დავით სოსლანის გენეალოგია პარამეტრები

[Lenus]

................

[ნაინა]

თანაც ვერ დაწერ კაცი ოფიციალურ ნაშრომში რომ დავითის შვილი კატა იყო ბოზანტიის იმპერატორის რძალი, თუ ბიზანტიის შემსწავლელმა გენეალოგმა თავისი წყაროებით ეს არ დაადასტურა...

ბიზანტიელი გენეალოგები როგორ წერენ მაგას ვერ გეტყვი, მაგრამ ქართლის ცხოვრებაში არის მოყვანილი ის ფაქტი რომ დავით აღმაშენებლის ასული კატა ბიზანტიაში იყო გათხოვილი, დავწერ სრულ მონაკვეთს როგორც გადმოგვცემს დავით აღმაშენებლის ისტორიკოსი ამ ამბებთან დაკავშირებით. იგულისხმება როგორც ვიცი 1116 წელი.

,,მასვე წელსა ასული თვისი კატა გაგზავნა საბერძნეთს სძლად ბერძენთა მეფისად. რამეთუ პირველ ამისსა პირმშო ასული თვისი თამარი გაეგზავნა დედოფლად შარვანისა, რათა ვითარცა ორნი მნათობნი--ერთი აღმოსავლეთს, ხოლო მეორე დასავლეთს --ცისკროვანს ჰყოფდენ სფეროსა, მამისაგან მიღებულნი მზეებრთა შარავანდედთანი''

ერთის მხრივ არის ვარაუდი, რომ დავითის ასული კატა დაქორწინდა ანა კომნენოსისა და ნიკიფორე კრიენიოსის უფროს ვაჟზე --ალექსიზე, მაგრამ, როგორც უკანასკნელ ხანს მეცნიერებმა (ო, ლორთქიფანიძე, ვ, კოპალიანი, შ, მესხია) დააზუსტეს, იგი მისთხოვებია ბიზანტიის იმპერატორის ალექსი კომნენოსის უმცროს ძეს --ისაკს.

თამარის ქორწინება 1105-1106 წლებშია სავარაუდებელი.
მასზეც არის დავა, რომ დავითის ასული თამარი დაქორწინებულა აფრიდუნ შირვანშაჰის ძეზე --მანუჩარ მეორეზე.
მ.ბროსე და დ. ბაქრაძე თვლიდნენ რომ თამარის ქმარი მანუჩარი კი არა აღსართანი იყო, ამ მოსაზრების მცდარობა დაასაბუთა ე. პახომოვმა. აღსართანი თამარის ქმარი კი არა
შვილი იყო. თამარის პირველი ისტორიკოსი პირდაპირ მიუთითებს, რომ აღსართანი გიორგი მესამის ,,მამის დის წული'' იყო.

ასეა აღწერილი ქართლის ცხოვრებაში, პირველი. გვ 334. და ქართლის ცხოვრება. მეორე. გვ 17
და სწორედ ასე წერია დიპლომატიის ისტორიის ნარკვევებშიც. გვ 288-289-292

,,