მიმართვა მსოფლიო პატრიარქს, მნათეს იდეა. სასწრაფოდ შევიმუშავოთ ტექსტი პარამეტრები

[კანონისტი]

თქვენო ყოვლადუწმიდესობავ,

მძიმე განსაცდელი დაუდგა საქართველოს. რამდენიმე დღის წინ, რუსეთის ფედერაციის 58-ე არმიამ დაიწყო შეტევა საქართველოს სუვერენული სახელმწიფოს წინააღმდეგ. მიმდინარეობს ქართული ქალაქების და სტრატეგიული პუნქტების მასირებული დაბომბვა. საომარი მოქმედებების რამდენიმე დღის შემდეგ არის დაღუპული და დაშავებული ასობით უდანაშაულო მოქალაქე, განადგურებულია სახელმწიფოს სიცოცხლისუნარიანობისათვის აუცილებელი არაერთი ობიექტი. რუსეთისვე მხარდაჭერილი სამხრეთ ოსეთის თვითგამოცხადებული რესპუბლიკის დასახმარებლად შემოსული რუსული ავიაბომბდამშენები გაცდნენ ამ რეგიონის ფარგლებს და საბრძოლო ოპერაცია გადაიზარდა ფართომასშტაბიან რუსულ-ქართულ ომში.

შექმნილ სიტუაციაში გვინდა მოგმართოთ და გთხოვოთ, როგორც მსოფლიო პატრიარქს, რომ ხმა აღიმაღლოთ ამ უპრეცედენტო უმსგავსობის და გაუგონარი აგრესიის წინააღმდეგ. გვინდა გთხოვოთ, რომ განსაკუთრებით გააძლიეროთ ლოცვები საქართველოს მშვიდობისათვის, მოუწოდოთ რუსეთის ხელისუფლებას, თუკი ვინმეს შერჩენია ქრისტიანული რწმენა, აღკვეთოს აგრესია მშვიდობისმოყვარე საქართველოს მიმართ.

ვემთხვევით თქვენს მაკურთხეველ მარჯვენას და ვსასოებთ უფალზე, რომ იგი შეისმენს თქვენს ლოცვებს და მოსცემს ერსა თვისსა ძალას და აკურთხებს ერსა თვისსა მშვიდობით (ფს. 24)

პატივისცემით,

ახალგაზრდა ქართველი მართლმადიდებლები

გამოთქვით რა აზრი. ვთქვათ, მოსკოვის საპატრიარქოს სამარცხვინო დუმილზე??

[mwereli]

ღმერთმა დაამშვიდოს ჩვენი ქვეყანა და ძალი ერსა თვისა მისცეს,უფალმა აკურთხოს ერი თვისი მშვიდობით!აუცილებლად უნდა დააფიქსიროს რუსეთის,მსოფლიოს და სხვა მართლმადიდებელი ეკლესიების წინამძღვრებმა თავიანთი დამოკიდებულება რაც ეხლა ხდება და რაც მოხდა იმაზე,საჭიროა ეს მიმართვაც,ვეთანხმები.მე ჩემი თვალით ბევრი რამე ვნახე ამ ომში,ერთგვარ ეპიცენტრშიც ვიყავი,და რაც ყველაზე მეტად დავინახე არის ის რომ,ჩვენ ყველამ ერთად უნდა მივმართოთ ღვთისმშობელს და უფალს,დაგვიცვას და დაგვიფაროს.არავის არაფერი არ შეუძლია რაა.როდესაც იქა ხარ,ხვდები ძალიან თვალნათლივ რომ მხოლოდ ღმერთს ებარები,სხვა ვერავინ შემძლებელია დაგეხმაროს!ეს ჩემ თავზე ძალიან ღრმად გამოვცადე.ვსასოებდეთ უფალზე,და როგორც არასდროს გავაძლიეროთ ლოცვა.ყველაფერი დამშვიდდება!