რომელი ცოდვები გამოისყიდა ქრისტემ, ჩვენ ხომ ისევ ცოდვილები ვართ და ვკვდებით პარამეტრები

[emanuel kant]

1.ქრისტემ რომელი ცოდვებისგან გვიხსნა.
2.აღდგომისას ვინ აღსდგება ყველა?

[athos]

პროტოპრესვიტერი მიქაელ პომაზანსკი
"დოგმატური ღვთისმეტყველება"
„აი, ტარიგი ღმრთისაჲ, რომელმან აღიხუნეს ცოდვანი სოფლისანი“ (ინ. 1,29).

გადარჩენის დოგმატი - ქრისტიანობის ცენტრალური დოგმატია. ქრისტე არის გამომსყიდველი და მაცხოვარი კაცთა მოდგმისა.

წმ. იოანე კრონშტადტელი
ხოლო იმისათვის, რომ მე და ყოველი ადამიანი სიკვდილისაგან ვეხსენით, და მკვდრეთით აღდგომა მოენიჭებინა, ის ხორცით ჯვარზე უნდა ვნებულიყო, ყველაზე სამარცხვინო და მტანჯველი ჯვარცმული სიკვდილი უნდა ეგემა, თავისი სიკვდილით ჩვენი სიკვდილი უნდა დაემარცხებინა. უნდა აღმდგარიყო და ყველასთვის, როგორც თავისი გამომსყიდველი საქმის გვირგვინი, მკვდრეთით აღდგომა მოენიჭებინა...
მიწისგან შობილო ადმიანებო, გონიერი და უკვდავი სულით შექმნილნო, თუ შეგიძლიათ, თქვენდამი სიყვარულის გამო ჯვარცმულის სიყვარულით აღანთეთ თქვენი გულები. ის ჯვარზე ვნების ჟამსაც კი თქვენი სიყვარულით იყო ანთებული, ამ წმიდა სიყვარულით დათვერით უსასრულოდ, როგორც უსასრულოა თავად ღმერთი, და აღარ იქნებით გულგრილნი, უმადურნი, გულცივნი, ურწმუნონი, უგულისხმონი და უგუნურნი. თქვენია ეს თანალმობისა და სიყვარულის საუნჯე, თქვენია ეს გამომსყიდველი და გამომხსნელი მსხვერპლი. მოსწყდით, განეშორეთ ამქვეყნიურ ამაოებასა და ვნებებს, გადადეთ ყოველგვარი ამსოფლის საზრუნავი და თქვენი გულებით ამაღლდით ყოველთა მეუფემდე, ვითარცა ანგელოზნი.

ვლდიმირ ლოსკი
"დოგმატური ღვთისმეტყველება"
თავი 19)
გამოსყიდვა
...ღვთის განხორციელება ქმნის ერთგვარ "მანძილს" (დისტანციას) მამასა და ძეს შორის, ქმნის ერთგვარ სივრცეს ხორცად ქცეული სიტყვის თავისუფალი მორჩილებისათვის, ქმნის სულიერ ადგილს გამოსყიდვისთვის....
...გამოსყიდვა, როგორც ძე ღმრთის საღვთო განგებულების შუაგული, არ შეიძლება გამოვყოთ საერთო საღვთო განზრახვისგან; მის მიზნად მუდამ რჩებოდა პიროვნული არსებების - კაცთა და ანგელოზთა სრულიად თავისუფალი შეერთება ღმერთთან...
...პავლე მოციქულს ახლა უკვე შეუძლია თქვას: "ქრისტემ გამოგვისყიდა სჯულის წყევლისაგან და გახდა წყეული ჩვენს ნცვლად" (გალატ. 3.13)




staywhite