მიმართვა წმინდა სინოდს, "მაუწყებელთა ქცევის კოდექსის" პროექტის თაობაზე პარამეტრები

[კანონისტი]

ახალგაზრდული ორგანიზაციების კოალიციის
„მოძრაობა ზნეობრივი საქართველოსათვის“

მ ი მ ა რ თ ვ ა

საქართველოს სამოციქულო ავტოკეფალური
მართლმადიდებელი ეკლესიის წმიდა სინოდს


თქვენო უწმიდესობავ და უნეტარესობავ სრულიად საქართველოს კათოლიკოს-პატრიარქო ილია II
ყოვლადსამღვდელონო მეუფენო საქართველოს ღვთივკურთხეული ეკლესიის წმიდა სინოდის წევრებო

ღრმა პატივისცემითა და მოწიწებით გამოვითხოვთ თქვენს ლოცვა-კურთხევასა და მოგმართავთ თხოვნით განიხილოთ წმიდა სინოდის სხდომაზე ის სრულიად უკონტროლო და აღმაშფოთებელი მდგომარეობა, რომელიც შექმნილია საქართველოს სამაუწყებლო სივრცეში.

თქვენო უწმიდესობავ თქვენ არაერთხელ აღგინიშნავთ თქვენს ეპისტოლეებსა თუ ქადაგებებში ის შეურაცხმყოფელი და სრულიად მიუღებელი, არა თუ ქრისტიანისთვის, არამედ ნებისმიერი ჭკუადმყოფელი ადამიანისთვის, უზნეობის, ძალადობის, ბილწსიტყვაობის, აგრესიისა და უგემოვნობის ნიაღვარი, რომელიც დღედაღამ უწყვეტი ნაკადით გადმოედინება ჩვენს მოსახლეობაზე და განსაკუთრებით ჩვენზე - ახალგარზრდებსა და მოზარდებზე.

ჩვენი თანატოლები და, განსაკუთრებით, ჩვენზე უმცროსი თაობა, ფაქტობრივად უზნეობისა და უხამსობის პროპაგანდის ალყაში ვიმყოფებით და ერთადერთი საყრდენი და ამ მორევიდან თავდახსნის საშუალება ჩვენი წმიდა ეკლესიაა.

სწორედ ამიტომ მოგმართავთ თქვენ, რათა დაგვიცვათ და აღიმაღლოთ ხმა ჩვენი უფლების დასაცავად - აღვიზარდოთ უსაფრთხო და მაღალზნეობრივ გარემოში.

მოგეხსენებათ, დღეისათვის ფაქტობრივად გაუქმებულია და არ მოქმედებს არასრულწლოვანთა დამცავი დებულებები „მაუწყებლობის შესახებ“ კანონში, „რეკლამის შესახებ“ კანონში, ამოღებულია და აღარ მოქმედებს „მავნე ზეგავლენისაგან არასრულწლოვანთა დაცვის შესახებ“ კანონის უმთავრესი მუხლები, რომლებიც ეხება „არასრულწლოვანთა დაცვას მავნე ზეგავლენისაგან, რომელიც დაკავშირებულია კინო-, ვიდეო-, ტელეფილმების ჩვენებასა და ნაბეჭდ პროდუქციასთან“ („მაუწყებლობის შესახებ“ კანონის ამოღებული მუხლის სახელწოდება).

უკვე ორი წელი სრულდება მას შემდეგ, რაც „მაუწყებლობის შესახებ“ კანონით კომუნიკაციების მარეგულირებელი ეროვნული კომისიის მიერ უნდა შემუშავებულიყო და საჯარო განხილვის შედეგად მიღებულიყო (2006 წლის დეკემბრამდე) „მაუწყებელთა ქცევის კოდექსი“, რომელსაც უნდა დაერეგულირებინა აღნიშნული საკითხები, მაგრამ, სამწუხაროდ ისე მოხდა, რომ „თავისუფლების ინსტიტუტის“ მიერ კულუარებში შემუშავებული აღნიშნული კოდექსის პრინციპები, რომლებიც ზნეობის საკითხებში სრულ ანარქიისკენ უბიგებს სამაუწყებლო კომპანიებს, ვერა და ვერ გახდა საზოგადოებისათვის მისაწვდომი, ფართო და თავისუფალი განხილვის საგანი.

ჩვენი განსაკუთრებული დაინტერესების მიუხედავად, ვერ მივაღწიეთ იმას, რომ ჩვენი შენიშვნები და წინადადებები არა თუ გათვალისწინებულიყო, არამედ თუნდაც, განხილვის საგნად ქცულიყო. „ზეპირი მოსმენები“, რომლებიც კომუნიკაციების მარეგულირებელ კომისიაში ძალზედ იშვიათად და დროის კატასტროფული დეფიციტის ვითარებაში იმართება, საკითხის განხილვის საჯაროობის ილუზიის შექმნას ემსახურება.

ამა წლის 9 ივლისს დაგეგმილია აღნიშნული „მაუწყებელთა ქცევის კოდექსის“ ე.წ. განხილვის დასრულება და დაკანონება, რის შედეგადაც ის ანარქია და უკონტროლობა, რაც ჯერ-ჯერობით სამაუწყებლო კომპანიების ნება-სურვილით სუფევს, უკვე კანონის ძალით იქნება დადასტურებული.

უმორჩილესად გთხოვთ დაიცვათ ჩვენი ახალგაზრდობა და, ზოგადად, საქართველოს საზოგადოება, უზნეობისა და უხამსობის, ძალადობისა და აგრესიის ნიაღვარისგან, რომელიც გადმოედინება სამაუწყებლო სივრციდან და ანგრევს ჩვენს ცხოვრებასა და მომავალს.

მიმართვას თან ერთვის ჩვენი კოალიციის მიერ სხვადასხვა დროს გამოქვეყნებული განცხადებები, აღნიშნულ საკითხთან დაკავშირებით. გამოთქვამთ მზადყოფნას ნებისმიერ დროს წარმოვადგინოთ ჩვენს მიერ შემუშავებული წინადადებები, აგრეთვე ჩვენს ხელთ არსებული დოკუმენტები.

პატივისცემითა და სიყვარულით

ახალგაზრდული ორგანიზაციების კოალიციის
„მოძრაობა ზნეობრივი საქართველოსათვის“ საკოორდინაციო საბჭო

მაუწყებელთა ქცევის კოდექსის პროექტი

მსურველებს ხმის მიცემით შეუძლიათ დაადასტურონ მიმართვისადმი თანხმობა ან საწინააღმდეგო პოზიცია. საკითხი დღეს გადაეცემა წმინდა სინოდს, თუკი საკმაოდ იქნება ჩვენგანაც ხელმომწერები, "ახალგაზრდა მართლმადიდებელთა გაერთიანებაც" მიეთითება მხარდამჭერთა სიაში და ჩვენი პოზიცია გაეცნობა წმ. სინოდის წევრებს

[მნათე]

ისე საერთოდ მაინტერესებს, ეწინააღმდეგები ჩვენგან მოყვანილ ზნეობრივ ასპექტებს?

მე ვფიქრობ, რომ თუ ადამიანი ქრისტიანი არ არის, მას ჩვენ მიერ შეთავაზებული ვერც ერთი ზნეობრივი ასპექტი ქრისტიანად ვერ გადააქცევს... ქრისტიანობა არ არის ზნეობა, ის უფრო მეტია ვიდრე მხოლოდ აკრძალვათა ბუკეტი. ვარ რა ეკლესიის შვილი, თავს მოვალედ ვთვლი ვებრძოლო საკუთარ ნაკლოვანებასა და ცოდვიანობას, ამ ყოველივეში კი დავიხმარო ქრისტიანული სათნოებები... არა გაურკვეველი და უმიზნო მცნებები, არამედ სავსებით მოტივირებული და მიმართული მკურნალობანი... ჩემი ბრძოლა ჩემს არჩევანზე გადის და ეს არჩევანი რომ არ არსებობდეს, ვერც ერთი ეკლესია და ვერც ერთი ღმერთი ჩემს ნებას ვერ გადმოვიდოდა, რამდენადაც მხოლოდ მე და არავინ სხვა, ირჩევს როგორ ვიცხოვრო.. თუ ვინმე ჩემ მაგიერ დაგეგმავს ჩემსავე რწმენას, ეს ჩემი აღარ იქნება ქრისტესთვის არჩევანია ძვირფასი, მხოლოდ და მხოლოდ! ნებიერი გადაწყვეტილება აღარ ვიყო მონა...

ზნეობა არსებობს ზნეობისთვის... ეს უკვე წმიდა წყლის ზომბირებაა...

რამდენადაც ის სოციუმის ნაწილია, ეკლესიაში ხსენებული ტერმინი საერთოდ არ არსებობს... იმას რაც ერთი შეხედვით ზნეობას ჩამოჰგავს "სათნოება" ჰქვია, რამდენადაც სათნოყოფისა და ცხონების შესაძლებლობაა, ადამიანური მოქმედებების პრინციპი, რომელიც სინდისის ხმით არის ნაკარნახევი... ჩვენ უბრალოდ ასე შკალირებული სახით ვხედავთ მას, სინამდვილეში კი რელიგია ღვთისა და ადამიანის შეტკბობის ხელშეწყობაა, სადაც გარდაქმნისა და პროგრესისთვის საჭიროა ადამიანის მოქმედებათა მკურნალობა... ზნეობა კი ყოველთვის ამპარტავნების შედეგი იყო... ადამიანები მას იცავდნენ იმდენად, რამდენადაც მათ ეს "არ ეკადრებოდათ" ან "რას იტყვიან სხვები?"...ის კაცობრიობის არსებობის მანძილზე მხოლოდ გაურკვეველი ჟესტებისა და მშვიდობის შენარჩუნების ცვლადი მოვლენა გახლდათ... ყოველთვის კარნახობდა ადამიანს რომ რაღაც მიუღებელია, მაგრამ ვერასდროს სცემდა პასუხს კითხვაზე, თუ რატომ არის მიუღებელი... დღესაც ასეა... ცნობილი ათეისტი ეგზისტენციალისტის სიტყვებით რომ გითხრა "თუ ღმერთი არ არსებობს, ყველაფერი ნებადართულია"...

მე თქვენს მიერ შემოთავაზებულ ზნეობრივ პრინციპებს იმდენადვე ვიზიარებ, რამდენადაც ქრისტიანი ვარ. მაგრამ ვერაფრით დაგეთანხმები იმაში, რომ წარმართული საზოგადოებისთვის ზნეობის გაღვივებას რაიმეგვარი მნიშვნელობა აქვს... ვერაფრით დაგეთანხმები რომ არსებობს "ქართული ფასეულობები" რამდენადაც არსებობს ქრისტე, ერთი, საყოველთაო და ყოვლისმომცველი ჭეშმარიტება, როგორც ქართველისთვის ისე სინგაპურელისთვის.. და თუ ის არ არსებობს, დიდი ბოდიში და მე თქვენი ზნეობა სულ არ მჭირდება.

არ ვიცი როდის მერე გახდა ქალწულების სათნოება "ქართული ზნეობა" ან რატომ არის დასაფასებელი ის მხოლოდ იმიტომ რომ ასე წინაპრები აკეთებდნენ... იქნებ უფრო შორს წავიდეთ და არმაზის კერპიც დავდგათ? განა ფარნავაზიც წინაპარი არ იყო? აქ არის მთელი აბურდვები... ყველაზე დიდი უბედურება კი ის არის, რომ ოდნავ სხვანაირად ნათქვამი სიმართლე ბუა ხდება და მერე იზოლაციონიზმის ამოქმედება ხდება... ვითომდა ცოდვასთან გამიჯვნის მოტივით, სინამდვილეში კი საკუთარი ამპარტავნების ჩაბღაუჭებით.

მე ვარ მართლადიდებელი ქრისტიანი, რომელიც ეკლესიაში იმყოფება მკურნალობისთვის, მ კ უ რ ნ ა ლ ო ბ ი ს თ ვ ი ს , მთავარი მიზანი კი ცხონებაა, ქრისტეს გაცნობა და სწრაფვა მისკენ, საკუთარი სულის სრულყოფა... არ უნდა ეს საზოგადოებას? დიდი ბოდიში მაგრამ მარგალიტებს ღორებს ვერ დავუყრი... ეკლესიაში დადიან? კეთილი ინებონ და თავად ნუღა უყურებენ... არ უნდათ? იბრძოლონ თავისუფლებისთვის... აბა როგორ გვინდა? ეკლესიამ ხელი უნდა შეუწყოს არა გარეგნული დემოკრატიის დამყარებას, არამედ პიროვნებაში ქრისტესმიერ რევოლუციას, ის მოწოდებულია სწორედ ამ გზითა და ამ მოტივით შეცვალოს ყველა წარმართის გული