მართლმადიდებლური ეკლესია-მონასტრები უცხოეთში, ისტორიები, სურათები... პარამეტრები

[ნათია]

ამ თემას ვხსნი ჩვენი ფორუმელი staywhite-ის თხოვნით...

ნანა საინტერესო ინფორმაციებს და სურათებს მოგვაწვდის უცხოეთში არსებული არაქართული მართლმადიდებლური ეკლესია-მონასტრების შესახებ

ველით საინტერესო ინფორმაციას...

[guest]

რუკუმიის მონასტერი ( Рукумија ), სერბეთი

მონასტრის სახელი რუკუმია პირველად 1733 წლიდან არის ჟამთაღმწერთან მოხსენიებული,ამბობენ რომ ამ მონასტერს ადრე სხვა სახელი ერქვა, კერძოდ ვარლიშტე. სერბეთში სულთან მურატ III-ის მმართველობის პერიოდის დროინდელ (1574-1595 წწ.) ჩანაწერებში მოხსენიებულია დღევანდელი რუკუმიის მონასტრის მახლობლად მდებარე სოფლებთან: რუკუმია და მარკოვცისთან მდებარე მონასტერი ვარლიშტე, რამეთუ ახლანდელი მონასტრის ტერიტორიაზე სხვა მონასტრის ნაშთები არ მოინახა, ამბობენ რომ ეს მონასტერია სწორედ ვარლიშტეს მონასტერი.

თვით მონასტრის სახელი რუკუმია თავისი ეტიმოლოგიის რამდენიმე ვარიანტს ექვემდებარება. ერთია, რომ რუკუმია გადმოტანილია ბერძნული სიტყვა გეროკომიიდან, ანუ ადგილი სადაც მოხუცები ინკურნებოდნენ, იგივე მოხუცთა საავადმყოფო. მონასტრის მახლობლად რამდენიმე სამკურნალო წყარო არსებობს და თვლიან რომ არ არის გამორიცხული ეს ვარიანტი სიმართლეს შეესაბამებოდეს.

მეორე ვერსიად ითვლება, რომ აქ მოსწყდა ხელი პატიოსან დას - ელენიცას, ცხენებზე მიაბეს რა თურქებმა საწამებლად (рука ხელი , Руку ми је ....- Руку мне …/მაგ. Отарвали / - რუსული ექვივალენტი ). გადმოცემის მიხედვით, მოწამე ელენიცას ხელი ამ მონასტერშია დაფლული.

მონატერში დღეს მოგვაწეობს სამი დედა და რამდენიმე ბერი. ადრე დედათა მონასტერი იყო,ახლა კი მამები ცხოვრებენ, დედათა სადგომები კი გადატანილია მონასტრის გარეთ. მონასტრის იღუმენია მამა სვიმეონი, ეკლესიის მღვდელია პატიოსანი მამა საბა.

მე პირადი საუბრები მქონდა იქაურ სასულიერო პირებთან, მიგვიპატიჟეს რა ტრაპეზზე. ძალიან დიდი სიყვარული გამოხატეს ქართველი ერის და ქართული ეკლესიის მიმართ, მიიჩნევენ რომ ქართველი მრევლი სამაგალითოა მათთვის

დედა ათანასიამ კი განსაკუთრებულად გამოიჩინა ქართული ეკლესიის ისტორიის ცოდნა, დაასახელა ბევრი ქართველი წმინდანი და აგრეთვე ქართული მონასტრები. რაზედაც მე თვითონ ძალიან მოხარული დავრჩი.

მონასტერში ინახება ბევრი რელიქვია,აგრეთვე განთავსებულია როგორც ადრინდელი , ასევე ახალმოწამეთა საფლავები.

მონასტერი არის წმინდა ნიკოლოზის სახელობის.

p.s. მონასტრის ბიბლიოთეკა-მაღაზიაში კი ბევრი საინტერესო წიგნი ვნახე, მათ შორის იყო არქიმანდრიტ ლაზარ აბაშიძის სტატია.
"ცასთან მახლობელი მიწა" - ასე ქვია სერბულ ენაზე გამოცემულ წიგნს ქართველ წმინდანთა ცხოვრებაზე, ტირაჟია 500. რუკუმიის მონასტერში კი ბოლო წიგნი უფლის შეწევნით მე შევიძინე.- წიგნის შესახებ ინფორმაციას უკვე არსებულ შესაბამის თემაში განვათავსებ. მე ძალიან მომეწონა და გახარებული ვარ.

სურათები იხილეთ ქვემოთ.