რა არის სული პარამეტრები

[მხევალი ნინო]

უფალმა პირველ ადამიანს სული ჩაბერა, ალბათ ასე წარმოიშვა სული, მაგრამ მათ შთამომავალს ვინ ან საიდან აძლევს სულს.

[გიორგი]

southruislip

ყველა დღევანდელი ქრისტიანული მიმდინარეობას თავის თავი მართალი ჰგონია და ამბობს რომ მარტო მათი მიმდევრები მოხვდებიან სამოთხეში და სხვებს სამუდამო ჯოჯოხეთით ემუქრებიან.

ჯერ დავიწყოთ იმით, რომ ეს ასე არაა. შენ თუ სიტყვა "მართლმადიდებლობა" გაბნევს მაშინ განგიმარტავ რომ მას ევროპულ ენებში მოიხსენიებან, როგორც "ორთოდოქსალურ" ქრისტეანობას, რაც ნიშნავს პირდაპირს, სწორი კუთხით მომავალს. მართლმადიდებლური ქრისტეანობა არის სწორედ ის სწავლება, რომელიც ყველა სხვა ქრისტეანულ მიმდინარეობას ჰქონდა 1054 წლამდე. (სინამდვილეში ეკლესია კი არ დაიყო, არამედ გამოეყო მართლმადიდებლობას კათოლიციზმი და შემდეგ გაჩნდა პროტესტანტობა). ეს არის ისტორიული ფაქტი, ამიტომ სხვა ქრისტეანული დენომინაციები იმის ცალსახად თქმას ვერ ბედავენ, რომ თქვენი რელიგია არასწორია და ჯოჯოხეთი გელოდებათაო, რადგან კარგად ჩანს რომ ქრისტეანობა სრული სისავსით მხოლოდ მის უძველეს (დროში მაცხოვარ იესო ქრისტესთან ახლოს) მიმდინარეობაშია გადმოცემული. მათი არგუმენტები ჩვენს მიმართ ასეთია: "ამდენი საჭირო არ არის", "ზედმეტია", "სხვანაირადაც შეიძლება ცხონება" და ა.შ. რაც შეეხება მართლმადიდებლების დამოკიდებულებას მათ მიმართ ჩვენ ვამბობთ, რომ იმათი სარწმუნოება მაცხონებელი არ არის, რადგან ძალიან ბევრი რაიმე გადაკეთებულია და ქრისტეს სჯულის ერთგვარი დეფორმაციაა, რაც მათ აშორებს ჭეშმარიტ ქრისტეანულ ცხოვრებას.

მაშ რაქნან ადამიანებმა
რომლებიც ვთქვატ კომუნისტების დროს ცხოვრობდნენ არ დადიოდნენ მართლმადიდებელ ეკლესიაში.

ყველა ადამიანი განისჯება იმის გათვალისწინებით თუ რა გააკეთა მან იქიდან რაც შეიძლებოდა სცოდნოდა. ყოველი ადამიანი განუმეორებლად ინდივიდუალური ცხოვრებით ცხოვრობს, იგივე კომუნისტების დროსაც იყო ადამიანების მცირე კატეგორია ეკლესიური, ზოგს ეშინოდა წასვლა, ზოგმა არც იცოდა რომ უნდა წასულიყო და ა.შ. ამას თუ შენ ხედავ, განა ღმერთი ვერ ხედავს?! ხედავს თან შენზე უფრო კარგად. ნიუანსები იცის ვის რა შეეძლო, რას ეცადა და რა გააკეთა. ფიქრების დონეზე იცის ეს ყველაფერი და თუ ვინმე ცუდ ეპოქაში თუ არა მართლმადიდებლურ ქვეყანაში დაიბადა შენზე უკეთესად მიხვდება მის მდგომარეობას და შესაძლოა მისი ცხონებაც დაუშვას, ბოლოსდაბოლოს სხვას თუ არფერს ცნობ პირდაპირ სახარებიდან მაინც გეცოდინება, რომ სამოთხეში პირველი ავაზაკი შევიდა და ამით ჩემი აზრით ყველაფერია ნათქვამი, ღმერთმა ზედმიწევნით იცის ვინ როგორ განსაჯოს. გარდა ამისა უნდა გაითვალისწინო ისიც რომ თუ ადამიანი ძალიან დაინტერესებულია ჭეშმარიტების ძიებით ის ყოველთვის მოიძევს შესაბამის ლიტერატურას, ეროვნება და ქვეყანა არაფერ შუაშია არაა, მაგალითად ამერიკის შეერთებულ შტატებში უფრო ბევრი მართლმადიდებელია ვიდრე საქართველოში და ამითაც ბევრი რამეა ნათქვამი. მე ვიცნობ ამერიკელ მართლმადიდებლებს მაშინ როცა საქართველოში უამრავი ხალხი არამც თუ მართლმადიდებელი და ეკლესიური არამედ მონათლულიც არ არის, ასე რომ ჭეშმარიტებამდე მისვლა ყველგან შეიძლება და თუ ეს შეუძლებელი იყო რომელიმე კონკრეტული პიროვნებისთვის ეს ღმერთმა შენზე გაცილებით უკეთ იცის.

მე პირადად არ მწამს სამუდამო ჯოჯოხეთისა და არც მათი ვისაც სამუდამო ჯოჯოხეთისა სწამს

ეს პირდაპირ სახარებაში წერია, მაცხოვარი მიმართავს შეკრებილთ რომ გელოდებათ "ცეცხლის გეენიაო" და სჯულის კანონების თუ არ გწამს ეგ ხომ პირდაპირ წერია სახარებაში?! ამას ხომ აღიარებს ყველა ქრისტეანული მიმდინარეობა?! და არა მარტო ქრისტეანული . . .

შენ ხარ ადამიანი და შენს შვილს სამუდამო ჯოჯოხეთს არ უსურვებ და ღმერთმა რომელიც შენზე ძალიან დიდია როგორ შეიძლება თავის შვილები სამუდამო ჯოჯოხეთისთვის გაიმეტოს.

რატომ ეჭიდები ურთულეს პრობლემებს? სამოთხე და ჯოჯოხეთი არის არა ადამიანის სასჯელი არამედ მისი სულის ლოგიკური და ოპტიმალური მდგომარეობა. ადამიანი, რომლის სულიც სერიოზულად არის დაშორებული ღმერთს სამოთხეში ბევრად უფრო დაიტანჯება ვიდრე ჯოჯოხეთში. არის ასეთი გამონათქვამი: "მძიმე ცოდვილისათვის ჯოჯოხეთში მოხვედრა ღმერთის უკანასკნელი წყალობააო". შენ ძალიან მატერიალური სასჯელივით უყურებ იმქვეყნიურ მისაგებელს მაშინ როდესაც ეს არის არა სასჯელი არამედ "სულიერი დისტანცია ღმერთთან".

სხვთა შორის მუსულმანურ რელიგიაშიც არის ასეთი მიმდინარეობა რომელიც რეინკარნაციას ცნობს.

ისლამი არ ცნობს რეინკარნაციას, არც ერთი მისი ძირითადი მიმდინარეობა და ვიღაცამ თუ ამ დღეებში ჩამოაყალიბა ეგეთი რაიმე არ ვიცი . . . ეგრე შენც თუ გაიჩინე მიმდევრები რეინკარნაციული ქრისტეანობის შექმნის მომსწრენიც გავხდებით.

რეინკარნაციით ადამიანს მრავალჯერ ეძლევა სამოთხეში მოხვედრის შანსი, ანუ იგი მრავალჯერ იბადება და როცა მიაღწევს ამ მდგომარეობას აღარ დაიბადება ამ ქვეყანაზე. და მართლმადიდებლობისაგან სამუდამო ჯოჯოხეთში განწირული ადამიანებისთვის ყოვეთვის არსებობს შანსი გადარჩენისა. მე ღმერთი ასე უფრო წარმომიდგენია.
და თქვენ რა იცით რომ იესო ქრისტე ამის წინააღმდეგია.
იესო ქრიტეს ბევრი რამე არც ალაპარაკეს, მან ცოტა თქვა და ის არ დაუჯერეს და ამ ცოტას გულისთვის სიკვდილით დასაჯეს და რეინკარნაციაზე, რომ დაეწყო ლაპარაკი , თუ წარმოგიდგენიათ იმ დროის ადამიანის მდგომარეობა, (რომელსაც დედამიწა ბრტყელი ეგონა) ის ადამიანები საერთოდ ვერ მიიღებდნენ ასეთ რაღაცას,( მაშინ არ იყო დამოკრატია)

მცდარად წარმოგიდგენია. ჯოჯოხეთი რაღაც ფორმით აუცილებლად არსებობს, მასში მოხვედრის შესახებ ზემოთ დაგიწერე. საერთოდ რეინკარნაცია ყოვლად წარმოუდგენელია ქრისტეანობისთვის, არც სახარებაში, არც სამოციქულოებში, არც წმინდა მამაათა კომენტარებში ამის შესახებ მინიშნებით ლაპარაკიც არაა, არამედ საუბარია მხოლოდ სულის მდგომარეობაზე სიკვდილის შემდეგ. მაცხოვარმა ყველაფერი თქვა რაც საჭირო იყო, იგი სიკვდილით დასაჯეს, მაგრამ განა მან არ იცოდა რომ ასე მოხდებოდა?! მან თავისი მისიის შესრულება უნაკლოდ შეძლო. წარმოუდგენელია იმაზე ლაპარაკი, რომ ღმერთმა რაღაცის თქმა ვერ მოასწრო და მითუმეტეს შენ ვერანაირად ვერ გეცოდინება ეს. გარდა ამისა ძალიან ცუდად შეადარე რეინკარნაციის და დედამიწის სიბრტყე/სიმრგვალის საკითხი ერთმანეთს. დედამიწის სიმრგვალეს მაშინდელი ადამიანი ვერ ხვდებოდა დაბალი დონის ასტრონომიული ცოდნის გამო, მაგრამ რეინკარნაციის იდეას ეს ხელს არ შეუშლიდა სხვამხრივ რომ ჭეშმარიტი ყოფილიყო. არც ბუდისტებმა იცოდნენ დედამიწის ფორმისა და ზომის შესახებ რაიმე, მაგრამ რეინკარნაცია დაიჯერეს და ჰქონდათ ასეთი სწავლება უძველესი დროიდან და იესო ქრისტე, რატომ ვერ იტყოდა საჭირო, რომ ყოფილიყო?!

თუ იესო ქრისტეს მოსწავლე იუდას შეეშალა, რატომ არ შეიძლება სხვებსაც შეეშალოთ რამე.

შეიძლებოდა შეშლოდათ, მაგრამ შენ მაგას ვერ მიხვდები და თანაც შეცდომა დიამეტრალურად არ შეცვლიდა ქრისტეანობის კურსს და თუ ეს მოხდებოდა, როგორც იუდა აღარ ითვლება ქრისტეანად არც შესაბამისი მოციქული ჩაითვლებოდა. ასევე უნდა იცოდე რომ დაწერილია არა ოთხი, არამედ 70-მდე სახარება, რომლიდანაც მხოლოდ ოთხია ბიბლიაში შეტანილი, მაგრამ არა იმიტომ რომ დანარჩენი დიამეტრალურად განსხვავებულ რაიმეს წერდნენ ან რეინკარნაციას აღიარებდნენ, არამედ უბრალოდ ეს ოთხი იყო ყველაზე ინფორმატიული, განვრცობილი და სრულყოფილი. ქრისტეანობა ძალიან ბევრ რამეს ეყრდნობა, ყველაფერი არც კია კანონიკური, მაგრამ არც ერთი მათგანი შენი მსგავსი იდეოლოგიის გაკვრით მომხსენიებელიც არ არის.

მგონი ასე ჯობია და იესო ქრისტეც ამის წინააღმდეგი ნამდვილად არ იქნება

წარმოუდგენელ რაღაცას ლაპარაკობ, ყველას ცხონების თეორია დიდი ხანია უარყოფილია, გარდა ამისა თუ ადამიანი ხელმეორედ იბადება ეს მან უნდა იცოდეს ბიბლიიდანავე წინააღმრდეგ შემთხვევაში ყოველი ხელახალი დაბადება ძველის მსგავსი იქნება და შეიძლება ადამიანს უსასრულო რაოდენობის რეინკარნაციული გარდასხვა დასჭირდეს. ასეთი რაიმე ქრისტეანობაში არ არსებობს, ბუდიზმში კი ეს ყველაფერი მთვარდება განმღრთოებით, რომელიც ნიშნავს გაქრობას. ცუდია რომ ბუდიზმის საშინელება ბოლომდე არ იცი, რითაც იგი განსხვავდება არა მარტო ქრისტეანული დენომინაციებისგან არამედ ყველა სხვა რელიგიისგან, ბუდიზმის მიხედვით რეინკარნაციის პროცესი დაუსრულებლად გაგრძელდება კასტების ცვლილებით მანამ სანამ ადამიანი "ნირვანას" არ მიაღწევს, რაც ნიშნავს მარადისობასთან შერწყმას, როდესაც ქრება ყველა ტკივილი და ამასთან ერთად ყველა სიხარული, ადამიანი არარაობაში გადადის და თავისუფლდება მიწიერი ტანჯვისგან. ეს არის საშინელი უიმედობის რელიგია, რომელშიც სხვათაშორის ღმერთი არ არსებობს, არის მხოლოდ სულიერი სამყარო რომელიც არარაობიდან მოდის იმისთვის რომ არარაობაში წავიდეს. მე უძველეს ბრიტანულ ნაშრომებს გავეცანი ბუდა გაუტამაზე და თუ გინდა ერთად ვამხილოთ ბუდიზმი, როგორც სასოწარკვეთილი ადამიანის დემონური აზრების ნაბოდვარი. ამას არამც თუ ქრისტეანობასთან არამედ არც ერთ სხვა ევრაზიულ რელიგიასთან საერთო არაფერი აქვს.