რომელი ცოდვები გამოისყიდა ქრისტემ, ჩვენ ხომ ისევ ცოდვილები ვართ და ვკვდებით პარამეტრები

[emanuel kant]

1.ქრისტემ რომელი ცოდვებისგან გვიხსნა.
2.აღდგომისას ვინ აღსდგება ყველა?

[KAIROS]

სწორია მნათე, იდეაა მართალი რადგან კარგადაა გასაგები რა მოხდა განკაცებისათვის, ბართლომეოსმა მსოფ. პატრ. ერთერთ ქადაგებაში გრიგოლ ნოსელის ეს სიტყვები გაიმეორა:
ღვთის სიდიადე და დიდება ჩანს არა სამყაროს შესაქმის უზარმაზარ ძალაში, არა იმისთანა კოსმიურ სასწაულში, როგორიცაა ქარიშხლის დაცხრობა, არამედ კენოზისში, რითაც ირჩია გაეზიარებინა ჩვენი უმწობა და მსხვრევადობა, როდესაც იგი მორჩილი გახდა სიკვდილამდე, ჯვარცმით სიკვდილამდე. ღმერთის ყოვლადძლიერობის მწვერვალს წარმოადგენს ჩვენი სიმდაბლის სრული გაზიარება...
ანუ მოხდა არა გამოსყიდვა ამ სიტყვის უხეში გაგებით, არამედ ხსნა, თუ რისგან ამას ილია მინიატისი გვიქადაგებს:
მესამე დრეს აღმდგარმა მკვდრეთით მისი მეუფება დაამხო. ადამის შთამომავლები, ჩვენ, ყველანი, ჩიტებივით ვიყავით მომწყვდეულნი იმ საბედისწერო ბადეში, რომელიც სიკვდილს ყველგან ჰქონდა გაშლილი. თვით იესოც იმავე ბადეში ევნო ნებით და მოკვდა. მაგრამ ბადე გაგლიჯა, თავისი დიდებული აღდგომით პირველი ამაღლდა ზეცად და სიკვდილის მეუფებისაგან გვიხსნა. “საფრთხე შეიმუსრა, და ჩუენ განვერენით; შეწევნა ჩუენი სახელითა უფლისათა” (ფს. 123, 7-8). ჩვენ ხსნილნი ვართ, აღარა ვართ სიკვდილის ტყვენი, ვუმზერთ მას და მისი მძვინვარე სახისა აღარ გვეშინია. ქრისტეს აღდგომამდე სიკვდილი საშინელი იყო ადამიანისათვის, აღდგომის შემდგომ კი ადამიანი თვითონ გახდა სიკვდილისათვის საშიში. მას აქეთ, რაც მკვდრეთით აღმდგარმა იესომ სიკვდილს სძლია ...
ახლა რაც შეეხება იმას აღდგება თუ არა ყველა, ამაზე პომაზანსკი წერს მოკლედ და კონკრეტულად:
მიცვალებულთა აღდგინება, როგორც მართალთა ისე ცოდვილთა, იქნება საყოველთაო და ერთდროული. „და გამოვიდოდიან კეთილის-მოქმედნი აღდგომასა ცხორებისასა, ხოლო ბოროტის-მოქმედნი აღდგომასა სასჯელისასა“ (ინ. 5,29). „აღდგომაჲ ყოფად არს მკუდართაჲ, მართალთაჲცა და ცოდვილთაჲცა“ (პავლე მოციქულის სიტყვები მთავარ ფელიქსის წინაშე - საქმ. 24,15). და თუკი იგივე მოციქული სხვაგან (I კორ. 15 და I თეს. 4) ლაპარაკობს ქრისტეში აღსრულებულთა აღდგომაზე და არ ახსენებს ცოდვილთა აღდგომას, ცხადია, იმიტომ, რომ მისი პირდაპირი მიზანია, ქრისტიანებში განამტკიცოს მათი ქრისტეში სამომავლო აღდგომის რწმენა. მაგრამ ამასთან უეჭველია ისიც, რომ მართალთა და ცოდვილთა აღდგომის ფორმა და სახე განსხვავებული იქნება. „მაშინ მართალნი გამობრწყინდენ, ვითარცა მზე, სასუფეველსა მამისა მათისა“ - ბრძანა უფალმა მხოლოდ მართალთა შესახებ (მთ. 13,43). „ერთნი მიემსგავსებიან ნათელს, მეორენი - წყვდიადს“ - მსჯელობს ამის თაობაზე ღირსი ეფრემ ასური
http://www.orthodoxy.ge/gvtismetkveleba/pomazanski/21.htm#4
აბა იხარე;
კაიროსი!

პ.ს.

მაპატიეთ, რომ მოძღვრის თემაში დავწერე, უბრალოდ მნათეს პასუხი განვავრცე ოდნავ, წაშალეთ შემდეგ