1 წელი გასულა...., :* პარამეტრები

[კანონისტი]

ჩემო ქრისტეს მიერ ძმებო და დებო,

დღეს 1 წელი გავიდა ჩემი ამ ფორუმზე დარეგისტრირებიდან, ამიტომ არ შემეძლო, რომ სიტყვიერად მაინც დიდი მადლობა გადამეხადა ფორუმელებისათვის

church.ge-მ ამ ხნის განმავლობაში მნიშვნელოვანი ადგილი დაიკავა ჩემ პირად ცხოვრებაში

church.ge-მ შემძინა უამრავი მეგობარი, უფლის მიერ საყვარელი ძმები და დები, რომლებთან ერთად ლოცვა, ურთიერთობა, აზრების გაზიარება განსაკუთრებულ ძალას მაძლევს

church.ge-მ ძალიან ბევრი რამე მასწავლა: დიალოგი, აზრის გამოხატვა, შენდობის თხოვნა, შემწყნარებლობა

church.ge-ს იცნობს თითქმის ჩემი ყველა ახლობელი, უამრავი მოძღვარი და ეპისკოპოსიც კი, მეამაყება ამ ფორუმის არსებობა და ის, რომ მეც მისი ნაწილი ვარ

ამ ერთი წლის მანძილზე უამრავჯერ მიგრძვნია სითბო და სიყვარული თქვენგან, რისთვისაც მადლობას გიხდით თქვენ და მადლობას ვწირავ კაცთმოყვარე ღმერთს!

ამ ერთი წლის მანძილზე, რამდენჯერ დამიბრკოლებიხართ, უხეშად მომიმართავს, შემიწუხებიხართ... რისთვისაც შენდობას გთხოვთ უფლის სახელით

გლოცავთ სულითა და გულით, განსაკუთრებით კი ჩემ ქრისტეს მიერ ძმას - გიორგის, ამ ფორუმის ადმინს, რომლის დამსახურებაცაა ასეთი ბრწყინვალე საქმის განხორციელება, თითოეულ ჩვენგანთან ერთად

უფლის მადლი ფარავდეს ჩვენ ფორუმელებს და სრულიად საქართველოს!

ქრისტესმიერი სიყვარულით,

დათო

ჰოი, ყოვლადწმიდაო სამებაო, უფალო უფლებათაო, შემოქმედო ცათა და ქუეყანისაო, მამაო ძეო და წმიდაო სულო, მოვიკრებ ყოველსა აზრსა და გონებასა ჩემსა, ლმობიერად შეგივრდები შენ ჭეშმარიტსა ერთსა უფალსა, ჩვენთა წინაპარათა ღმერთსა და გევედრები, მარადჟამს დაიფარე, დალოცე და აკურთხე წ ე ვ რ ნ ი ა მ ი ს ა ფ ო რ უ მ ი ს ა ნ ი, თანამავალ ექმენ ყოველთა დღეთა ცხოვრებისა მათისათა, მოგვმადლე სული ლმობიერი, გული კეთილი, ურთიერთსიყვარული და ურთიერთპატივისცემა, იყავნ ჩვენ შორის უფალო, სიტყვისაებრ შენისა, ვითარმედ "სადა ორი გინა სამი შეკრბეს სახელითა ჩემითა, მე მუნვე ვარ", გარდამოგვივლინე მადლი სულისა წმიდისა შენისა, რათა მისითა მეოხებითა განცხოველებულნი და განბრძნობილი უკუნისამდე აღვიარებდეთ პატიოსანსა და დიდად შუენიერსა სახელსა შენსა, მოგვეც უფალო ერთობა და ღირს გვყავ, რათა ოდეს ინებო განსლვაი ჩუენი ამიერ სოფლითგან, ესე ერთობით განგადიდოთ შენ, შემოქმედი ჩვენი საყოფელსა ყოვლადწმიდასა და სასურველსა შენსა საშუებელთა შინა სამოთხისათა, მეოხებითა ყოვლადწმიდისა ღვთისმშობელისა და ყოველთა წმიდათა შენთათა. ამინ!

[KAIROS]

ისე,ყველასთვის ერთი მისალოცი თემა არ ამართლებს, კაიროს ჩემო, იმიტომ, რომ შეიგნით ძაღლი პატრონს ვერ ცნობს, ვის ულოცავენ, ვის უკვე მიულოცეს და ვისთვის აწი აპირებენ ვერ გაიგებ.

ეგ მხოლოდ ერთი მხარია მედალისა, აბა ახლა მე როცა ( 9 ნოემბერს) აქ ყოფნის 1 წელი შემისრულდება, სულაც არ ვაპირებ თემის გახნსას,მცირე პოსტს ამ თემაში კი დავწერდი...

და კიდეც აქ უბრალო მილოცვა კი არ იქნება, არამედ სურვილი, იდეა,შინაარსიანად შეიძლება იქცეს თოფიქი...

მოკლედ თქვენ გადაწყვიტეთ...