 რა არის თავისუფლება?, მეუფე სტეფანე |
სტუმარს სალამი ( შესვლა | დარეგისტრირება )
| მნათე |
 Jul 19 2007, 02:46 PM
პოსტი
#1
|
 Advanced Member  ჯგუფი: Members პოსტები: 17,662 რეგისტრ.: 23-July 06 მდებარ.: Tbilisi წევრი № 4  |
მინდა შემოგთავაზოთ ცაგერისა და ლენტეხის ეპისკოპოსი სტეფანეს, კიდევ ერთი შესანიშნავი სტატია, რომელშიც ყველასთვის გასაგებ ენაზე განმარტებულია სახარებისეული ჭეშმარიტება, მისი სამყაროსეული ჭვრეტის მთავარი კრიტერიუმი - თავისუფლებისათვის გათავისუფლებული მართლმადიდებელი ერის საჭირო მიმართება ამ დიდი ფასეულობის, ღირებულების და ცხოვრების გზის შესახებ  წაიკითხეთ და დაფიქრდით  რა არის თავისუფლება? დღეს მძიმე დრო გვიდგას. ამპარტავნებითა და თავდაჯერებულობით გზააბნეული კაცობრიობა სულ უფრო და უფრო შორდება თავის შემოქმედს. ცოდვა მოდაშია. სიცრუე არსებობის განუყოფელი ნაწილია, ღმერთი მხოლოდ პირადი ინტერესების განხროციელებისთვის სჭირდებათ. ღვთის მცნებები არავის ახსოვს. ზნეობრივი ნორმები შეცვლილია "ადამიანის უფლებების დაცვით" "კომუნიზმის მშენებლობის მორალური კოდექსით" და სხვა ანალოგიური მექანიზმებით, მომრავლდნენ სხვადასხვა სახის "ექსპერტები" "ფსიქოლოგები" "ნათელმხილველები" "მოძღვრები" და "მოძღვრებები" "მკუნალები" "დამცველები" და "აგენტები". დარღვეულია ცნობიერების ორიენტირები. მძვინვარებს სხვადასხვა რელიგიათა კონფესია-დენომინაციათა, სწავლებათა, მოძღვრებათა ფილოსოფიათა ვაკჰანალია. ცნებათა გაყალბება ჩვეულებრივი მოვლენაა. მოშლილია ზღვარი ჭეშმარიტებასა და სიცრუეს შორის, მონობასა და თავისუფლებას შორის, სიკეთესა და ბოროტებას შორის. ცოდვასა და მადლს შორის. ამ ყოველივეს "მაღალი იდეალებით" ამართლებენ, კაცობრიობის განვითარების "მიღწევებად" გვისახავენ, პროგრესისა და ცივილიზაციის მაღალ საფეხურად წარმოგვიჩენენ. რით დავაღწიოთ თავი სიცრუის წამლეკავ ნაკადს? სად ვეძებოთ ანკარა წყარო, რომელიც გვაცოცხლებს და გვათავისუფლებს? სად ჩავისუნთქოთ სუფთა ჰაერი, რომელიც გვაღვიძებს და გვაფხიზლებს. პირველ რიგში უნდა გავერკვეთ -სად ვიმყოფებით, რას ვაკეთებთ, რისი გვჯერა, რა გვწამს. ყოველივეს მივუჩინოთ თავისი ადგილი, დავარქვათ ყვეკაფერს თავისი სახელი. ეს თვითგამორკვევა კვლავ ილუზორული და ყალბი ღირებულებების საფუძველზე რომ არ მოხდეს საჭიროა მყარი და უტყუარი ორიენტირები. აუცილებლად უნდა გავერკვათ, - რა არის თავისუფლება და რა არის მონობა, რა არის სიყვარული, რა არის ჭეშმარიტება, რა არის სიცრუე, რა არის სიკეთე, რა არის ბოროტება და ა.შ თუ ამ ფუნდამენტალურ ცნებებში არ გავერკვიეთ, ყოველთვის გზააბნეული ვიქნებით და სიბნელეში მყოფნი ავიკლებთ არემარეს სიბნელის "სინათლისკენ" მოწოდებით. ჩვენ უნდა გვახსოვდეს ერთი რამ, რომ ყოველგვარი ჭეშმარიტი ცოდნის სათავე - ღმერთია. ადამიანის გონება შეზღუდულია სივრცით, დროით და საკუთარი შესაძლებლობებით, მაშინ, როდესაც ღმერთს არავითარი საზღვარი არ აქვს. მისი უკიდეგანო გონი ყოველივეს ხედავს და ყველაფერს განჭვრეტს, მისთვის არავითარი ცოდნა არაა დამალული. ღმერთი გვიცხადებს ჩვენ ჭეშმარიტ ცოდნას იმ ფარგლებში, რა ფარგლებშიც შეგვიძლია დავიტიოთ იგი ჩვენს გონებაში. ერთი რამეც უნდა აღინიშნოს - უფალმა ადამიანებს გონების მინიჭებით აზროვნებისა და მსჯელობის განუსაზღვრელითავისუფლება მიანიჭა. ადამიანს შეუძლია მრავალ სისულელეზე იფიქროს, თავისი ფანტაზიით ილუზიური "სამყაროები" შექმნას. მას ისიც კი შეუძლია რომ ღმერთი უარყოს. ადამიანს შეუძლია დაარღვიოს ღვთის მცნებები, ებრძოლოს კიდეც მათ. ადამიანს შეუძლია ცრუღმერთები ღმერთებად გამოაცხადოს, თაყვანი-სცეს-ქვას, მზეს, მთვარეს, ცეცხლს, თავის თავს, დემონებს, ანტიქრისტეს და ა.შ მაგრამ წმ. მოციქული პავლე გვასწავლის: "ყველაფერი შესაძლებელია ჩვენთვის, მაგრამ ყველაფერი სასარგებლო არ არის" და მაინც რა არის თავისუფლება? ღვთის მადლით ადამიანებს მოგვეცა თავისუფლების განმარტება. იგი თვით იესო ქრისტემ გაგვიხსნა ებრაელებთან საუბარში. მან ბრძანა: "შეიცანით ჭეშმარიტება და ჭეშმარიტება განგანთავისუფლებთ თქვენ!" ებრაელებმა უპასუხეს: "ჩვენ მონები არასდროს ვყოფილვართ, რატომ გვეუბნები, რომ უნდა გავთავისუფლდეთ?" უფალმა მიუგო: "თქვენ ხართ მონები ცოდვებისა და თუ გსურთ თავისუფლება, უნდა დააღწიოთ თავი ცოდვას". მაშ, რა არის თავისუფლება? თავისუფლება არის ჭეშმარიტების შემეცნებით ცოდვის მონობისგან თავის დაღწევა. რა არის ჭეშმარიტება? უფალი ბრძანებს: "მე ვარ გზა და ჭეშმარიტება და სიცოცხლე" (იოანე 14,6). ე.ი ჭეშმარიტება არის თვითონ უფალი ღმერთი ჩვენი იესო ქრისტე. უფალი ბრძანებს: თუ გიყვარვართ, დაიცავით ჩემი მცნებები და ვთოვ მამას და მოგივლენთ ნუგეშისმცემელს, რათა იყოს თქვენთან უკუნისამდე. ჭეშმარიტების სულს, რომლის მიღებაც არ შეუძლია ქვეყანას, რადგან ვერ ხედავს და ვერ იცნობს მას, ხოლო თქვენ იცნობთ ვინაიდან თქვენთანაა და თქვენში იქნება, არ დაგტოვებთ ობლად, მოვალ თქვენთან, ვისაც მე ვუყვარვარ, დაიცავს ჩემს სიტყვებს" მაშ, რას აკეთებენ ეს ე.წ "თავისუფლების" ინსტიტუტები, "თავისუფლების სიყვარულის" მქადაგებლები, აზროვნების "თავისუფლების", ცრუსარწმუნოებათა და წრურწმენათა დამცველები? ნუთუ მართლა თავისუფლებისთვის იბრძბიან, ცოდვის "ლეგალიზაციის" მეშვეობით? ცოდვის მონობის პროპაგანდით? ზნეობრივ ნორმებად უზნეობის დამკვიდრებით? გარყვნილების "სიყვარულად" გასაღებით? "სიყვარულის" დღეებითა და "ვალენტინობებით"? ცრურწმენათა და დესტრუქციული სექტების ადვოკატობით? "რომ არ მოვსულიყავი და არ მეთქვა მათთვის, არ ექნებოდა ცოდვა, ახლა კი არ აქვთ მიტევება თავიანთი ცოდვებისათვის (იოანე 15,22) - ამბობს უფალი. წმ. პეტრე მოციქული გვაფრთხილებს: "თქვენ გეყოლებათ ცრუმოძღვარნი, რომელნიც შემოიღებენ წარსაწყმედელ მწვალებლობას, უარყოფენ მათ გამომსყიდველ უფალს და თვითონვე დაიტეხენ მსწრაფლ წარწყმედას თავზე. მრავალნი გაჰყვებიან მათ ხრწნილებას, მათი წყალობით დაიგმობა ჭეშმარიტების გზა და ანგარების გამო ცრუ სიტყვებით მოგისყიდიან თქვენ. მაგრამ არ დაახანებს მათი სასჯელი და არ სძინავს წარწყმედას მათსას. რადგან თუ ღმერთმა არ დაინდო შემცოდე ანგელოზები, არამედ ბნელეთის ბორკილებით შეკრა და ჯოჯოხეთში ჩაყარა ისინი განკითხვამდე დასამარხავად; და თუ არ დაინდო ძველი ქვეყანა, არამედ დაიხსნა ნოე, სიმართლის ქადაგი, რვა სულთან ერთად, როცა წარღვნა მოუვლინა უკუღმართ ქვეყანას; და თუ გასწირა სოდომისა და გომორის ქალაქებად, ფერფლად აქცია და მომავალ უღმერთოთა ნიმუშად დადო ისინი, ხოლო მართალი ლოტი, უკეთუთა უგვანო ქცევით გაწამებული იხსნა (ვინაიდან მათ შორის მცხოვრები ეს მართალი ყოველდღე იტანჯებოდა თავისი მართალი სულით როცა ხედავდა და ისმენდა მათ ბილწ საქმეებს), - მაშასადამე იცის უფალმა, როგორ დაიხსნას ღვთისმოსავნი ცთუნებისგან, ხოლო უკეთურნი განკითხვის დღისთვის შემოინახოს განსასჯელად, უპირატესად კი ისინი, რომელნიც მისდევენ, ბილწ, ხორციელ ვნებებს, შეურაცხყოფენ უფლებას, თავხედნი არიან, კადნიერნი და დიდებათა უშიშრად მგმობელნი. ისინი როგორც პირუტყვნი უგნურნი, ბუნებრივ მიდრეკილებებს აყოლილნი, გასაწყვეტად და დასახრწნელად შობილნი, ჰგმობენ იმას, რაც არ ესმით და თავიანთი ხრწნილებით გაიხრწნებიან, და მიიღებენ თავიანთი უსამართლობის საზღაურს, რაკი განცხრომად დაუსახავთ სიამე დღისა; შესვრილნი და შებილწულნი სიცრუით ტკბებიან, როცა ილხენენ თქვენთან ერთად. მათი თვალები სავსენი არიან სიმრუშითა და დაუცხრომელი ცოდვით აცდუნებენ სულთა დაუმტკიცებელთა, ხოლო გულები გაწვრთნილი ანგარებით, შვილებს წყევლისას. წრფელი გზა დაუტევეს, შეცდნენ და შეუდგნენ ბალაამის ბოსორის ძმის კვალს, რომელმაც შეიყვარა უსამართლობის საზღაური, მაგრამ თავისი ურკულოების მამხილებლად ექმნა უტყვი სახედარი, რომელიც კაცის ხმით ამეტყველდა და ალაგმა "წინასწარმეტყველების" სიშლეგე. ვინაიდან გაფუყული ფუწსიტყვაობით ხორციელ გულისთქმათა სიბილწე იტყუებენ იმათ, ვინც ოდნავ ჩამორჩნენ სიცრუეში დანთქმულთ. თავისუფლებას აღუთქვამენ მათ, თვითონ მონები ხრწნილებისა, ვინაიდან ვინც რისგან არის ძლეური მისივე მონაა. რადგან თუ უფლისა და მაცხოვრის ჩვენის იესო ქრისტეს შემეცნების წყალობით, ამქვეყნიური ბილწებისგან გარინდებულნი კვლავ იმავე ბილწებით ისვრიან და იძლევიან, მათთვის ეს უკანასკნელი ყოფა უწინდელზეც უარესია. უჯობდათ საერთოდ არ შეეცნოთ გზა სიმართლისა, ვიდრე შეცნობის შემდეგ უკუქცეულიყვნენ მათთვის მიცემული წმიდა მცნებებისაგან. მაგრამ მათთვის თქმულა ანდაზა: "ძაღლი მიუბრუნდა თავის ნარწყევს და დაბანილი ღორი კვლავ წუმპეში ჩაგორდა. (II პეტრე, თავი 2) იოანე ღვთისმეტყველი კი ბრძანებს: "გაუწყებღ თქვენ რომ ღმერთი არის ნათელი და მასში არ არის არავითარი ბნელი. თუ ვიტყვით, რომ ვეზიარებით მას და დავდივართ ბნელში, ვცრუობთ და არა ვიქმთ ჭეშმარიტებას. ხოლო თუ ნათელში დავდივართ, როგორც თვითონ ის არის ნათელში, მაშასადამე ვეზიარებით ერთმანეთს და მისი ძის, იესო ქრისტეს სისხლი ყოველი ცოდვისგან განგვწმენდს ჩვენ, თუ ვიტყვით რომ არ გვაქვს ცოდვა, ჩვენს თავს ვაცდუნებთ და ჭეშმარიტება არ არის ჩვენში. თუ ვაღიარებთ ჩვენს ცოდვებს, სარწმუნოა და მართალი, რათა მოგვიტევოს ცოდვები და და ყოველგვარი უსამართლობისგან გაგვწმინდოს ჩვენ. თუ ვიტყვით, რომ არ გვაქვს ცოდვა, ცრუდ ვსახავთ მას და მისი სიტყვა არ არის ჩვენში".( I იოანე 1,5 - 10 ) "ღმრთისაგან შობილი თავის თავს იცავს და უკეთური ვერ ეკარება მას. ვიცით რომ ღმრთისაგან ვართ, და რომ მთელ ქვეყანა ბოროტებაშია დანთქმული. ისიც ვიცით, რომ ძე ღვთისა მოვიდ და მოგვცა ჩვენ გონება, რათა შვიცნოთ ჭეშმარიტი, რომელიც არის მისი ძე იესო ქრისტე. ეს არის ჭეშმარიტი ღმერთი და საუკუნო სიცოცხლე. შვილნო დაიცავით თქვენი თავი კერპთაგან. ამინ". (იოანე 5, 18-21) ახლა წმ. პავლე მოციქულს მოვუსმინოთ: "არ მრცხვენია ქრისტეს სახარების გამო; რადგან იგია ძალა ღმრთისა, ყოველი მორწმუნის მხსნელი, ვინაიდან მასში ცხადდება სიმართლე ღმრთისა სარწმუნოებითი სარწმუნოებად, ვითარცა წერილ არს; მართალი სარწმუნოებით ცხონდეს. ვინაიდან რაც შეიძლება იცოდნენ ღმერთზე, ცხადია მათთვის, იმიტომ რომ ღმერთმა გამოუცხადა მათ, რადგან ის, რაც უხილავია მასში, მარადიული ძალა და ღვტაებრიობა მისი, სამყაროს შექმნიდან მისსავე ქმნილებაში ცნაურდება და ხილული ხდება; ასე რომ, არ შეუძლიათ თავის მართლება. და რაკი შეიცნეს მღერთი, მაგრამ არ ადიდეს, როგორც ღმერთი და არც მადლი შესწირეს, არამედ ამაონი იქმნენ თავიანთ ზრახვებით და დაბნელდა მათი უგონო გული. ბრძენკაცებად მოჰქონდათ თავი და შლეგებად იქცნენ და უხრწნელი ღმერთის დიდება ხრწნადი კაცის, ფრინველთა და ქვეწარმავალთა ხატებაზე გაცვალეს. ამიტომ მისცა ისინი ღმერთმა მათსავე გულისთქმათა უწმინდურობას, ასე რომ შებილწეს თავიანთ სხეულნი. სიცრუეზე გაცვალეს ჭეშმარიტება ღმრთისა და ჰმსახურებდნენ შექმნილსა და არა შემოქმედს, რომელიც კურთხეულია უკუნისამდე. ამინ. ამიტომ მისცა ისინი ღმერთმა საგინებელ ვნებებს, ვინაიდან ქალებმა მათი ბუნებითი წესი არაბუნებრივით შეცვალეს. ასევე კაცებმაც დაუტევეს ქალებთან ბუნებრივი ცხოვრების წესი და გულისთქმით გახურებულნი აღერივნენ ერთმანეთს, მამრი მამრთან იქმოდა სარცხვინელს და თვითონვე იღებდნენ თავიანთი ცთომის საკადრის სასჯელს. და რაკი იუკადრისეს გონებით ღმერთის წვდომა,, ამიტომ უჯერო საქმეთა საქმნელად მისცა ღმერთმა ისინი უკუღმართ ვნებებს. ასე რომ, აღვსილნი არიან ყოველგვარი უსამართლობით, სიძვით, უკეთურებით, ანგარებით, ბოროტებით; სავსენი - შურით, მკვლელობით, შუღლით, ზვაობით, ბოროტი ჩვევით; ავსიტყვიანნი, მამის ურჩნი, უგულისხმონი, უსიყვარულონი, უწყალობი, რომელთაც იციან ღმრთის სამართალი და ამნაირ საქმეთა ჩამდენნი სიკვდილის ღირსნი არიან; მაგრამ არა მარტო თვითონ სჩადიან არამედ ჩამდენთაც თანაუგრძნობენ. (რომ, 16-32) "გემუდარებით ძმანო, ღმრთის მოწყალებით, ცოცხალ, წმიდა კეთილსასურველ მსხვერპლად უძღვენით თქვენი სხეულნი ღმერთს. ნუ ემსგავსებით ამ ქვეყანას, არამედ გარდაიქმენით თქვენი გონების განახლებით, რათა შეიცნოთ, რა არის ნება ღმრთისა კეთილი, სათნო და სრული. ჩემთვის მოცემული მადლით მივმართავ ყველა თქვენგანს: ნურავინ იფიქრებს თავის თავზე უფრო მეტს ვიდრე მართებს იფიქროს, არამედ იფიქროს ზომიერად ღმრთის მიერ თვითეულისთვის მიგებული რწმენის თანახმად." (რომ, 1-4) შთამებეჭდავია მოციქულთა სიტყვები, ვერაფერს დავამატებ, ხშირად იმეორებდა უფალი: "ვისაც აქვს ყურები სმენად - ისმინოს!" პავლე მოციქული ბრძანებს: "სადაც არის სული უფლისა, იქვეა თავისუფლება". (II კორ. 3,17) არის სული უფლისა "თავისუფალ" მას-მედიაში? Yუ არის, მაშინ რატომ ხდება უკეთურების რირაჭირება, რატომ ინერგება ბილწი სერიელებითა და უხამსი ფილმებით მანკიერი ცხოვრების წესი? რატომ მძვინვარებს ძალადობა და სიძულვილი? რადიო, ტელევიზია, შურნალ-გაზეთები - ეს ხომ უზარმაზარი ფსიქოლოგიური ზემოქმედების საშუალებებია. ვის ემსახურებიან ისინი? ადამიანის თავისუფლებას? მაგრამ სად არის სული უფლისა? ნუთუ იმ ჰოროსკოპებისა და ასტროლოგიურ პროგნოზებში, რომლებიც "თავისუფალი მედიის" ყოველდღიური ატრიბუტიკა გახდა? ეს ხომ სატანის ოკულტურ სწავლებაზე აწყობილი ფსიქოლოგიური ზემოქმედები საშუალებებია. რამდენი რამ ჩამოვთვალოთ. არის აქედან გამოსავალი? რა თქმა უნდა, არის. თავისუფლება პასუხისმგებლობას გულისხმობს. თავისებური აზროვნება არავის ეკრძალება, მაგრამ სიბილწის, ძალადობისა და სიძულვილის პროპაგანდა, დიახაც, უნდა აიკრძალოს. ადამიანებს სხვადასხვა რწმენა რომ ქონდეთ, აქაც არაფერია გასაკვირი, მაგრამ ყველაფერს თავისი სახელი უნდა დაერქვას: ცრუსწავლებას - ცრუსწავლება, სექტას - სექტა. ის ვინც რელიგიური მოტივაციით შეეცდება სახელმწიფოში აურზაურის ატეხას ან ადამიანთა ჯანმრთელობისა და სიცოცხლის საფრთხეში ჩაგდებას - უნდა აიკრძალოს. ეს აკრძალვები თავისუფლების გარანტიაა. თუ არ გწამს ღმერთი - შენი ნებაა. არ გინდა ლოცვა - ნუ ილოცებ, ნურც ეკლესიაში ივლი და ნურც იმარხულებ - შენი საქმეა, მაგრამ იცოდეს - ეს დამღუპველია. ცრუ-ღმერთი გწას? - მოიხმარე მშვიდობაში, მაგრამ საზოგადოებას ნუ შემოუტევ - იცოდე ცრუ სარმუნოება უაზრობაა. რაც არ უნდა აკეთო - ტყუილად იხარჯები, ჭეშმარიტების გარეშე ღმერთი არ არსებობს. სიცრუის ღმერთი კი - ეშმაკია. ასე თქვა ქრისტემ, რომელიც არის გზა და ჭეშმარიტება და სიცოცხლე. დიახ, ჩვენ ყველას გვევალება ჭეშმარიტების ქადაგება ყველა საშუალებით - რადიოთი, ტელევიზიით, ჟურნალ-გაზეთებით, ურთიერთსიყვარულით, ჩვენი ცხოვრების წესით, ჩვენი კანონებით, მტავრობით, პარლამენტით. დიახ, ჩვენ მართლმადიდებელი ერი ვართ - ჭეშმარიტების მქადაგებელი ერი. და თუ ჩვენ არ მივცემთ უფლებას ვიღაც-ვიღაცეებს დაგვინგრიონ ჩვენი მამა-პაპური რწმენა და ტრადიციები, თუ არ მივცემთ უფლებას ჭეშმარიტების სული სიცრუის სულით შეგვიცვალონ, ამით ვინმეს "დისკრიმინაციას" ვუწევთ? თუ თავისუფლებისთვის, ვიბრძვით, ჭეშმარიტი თავისუფლებისთვის? სადაც არის სული უფლისა - იქვეა თავისუფლება. -------------------- ანალოღია და ჯვარი მომიტანეთ, ვქადაგებ!
რომ გამრეცხავთ, გავიწევ :))))) |
   |
 
|
  |
გამოხმაურებები
| მნათე |
Aug 21 2007, 02:17 PM
პოსტი
#2
|
|
Advanced Member ჯგუფი: Members პოსტები: 17,662 რეგისტრ.: 23-July 06 მდებარ.: Tbilisi წევრი № 4 |
ციტატა კანონდარღვევას ჰქონდა ადგილი და თანაც არაერთხელ ხმამაღალი განაცხადია... ფაქტები... ? თქვენ შეგიძლიათ იჩივლოთ ციტატა გეი-პარადი პარადს ქართულად - აღლუმი ქვია ციტატა მაგრამ ამასაც რომ თავი დავანებოთ ეკლესიას არა აქვს იმის უფლება რომ მოითხოვოს აკრძალვა ყველა მისთვის მიუღებელი მოვლენისა, იქნება ეს გეი-პარადი, სექსუალური განათლება სკოლებში თუ სხვა. ყველაფრის მოთხოვნის უფლება ბუნებრივია არ აქვს - მაგრამ ძალიან ბევრის რომ აქვს, - დამეთანხმე, მარტო ის რად ღირს რომ საქართველოს მოსახლეობის 80%ზე მეტი ენდობა საქართველოს მართლმადიდებელ ეკლესიას... უმცირესობათა უფლებებზე, ხშირად "ღია კარის მტვრევის" პრინციპითა დემაგოგიით აპელირებული საქმეები, უკვე ძალიან მომაბეზრებელია  ხშირად ცილისმწამებლობით, ჩემი, როგორც უმრავლესობის წარმომადგენლის უფლებები ილახება... დიახ, საქართველოში ცხოვრობენ მუსლიმანები, რომლებთანაც შესანიშნავი ურთიერთობა გვაქვს და კიდევ არაერთ რელიგიურ მიმდინარეობასთანაც, ბუნებრივია შეცდომები არის, მაგრამ არა იმდენი და არა იმგვარი, როგორაც უნდათ წარმოაჩინონ :yes: კონკორდატიკსენ გაგახედებდით... ასეთიც არსებობს ციტატა უმრავლესობა-უმცირესობას გადამწყვეტი მნიშვნელობა არა აქვს თუ დემოკრატიაზეა საუბარი დემოკრატიულ სახელმწიფოში, საკითხის გადაჭრა ხდება - უმრავლესობის პრინციპითა და - უმცირესობათა პოზიციების გათვალისწინებით... ციტატა (მართლმადიდებელთა მხრიდან დემოკრატიისადმი განსაკუთებული სიყვარული ცალკე საუბრის თემაა). თქვენი მინიშნება ძალიან არ მომწონს და ქვეტექსტს მთლიანად არ ვეთანხმები :yes: კიდევ ერთხელ გისვამთ კითხვას, თქვენი იმპერატიული განცხადებების ფონზე, რომელიც ყველა ცივილიზებული ადამიანის ბუნებაში არგუმენტებზე უნდა გახლდნენ დამტკიცებულნი, რომელ თეოლოგიურ ნაშრომს, სკოლას ან სულაც ტექსტს იცნობთ როდესაც რელიგიაზე (რა მნიშვნელობა აქვს რომელზე) საუბრობთ? დოქტრინალურ ან ზნეობრივ ღვთისმეტყველებაში რამდენად ერკვევით? რადგან ამ უკანასკნელთა არ ცოდნის შემთხვევაში, გაუგებარი ხდება თქვენი ესოდენ შემტევი პოზიციის მოტივი ციტატა დემოკრატიულ ქვეყანაში ყველა ადამიანს გარკვეული უფლებები და თავისუფლებები გააჩნია, მათ შორისაა დემონსტრაციისჩატარების და რელიგიური ლიტერატურისდარიგების უფლებაც. ეს უფლებები არ კარგავენ ძალას იმ შემთხვევაში თუკი უმრავლესობა წინააღმდეგია ძალიან ცდები, ქვეყანაში სადაც უმრავლესობა ჰომოსექსუალისტებს (და არა ჰომოსექსუალიზმს სამწუხაროდ) რბილად რომ ვთქვათ "კურთხევას უთვლის" უმცირესობის პოზიცია ვერ იქნება გატარებული.... პროპაგანდა დაუშვებელია.... არც ერთი სერიოზული სახელმწიფო ამის წინააღმდეგ არ წავა... "ადამიანის უფლებები" - ბუნებრივია მნიშვნელოვანი რამ არის, მაგრამ ყვირილი იმისა, რომ ჰომოსექსუალიზმის სირცხვილი არ არის და ეს სახელმწიფომ აპრიორი უნდა აღიაროს, ყველას მიერ ვერ იქნება გაზიარებული - რადგან სახელმწიფოს რაიმეგვარი მსოფლმხედველობითი პირნიციპით მოქმედების უფლება აქვს მხოლოდ მაშინ - როცა ამ პრინციპის გამზიარებელი ქვეყნის უმრავლესობაა.... კარგისა და ცუდის - პრობლემატიკა - ფილოსოფიური დილემაა, რომელსაც ქრისტეანები (ამ საკითხში ყველა დენომინაცია თანხმდება) სინდისს - ზნეობრივ კანონსა თუ ადამიანის ბუნებრივ კანონს უწოდებენ... ციტატა საპატრაიარქოს განცხადება როგორც ფიზიკური დაპირისპირებისაკენ მოწოდება ისე გავიგე რავა ყველაფერს ნიჭი სჭირდება  ციტატა ვის შეუძლია დაამტკიცოს, რომ მართლმადიდებლობა ერთადერთი ჭეშმარიტი რელიგიაა ყველა დანარჩენი კი მცდარი? იქნებ შეუძლიათ კიდეც? თქვენ ვისთვის მოგისმენიათ თქო, ერთხელ ვიკითხე არც ქრისტეანულ ფილოსოფიას იცნობთ... ? სამწუხაროდ ყველა იმას რომ ლაპარაკობდეს რაც იცის, ადამიანთა უმრავლესობა დადუმდებოდა რა გითხრა, 80%-ეს (რიცხვები არ მიყვარს, მაგრამ როგორც ვატყობ სახლმწიფოზე მესაუბრები თან თეოლოგიასა და ფილოსოფიას "ეტოტები") მიაჩნია, რომ მართლმადიდებლობა გახლავს ჭეშმარიტი რელიგია, რომელსაც უნდა მისდიოს, ეს უკვე ნიშნავს ბევრ რამეს სახელმწიფოში, რადგან რელიგია როგორც ყოველთვის ეთნოფსიქოლოგიის განმაპირობებელია (სამწუხაროდ ის ბოლო საუკუნეში ჩრდილოელი მეგობრის გამო - გადაგვარდა)სხვა საქმეა რამდენად ფუნდამენტურად იცნობს ეს უმრავლესობა მართლმადიდებლობას, რადგან ხშირად მასურ-კლასური წარმოდგენა დიამეტრალურად განსხვავდება ამ უკანასკნელის ვიზიიდან... რაც შეეხება "ჭეშმარიტება" "არაჭეშმარიტებას" ვგონებ არავინ დაობს, რომ ყველას თავი მართალი გონია, და ვგონებ არც იმაზე დაობენ, რომ სხვადასხვა მსოფლმხედველობიდან, სიმართლის ერთფეროვნების პირობებში - ჭეშმარიტი სწორედ ერთი გახლავთ.... ეს საღეჭი რეზინის თემაა... სწორედ ეს მეორე განაპირობებს პირველს, მაგრამ არსებობს ე.წ "სუბიექტური ჭეშმარიტება" რომელსაც სოკრატე ასე მტრობდა.... ციტატა გამოხატავს ჭეშმარიტების პრეტენზიას რასაც მე პირადად ეჭვქვეშ ვაყენებ კათოლიკეობა საყოველთაოობის პრეტენზიულია და მაშინ თქვენ მეტისმეტად ბევრი ბრჭყალის გამოყენება მოგიწევთ ისე ეს ბრჭყალები დღეს მოდაშია... მოდა ალბათ ძველის გამოძახილია  ეჰ ვერსაჩე... -------------------- ანალოღია და ჯვარი მომიტანეთ, ვქადაგებ!
რომ გამრეცხავთ, გავიწევ :))))) |
|
|
|
| Freethought |
Aug 21 2007, 03:48 PM
პოსტი
#3
|
 Member ჯგუფი: Members პოსტები: 216 რეგისტრ.: 14-August 07 წევრი № 2,603 |
[quote]ხმამაღალი განაცხადია... ფაქტები... ? თქვენ შეგიძლიათ იჩივლოთ [/quote]
ფაქტები იხილე თავისუფლების ინსტიტუტის მიერ 2002 წელს გამოცემულ ბროშურაში "აღმასარებლობის თავისუფლება საქართველოში", თავისუფლების ინსტიტუტის საიტზე შეიძლება ჩამოტვირთვა [quote]პარადს ქართულად - აღლუმი ქვია [/quote] კარგი აღლუმი იყოს [quote]ყველაფრის მოთხოვნის უფლება ბუნებრივია არ აქვს - მაგრამ ძალიან ბევრის რომ აქვს, - დამეთანხმე, მარტო ის რად ღირს რომ საქართველოს მოსახლეობის 80%ზე მეტი ენდობა საქართველოს მართლმადიდებელ ეკლესიას... უმცირესობათა უფლებებზე, ხშირად "ღია კარის მტვრევის" პრინციპითა დემაგოგიით აპელირებული საქმეები, უკვე ძალიან მომაბეზრებელია ხშირად ცილისმწამებლობით, ჩემი, როგორც უმრავლესობის წარმომადგენლის უფლებები ილახება... [/quote] უმრავლესობას ზუსტად იგივე უფლებები აქვს რაც უმცირესობას. არც საქართველოს კონსტიტუცია და არც საერთაშორისო სამართლებრივი აქტები არ განასხვავებენ მართლმადიდებელსა და არამართლამდიდებელს. ნებისმიერ საქართველოს მოქალაქეს აქვს უფლება დაარიგოს ქუჩაში რელიგიური შინაარსის ლიტერატურა (აღმსარებლობის თავისუფლება) ან ჩაატაროს დემონსტრაცია (შეკრების თავისუფლება), მიუხედავად იმისა რომელ ეთნიკურ, რელიგიურ თუ სექსუალურ უმცირესობას მიეკუთვნება [quote]დემოკრატიულ სახელმწიფოში, საკითხის გადაჭრა ხდება - უმრავლესობის პრინციპითა და - უმცირესობათა პოზიციების გათვალისწინებით...[/quote] იხ. ზემოთ [quote]თქვენი მინიშნება ძალიან არ მომწონს და ქვეტექსტს მთლიანად არ ვეთანხმები :yes: კიდევ ერთხელ გისვამთ კითხვას, თქვენი იმპერატიული განცხადებების ფონზე, რომელიც ყველა ცივილიზებული ადამიანის ბუნებაში არგუმენტებზე უნდა გახლდნენ დამტკიცებულნი, რომელ თეოლოგიურ ნაშრომს, სკოლას ან სულაც ტექსტს იცნობთ როდესაც რელიგიაზე (რა მნიშვნელობა აქვს რომელზე) საუბრობთ? დოქტრინალურ ან ზნეობრივ ღვთისმეტყველებაში რამდენად ერკვევით? რადგან ამ უკანასკნელთა არ ცოდნის შემთხვევაში, გაუგებარი ხდება თქვენი ესოდენ შემტევი პოზიციის მოტივი [/quote] სამოქალაქო უფლებებს ღვთისმეტყველებასთან რა კავშირი აქვთ? ამ თემაზე სხვა ტოპიკში დავსვი კიხვა და ძალიან გთხოვ ამ ორ რაღაცას ერთმანეთში ნუ აურევ [quote]ძალიან ცდები, ქვეყანაში სადაც უმრავლესობა ჰომოსექსუალისტებს (და არა ჰომოსექსუალიზმს სამწუხაროდ) რბილად რომ ვთქვათ "კურთხევას უთვლის" უმცირესობის პოზიცია ვერ იქნება გატარებული.... პროპაგანდა დაუშვებელია.... არც ერთი სერიოზული სახელმწიფო ამის წინააღმდეგ არ წავა... [/quote] უმცირესობის პოზიციის გატარებაში რას გულისხმობ? რატომ ჭირდება გეი-პარადის თუ აღლუმის ჩატარებას უმრავლესობის თანხმობა? მაგ ლოგიკით ყველანაირი დემონსტრაციის შესახებ მოსახლეობის გამოკითხვა უნდა ჩატარდეს, რათა გამოირკვეს რას უჭერს მხარს უმრავლესობა. საჯაროდ შეკრება ინდივიადუალური უფლებაა ისევე როგორც ვთქვათ ცოლთან გაშორების უფლება და უმრავლესობის თანხმობა არ ჭირდება "[quote]ადამიანის უფლებები" - ბუნებრივია მნიშვნელოვანი რამ არის, მაგრამ ყვირილი იმისა, რომ ჰომოსექსუალიზმის სირცხვილი არ არის და ეს სახელმწიფომ აპრიორი უნდა აღიაროს, ყველას მიერ ვერ იქნება გაზიარებული - რადგან სახელმწიფოს რაიმეგვარი მსოფლმხედველობითი პირნიციპით მოქმედების უფლება აქვს მხოლოდ მაშინ - როცა ამ პრინციპის გამზიარებელი ქვეყნის უმრავლესობაა....[/quote] ნუ გაიზიარებ მერე მაგ აზრს, გეი-პარადის ჩატარების შეთხვევაშიც შეგიძლია იმ აზრზე დარჩე,რომ ჰომოსექსუალიზმი ცოდვაა და სირცხვილია. სახელმწიფოს არავინ სთხოვს რაიმე მსოფლმხედველობრიოვი პოზიციის დაკავებას, უბრალოდ საკუთარი მოქალაქეების უფლებას დემონსტრაციის ჩატარებაზე უნდა სცეს პატივი. რა ზნეობაა და რა უზნეობა, ამის გარკვევას სახელმწიფოს არავინ ეკითხება [quote]არგისა და ცუდის - პრობლემატიკა - ფილოსოფიური დილემაა, რომელსაც ქრისტეანები (ამ საკითხში ყველა დენომინაცია თანხმდება) სინდისს - ზნეობრივ კანონსა თუ ადამიანის ბუნებრივ კანონს უწოდებენ... რავა ყველაფერს ნიჭი სჭირდება [/quote] კი, ყველაფერს ნიჭი ჭირდება( ს არ უნდა) მათ შორის იმის მიხვედრასაც რომ გეების სინდისი მართლმადიდებლების სინდისზე ნაკლები არ არის . მაგრამ მართლმადიდებლების ნამეტანინ დაძაბვა არ მინდა....  [quote]იქნებ შეუძლიათ კიდეც? თქვენ ვისთვის მოგისმენიათ თქო, ერთხელ ვიკითხე არც ქრისტეანულ ფილოსოფიას იცნობთ... ?[/quote]განმანათლებლობის ფილოსოფიას ვიცნობ, ქრისტიანულს კი ეჭვის თვალით ვუყურებ, რადგან თეოლოგიური არგუმენტაციის გარეშე ფონს ვერ გადის.  [quote]სამწუხაროდ ყველა იმას რომ ლაპარაკობდეს რაც იცის, ადამიანთა უმრავლესობა დადუმდებოდა რა გითხრა, 80%-ეს (რიცხვები არ მიყვარს, მაგრამ როგორც ვატყობ სახლმწიფოზე მესაუბრები თან თეოლოგიასა და ფილოსოფიას "ეტოტები") მიაჩნია, რომ მართლმადიდებლობა გახლავს ჭეშმარიტი რელიგია, რომელსაც უნდა მისდიოს, ეს უკვე ნიშნავს ბევრ რამეს სახელმწიფოში, რადგან რელიგია როგორც ყოველთვის ეთნოფსიქოლოგიის განმაპირობებელია (სამწუხაროდ ის ბოლო საუკუნეში ჩრდილოელი მეგობრის გამო - გადაგვარდა)[/quote]კეთილი და პატიოსანი, მაგრამ ეს არ ნიშნავს რომ დანარჩენი 20% მართლმადიდებლების დაკრულზე უნდა ცეკვავდეს. კერძო რელიგიური აზრები("მართლმადიდებლობა ერთადერთი ჭეშმარიტებაა") სახელმწიფოს არ უნდა აინტერესებდეს, იმიტომ რომ სახელმწიფოს ფუნქცია არ არის იმის დადგენა, რა ჭეშმარიტია და რა მცდარი, რა ზნეობრივია და რა არაზნეობრივი. სახელმწიფოს ფუნქციაა მოქალაქეთა უსაფრთხოების და საკუთრების გარანტირება. სწორედ ამიტომაა მკვლელობა და ქურდობა დანაშაული, მრუშობა კი არა. [quote]სხვა საქმეა რამდენად ფუნდამენტურად იცნობს ეს უმრავლესობა მართლმადიდებლობას, რადგან ხშირად მასურ-კლასური წარმოდგენა დიამეტრალურად განსხვავდება ამ უკანასკნელის ვიზიიდან... რაც შეეხება "ჭეშმარიტება" "არაჭეშმარიტებას" ვგონებ არავინ დაობს, რომ ყველას თავი მართალი გონია, და ვგონებ არც იმაზე დაობენ, რომ სხვადასხვა მსოფლმხედველობიდან, სიმართლის ერთფეროვნების პირობებში - ჭეშმარიტი სწორედ ერთი გახლავთ.... [/quote] აგაშენა ღმერთმა, ზუსტად მაგას ვამბობ მეც ამდენი ხანია ჰოდა თუ ასეთ თემებზე არ დაობენ, რატომ დაობს პატივცემული ეპისკოპოსი? მას თავისი სიმართლე აქვს, ჰომოსექსუალებს კი თავისი. თუ ეპისკოპოს სტეფანეს მართლმადიდებლური პროცესიების ჩატარება უყვარს, გეებსაც უნდა ჰქონდეთ თავიანთი აღლუმის გამართვის საშუალება, იეღოველებს კი ქუჩაში ბუკლეტების დარიგების უფლება. თავისუფლება მეტს არაფერს ნიშნავს და თავისუფლების ინსტიტუტიც სხვას არაფერს ითხოვს. გეი-პარადის ორგანიზატორები წმინდანებად შერაცხოს ეკლესიამო მგონი არავის მოუთხოვია... |
|
|
|
| Lortkifanidze |
 Aug 22 2007, 12:02 AM
პოსტი
#4
|
|
Newbie ჯგუფი: Members პოსტები: 19 რეგისტრ.: 19-August 07 წევრი № 2,618 |
ციტატა(Freethought @ Aug 21 2007, 03:48 PM)  ფაქტები იხილე თავისუფლების ინსტიტუტის მიერ 2002 წელს გამოცემულ ბროშურაში "აღმასარებლობის თავისუფლება საქართველოში", თავისუფლების ინსტიტუტის საიტზე შეიძლება ჩამოტვირთვა კარგი აღლუმი იყოს უმრავლესობას ზუსტად იგივე უფლებები აქვს რაც უმცირესობას. არც საქართველოს კონსტიტუცია და არც საერთაშორისო სამართლებრივი აქტები არ განასხვავებენ მართლმადიდებელსა და არამართლამდიდებელს. ნებისმიერ საქართველოს მოქალაქეს აქვს უფლება დაარიგოს ქუჩაში რელიგიური შინაარსის ლიტერატურა (აღმსარებლობის თავისუფლება) ან ჩაატაროს დემონსტრაცია (შეკრების თავისუფლება), მიუხედავად იმისა რომელ ეთნიკურ, რელიგიურ თუ სექსუალურ უმცირესობას მიეკუთვნება იხ. ზემოთ სამოქალაქო უფლებებს ღვთისმეტყველებასთან რა კავშირი აქვთ? ამ თემაზე სხვა ტოპიკში დავსვი კიხვა და ძალიან გთხოვ ამ ორ რაღაცას ერთმანეთში ნუ აურევ უმცირესობის პოზიციის გატარებაში რას გულისხმობ? რატომ ჭირდება გეი-პარადის თუ აღლუმის ჩატარებას უმრავლესობის თანხმობა? მაგ ლოგიკით ყველანაირი დემონსტრაციის შესახებ მოსახლეობის გამოკითხვა უნდა ჩატარდეს, რათა გამოირკვეს რას უჭერს მხარს უმრავლესობა. საჯაროდ შეკრება ინდივიადუალური უფლებაა ისევე როგორც ვთქვათ ცოლთან გაშორების უფლება და უმრავლესობის თანხმობა არ ჭირდება " ნუ გაიზიარებ მერე მაგ აზრს, გეი-პარადის ჩატარების შეთხვევაშიც შეგიძლია იმ აზრზე დარჩე,რომ ჰომოსექსუალიზმი ცოდვაა და სირცხვილია. სახელმწიფოს არავინ სთხოვს რაიმე მსოფლმხედველობრიოვი პოზიციის დაკავებას, უბრალოდ საკუთარი მოქალაქეების უფლებას დემონსტრაციის ჩატარებაზე უნდა სცეს პატივი. რა ზნეობაა და რა უზნეობა, ამის გარკვევას სახელმწიფოს არავინ ეკითხება კი, ყველაფერს ნიჭი ჭირდება( ს არ უნდა) მათ შორის იმის მიხვედრასაც რომ გეების სინდისი მართლმადიდებლების სინდისზე ნაკლები არ არის . მაგრამ მართლმადიდებლების ნამეტანინ დაძაბვა არ მინდა.... განმანათლებლობის ფილოსოფიას ვიცნობ, ქრისტიანულს კი ეჭვის თვალით ვუყურებ, რადგან თეოლოგიური არგუმენტაციის გარეშე ფონს ვერ გადის. კეთილი და პატიოსანი, მაგრამ ეს არ ნიშნავს რომ დანარჩენი 20% მართლმადიდებლების დაკრულზე უნდა ცეკვავდეს. კერძო რელიგიური აზრები("მართლმადიდებლობა ერთადერთი ჭეშმარიტებაა") სახელმწიფოს არ უნდა აინტერესებდეს, იმიტომ რომ სახელმწიფოს ფუნქცია არ არის იმის დადგენა, რა ჭეშმარიტია და რა მცდარი, რა ზნეობრივია და რა არაზნეობრივი. სახელმწიფოს ფუნქციაა მოქალაქეთა უსაფრთხოების და საკუთრების გარანტირება. სწორედ ამიტომაა მკვლელობა და ქურდობა დანაშაული, მრუშობა კი არა. აგაშენა ღმერთმა, ზუსტად მაგას ვამბობ მეც ამდენი ხანია ჰოდა თუ ასეთ თემებზე არ დაობენ, რატომ დაობს პატივცემული ეპისკოპოსი? მას თავისი სიმართლე აქვს, ჰომოსექსუალებს კი თავისი. თუ ეპისკოპოს სტეფანეს მართლმადიდებლური პროცესიების ჩატარება უყვარს, გეებსაც უნდა ჰქონდეთ თავიანთი აღლუმის გამართვის საშუალება, იეღოველებს კი ქუჩაში ბუკლეტების დარიგების უფლება. თავისუფლება მეტს არაფერს ნიშნავს და თავისუფლების ინსტიტუტიც სხვას არაფერს ითხოვს. გეი-პარადის ორგანიზატორები წმინდანებად შერაცხოს ეკლესიამო მგონი არავის მოუთხოვია...  ვაი , უკომენტაროდ!და მაინც: 1) თავისუფლება-აღვირახსნილობა არ არის! 2)საქართველოს კონსტიტუციის ან სამოქალაქო კოდექსის ტექსტს თუ კარგად იცნობ , მთელი ქართული (და არა მარტო) კანóნმდებლობა სხვათა და სხვათა შემდგომ ეყრდნობა ზნეობრივ ელემენტს , მგონი იურისტი ხარ იყო და ეს უნდა იცოდე (მუხლს ვერ ვიხსენებ , სამწუხაროდ); 3)მოგეწონებოდა მეძავი დედა ან და? და არ დაუწუნებდი ზნეს?ან "გეი" ძმა? 4)ადამიანური პატივისცემა მაინც გამოიჩინე ეპისკოპოსისადმი , მოხუცია და უფროსია შენზე , სხვა თუ არაფერი... 5) პატარა ბავშვებთან ვირტუალური კამათი კაცობა არ არის , დაქირავებულის შთაბეჭდილებას ტოვებ და ქილიკსა და ცინიზმს , სიმართლისმაძიებელი ადამიანი მოერიდება ყიველთვის ! გეტყობა რომ სხვა მოტივაციით ხარ დატვირთული... გისურვებ მაინც , ბედნიერებას და პოვნას იმისას , რასაც ჭეშმარიტებას ეძახი ... 1) ვინც ამბობს , ჭეშმარიტება არ არსებობსო , უკვე ცდება და რაში: თავად ამტკიცებს ამ შემთხვევაში თავისივე Aზრის ჭეშმარიტებას! 2)რადგანაც მრავალი აზრია და მსოფლმხედველობა , იმიტომაა მათგან ჭეშმარიტი საპოვნელი! ყველას თუ სხვადასხვა რამ ჰგონია ჭეშმარიტება , ეს არ ნიშნავს რომ ჭეშმარიტება არ არსებობს!.. 3) ქართველი ხარ?  -------------------- ღმერთმა ინებოს თქვენი სიცოცხლე...
"როგორც ნაწვიმარ სილაში ვარდი , ჩემი ცხოვრების გზა სიზმარია და შორეული ცის სილაჟვარდე!.." |
|
|
|
| Freethought |
Aug 22 2007, 12:33 AM
პოსტი
#5
|
|
Member ჯგუფი: Members პოსტები: 216 რეგისტრ.: 14-August 07 წევრი № 2,603 |
ციტატა(Lortkifanidze @ Aug 22 2007, 12:02 AM) 3) ქართველი ხარ? რატომ მეკითხები? |
|
|
|
პოსტი ამ თემაში
მნათე რა არის თავისუფლება? Jul 19 2007, 02:46 PM
XAFRAN თავისუფლება ისაა რ... Aug 15 2007, 09:13 PM kato_Bato XAFRAN
უკაცრავად მაგრ... Aug 17 2007, 05:26 PM მნათე
სამწუხაროდ...
არად... Aug 17 2007, 05:58 PM Freethought
მინდა შემოგთავაზო... Aug 17 2007, 08:49 PM მნათე
როგორ გეკადრებათ..... Aug 17 2007, 11:33 PM
Freethought
კანონდარღვევას ჰ... Aug 18 2007, 04:29 PM Lortkifanidze
ჩემი ამას წინა "პ... Aug 21 2007, 03:36 PM Lortkifanidze
კანონდარღვევას ჰქ... Aug 21 2007, 03:39 PM ილია
მკალავიშვი არბევდ... Aug 21 2007, 10:20 AM Freethought
მკალავიშვილის გა... Aug 21 2007, 02:52 PM ილია
მკალავიშვილის გარ... Aug 21 2007, 03:06 PM afxazi Freethought
ჯერ ეკლესიის ... Aug 21 2007, 10:33 AM Lortkifanidze
რატომ მეკითხები? :ro... Aug 22 2007, 12:42 AM Freethought
:) არ გავხარ... და რამ... Aug 22 2007, 01:08 AM Lortkifanidze
გარეგნობაზე შემატ... Aug 22 2007, 01:28 AM Freethought @ Lortkifanidze
:
გააჩნია შე... Aug 22 2007, 01:23 AM გიორგი აქ დაფიქსირდა შენი... Aug 22 2007, 12:05 PM Freethought
აქ დაფიქსირდა შენ... Aug 22 2007, 02:25 PM გიორგი
თუ ვინმე ჰომოსექს... Aug 22 2007, 02:28 PM Freethought
არ დალევს, როცა უმრ... Aug 22 2007, 02:41 PM გიორგი
ეგ მეც ვიცი, ვუყურე... Aug 22 2007, 03:01 PM Freethought
შენ ბევრი რაიმე გე... Aug 22 2007, 03:09 PM afxazi Freethought
რა სისულელეს ... Aug 21 2007, 02:59 PM კანონისტი Freethought
ოფიციალური მა... Aug 21 2007, 03:06 PM Freethought @ კანონისტი
ჩემი მ... Aug 21 2007, 04:44 PM Lortkifanidze ისე ძალიან "დაგვა... Aug 21 2007, 03:25 PM მნათე Lortkifanidze
თქვენს პათოს... Aug 21 2007, 03:27 PM მნათე
ახლა ყველაფერი გა... Aug 21 2007, 03:38 PM Lortkifanidze
ახლა ყველაფერი გა... Aug 21 2007, 03:42 PM მნათე Lortkifanidze
ნუ ღელავ კეთი... Aug 21 2007, 03:41 PM afxazi კანუდოსელი
ზოგმა ... Aug 21 2007, 05:06 PM komisia
თავისუფლება არის ... Aug 21 2007, 05:18 PM Lortkifanidze ხალხნო , რომელიმე მ... Aug 21 2007, 06:52 PM Freethought
ხალხნო , რომელიმე მ... Aug 21 2007, 07:07 PM Lortkifanidze [quote name='Freethought' date='Aug 21... Aug 21 2007, 07:24 PM kato_Bato იცით რას გეტყვით, დ... Aug 21 2007, 07:50 PM Freethought @ 'kato_Bato'
თუ ჩემზეა... Aug 21 2007, 10:35 PM Lortkifanidze
@ 'kato_Bato'
თუ ჩემზეა ... Aug 21 2007, 11:28 PM ubralod ninka bevri ram,mara chemi azrit tavisufali arasdros ar ... Aug 21 2007, 08:23 PM Lortkifanidze
bevri ram,mara chemi azrit tavisufali arasdros ar... Aug 21 2007, 11:09 PM Freethought ახლახან წესებს გად... Aug 21 2007, 11:18 PM კანუდოსელი
თქვენ ქრისტიანობა... Aug 22 2007, 11:56 AM თათი87 Freethought
გაშიფრე რა ჯე... Aug 21 2007, 11:21 PM Freethought
Freethought
გაშიფრე რა ჯე... Aug 22 2007, 12:16 AM kato_Bato Freethought
კიდევ ერთხელ ... Aug 21 2007, 11:38 PM კანონისტი Freethought
შესანიშნავად ... Aug 22 2007, 10:28 AM Freethought @ კანონისტი
დარწმ... Aug 22 2007, 02:07 PM გიორგი Freethought
"თავისუფალო... Aug 22 2007, 10:56 AM ჰ ა რ ი რ ა Freethought
ცნობისათვის ა... Aug 22 2007, 11:13 AM afxazi ჰ ა რ ი რ ა
უკაცრავა... Aug 22 2007, 11:22 AM ჰ ა რ ი რ ა afxazi
ბოდიში თუ რამე შ... Aug 22 2007, 11:26 AM afxazi ჰ ა რ ი რ ა
არა ბოდიშ... Aug 22 2007, 11:33 AM ჰ ა რ ი რ ა afxazi
არა მე იმას არ ვ... Aug 22 2007, 11:42 AM კანონისტი afxazi
მესმის შენი...
მა... Aug 22 2007, 11:43 AM ჰ ა რ ი რ ა კანონისტი
ზუსტად ... Aug 22 2007, 11:49 AM afxazi ჰ ა რ ი რ ა
კარგი რაა... Aug 22 2007, 11:51 AM ჰ ა რ ი რ ა afxazi
ჯიგარი ხარ. Aug 22 2007, 11:51 AM afxazi კანუდოსელი
კანუდო... Aug 22 2007, 12:00 PM ჰ ა რ ი რ ა კანუდოსელი
რა თქმ... Aug 22 2007, 12:01 PM გლახა ჰ ა რ ი რ ა
შენ ასრე... Aug 22 2007, 01:15 PM ჰ ა რ ი რ ა გლახა
ძალიან დიდ ბ... Aug 22 2007, 02:02 PM გლახა ჰ ა რ ი რ ა
არა რა წყ... Aug 22 2007, 02:05 PM ჰ ა რ ი რ ა გლახა
იმედია Aug 22 2007, 02:11 PM გლახა Freethought
ეგ მართალია..ნ... Aug 22 2007, 02:15 PM ჰ ა რ ი რ ა Freethought
მერედა ვინ გი... Aug 22 2007, 02:20 PM გლახა ჰ ა რ ი რ ა
ეკლესია ... Aug 22 2007, 02:24 PM გლახა Freethought
აქ ვერანაირად... Aug 22 2007, 02:31 PM Freethought @ გლახა
ეგ არაფერ... Aug 22 2007, 02:46 PM კანონისტი Freethought
ქართული სახელ... Aug 22 2007, 02:39 PM Freethought
Freethought
ქართული სახე... Aug 22 2007, 03:16 PM გიორგი
ეს ყველაფერი კარგ... Aug 22 2007, 03:19 PM გიორგი
ან გეი-პარადს თუ კრ... Aug 22 2007, 03:25 PM Freethought
არ კრძალავს, მაგრა... Aug 22 2007, 03:42 PM გიორგი
აზერბაიჯანელებსა... Aug 22 2007, 03:57 PM ჰ ა რ ი რ ა Freethought
რა გინდა ბიძი... Aug 22 2007, 02:44 PM კანონისტი გლახა
შენ კი ჩემო ძ... Aug 22 2007, 02:44 PM კანონისტი Freethought
"თავისუფლებ... Aug 22 2007, 02:46 PM afxazi Freethought
რაღაც გლახათ ი... Aug 22 2007, 02:51 PM გლახა კანონისტი
ახლა აგ... Aug 22 2007, 02:54 PM გიორგი
ეს არ იქნება პრობლ... Aug 22 2007, 03:15 PM Freethought
ეს სიტყვის მასალა... Aug 22 2007, 03:22 PM alilo როცა ქრისტეში ხარ ... Aug 22 2007, 02:56 PM გლახა Freethought
ნუ ახლა ვინც ი... Aug 22 2007, 02:57 PM ჰ ა რ ი რ ა გლახა
ეს დაუშვებე... Aug 22 2007, 03:09 PM კანუდოსელი
ბერძნებმა კიდევ ს... Aug 22 2007, 04:17 PM კანონისტი გლახა
შენ წერ იმაზ... Aug 22 2007, 03:37 PM Freethought @კანონისტი
ვინმ... Aug 22 2007, 04:02 PM გიორგი
მოდი ასე ვქნათ: ყვე... Aug 22 2007, 04:16 PM გიორგი მთავარი პრობლემა ა... Aug 22 2007, 03:51 PM კანონისტი Freethought
ჩემ კითხვებს ... Aug 22 2007, 03:54 PM გიორგი
Freethought
ჩემ კითხვებს ... Aug 22 2007, 04:06 PM Freethought @კანონისტი
გიპას... Aug 22 2007, 04:13 PM გიორგი
ე.წ. სექტებს რაც შე... Aug 22 2007, 04:20 PM კანუდოსელი
ეს სინუსების თეორ... Aug 22 2007, 04:22 PM კანონისტი Freethought
მოიცა ერთი წუ... Aug 22 2007, 04:14 PM |
ამ თემას კითხულობს 1 მომხმარებელი (მათ შორის 1 სტუმარი და 0 დამალული წევრი)
0 წევრი:
| მსუბუქი ვერსია | ახლა არის: 24th September 2024 - 05:08 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი
CHURCH.GE-Powered by Giorgi and IPB. Hosting by WebHostinG.Ge
2024
Licensed to: church.ge