ჩვენს მიერ ნათარგმნი სტატიები, აქ განვათავსოთ,როგორც შევთანხმდით პარამეტრები

[guest]

აქ განვათავსოთ ჩვენს მიერ ნათარგმნი სტატიები და იყოს როგორც "საცავი ბიბლიოთეკა"

თხოვნა თამართან (ცქნაფო) : შეძლებისდაგვარად, რამდენადაც დრო საშუალებას მოგცემს გადახედე გთხოვ , სტილისტიკურად ესაჭიროება შესწორება და მერე შევცვალოთ ჩასწორებულით. ეს თხოვნა ეხება ყველას, ვისაც ქართული ენის კარგი ცოდნის პრეტენზია აქვს, მოკლედ, ყველას შენიშვნებს ვღებულობთ

ვიწყებ მოგროვებას, რაც ამ ფორუმზე დევს. ჯერჯერობით მხოლოდ ჩემი რაცაა ის ვიცი, თქვენაც გაიხსენეთ, რა გაქვთ განთავსებული და აქ მოიტანეთ

[guest]

ეს არის ღირსი მამა იუსტინე ჩელიელის (პოპოვიჩი) საუბრის თარგმანი ,კარლოვაცში 1924 წელს წითელ პარასკევს.
ორიგინალურ ტექსტს გააჩნია მეტი 2 აბზაცი, მაგრამ რადგან მასში ძირითადად სახარებიდან აქვს ციტატები მოყვანილი, ვერ ვრთარგმნე , აქ არ მაქვს სახარება ქართულ ენაზე და როცა სახლში დავბრუნდები, იქ ჩავამატებ.

გთხოვთ გადახედოთ და ფილოლოგებმა კი იქნებ დრო ნახოთ და "გადაუაროთ" ნათარგმნებს :D :მპუა: თამარ, კოლეგა გყოლია სერაფიტა, იქნებ წაგაშველოს ხელი და კვირაში 1 საათიც რომ დაუთმოთ ყველას მოილევთ. მადლობთ :)


საშინელი სამსჯავრო უფლის მიმართ

( ღირსი მამა იუსტინე ჩელიელის (პოპოვიჩი) საუბარი წითელ პარასკევს, 1924 წ. კარლოვაცის საპატრიარქო ტაძარში )

ძმებო,არასოდეს არ ყოფილა უფალი ადამიანში ისე მცირედ, როგორც დღეს. არასოდეს არ ყოფილა უფალი მიწაზე ისე მცირედ, როგორც დღეს.ყველაზე მეტად დღეს არის ადამიანში ეშმაკი განსხეულებული, რათა გადააჯიშოს ადამიანის მოდგმა. დღეს ყველა სახის ბოროტება ჩასახლებულა ადამიანის სხეულში, რათა ღმერთი განდევნოს მისგან .

დღეს მთლიანი ჯოჯოხეთი მიწაზე გადმოსახლებულა. განა ახსოვს ვინმეს, რომ მიწაზე ოდესღაც სამოთხე იყო? ადამიანის დღევანდელი დაცემა უსაზღვროდ აღემატება ადამიანის პირველყოფილ დაცემას : მაშინ ადამიანი გამოვარდა ღმერთისგან, დღეს კი მან ჯვარს აცვა ღმერთი, მოკლა ღმერთი.

ადამიანო, რა არის შენი სახელი თუ არა ეშმაკი? აჰა, ანუ რაებს ვლაპარაკობ? ვიცი!... ეს ეშმაკის შეურაცხყოფაა. ეშმაკს არასოდეს უცემია ისე უმოწყალოდ, როგორც დღეს ადამიანმა ეს ხელოვნების დონეზე აღასრულა. უფალი იესო ქრისტე ჯოჯოხეთშიც შევიდა, მაგრამ ის იქ არავის ჯვარზე არ გაუკრია, ჩვენ კი ეს ვქენით. განა ამით ადამიანი ეშმაკზე ცუდი არ არის? განა ამით დედამიწა ჯოჯოხეთზე უარესი ჯოჯოხეთი არ გახდა? ჯოჯოხეთიდან ქრისტე არ გამოუგდიათ, დღეს კი ადამიანებმა ის განდევნეს მიწიდან, საკუთარი სხეულიდან, საკუთარი სულიდან, საკუთარი ადგილსამყოფელიდან...

ძმებო, სულში გველივით შემიძვრა ერთი კითხვა და ამპარტავნულად მეკითხება: ნუთუ ადამიანი ოდესმე შეიძლება სათნო ყოფილიყო, შეძლო რა მან ქრისტეს ჯვარცმა? შენ გჯერავს ადამიანის, აქებ მას, ოპტიმისტი ხარ? ოჰ, შეხედე ადამიანს, შეხედე კაცობრიობას წითელი პარასკევის "გადმოსახედიდან", შეხედე როგორ კლავს კაცი ღმერთკაცს და მითხარი : ახლაც ოპტიმისტი ხარ? ნუთუ არ გრცხვენია, რომ კაცი ხარ? ვერ ხედავ, რომ ადამიანი ეშმაკზე უარესია? ნუთუ არ არის თვით ადამიანი ყოველგვარი ბოროტების თესლი, ყოველგვარი სისაძაგლის წყარო? ნუთუ დღეს ადამიანმა მოკლა რა ღმერთი , არ დაამტკიცა, რომ თვით ადამიანია მიწის სიგიჟე?

თვით საშინელი განკითხვის დღეც კი, ძმებო, არ იქნება ბევრად საშინელი, როგორიც წითელი პარასკევია. რამეთუ მაშინ უფალი იქნება მსაჯული და დღეს კი ადამიანია ამის მოქმედი. დღეს არის საშინელი სამსჯავრო ღმერთის მიმართ, მას კაცობრიობა ასამართლებს. დღეს კაცი აფასებს უფალს 30 ვერცხლად! ნუთუ ეს ბოლო ფასია? ნუთუ იუდა ჩვენი უკანასკნელი სიტყვაა ?

დღეს კაცობრიობამ უფალს სიკვდილი მიუსაჯა. ეს არის უდიდესი ამბოხება და ცოდვა ცისა და მიწის ისტორიაში.დაცემულ ანგელოზებსაც არ უქნიათ ეს. დღეს აღსრულებაში მოვიდა უფლის მიმართ საშინელი სასამართლოს განაჩენი : დროს და ჟამს არ ახსოვს ასეთი უდანაშაულო ბრალდებული და ასეთი უგუნური მოსამართლე ! დაცინეს ღმერთს, ისე როგორც არც არავის და არასოდეს. შეარცხვინეს ის, ვინც ჩვენს სადიდებლად მოვიდა, აწამეს ის, რომელიც ჩვენ ტანჯვისგან გასათავისუფლებლად მოვიდა, გადასცეს სასიკვდილოდ ის, რომელმაც ჩვენ სამუდამო სიცოცხლე მოგვიტანა...

ადამიანო, აქვს შენს უგნურებას საზღვარი? აქვს შენს დაცემას ძირი?

ჯვარცმა, ყველაზე დამამცირებელი სასჯელი - და ეს სასჯელი მას, რომელმაც ჩვენ მუდმივი დიდება გვიბოძა. უძლურო ! მან შენ გაგკურნა უძლურებისგან და შენ მას ჯვარცმას ჩუქნი? ბრმავ ! მან შენ თვალი აგიხილა განა იმისთვის, რომ დაინახო როგორ გააკრავ ჯვარზე? მკვდარო!
მან შენ აგღადგინა სიკვდილისაგან და შენ ის შენს საფლავში დამარხე?

ძმებო, წითელი პარასკევი ჩვენი უდიდესი სირცხვილი და დამარცხებაა.

იუდა ისკარიოტელში ყოველი ჩვენგანის სულის რაღაც ნაწილი იყო.ასე რომ არ ყოფილიყო, უცოდველნი ვიქნებოდით. იუდას სახით ჩვენ ყველანი დავეცით. ყოველმა გავყიდეთ ქრისტე და ვეზიარეთ ეშმაკს : წმინდა სახარების მიხედვით იუდაში სატანა ჩასახლდა, გაუცვალა რა ეშმაკს თვით მაცხოვარი. აჰ, განა არსებობს ამაზე დიდი ცოდვა,ამაზე დიდი საშინელება? ვერცხლთმოყვარეობავ, შენ გაყიდე უფალი! ვერცხლთმოყვარეობავ, შენ დღესაც ჰყიდი ქრისტეს!

იუდა, რომელიც სამი წელი ქრისტეს მოწაფე იყო, რომელიც თვალთმხილველი იყო ქრისტეს სასწაულების, რომელიც ქრისტეს სახელით ავადმყოფთ კურნავდა, ვერცხლმოყვარეობის გამო გამყიდველი გახდა და მაშინ მე, შენ და სხვას განა ვერ გაგხვდის გამყიდველად , გამცემად და ქრისტეს მკვლელად? იუდა დიდ ხანს იყო მასთან ერთად, ვისაც თავის მისადები არ გააჩნდა, რომელიც საქმით და სიტყვით ასწავლიდა, რომ არ არის აუცილებელი ვერცხლის და ოროს ქონება და მე? და შენ? ძმაო, თუ არ შეგიძლია იყო ბედნიერი უქონლობაში, თუ არ შეგიძლია იყო მხიარული სიღარიბეში, მაშინ შენც იუდასნაირი კანდიდატი ხარ! არ იკითხო : "ნუთუ მე უფალო?", რამეთუ პასუხად მიიღებ: "თვითვე ამბობ"!

ძმაო და მეგობარო,სამუდამოდ დაიმახსოვრე: ვერცხლთმოყვარეობამ ჯვარს აცვა ქრისტე, მოკლა ღმერთი. ვერცხლთმოყვარეობამ ქრისტეს მოციქულისგან უფლის მტერი და უფლის მკვლელი შექმნა. მაგრამ არა მხოლოდ ეს, არამედ ამანვე მოკლა თვით იუდაც... ვერცხლმოყვარეობა დაწყევლილი თვისებაა, უპირველესად კლავს ადამიანში ღმერთს, შემდეგ კი სამუდამოდ კლავს თვით ადამიანს.

ღმერთის წამებით ადამიანი ეშმაკზე უმოწყალოა. არ გჯერავთ? გაიგონეთ რას ამბობს თვალთმხილველი: მას აფურთხებდნენ სახეში... ახ, მის ლამაზ სახეში...მას, შემოქმედს და მაცხოვარს, აფურთხებენ და სცემენ, ის კი მოთმინებით და უხმოდ იტანდა ამას. გაქვს შენ გამართლება , როცა შურაცხყოფას შეურაცხყოფითვე პასუხობ? როცა სიავეს სიავითვე უბრუნებ? როცა წყევლი მაწყევარს? როცა გძულს შენი მოძულე? ბოროტების ბოროტებითვე დამბრუნებელი შენ აფურთხებ ქრისტეს. მოძულის მომძულებელი შენ სცემ ქრისტეს, შეურაცხყოფის არ დამთმენი შენ დასცინი და არცხვენ ქრისტეს, რამეთუ ეს თვით მაცხოვარს ამ დღესაც არ უქნია...

ჯვარს ვაცვით ღმერთი.. ადამიანო, რა გინდა კიდევ? ნათელგონიერი ავაზაკი ყაჩაღი რომ არა, შენ ვერ გამართლდებოდი. ეს ყაჩაღი რომ არ ყოფილიყო, დედამიწა მუდმივ ჯოჯოხეთად დარჩებოდა: მან ჯვარცმული იესო უფლად აღიარა! ეს ავაზაკია ჩვენი იმედი, რამეთუ მან იწამა ქრისტე ღმრთად სწორედ მაშინ, როდესაც ის იყო შეურაცხყოფილი, შეგინებული, ნაწამები ყველაზე სასირცხვილო სასჯელმისჯილი - ჯვარზე გაკრული. ჯვარცმულმა ქრისტემ აჩვენა მათ მისი ღვთაებრიობა, რით ? რით? უპასუხა რა ავაზაკს ? კიდევ რით? -მზისდაბნელებით და მიწისძვრით? კიდევ რითი? - თავისი ლოცვით : "მიუტევე უფალო, რამეთუ არ უწყიან რას სჩადიან".

თავმდაბლობით და სიმშვიდით მოევლინა უფალი იესო ქვეყნიერებას. ნუთუ უსაზღვრო თავმდაბლობა არ არის, როცა ღმერთი განკაცდება და შეისხამს ადამიანის ცოდვილ სხეულს? ასევე სიმშვიდით და თავმდაბლობით გავიდა უფალი იესო ქრისტე ამ ქვეყნიდან. ხალხმა არ იცის , ვინ არის ქრისტე,ამიტომაც სდევნიან. არ იციან რამხელა სიყვარული, რაოდენი თავმდაბლობა, დათმენაა, დაუშვა რა ღმერთმა, რომ ადამიანმა ის გაასამართლოს, რომ კაცმა მას აფურთხოს, რომ კაცმა ის სცემოს და მოკლას...

დღესაც ბევრი საშინელება ხდება ქრისტეს მიმართ ,ძმებო . ყოველი ჩემი ცოდვა - ქრისტესთვის წითელი პარასკევია. ოთხი ჩემი ცოდვა და ამით ქრისტეს გავაკრავ ჯვარზე. ყოველი შენი ცოდვა, ძმაო, აწამებს ქრისტეს, მას და არა მე და შენ. ცოდვების დაგროვებით შენ ჯვარს აცვამ მას. ნებისმიერი არასუფთა აზრი შენი, არასწორი და უგნური სიტყვა : ჯვარი მას, ჯვარი ! ყოველი ჩემი ცოდვა ეკლის გვირგვინს ადგამს ქრისტეს, ყველა ჩემი ვნება მის მხრებზე ჯვარს სიმძიმეს უმატებს.

ჩვენი შემგინებლობა ქრისტეს მიმართ ბევრად უარესია იმაზე, რაც ებრაელებმა ქნეს. ებრაელებს მანამდე არ ენახათ აღდგომილი ქრისტე ! ჩვენ კი ოცი საუკუნეა უკვე, რაც აღდგომილი ქრისტე ვიხილეთ. ჩვენ დავცინით აღდგომილ ქრისტეს... განა არ აცვამს ჯვარს აღდგომილ უფალს ის მოძღვარი, ვინც თავისი ცხოვრებით თავის მრევლს აბრკოლებს და ქრისტესგან აშორებს ? განა არ დასცინის აღდგომილ უფალს ის პროფესორი , რომელიც ღმერთმოძულეობის თეორიას ასწავლის თავის მოწაფეებს? განა არ აფურთხებს აღდგომილ უფალს ის ქრისტიანი, რომელიც მხოლოდ სახელადაა ქრისტიანი? განა ის ქალაქი, ის ნაქები სიონი, რომლის ტაძარიც მუდამ ცარიელია, არ აგინებს აღდგომილ ქრისტეს? განა ხელმეორედ არ ასამართლებს უდანაშაულოს?

ღმერთო ! ჩვენ შეუწყვეტლივ ვდევნით აღდგომილ ქრისტეს!

ვიღაც იკითხავს: როგორ ვდევნით ჩვენ ქრისტეს, როცა ის ჩვენთან სხეულებრივად არც არის? როცა ჩვენ მას და მის სხეულს ვერც კი ვხედავთ? ოხ ! ვდევნით ჩვენ უფალს, ძმებო, ვდევნით, როცა ვდევნით მის სწავლებას, როცა მის წმინდანებს ვდევნით, როცა მის ეკლესიას ვდევნით... ჩვენ ქრისტეს განვაგდებთ, როცა განვაგდებთ მათხოვარს...ჩვენ ქრისტეს ვდევნით, როცა შიშველს არ ვმოსავთ... ვდევნით უფალს, როდესაც ავადმყოფს არ ვკითხულობთ... რამეთუ თვით ქრისტე სხეულდება ყოველ მშიერში, შიშველში, მწყურვალში, სევდიანში, ავადმყოფში თუ დევნილში, ის მათ ერთად განიცდის განსაცდელს, მათ ერთად ეწამება და მათ ერთად ნაღვლობს...

არამხოლოდ უფალი იესო ქრისტესთვის , ძმებო, არამედ ჩვენთვის, ვინც მას ვატარებთ აღევლინება მიწაზე დღეს წითელი პარასკევი. რაც უფრო მეტად გყავს ქრისტე გულში, მით უფრო დევნილი ხარ. თუ შენ ქრისტესი ხარ, ჩათვალე და ნუ გაგიკვირდება, რომ მუდამ ფეხს დაგაბიჯებენ, ისევე როგორც თვით ქრისტეს. როცა გწყევლიან - დალოცე, როცა გირტყამენ - აპატიე, როცა ძულხარ - შეიყვარე. მოთმინებით დაძლიე მტერი და მწამებელი, ისევე როგორც თვით ქრისტემ. ავი კარგით გადაიხადე, იბრძოლე ისე როგორც თვით უფალი იბრძოდა :

ამპარტავნებას ებრძოლე - სიმდაბლით,

უხეშობას ებრძოლე - მოკრძალებით,

სიძულვილს ებრძოლე - სიყვარულით,

დამცირებას ებრძოლე - პატიებით,

წყევლას ებრძოლე - დალოცვით .

ეს არის გამარჯვებისკენ მიმავალი გზა. გზა, რომელიც გვიჩვენა უფალმა იესო ქრისტემ. წამებით მივიდა ის აღდგომამდე. ჩვენც ამ გზაზე უნდა ვიაროთ, გზაზე, რომელიც აღდგომით მთავრდება.თუ ამ გზას არ ავცდებით, სიკვდილის ტრიუმფალურ დათრგუნვამდე მივალთ. და თუ მაშინაც კი, თუ ჩვენ ჯვარს გვაცვამენ, ვილოცოთ ჩვენი მწამებლებისთვის ისე, როგორც თვით უფალი : "მამაო, შეუნდე მათ, რამეთუ არ უწყიან რას სჩადიან"...

ამინ.