ლოცვის ძალა თუ ღვთის ნება პარამეტრები

[მხევალი ნინო]

ლოცვა სულის სუნთქვაა, ლოცვა უფალთან საუბარია. ლოცვას დიდი ძალა აქვს. ეს სიტყვები ვიცი, მაგრამ მწამს? უფრო სოწრედ რისი მწამს აღარ ვიცი.

ჩემს ცხოვრებაში ბევრი რამ მომხდარა და ძალიან მნიშვნელოვანი. ან ბევრი რამ მინდოდა მომხდარიყო მნიშვნელოვანი. როცა რაღაც მნიშვნელოვანი მინდოდა მომხდარიყო ჩემს ცხოვრებაში მივმართავდი უფალს, მაგრამ არ ხდებოდა... შემდეგ ჩემს თავს ვეუბნებოდი ეს ღვთის ნებაა, უფალმა ტავად იცის რა უნდა მომცეს და როდის. ამ წუთას ჩემი თხოვნის ასრულება ტავად ჩემთვის არ იქნებოდა კარგი, მაგრამ რწმენა იკარგებოდა. ლოცვის ძალის რწმენა, შესმენის რწმენა.

შემდეგ კითხვები გაჩნდა, თუ მაინც ისე მოხდება როგორც უფალს სურს, თუ ჩემს ლოცვას არა აქვს ძალა და ამით მაინც არაფერი იცვლება რაღა საჭიროა ლოცვა...

თუ ყველაფერი ნიშვნელოვანი მაინც ღმერთის გადასაწყვეტია მე რატომ ვილოცო. მერე განსაცდელის ჟამს, როგორც კი ლოცვას ვიწყებ გულში ეჭვი ჩნდება, მომისმენს კი? შეისმენს კი? იქნებ მას სხვანაირად სურს და ეს უკვე გადაწყვეტილია, მაშინ მე რატომღა ვტხოვ, რა საჭიროა, რა აზრი აქვს?

იყავ ნება შენი. ეტყობა ამ სიტყვებშია იმ შეკითხვის პასუხი, რაც მე დავწერე. ალბათ ამ სიტყვებიშია ყვლეაზე დიდი მორჩილება და მინდობა, მაგრამ მე ეს ბოლომდე არ მესმის.

მაგრამ მაშინ რა საჭიროა ლოცვა? თუ ყველაფერს მაინც უფალი წყვეტს, რომელმაც ჩვენზე უკეთესად იცის რა დროს რა გვჭირდება ყველაზე მეტად. რატომღა ვირწმუნო ლოცვის ზალის? მხოლოდ იმიტომ რომ შეიძლება იმ დროს ისეთი რამე ვთხოვო, რაც ჩემთვის მისაღებია და ამიტომ მივიღო?

ამ თემის გახნის სისწორეზეც ეჭვი მეპარება, მაგრამ რაღაც ჭკვანურის და კარგის მოსმენის იმედი მაქვს.

[კანონისტი]

ლოცვას განსაკუთრებული ადგილი აქვს ქრისტიანის ცხოვრებაში.

რატომ და რისთვის უნდა ვილოცოთ?

უფალს უნდა ვთხოვოთ ერთადერთი - რომ იყოს მისი წმინდა ნება და განგებულება ჩვენ ზედა და ჩვენ ცხოვრებაზე. ცხადია, ადამიანი სუსტი არსებაა და შეიძლება მან ვერ გააცნობიეროს რა არის უფლის ნება, რა უნდა უფალს, რა იქნება მისთვის უკეთესი. დასაშვებია უფრო მძიმე შემთხვევაც - როდესაც ადამიანმა იცის, რომ რაღაც საზიანოა მისი სულისათვის, მაგრამ მაინც უნდა....

ხშირად ისმის კითხვა: რა ვქნათ, როგორ ვთხოვოთ უფალს, როცა რაღაც გვინდა? განა თავად უფალი არ ამბობს, რომ "იცის მამამან თქუენმან ზეცათამან, რაი გიხმის თქუენ". მაშ, რა ვთხოვოთ უფალს და როგორ? სახარებაში უფალი ყველაფერს გვასწავლის, მათ შორის ლოცვასაც. "უფალო, ამაცილე ეს სასმელი, მაგრამ იყოს არა ისე, როგორც მე მინდა, არამედ - შენ." აი, როგორ უნდა ვთხოვოთ უფალს. ღმერთო, მე ასე მინდა, მაგრამ იყოს ისე, როგორც შენ წმინდა ნებას სურდეს

ერთი მაგალითი გამახსენდა ამაზე. ერთი მნიშვნელოვანი რამ ხდებოდა ჩემ ცხოვრებაში, რომლის დადებითად გადაწყვეტა ძალიან ძალიან მინდოდა. უფალს ყოველდღე ვთხოვდი, რომ მართალია მე ეს მინდა, მაგრამ დაე იყოს ნებისაებრ შენისა-მეთქი. თუმცა, საკუთარ თავს ვატყობდი, რომ ისე მინდოდა, რომ რეალურად, უფალს არ/ვერ ვანდობდი ამ საქმის დასრულებას, თითქოს მინდოდა, რომ უფლის ნება მაინცდამაინც ჩემსას დამთხვეოდა (!) და არა ჩემი - მისას. ასე გაგრძელდა რამდენიმე თვე. საქმე კი, წარმოიდგინეთ, არც დადებითაც წყდებოდა და არც უარყოფითად.
ბოლოს დავიღალე.....
აღარ მინდოდა ასე დაუსრულებლად ყოფნა
და წმ. სამების საპატრიარქო ტაძარში ავედი და ამდენი ხნის შემდეგ პირველად მართლა გულით ვთხოვე უფალს "დაე იყოს ისე, როგორც შენ გსურს".
იმ კვირაში დადებითად გადაწყდა....