იუდა პარამეტრები

[Atman]

იუდას თემა ყოველთვის საინტერესო და საკამათოა... რას ფიქრობთ რატომ გაყიდა იუდამ ქრისტე? რა იყო მთავარი მოტივაცია? ალბათ არ ვიდავებთ იმაზე რომ 30 ვერცხლის გულისთვის არ გააკეთებდა ამას...

[Atman]

ერთი საინტერესო დეტალი, ლუკას, მათეს და მარკოზის სახარებაში წერია რომ იუდამ განიზრახა ქრისტეს დასმენა და ეს დასმენა მას განზრახული ჰქონდა სერობამდე, ანუ სანამ მოსალოდნელი დასმენის შესახებ მოწაფეებს განუცხადებდა ქრისტე, თუმცა იოანეს სახარებაში საპირისპირო რამ წერია, ქრისტე აწვდის ლუკმას იუდას"ამ ლუკმის შემდეგ, სატანა შევიდა მასში. მაშინ უთხრა მას იესომ: რასაც აკეთებ, მალე გააკეთე."უფალი ხედავდა ადამიანების გულის ნადებს, მან კარგად იცოდა ვინ აჰყავდა მოწაფედ, შემთხვევითი ადამიანები არ იყვნენ ისინი.ეხლა მე იმის თქმა ნამდვილად არ მინდა რომ თითქოს იუდა სუფთა იყო და განსაცდელში უფალმა ჩააგდო, ეს წარმოუდგენელია და ეწინააღმდეგება ქრისტიანობის არსს, ადამიანს აქვს თავისუფალი ნება,მაგრამ საინტერესოა, იცოდა რა თუ როგორი გულის პატრონი იყო იუდა რატომ აიყვანა იგი მოწაფედ, ქრისტე ამბობს რომ იგი მოვიდა წინასწარმეტყველების აღსასრულებლად, შესაბამისად მისი გაყიდვაც ნაწინასწარმეტყველი იყო,მაგრამ რატომ? პრინციპში ქრისტეს იუდას დახმარების გარეშეც შეიპყრობდნენ, თუკი მისი ჯვარზე გაკვრა აუცილებელი იყო (რისთვის ეს სხვა თემაა) რა საჭირო იყო იუდას დასმენა,შემთხვევით ეს არ მომხდარა, უფალი და შემთხვევითობა გამორიცხულიადა კიდევ ერთი საინტერესო რამ, თუკი იუდამ ვერცხლის გულისთვის გაყიდა ქრისტე, რატომ მიუგდო უკან მღდელმთავრებს ვერცხლი და რატომ ჩამოიხრჩო თავი?ე.ი. მასში გაიღვიძა სინდისმა და თანაც ისე ძლიერ რომ მან თავი მოიკლა და თუკი მას ასე აწუხებდა სინდისი, რატომ გაყიდა ქრისტე.დაუბრუნდეთ შენს მიერ დასმულ კითხვას, ვერცხლის გულისთვის თუ სხვა რამეს გულისთვის, რომ მან ქრისტეში ვერ დაინახა ის იდეალი რომელსაც ეძებდა,კი ბატონო, ვერ დაინახა ის იდეალი, ის მესია რასაც ელოდა და სწორად იმიტომ ვერ დაინახა რომ მისი წარმოდგენით ქრისტეს უნდა მოეტანა სხვა რამ, სხვა სახის ბედნიერება, სავარაუდოდ მატერიალური და არა სულიერი,მან ვერ დაინახა უფალი იმიტომ რომ მისთვის ქრისტე იყო სხვა რამ, არსება რომელიც მას და მის ერს მატერიალურ კეთილდღეობას და რომის იმპერიასგან განთავისუფლებას მოუტანდა,ასე რომ ის 30 ვერცხლი მისთვის უფრო მეტი ფასეულობა იყო ვიდრე მაცხოვარი,30 ვერცხლი იქნება თუ მილიარდი დოლარი, ერთი და იგივეა, ორივე მატერიალური კეთილდღეობისკენ არის მიმართული

საინტერესო მოსაზრებაა და ნაწილობრივ ვეთანხმები, მაგრამ ახლა ერთ შედარებას მოვიყვან:
თავად იუდაიზმი არის კანონების და წესების თაყვანისცემა, ოღონდ მშრალად, სიყვარულის გარეშე. ისინი ზედმიწევნით ასრულებენ წესებს მაგრამ სიყვარული ავიწყდებათ. სულიერი ძალაც შესაბამისად დიდი აქვთ და რწმენაც ანუ არიან სულით ძლიერნი (უფალი კი ამბობს: ნეტარ არიან გლახაკნი სულითა...) მათ პირველი მცნება ავიწყდებათ და მთელ ყურადღებას დანარჩენებს უთმობენ, შესაბამისად კერპად წესებს და იდეალებს (თუნდაც თორას) იხდიან. იუდა სწორედ იუდაიზმის განსახიერებაა, მას სწამდა ქრისტე, ოღონდ სწამდა ისეთი, როგორსაც იუდეველები ელოდნენ მესიას. და იუდა სულიერადაც ძლიერი იყო, მაგრამ მისი მთავარი კერპი იყო არა ფული და მატერიალური კეთილდღეობა, ანუ ოქროს ხბო (თუ როგორცაა) არამედ სწორედ ის კერპი, რომელსაც იმ დროის იუდეველები სცემდნენ თაყვანს, ანუ წესები სიყვარულის გარეშე. და თუნდაც იუდეველთა განთავიოსუფლება რომაელთაგან და მათი ერის რჩეულობა. ამ მცნების დარღვევიდან გამომდინარეობს დანარჩენიც და მათ შორის "ვერცხლისმოყვარეობაც" მაგრამ სუფთა ფსიქოლოგიური თვალსაზრისით კიდევ ერთი მომენტია გასათვალისწინებელი, რომელიც მშვენივრად აქვს გადმოცემული ძეფირელის, თავის ფილმში. აქ ნამდვილად ვერ ავხსნი ამ მოტივს, ვისაც აქვს ნანახი მიხვდება, თუ არა და ნახეთ, ძალიან საინტერესო ფილმია და ავოეზეც დევს. მოკლედ იუდას მთავარი ცოდვა რა თქმა უნდა პირველის შემდეგ (ანუ ღმერთის სიყვარულის შემდეგ) იყო არა ვერცხლისმოყვარეობა, არამედ იმ იდეალის გაკერპება, რასაც იუდეველები სცემდნენ თაყვანს.

თანაც შენი ნათქვამიდანვე ჩანს რომ მანამდე ჰქონდა განზრახული იუდას ქრისტეს დასმენა და რაღა მაინც და მაინც სერობის დროს ჩაუსახლდა ვერცხლისმოყვარეობბის ეშმაკი? მანამდე რა ეშმაკი ჩაუსახლდა აბა? ნიადაგი რამ მოამზადა? ალბათ იტყვით, ღმერტის სიყვარულის ნაკლებობამო, მაგრამ ეს პირველი მცნებაა და მთავარი, მაგრამ შემდეგ მეორე მოდის, ანუ "კერპთაყვანისცემა" და ეს კერპი ფული არ იყო.