სისხლიანი მსხვერპლი???, აქტიუალური კითხვა პარამეტრები

[დავით ივერიელი]

საკმაოდ ხშირად მოხვედრია ჩემს ყურს მსგავსი კითხვა: "რაში სჭირდებოდა ღემერთს სისხლიანი მსხვერპლი? ჯვარცმა?"

პირდაპირი პასუხი მინდა.... არ დამიწყოთ ახლა ისაო ესაო... პირდაპირ მითხარით...

ამ კითხვამ მეც დამაინტერესა....

საინტერესოა, უფალმა აბრაამს არ დაანება საკუთარი შვილის მოკვლა, მსხევერპლად შეწირვა ...

მან კი "ისე შეიყვარა წუთისოფელი, რომ მოსცა თვისი მხოლოდშობილი ძე" ... სისხლიან მსხვერპლად???

[argani]

საკმაოდ ხშირად მოხვედრია ჩემს ყურს მსგავსი კითხვა: "რაში სჭირდებოდა ღემერთს სისხლიანი მსხვერპლი? ჯვარცმა?"


მან კი "ისე შეიყვარა წუთისოფელი, რომ მოსცა თვისი მხოლოდშობილი ძე" ... სისხლიან მსხვერპლად???

ამით თვითგვემით შეცდომის გამოსწორება ცადა. მისი შექმნილი ვერ აღმოჩნდა ისეთი როგორსაც მოელოდა და ამიტომ სისხლით ცადა საკუთარი თავის დასჯა.
მაგრამ სამოთხის დამკვიდრება მაინც ვერ გაიმეტა თაივსი ქმნილებებისთვის . არ მესმის ღმერთის ლოგიკა.

[seminaristi]

ამით თვითგვემით შეცდომის გამოსწორება ცადა.

ღმერთს არასოდეს არავითარი შეცდომა არ დაუშვია, აქედან გამომდინარე კი შეცდომის გამოსწორების საჭიროება არ არსებობდა. მან დაცემულ ადამიანს სიყვარულით გაუწოდა ხელი სასუფეველში დასამკვიდრებლად.როგორც პავლე მოციქული ამბობს, "სისხლთა და ხორცთა სასუფეველი ღმრთისა დამკვიდრებად ვერ ძალუძთ". ამიტომაც საჭირო იყო ადამიანური, ცოდვის შხამით გახრწნილი ბუნების სასუფეველში მკვიდრობისათვის განახლება. მაცხოვარმა კი სწორედ ეს, ბუნების განახლება განახორციელა თავისი მსხვერპლად შეწირვით, ანუ მან პირველმა, როგორც ადამიანმა და ამავე დროს, როგორც ზეუწმიდესმა ღმერთმა, თავისი მსხვერპლად შეწირვით გზა გახსნა სასუფეველში ადამიანის მკვიდრობისათვის.რაკი კაცთაგან არავის, როგორც უკეთეს შემთხვევაში, პირველქმნილ ცოდვას მაინც დაქვემდებარებულს, არ შეეძლო კაცობრიობის ხსნა ცოდვის ტყვეობისაგან, ამიტომაც გახდა ძე ღმრთისა სრული ღმერთი და სრული კაცი და შეიწირა, რათა ამ მსხვერპლით, ერთდროულად, ადამიანურ ბუნებასაც გაკვალვოდა გზა სასუფევლისაკენ (რადგანაც ქრისტე ადამიანური ბუნებისა რომ არ ყოფილიყო, ვერ გამოიხსნიდა ადამიანს), და ამასთანავე (ამ მსხვერპლს), თავისი ღმრთაებრივი სიდიადით სრულად "შთაენთქა" ნებისმიერი ადამიანის ნებისმიერი ცოდვა.

მისი შექმნილი ვერ აღმოჩნდა ისეთი როგორსაც მოელოდა

ეს ფორუმი მართლმადიდებლურია და ნუ წერთ ყველაფერს რაც თავში მოგივათ. იქნებ გგონიათ, რომ ღმერთს "არ გამოუვიდა" ადამიანი ისეთი, როგორის შექმნაც მას სურდა. წმ. წერილი ამბობს:"ყოველივე, რაოდენი ინება უფალმან, ჰქმნა ცათა შინა და ქუეყანასა ზედა"; "ვითარ განსდიდნეს საქმენი შენნი უფალო და ყოველივე სიბრძნით ჰქმენ".

ამიტომ სისხლით ცადა საკუთარი თავის დასჯა.

ჰოი, უმეცრებავ! ნუთუ გგონიათ, რომ ღმერთი თავს ისჯის. თქვენეული ლოგიკით გამოდის, რომ ღმრთის ქმედებები არასრულყოფილია. აქედან გამომდინარე კი ვისი ქმედებებიც არასრულყოფილია, ნაკლულევანია, თავადაც არასრულყოფილია. ამის მყარად აღიარება კი ღმრთის გმობაა!

მაგრამ სამოთხის დამკვიდრება მაინც ვერ გაიმეტა თაივსი ქმნილებებისთვის.

ეს თქვენ გგონიათ, რომ არ გაიმეტა. ღმერთმა კი თვით პირველი შემცოდველი - ადამი, რომლის მიზეზითაც დაიხშო სამოთხის კარები, და რომლის მიზეზითაც შემოვიდა ამ სოფელში ტანჯვა-ვაება, სასუფეველში დაამკვიდრა. ეტყობა, აზრზე არა ხართ რას ნიშნავს სიტყვები: "ქრისტე აღდგა მკვდრეთით სიკვდილითა სიკვდილისა დამთრგუნველი და საფლავების შინათა ცხოვრების მიმნიჭებელი".

არ მესმის ღმერთის ლოგიკა.

ჰოდა, თუ არ გესმით, სხვებს მაინც ნუ ახვევთ სულის მომწამვლელ აზრებს. ასეთ მდგომარეობაში დუმილი და ლოცვა (თუ საერთოდ ხართ მორწმუნე) საუკეთესო გამოსავალია.