ფერისცვალება უფლისა ჩვენისა იესო ქრისტესი, ფერისცვალება უფლისა ჩვენისა იესო ქრისტესი |
სტუმარს სალამი ( შესვლა | დარეგისტრირება )
ფერისცვალება უფლისა ჩვენისა იესო ქრისტესი, ფერისცვალება უფლისა ჩვენისა იესო ქრისტესი |
ზვარე |
Jul 4 2008, 02:19 AM
პოსტი
#1
|
Member ჯგუფი: Members პოსტები: 286 რეგისტრ.: 15-February 08 წევრი № 3,936 |
მოდით ვისაუბროთ მაცხოვრის ფერისცვალების შესახებ.
ზაფხულია, ფორუმელების აქტივობა მაღალია, ფერისცვალების დღესასწაულამდე ბევრი წაიკითხავს და გაეცნობა თემას. ფერისცვალება იესუ ქრისტესი (6 აგვისტო / 19 აგვისტო) ტროპარი: მთასა ზედა ფერი იცვალე, ქრისტე ღმერთო, და უჩუენე მოწაფეთა შენთა დიდებაჲ შენი ძალისაებრ მათისა და გამოგვიბრწყინვე ჩუენცამ ცოდვილთა ნათელი შენი მიუაჩრდილებელი, მეოხებითა ღმრთისმშობელისათა ნათლისა მომცემელო უფალო, დიდება შენდა. კონდაკი: მთასა ზედა ფერი იცვალე ქრისტე ღმერთო და რაოდენ ძალ-ედვა მოწაფეთა შენთა, დიდებაჲ შენი უჩუენე. რათა რაჟამს იხილონ ჯუარცმაჲ შენი, გულისხმა ჰყონ, ვითარმედ ვნებაჲ იგი ნებსით არს და სოფელსა უქადაგონ, ვითარმედ შენ ხარ ჭეშმარიტად ბრწყინვალებაჲ მამისა. -------------------- მახლობელ არს ჩემდა ერი ესე პირითა მათითა და ბაგითა მათითა პატივ-მცემს მე, ხოლო გულნი მათნი შორს განშორებულ არიან ჩემგან
|
ზვარე |
Jul 4 2008, 02:46 PM
პოსტი
#2
|
Member ჯგუფი: Members პოსტები: 286 რეგისტრ.: 15-February 08 წევრი № 3,936 |
8. მათეს სახარება _ და ჰკითხეს მას მოწაფეთა მისთა და ეტყოდეს: ვითარ უკუე იტყჳან მწიგნობარნი, ვითარმედ: ელიაჲსი ჯერ-არს პირველად მოსლვაჲ? ხოლო იესუ მიუგო და ჰრქუა მათ: ელია მოვიდეს პირველად და კუალად-აგოს ყოველი. ხოლო გეტყჳ თქუენ, რამეთუ ელია აწვე მოვიდა, და არა იცნეს იგი, არამედ უყვეს მას, რაოდენი უნდა. და ეგრეთვე ძესაცა კაცისასა ეგულების ვნებად მათგან. მაშინ გულისჴმა-ყვეს მოწაფეთა, რამეთუ იოვანე ნათლისმცემელისათჳს ჰრქუა მათ. მარკოზის სახარება _ და ჰკითხვიდეს მას და ეტყოდეს: ვითარ-მე იტყჳან მწიგნობარნი: ელიაჲსი ჯერ-არს პირველად მოსლვაჲ? ხოლო თავადმან მიუგო და ჰრქუა მათ: ელია მოვიდეს და კუალად-აგოს ყოველი; და ვითარ წერილ არს ძისა კაცისათჳს, რაჲთა ფრიად ევნოს და შეურაცხ იქმნეს. არამედ გეტყჳ თქუენ, რამეთუ ელია მოვიდა, და უყვეს მას, რაოდენი უნდა, ვითარცა წერილ არს მისთჳს.~ ნეტარი თეოფილაქტე ბულგარელი მათეს სახარების განმარტებაში წერს: `მწიგნობარნი ხალხს ატყუებდნენ და იესოზე ეუბნებოდნენ ეს არ არისო ქრისტე, რადგან ეგ რომ ქრისტე იყოს, მაშინ ჯერ ელია უნდა მოსულიყოო. ისინი ერთმანეთისაგან ვერ არჩევდნენ ქრისტეს ორ მოსვლას, რომელთაგან პირველის წინამორბედი იოანე იყო, ხოლო მეორესი ელია. ამას თვითონ ქრისტე განუმარტავს მოწაფეებს. `ელია მოვიდეს პირველად~ _ ამ სიტყვებით იესო ამბობს, რომ იგი ჯერ არ მოსულა, მაგრამ მოვა როგორც წინამორბედი მეორედ მოსვლისა და ყველა ებრაელს, ვინც მას მოუსმენს, ვითარცა მემკვიდრეობით მიღებულ მამულში, სარწმუნოებაში დაამკვიდრებს, რომელსაც ისინი დიდი ხნის წინათ მოაკლდნენ. ხოლო როცა ამბობს: `ელია აწვე მოვიდა~ წინამორბედ იოანეზე მიანიშნებს. მათ იოანეს, რაც სურდათ, ის უყვეს, სახელდობრ იგი ჰეროდეს მოაკვლევინეს, მაშინ როცა შეეძლოთ წინ აღდგომოდნენ მას. ამრიგად, იოანე თვითონ მოკლეს. მოწაფენი დაუფიქრდნენ და მიხვდნენ, რომ უფალმა ელია თვითონვე უწოდა, რადგანაც, როგორც იოანე იყო წინამორბედი პირველად მოსვლისა, ასევე იქნება ელია, მისი მეორედ მოსვლის წინამორბედი.~ ხოლო მარკოზის სახარების განმარტებაში დასძენს _ `იუდეველთა შორის დადიოდა ხმა, რომ ქრისტეს მოსვლის წინ მოვიდოდა ელია. თუმცა, ფარისევლები ისე არ განმარტავდნენ, როგორც საჭირო იყო, ელიას შესახებ დაწერილს, არამედ ბოროტი განზრახვით ამახინჯებდნენ (წერილის აზრს), მალავდნენ რა ჭეშმარიტებას. რამეთუ ქრისტეს მოსვლა ორია: ერთი _ პირველი (რომელიც უკვე იყო), ხოლო მეორე ჯერ კიდევ წინაა. პირველის წინამორბედი იყო იოანე, მეორეს წინამორბედი კი იქნება ელია. მაგრამ ქრისტე ელიას უწოდებს იოანეს, როგორც მახარებელს, მოშურნესა და მეუდაბნოეს. ამრიგად, უფალი უარყოფს ფარისეველთა შეხედულებას, რომლებიც ფიქრობდნენ, რომ ქრისტეს პირველი მოსვლის წინამორბედი ელია უნდა ყოფილიყო. როგორ უარყოფს? იგი ამბობს: `ელია მოვიდეს და კვალად ააგოს ყოველნი; და ვითარ წერილ არს ძისა კაცისათვის, რაითა ფრიად ევნოს და შეურაცხ იქმნეს~ ეს ნიშნავს აი რას: როდესაც მოვა ელია თეზბიტელი, იგი დააოკებს ურჩ იუდეველებს, მოაქცევს მათ რწმენაზე და, ამრიგად, ქრისტეს მეორედ მოსვლის წინამორბედი გახდება, მაგრამ თუ თეზბიტელი, რომელმაც უნდა აღადგინოს ყოველივე, პირველი მოსვლის წინამორბედი იყო, მაშინ როგორღაა დაწერილი, რომ ძე კაცისა უნდა იტანჯოს? ამრიგად, ორიდან ერთია: ან ელია არ უნდა იყოს პირველი მოსვლის წინამორბედი, თუკი წერილი ჭეშმარიტებას ღაღადებს, რომ ქრისტე უნდა იტანჯოს, ანდა ფარისეველთა სიტყვებს უნდა დავუჯეროთ, რომ პირველი მოსვლის წინამორბედი თეზბიტელია და მაშინ აღარ იქნება ჭეშმარიტება წერილში, რომელიც ღაღადებს, რომ ქრისტე დაიტანჯება. რამეთუ ელიამ უნდა აღადგინოს ყოველივე, და მაშინ აღარ იქნება არც ერთი ურწმუნო ებრაელი, არამედ ყველა ირწმუნებს ქადაგებას, ვინც კი მას ელიასაგან გაიგონებს. უკუაგდებს რა, ამრიგად, ფარისეველთა დამახინჯებულ შეხედულებას, უფალი ამბობს, რომ `ელია (ანუ იოანე) მოვიდა და უყვეს მას რაოდენი უნდა~, რამდენადაც არ დაუჯერეს მას და მან მიიღო აღსასრული თავის მოკვეთით, გახდა რა გართობის მსხვერპლი (ჰეროდესი).~ -------------------- მახლობელ არს ჩემდა ერი ესე პირითა მათითა და ბაგითა მათითა პატივ-მცემს მე, ხოლო გულნი მათნი შორს განშორებულ არიან ჩემგან
|
მსუბუქი ვერსია | ახლა არის: 17th June 2024 - 01:26 AM |
მართლმადიდებლური არხი: ივერიონი
ფორუმის ელექტრონული ფოსტა: იმეილი