მიმართვა წმინდა სინოდს, "მაუწყებელთა ქცევის კოდექსის" პროექტის თაობაზე პარამეტრები

[კანონისტი]

ახალგაზრდული ორგანიზაციების კოალიციის
„მოძრაობა ზნეობრივი საქართველოსათვის“

მ ი მ ა რ თ ვ ა

საქართველოს სამოციქულო ავტოკეფალური
მართლმადიდებელი ეკლესიის წმიდა სინოდს


თქვენო უწმიდესობავ და უნეტარესობავ სრულიად საქართველოს კათოლიკოს-პატრიარქო ილია II
ყოვლადსამღვდელონო მეუფენო საქართველოს ღვთივკურთხეული ეკლესიის წმიდა სინოდის წევრებო

ღრმა პატივისცემითა და მოწიწებით გამოვითხოვთ თქვენს ლოცვა-კურთხევასა და მოგმართავთ თხოვნით განიხილოთ წმიდა სინოდის სხდომაზე ის სრულიად უკონტროლო და აღმაშფოთებელი მდგომარეობა, რომელიც შექმნილია საქართველოს სამაუწყებლო სივრცეში.

თქვენო უწმიდესობავ თქვენ არაერთხელ აღგინიშნავთ თქვენს ეპისტოლეებსა თუ ქადაგებებში ის შეურაცხმყოფელი და სრულიად მიუღებელი, არა თუ ქრისტიანისთვის, არამედ ნებისმიერი ჭკუადმყოფელი ადამიანისთვის, უზნეობის, ძალადობის, ბილწსიტყვაობის, აგრესიისა და უგემოვნობის ნიაღვარი, რომელიც დღედაღამ უწყვეტი ნაკადით გადმოედინება ჩვენს მოსახლეობაზე და განსაკუთრებით ჩვენზე - ახალგარზრდებსა და მოზარდებზე.

ჩვენი თანატოლები და, განსაკუთრებით, ჩვენზე უმცროსი თაობა, ფაქტობრივად უზნეობისა და უხამსობის პროპაგანდის ალყაში ვიმყოფებით და ერთადერთი საყრდენი და ამ მორევიდან თავდახსნის საშუალება ჩვენი წმიდა ეკლესიაა.

სწორედ ამიტომ მოგმართავთ თქვენ, რათა დაგვიცვათ და აღიმაღლოთ ხმა ჩვენი უფლების დასაცავად - აღვიზარდოთ უსაფრთხო და მაღალზნეობრივ გარემოში.

მოგეხსენებათ, დღეისათვის ფაქტობრივად გაუქმებულია და არ მოქმედებს არასრულწლოვანთა დამცავი დებულებები „მაუწყებლობის შესახებ“ კანონში, „რეკლამის შესახებ“ კანონში, ამოღებულია და აღარ მოქმედებს „მავნე ზეგავლენისაგან არასრულწლოვანთა დაცვის შესახებ“ კანონის უმთავრესი მუხლები, რომლებიც ეხება „არასრულწლოვანთა დაცვას მავნე ზეგავლენისაგან, რომელიც დაკავშირებულია კინო-, ვიდეო-, ტელეფილმების ჩვენებასა და ნაბეჭდ პროდუქციასთან“ („მაუწყებლობის შესახებ“ კანონის ამოღებული მუხლის სახელწოდება).

უკვე ორი წელი სრულდება მას შემდეგ, რაც „მაუწყებლობის შესახებ“ კანონით კომუნიკაციების მარეგულირებელი ეროვნული კომისიის მიერ უნდა შემუშავებულიყო და საჯარო განხილვის შედეგად მიღებულიყო (2006 წლის დეკემბრამდე) „მაუწყებელთა ქცევის კოდექსი“, რომელსაც უნდა დაერეგულირებინა აღნიშნული საკითხები, მაგრამ, სამწუხაროდ ისე მოხდა, რომ „თავისუფლების ინსტიტუტის“ მიერ კულუარებში შემუშავებული აღნიშნული კოდექსის პრინციპები, რომლებიც ზნეობის საკითხებში სრულ ანარქიისკენ უბიგებს სამაუწყებლო კომპანიებს, ვერა და ვერ გახდა საზოგადოებისათვის მისაწვდომი, ფართო და თავისუფალი განხილვის საგანი.

ჩვენი განსაკუთრებული დაინტერესების მიუხედავად, ვერ მივაღწიეთ იმას, რომ ჩვენი შენიშვნები და წინადადებები არა თუ გათვალისწინებულიყო, არამედ თუნდაც, განხილვის საგნად ქცულიყო. „ზეპირი მოსმენები“, რომლებიც კომუნიკაციების მარეგულირებელ კომისიაში ძალზედ იშვიათად და დროის კატასტროფული დეფიციტის ვითარებაში იმართება, საკითხის განხილვის საჯაროობის ილუზიის შექმნას ემსახურება.

ამა წლის 9 ივლისს დაგეგმილია აღნიშნული „მაუწყებელთა ქცევის კოდექსის“ ე.წ. განხილვის დასრულება და დაკანონება, რის შედეგადაც ის ანარქია და უკონტროლობა, რაც ჯერ-ჯერობით სამაუწყებლო კომპანიების ნება-სურვილით სუფევს, უკვე კანონის ძალით იქნება დადასტურებული.

უმორჩილესად გთხოვთ დაიცვათ ჩვენი ახალგაზრდობა და, ზოგადად, საქართველოს საზოგადოება, უზნეობისა და უხამსობის, ძალადობისა და აგრესიის ნიაღვარისგან, რომელიც გადმოედინება სამაუწყებლო სივრციდან და ანგრევს ჩვენს ცხოვრებასა და მომავალს.

მიმართვას თან ერთვის ჩვენი კოალიციის მიერ სხვადასხვა დროს გამოქვეყნებული განცხადებები, აღნიშნულ საკითხთან დაკავშირებით. გამოთქვამთ მზადყოფნას ნებისმიერ დროს წარმოვადგინოთ ჩვენს მიერ შემუშავებული წინადადებები, აგრეთვე ჩვენს ხელთ არსებული დოკუმენტები.

პატივისცემითა და სიყვარულით

ახალგაზრდული ორგანიზაციების კოალიციის
„მოძრაობა ზნეობრივი საქართველოსათვის“ საკოორდინაციო საბჭო

მაუწყებელთა ქცევის კოდექსის პროექტი

მსურველებს ხმის მიცემით შეუძლიათ დაადასტურონ მიმართვისადმი თანხმობა ან საწინააღმდეგო პოზიცია. საკითხი დღეს გადაეცემა წმინდა სინოდს, თუკი საკმაოდ იქნება ჩვენგანაც ხელმომწერები, "ახალგაზრდა მართლმადიდებელთა გაერთიანებაც" მიეთითება მხარდამჭერთა სიაში და ჩვენი პოზიცია გაეცნობა წმ. სინოდის წევრებს

[mwereli]

ევროინტეგრაციას, სადაც ერთხელ და სამუდამოდ გათავისუფლდება ადამიანთა ტვინები მონური ფსიქოლოგიისგან და სადაც პიროვნებას განსაზღვრავენ არა არაცნობიერი სურვილები, რომელსაც კანონიუკურად ვაჩეჩებთ ხელში ადამიანთა ნომინალურ მასას, არამედ გაცნობიერებული სწრაფვა აღარ იყოს ცუდი... ყოველგვარი გაბრძოლება უშედეგოა, რამდენადაც საქმე გვაქვს უზარმაზარ აისბერგთან, ხალხთან, ერთ დიდ პოსტსაბჭოურ ლემასთან, რომლის ახალგაზრდა ნაწილი აბსოლუტურად, ფრჩხილიდან საყურემდე ამერიკანიზებულია... მესმის რომ უფლება გაქვს იკითხო მორალი, თქვა რომ ეს არის ვულგარიზმი, საშინელება და ამასთანავე ცოდვა, მაგრამ ეს შენ ხარ ჩემო კარგო, ყოველთვის იდგებიან ირგვლივ ადამიანები, რომლებიც გეტყვიან "კი მართალი ხარ, მიდი მიაწექი" მაგრამ საქმით მათდა უნებურად მტრის მხარეს მოექცევიან... ანუ იქ, სადაც არის საზოგადოების დიდი ნაწილი... ჩვენ თავს ვირთობთ მგონი მითებით....

მე არ ვამბობ რომ ევროპა არის სამოთხე, მე მხოლოდ ვამბობ, აი ამას რაც აქ ხდება

ჯობია!

ჰოდა ჩემო კარგო, ადამიანს რო ჰქონდეს უფლება(და ეს უფლება ააქვს კიდეც,უბრალოდ მცდელობაა წართმევის)მ ი მ ა რ თ ო ს სასამართლოს როცა მის ღირსებას ამ ფორმით თუ იმ ფორმით შელახავენ.მე მგონი სადაო არცერთ ევროპის განვითარებულ ქვეყანაში ეს არაა,(ბევრ ქვეყნის კანონმდებლობასაც ვიცნობ ამ საკითხში)ჰოდა ამით არ გვაშორებენ ცივილურ და თავისუფალ სამყაროს?მე ვიცნობ შექსპირის,სერვანტესიის,გოეთე
ს,რემბრანტის...ევროპას და მომწონს იგი.და ისიც ვიცი რომ არის საკითხები რომელიც საერთო ზრუნვის საგანს წარმოადგენს იქ,შუაგულ ევროპაში.ისევე როგორც თვითოეული ის ქვეყანა, ცდილობს შეინარჩუნოს თავისი ეთნოფსიქოლოგია,მენტალიტეტი და ა.შ. ჰოდა ჩვენ აზრი გვაკლია თუ თავისუფლება?რა თქმა უნდა უამრავი კარგი უნდა გადმოვიღოთ ისე რომ არ დავკარგოთ ჩვენი სულიერ-ეროვნული ღირებებულებები.ამაზე და ასეთ საკითხებზეა საუბარი,და თვითონ ის ფაქტიც რომ ამაზე ვსაუბრობთ და ვმსჯელობთ,ალბათ მეტყველებს რომ ეს საზოგადოების განხილვის საგანია,რადგან თვითონ მას ეხება იგი.არსებობს ძალიან კარგი სიტყვა: თავდაცვა! და არა შეტევა(ამ შემთხვევაში).კიდევ ვიმეორებ:არავის არაფერს არ ვასწავლით!არც რამეს ვაიძულებთ!თუმცა იმაზე რაღას იტყვი რომ ბევრი "საკითხებია"რომელსაც აქეთ გვაიძულებენ.მაგ:ია მაღლა მოყვანილი საკითხი_გასაჩივრების უფლების არქონაზე,რა ესეც ხალხის ქვეცნობიერი თუ არაქვეცნობიერი მოთხოვნაა?ვერ ამჩნევ ამას?არც მარტო ზნეობაზეა ამ შემთხვევაში ლაპარაკი,უფლებებზეა აქ,ფუნდამეტურ და ძირეულ უფლებაზე.და სხვათა შორის იგი ჩვენს კონსტიტუციასაც ეწინააღმდეგება ამავე დროს(რომ აღარაფერი ვთქვათ ევროპის,ამერიკის...კონსტიტუციებზე)არ ვთქვათ ეეს?რაც შეეხება მორალს,ესე არ დავსვავდი საკითხს,ის ზნეობრივი ნორმები რომელზეც იქაა საუბარი,ხო არ დაგვესიზმრებოდა?ეს რეალურად არსებობს.არსებობდა და იარსებებს.კარგი და ცუდი არამარტო ეხლა ყოველთვის იყო,და ზედმეტად დრამატიზება არაა საჭირო.ვიყოთ ძმაო,სადაც უფალია და სიმართლეა.ამის უფლება ყველას აქვს.ბევრად თუ ცოტად,ჩვენ ქრისტეანული ერი ვართ,მე პირადად ჩემ თავს არავისზე მაღლა არ ვაყენებ