გელათი+გარეჯის მოლოცვა=იერუსალიმს :D პარამეტრები

[ზებედე]

მორწმუნეებში გავრცელებულია ასეთი აზრი რომ თუ გელათის, ან გარეჯის სიწმინდეებს 3-ჯერ მოილოცავ ეს იგივეა რაც ერთხელ იერუსალიმის სიწმინდეების მოლოცვა....რამდენად მართალია ეს?

[G_I_O_R_G_I_]

არსებობს გადმოცემა, რომ სამჯერ დავით გარეჯის მოლოცვა
ერთჯერ იერუსალიმის მოლოცვას უდრისო
ხომ არ იცით -
ვის ეკუთვნს ეს სიტყვები და საიდან გაჩნდა ეს აზრი?

თამარ რადგანაც ის თემა დაიხურა აქ გიპასუხებ როგორც მე ვიცი ეს ნათქვამი რომ დავით გარეჯის სამჯერ მოლოცვა ნიშნავს იერუსალიმის ერთხელ მოლოცვას დაკავშირებულია როცა დავით გარეჯელი იერუსალიმში ჩავიდა და სამი ქვა რომ წამოიღო და ამით მთელი იერუსალიმის მადლი მოჰქონდა და ანგელოზმა უთხრა იერუსალიმის პატრიარქს ამის შესახებ და პატრიარქი გზაში დაეწია დავით გარეჯელს და ორი ქვა გამოართვა და ის ერთი ქვა წმინდა დავით გარეჯელმა საქართველოში ჩამოიტანა და ამას უკავშირდება ეს ნათქვამი (მის ცხოვრებაში უფრო ვრცლად წერია ამ ამბის შესახებ მე მოკლედ დავწერე)
ანუ ის სამი ქვა წარმოადგენდა იერუსალიმის მთელ მადლს და ერთი მადლის ქვა არის ჩვენთან და ადამიანის სამგზის მოლოცვით იგი სრულად ეზიარება იერუსალიმის მადლს.
შეუსაბამო და დაკნინებული სიტყვებით ამ დიდი მოვლენის გამო ბოდიშს ვითხოვ ზოგადად გადმოვეცი აზრი კარგად ყველაფერი დავითგარეჯელის ცხოვრებაში წერია.
"რამდენიმე ხნის შემდეგ დავით გარეჯელმა წმიდა ადგილთა მოსალოცად წასვლა გადაწყვიტა. მან ლუკიანე მოიხმო და მისი წასვლის შემდეგ სამწყსოზე ზრუნვა დაავალა. მამა დავითმა კეთილ სარბიელზე მხნედ ყოფნისათვის დამოძღვრა იგი და რამდენიმე ძმის თანხლებით წმინდა ქალაქისაკენ გაემართა. როდესაც მადლის ქედად წოდებულ მთას მიეახლნენ, წმინდა ქალაქიც გამოჩნდა. იხილა რა მამა დავითმა იერუსალიმი, მადლობის შემწირველმა ჯერ ხელნი ზეცად აღაპყრო, შემდეგ კი ქვითინით მიწაზე დავარდა. წმიდა მამამ თავი წმინდა ქალაქში შესვლის ღირსად არ მიიჩნია და სანამ მისი მხლებლები იერუსალიმის სიწმინდეებს მოილოცავდნენ, ქალაქის კარიბჭესთან მხურვალედ ლოცულობდა. წმიდანმა მადლის ქედიდან დიდი რწმენით სამი ქვა წამოიღო.

იმ ღამით იერუსალიმის პატრიარქ ილიას უფლის ანგელოზი გამოეცხადა და უთხრა: „მოიწია ვიდრე სახლად ჩემამდე საკუთარი მონა ჩემი დავით და სარწმუნოებითა მისითა წარიღო სრულიად მადლი იერუსალიმისა“. ილიამ მალემსრბოლი დაადევნა წმინდა დავითს და მათი პირით ამცნო უფლის ნება - ერთი ქვა წაეღო, ორი კი დაებრუნებინა, რათა სრულად არ მოჰკლებოდა მადლი ქრისტეს ქალაქს.

მამა დავითმა მართლაც დაუბრუნა იერუსალიმს ორი ქვა, ხოლო მესამე გარეჯში დაბრუნებულმა ეკლესიაში დაასვენა. სიწმინდის თაყვანსაცემად უდაბნოში უამრავი ხალხი მიდიოდა. ღვთის ნებით ქვა სასწაულმოქმედი ძალით აღივსო - მისი შეხება უკურნებელი სენისაგან არჩენდა მლოცველებს. მადლის ის ქვა, რომელიც მამა დავითმა გარეჯის უდაბნოში მოიტანა, დღესაც კურნავს სარწმუნოებით მვედრებელთ. მას შემდეგ, რაც წმიდანმა უდაბნოში მადლის ქვა ჩამოიტანა, საძმო რიცხვობრივად გაიზარდა."