რწმენა რომელიც წარმართავს ჩვენს ცხოვრებას პარამეტრები

[ლილიანა]

არქიმანდრიტი იოანე (კრესტიანკინი) წინგში "აღსარების აგების გამოცდილება " ვკითხულობ
"როგორ საშინლიც არ უნდა იყოს ამის აღიარება , მაინც უნდა ვთქვათ, რომ არც ჩვენ გვაქვს ცოცხალი რწმენა , რომელიც გამსჭვალავდა ჩვენს ცნობიერებას და წარმართავდა ჩვენს ცხოვრებას . უფალო , მოგვიტევე შენს საშინელ სამჯავროზე ჩვენ , რომელთაც ეჭვი შეგვაქვს შენს არსებობაში და უკვდავებაში "
როგორ გესმით ცოცხალი რწმენა ?

[Georg]

ბედნიერი ვიქნები თუ ოდესმე ერთხელ მაინც იქნება ნება უფლის და გავხდები ღირსი დამუფლოს ის უფლისმიერი სრული სიყვარული უფლისა რომელზეც მამა ანდრია ( ყურაშვილი ) საუბრობს

უფალი ღმერთი ეუბნება მოსეს: "ვერ შეძლებ ჩემი პირის ხილვას, რადგან ისე ვერ მიხილავს ადამიანი, რომ ცოცხალი დარჩეს". (შდრ. გამოსვლა, 33, 20)


ნეტარი ავგუსტინე, აღსარებანი, წიგნი პირველი, V, 5,6.


5. ვინ მაღიესებს, რომ შენში დავივანო? ვინ მაღირსებს, რომ ჩემს გულში შემოხვიდე და დაათრო იგი, რათა დავივიწყო ჩემი ბოროტება და გულში ჩაგიკრა ჩემი ერთადერთი სიკეთე? რა ხარ შენ ჩემთვის? შემიწყალე და მათქმევინე. ან მე თვითონ რაღა ვარ შენთვის, რომ მიბრძანებ მიყვარდე, და მრისხანებ, თუ შენს ბრძანებას არ ვასრულებ? მრისხანებ და საშინელ უბედურებას მიქადი! განა საშინელი უბედურება არ არის, არ მიყვარდე შენ? ვაიმე ბედკრულს! მითხარი, შენი გულმოწყალებით, რა ხარ შენ ჩემთვის. უთხარი ჩემს სულს: "მე ვარ ხსნა შენი"15. ამის გაგონებისთანავე მოგაშურებ და მოგეახლები. ნუ მარიდებ პირს: მოვკვდები თუ არ მოვკვდები, მაინც მეჩვენე16.

6. ვიწროა ჩემი სულის სახლი, ვერ დაეტევი: მაშ, განავრცე. ინგრევა: შეაკეთე. ვიცი და ვაღიარებ, რამდენი რამაა შიგ, რასაც შეუძლია შეურაცხყოს შენი მზერა, მაგრამ ვინ დაგვის და დაასუფთავებს? ან ვის შევღაღადო, თუ არა შენ: "გამწმინდე ჩემი ფარული უწმინდურებისაგან, უფალო, და დაიფარე მაცთურთაგან მონა შენი"17. მწამს და მიტომაც ვამბობ18: "უფალო, შენ იცი". განა შენს წინაშე არ ვადანაშაულებდი საკუთარ თავს "ჩემი ცოდვების გამო", ღმერთო ჩემო. "და განა შენ არ მიუტევე უკეთურება ჩემს გულს?"19 არა, სამსჯავროდ როდი გიხმობ შენ, ვინც იწოდები ჭეშმარიტებად, და არ მინდა ჩემს თავს ვეცრუო: არა, სამსჯავროდ როდი გიხმობ, რადგანაც "თუ დახედავ უსამართლობას, უფალო, უფალო, ვინღა გაუძლებს გამოცდას?"20.

+++
15. ფსალმ. 34,3.

16. შდრ. გამოსვლა, 33, 20, სადაც უფალი ღმერთი ეუბნება მოსეს: "ვერ შეძლებ ჩემი პირის ხილვას, რადგან ისე ვერ მიხილავს ადამიანი, რომ ცოცხალი დარჩეს".

17. ფსალმ. 18, 13-14.

18. შდრ. ფსალმ. 115,1.

19. ფსალმ. 31,5.

20. შდრ.ფსალმ. 129,3.