გიორგი XIII-ის ცხოვრება, პლატონ იოსელიანის წიგნის მიხედვით პარამეტრები

[Lenus]

..............

[ნაინა]

ბევრის ცოდნას ვერ დავიკვეხნი, მაგრამ მეტ-ნაკლებად რაც მახსოვს დაგიწერთ თავად დარეჯან დედოფლის მოქმედებას გიორგის წინააღმდეგ, რამაც ჩემი აზრით ძალიან ცუდი როლი ითამაშა ქვეყნისათვის.

ერეკლეს ასაკში შესვლის მერე სახელმწიფო საქმეებში დარეჯან დედოფალი აქტიურად ერეოდა, ისტორიაში ცნობილია რომ მისი ზეგავლენით ერეკლემ მოღვაწეობის ბოლო პერიოდში საბედისწერო შეცდომებიც კი დაუშვა.
იმერეთის საერო და სასულიერო ფეოდალებმა 1789 წელს ერეკლეს შესთავაზეს იმერეთის შეერთება.
ერეკლემ დარბაზის სხდომაც კი მოიწვია, ყველანი შეერთებას ურჩევდნენ, მაგრამ დარეჯან დედოფლის ჩაგონებით თავად უარი თქვა და ეს უარი გაამართლა იმით რომ საკუთარ შვილიშვილს ტახტს ვერ წაართმევდა.
თავად დარეჯან დედოფალს ერჩია, იმერეთის ტახტზე თავისი ქალიშვილის ელენეს ვაჟი დამჯდარიყო, ოღონდ გაერთიანებული საქართველოს მეფედ, თავისი გერი, ანუ გიორგი მეთორმეტე არ ენახა.
არ უყვარდა დარეჯან დედოფალს გიორგი და ტახტიც თავისი შვილებისთვის სურდა, ამიტომ ერეკლეს ორი კანონიც კი მიაღებინა, პირველის თანახმად გიორგის შემდეგ ტახტი არა გიორგის შვილის, არამედ მომდევნო ძმის ხელში უნდა გადასულიყო.
ამ კანონით დარეჯანს სურდა ტახტი მისი შვილების: იულონის, ვახტანგისა და მირიანის ხელში გადასულიყო.
უარესი და უფრო დამღუპველი იყო კიდევ მეორე კანონი.
მეფემ ბატონიშვილებს საუფლისწულოები გამოუყო და ყველა თავის მამულში მეფედ გრძნობდა თავს.
მეტ- ნაკლებად ცნობილია, რომ დარეჯან დედოფალი იმედითაც კი მოელოდა აღა-მაჰმად ხანის მოსვლას, იმედოვნებდა, რომ ტახტის მემკვიდრის უფლებას წაართმევდა გიორგის და თავის საყვარელ შვილს, იულონს გადასცემდა.

ასეთ ვითარებაში ქვეყანა განწირული იყო და კრწანისის ტრაგედია ფაქტიურად ლოგიკური ფინალიც კია

ძმები მუდმუვ ქიშპობაში იყვნენ გიორგისთან მეფობის გულისთვის და ერთი მხრივ თითქოს მართლდება კიდეც გიორგის საქციელი რუსეთის მიმართ.
მას ძმებმა და დარეჯან დედოფალმა არც კი მისცეს საშუალება ნორმალური მოქმედებისა. ისე კი თავად ერეკლე მეფე ამბობდა რომ ,,საუკეთესო მეფე იქნება ჩემი შვილი გიორგიო''.

ეს რაც მახსოვს და დაწვრილებით თუ სადმე მოვიძიე კიდევ მოგწერთ.


lenus გაიხარე, საინტერესო თემაა.