დამნაშავის დასმენა, რამდენადა და რა შემთხვევაშია დამნაშავის დასმენა ცოდვა? პარამეტრები

[Ismail]

არ ვიცი, რამდენად ყოფილა ამ ფორუმის სხვადასხვა განყოფილებებში ლაპარაკი ამ თემაზე, ყოველ შემთხვევაში, მე ძალია მაინტერესებს და ვერანაირად ვერ მოვახერხე ჩემი მოძღვრისთვის მეკითხა ამის შესახებ.

ჯაშუშობა (დაბეზღება მთავრობასთან და სხვასთან) ცოდვად ითვლება.

მაგრამ იგულისხმება თუ არა ამ ცოდვად დამნაშავის მხილება? მაგალითად: მოკლეს 17 წლის ბიჭი. ადამიანი, რომელიც მოწმედ იქნა გამოძახებული ამ საქმეზე, ხელს ადებს მკვლელს და ამბობს, რომ მკვლელობა სწორედ ამ ადამიანმა ჩაიდინა. ჩაითვლება თუ არა ეს ცოდვად, ან ჩაითვლება თუ არა ცოდვად სხვა მძიმე დანაშაულის (ძარცვა, ყაჩაღობა, გენოციდი, ადამიანის წამება...) ჩამდენის მხილება? მე მგონი კანონიერებისათვის ხელის შეწყობა ქრისტიანობისთვის მიუღებელი არ უნდა იყოს (ამ შემთხვევაში არ ვგულისხმობ საზოგადოებაში დამკვიდრებულ შეხედულებებს ჩაშვებისა და დაბეზღების შესახებ).

შეიძლება ვცდები.

დაპოსტეთ, თუ შეიძლება თქვენი მოსაზრებები.

[guest]

კარგით, ეხლა მეორე კითხვა.

დაინახეთ, როგორ გავიდა სადარბაზოდან ორი ბიჭი, რომელთაც თეთრეულში გახვეული, ორი დიდი ფუთა მიაქვს, მიაქციეთ ყურადღება და სახეზე დაიმახსოვრეთ, იფიქრეთ ნაგავი ან რამე სხვა მიაქვთო,ანუ ეჭვი არ დაგებადათ. რამოდენიმე საათში იგებთ, რომ თქვენს არცთუ სასურველ , თუგინდ სასურველ მეზობელს გაუტეხეს ბინა, ერთი სიტყვით კარგად დააღუდუდეს. როგორ იქცევით პოლიციის მოსვლის შემდეგ?

ჩვეულებრივ, მაგ დროს პოლიცია ეკითხება მეზობლებს, რაიმე საეჭვო ხომ არ შეუმჩნევიათ. თუ მკვლელობასთან გვაქვს საქმე, ჩემითაც ვეტყვი, რომ დავინახე და თუ ქურდობაა მხოლოდ, მაშინ მხოლოდ მაშინ თუ მკითხეს, ისედაც ქურდობის დროს ძიება და მკვლელობის დროს ძიება განსხვავდება ერთმანეთისგან, პოლიცია რომ იწერს ამ ჩვენებებს, არ ნიშნავს რომ აუცილებლად შეეცდება იპოვოს ისინი, დღეში ათასი ხდება ასეთები.რა ვიცი აბა, რეალურ სიტუაციას გააჩნია, წინასწარ კაცმა არ უწყის რას იზამს...