ლიტურგია - ქრისტიანული ცხოვრების მწვერვალი პარამეტრები

[მნათე]

მე და კანუდოსელის გუშინდელმა დიალოგმა, ლიტურგიაში გარკვევისა და მისი არსობრივი წვდომის სურვილი გამიღრმავა.... ჩვეულებრივ ითვლება, რომ ქრისტიანული ქცევის ყველაზე მაღალი გამოხატულება, ლიტურგიაში თანამონაწილეობაა... რომლის მეშვეობითაც ღვთისმსახურება და დიდებისმეტყველება, უფრო მეტად კი მსახურების არსი და საყრდენი - ევქარისტია, ქრისტიანს განკაცებული ღმერთის თანაზიარებაში ზეციური იერუსალიმის პოტენციურ მემკვიდრედ გადააქცევს

საზოგადოდ ის განიხილება ტრანსცენდენტულ რეალობასთან, პიროვნულ ღმერთთან ყველაზე ახლო კავშირად დედამიწაზე, ვინაიდან მის მიერ განხორციელებული საიდუმლო და ენით გადმოუცემელი სასწაულით ქრისტეს შეხებისა და სხეულში მიღების საშუალება გვეძლევა... ევქარისტია განწმენდს ადამიანის ორსავე სუბსტანციას, ის არის სხეულისა და სულის სანკურნებელი, ნაკლოვანებათა განმაქარვებელი და ცოდვათა მიმტევებელი... გამუდმებული დასტური და თანხმობა ახალ, თვაისუფლებისთვის გათავისუფლებულ ადამიანობაზე, მოუკლებელი თანხმობა და ნათლობის ხელახალი დადასტურება... ლიტურგია თავის თავში აცოცხლებს ქრისტეს ამქვეყნიურ ცხოვრებას და ამ გაცოცხლებით ჩვენ გვაძლევს საშუალებას თანაბარ ღირსებაში ვიყოთ მათთან, ვისაც პატივი ჰქონდა ეხილა სამების განკაცებული მეორე ჰიპოსტასი დედამიწაზე, კაცთა ნათესაობაში მოსიარულე...

ვისაუბროთ ამ ურთულეს და იმავდროულად ისტორიულ ღვთისმეტყველებაზე....

[ოიგიუს მინიმუს]

"მთელი მსოფლიოს სიმდიდრე რომ შევკრიბოთ და სასწორის ერთ მხარეს დავდოთ, ხოლო მეორე მხარეს ლიტურგია, საღმრთო ლიტურგია გადაწონის..." წმ. იოანე კრონშტადტელი.