ბაგრატიონები დავით მეფსალმუნის მემკვიდრენი?, თუ რაიმე ინფორმაცია მოგეპოვებათ პარამეტრები

[guest]

ერთერთ სტატიაში (სერბულ ენაზე წიგნი ქართველ წმინდანთა შესახებ, სადაც მიმოხილულია აგრეთვე ისტორიული პერიოდები ), წავიკითხე ორ ადგილას, რომ ბაგრატიონები არიან დავით მეფსალმუნის მემკვიდრენი, ასევე წერია ცალკე დავით აღმაშენებელზე (ცხადია, ისიც ბაგრატიონია). ერთერთი მონასტრის იღუმენმაც ახსენა ქართველ მეფეთა ბიბლიური წარმოშობა.

რაღაც მწირი ინფორმაცია ადრე სკოლის პერიოდიდან გადაკვრით გამახსენდა ახლა, თუ არ ვცდები სუმბათ დავითისძეს მტკიცება, მაგრამ როგორც ვთქვი, აღარ მახსოვს ზუსტად,თუ ვცდები მაპატიებთ.

ძალიან გთხოვთ, თუ რამე ინფორმაცია გაგაჩნიათ ამ თემის ირგვლივ, დაწეროთ, მე პირადად ძალიან მაინტერესებს.

სტატიას გადავუღე სურათი,სადაც ნახსენებია ზემოთხსენებული.





წინასწარ მადლობა.

[marine]

"გენეალოგიის გაშუქებისას ისტორიკოსი სუმბატ დავითის ძე მოგვითხრობს, რომ ტყვეობაში (იგულისხმება ებრაელთა ტყვეობა) სოლომონს შვიდი ვაჟიშივილი ყოლია. წამოსულა შვიდივე ძმა სამხრეთიდან ფილისტიმელთა ტყვეობიდან. სამი მათგანი ეკლეცს (სომხეთი) მოსულა რაქაელ დედოფალთან. ამ უკანასკნელს ისინი მოუნათლავს.

"და დაშთეს იგინი ქუეყანათა სომხითისათა და მუნ დღეინდელად დღემდე შვილნი მათნი მთავრობენ სომხეთს" იუწყება სუმბატ დავითის ძე. ოთხი ძმა კი მოსულა საქართველოში.

"ხოლო ერთი მათგანი, სახელით გუარამ, განაჩინეს ერისთავად და ესე არს ერისთავი ქართლისა და მამა ბაგრატიონთა და ესე ბაგრატონიან(ნ)ი შვილიშვილნი და ნათესავნი არიან მის გაურამისნი" - დასძენს იგივე მემატიანე.

დანარჩენი სამიდან ერთი ძმა წასულა კახეთს და ორიც კამბეჩანს. იქ მათ მოუკლავთ სპარსთა სპასალარი და დაუპრიათ კამბეჩანი "და დასდეს იგინი მუნ ცხოვრებად ხორნაბუჯს და ამა ჟამამდე შვილნი მათნი მთავრობენ მას შინა" - იუწყება სუმბატ დავითის ძე.

რაც შეეხება მათი მოსვლის ქრონოლოგიას მხედველობაში მისაღებია მემატიანის მითითება გუარამის მიერ მცხეთის ჯვრის დაწყების შესახებ. მისი სიტყვით, სწორედ გუარამს დაუდვია "საფუძველი ჯუარისა ეკლესიისა, რომელ არს მცხეთას." ამის მიხედვით, ბაგრატიონთა ოთხეულის მოსვლა საქართველოში მემატიანეს VI საუკუნის დასასრულის მოვლენად მიაჩნია."

რას მოგვითხრობს ქართლის ცხოვრება, თბ. 1971