუ არა სუზერენული ეკლესია ავტოკეფალიურად. საქართველო არავინ სცნო სანამ რუსეთმა არ გამაცხადა ჩვენი ავტოკეფალიის შესახებ. ასეა?

დღეს რომ რუსეთის ეკლესიის მეთაური პატრიარქად იწოდება, რის გამოა? იმის გამო, რომ კიევში იქადაგა ქრისტეს სჯული ანდრია მოციქულმა.

დავით, იგივეს მპასუხობ, რაც დავწერე. ვიცი რომ კიევია, და კიევის საპატრიოარქო ქალაქად გამოცხადება სერიოზული დარტყმა იქნება პოლიტიკური (!) რუსეთისთვის.

და თუ უკრაინამ მიაღწია ავტოკეფალიას რუსეთის მოციქულად ვინ ჩაითვლება თქო, იმას ვკითხულობ. არავინ, და შესაბამისად პატრიარქიც აღარ ეყოლებათ. ასე, რომ ეს საკითხი უბრალოდ ორ ეკლესიას შორის დავა კიარაა, სამკვდრო-სასიცოცხლო ბრძოლაა რუსეთის ეკლესიის არსებობისათვის.

საკითხი უფრო პოლიტიკურია ვიდრე შეუიარაღებელი თვალით ჩანს. მოსკოვში მიტროპოლიტი რომც იყოს, ეს რუსეთის სტატუსს დაააკნინებს თუ არა? უდავოდ დააკნინებს, და ამას ვოვკა არ დაუშვებს ცოცხალი თავით.