უცხოური ლიტერატურა, პროზა და პოეზია ჩვენი ხედვით პარამეტრები

[KAIROS]

ბევრი ჩვენგანი ცხოვრობს უცხოეთში, შესაბამისად - ფლობს სხვადასხვა ენას და ეცნობა უცხოურ ლიტერატურას, ძირითადად, ჩვენამდე უცხოური ლიტერატურა თარგამანის საშუალებით მოდის, მიუხედავად იმისა, რომ გვყავდა ( და ალბათ, ახლაც გვყავს ) შესანიშნავი მთარგმნელები ( მე, მაგალითად, გრიგოლ აბაშიძეს დავასახელებდი, რომელმაც შანდორ პეტეფი ისე საოცრად თარგმნა, რომ ვერავინ დამარწმუნებს, უნგრულად უფრო ლამაზად იკითხება ის ლექსი - " მიყვარხარ ძლიერ, ძლიერ..." , მაინც ჩვენი წარმოდგენა უცხოურ ლიტერატურაზე (თუ, რა თქმა უნდა, ვინმე ფილოლოგი არაა) მაინც ძალიან ბუნდოვანია, ამიტომ კარგი იქნება, თუ ჩვენს მცირე გამოცდილებას, რაიმე ლამაზ ლექსს, თუნდაც სტროფს, ან რაიმე მოთხრობას, თუნდაც მცირე შინაარს გავუზიარებთ ფორუმელებს; რასაკვირველია, თარგმანის მაღალი ხარისხის მოთხოვნა აქ სრულიად შეუსაბამო იქნება, მაგრამ გავაკეთოთ ის, რაც ძალგვიძს...
აბა, გელით;
კაიროსი!

[georgianeli]

"ბახტრიონს მიდის ლელაი"

შენს მოსვლას გაუმარჯოს

კაი ხალხი მიყვარს მე,
ვერ ვიძინებ დილამდე

დედა ტერეზა... სასწაული მოვლენა და გენიალური ქალი... იტალიურად წავაწყდი და ვთარგმნე. რამდენი ვეძიე და ვქექე, რათა შედარებისათვის მიმეკვლია ინგლისური ვერსიისთვის (თუ არის, რა თქმა უნდა), მაგრამ ამაოდ. კარგი იქნება, რომ იპოვო.

"სიყვარული ისაა, როდესაც შენი ოცნების ქალი რეალობა ხდება, ხოლო ძილი კი კარგავს უპირატესობას" (ანონიმი)

"სიყვარული ისაა, როდესაც საყვარელი ადამიანის გასაბედნიერებლად ბაგეების შერხევაც კი არ გჭირდება, რადგან მაშინ გული გიცემს... და ესაა ყველაზე მნიშვნელოვანი..." (კეიტლინ როჯერსი)

"სიყვარული გარეულ ვარდსა ჰგავს, მშენიერსა და მშვიდს, რომელზე მზრუნველობაც გულის სისხლის დათხევას მოითხოვს" (მარკ ოვერბაი)

"დაე, გიყვარდეს მანამ, სანამ ცოცხლობ და იცოცხლე მანამ, სანამ გიყვარს" (რობერტ ჰეინლაინი)

"მშვიდობა სიყვარულის გამოხატულებაა. მოდი, გვიყვარდეს" (ანონიმი)

"სიყვარული ორ სხეულში ბინადარი ერთი სულია" (არისტოტელე)

"სიყვარული საჩუქარია და არა ვალდებულება. მიჰყევი შენს გულს და გწამდეს მუდამ საყვარელი ადამიანის" (ანონიმი)

"სიყვარული ღიმილით იწყება, კოცნით იზრდება და ცრემლით სრულდება" (ანონიმი)

"ერთადერთი სიყვარულს ძალუძს გაავსოს და გააერთიანოს ადამიანები, ერთადერთი იგია, რომელიც აერთიანებს ადამიანებში არსებულ ყველაზე უფრო ღრმას" (პიერ ტეიარ დე შარდენი)

"სიყვარული არ იკარგება. ცალმხრივიც რომ იყოს, იგი გულსვე უბრუნდება, ამსუბუქებს და წმენდს მას" (ვაშინგტონ ირვინგი)

"სიშორე ამძაფრებს სიყვარულს, სიახლოვე ამტკიცებს მას" (თომას ფალერი)

"მამაკაცს ხედვით უყვარდება, ქალს-სმენით" (ტოლსტოი)

"ბედნიერი მამაკაცი იმ ქალზე ქორწინდება, რომელიც უყვარს; უფრო ბედნიერ მამაკაცს კი უყვარს ის ქალი, რომელზედაც ქორწინდება" (ანონიმი)

"სადაც სიყვარულია, იქ სიცოცხლეა" (მაჰათმა განდი)

"სიძულვილი დამბლადაცემულს ქმნის სიცოცხლეს; სიყვარული ათავისუფლებს მას. სიძულვილი რევს სიცოცხლეს; სიყვარული ჰარმონიულს ხდის მას. სიძულვილი აბნელებს სიცოცხლეს; სიყვარული ანათლებს მას" (მარტინ ლუთერ კინგი)

"სიყვარული სიშლეგეა. თუკი გაგერია, მსწრაფლად ვითარდება" (მარკ ტვენი)

"ნუ ეძიებ სიყვარულს, დაე, ნება მიეცი, თავად მოგძებნოს. იმადაც ჰქვია სიყვარულს შეყვარება, რომ კი არ აძალებ საკუთარ თავს, არამედ უბრალოდ, გიყვარდება" (ანონიმი)

"სიყვარული საკუთარი თავის მოყვასში პოვნაა და ამ აღმოჩენის ზეიმი" (ალექსანდერ სმიზი).

"სიყვარული შენდობის უსასრულო ქცევაა, ჩვევადქცეული სანდომიანი გამოხედვა" (პეტერ უსტინოვი)

"ხორციელი სნეულებების წამლობა მალამოებით შეგვიძლია, მაგრამ მარტოსულობა, სასოწარკვეთა და უიმედობა ოდენ სიყვარულით იკურნება. ქვეყნად მრავალია ისეთი ადამიანი, რომელიც იღუპება ერთი ნაჭერი პურის უქონლობის გამო, მაგრამ გაცილებით უფრო მეტია ის, ვისაც სიყვარულის ნაკლებობა კლავს" (დედა ტერეზა) საქართველოს უკვე კარგა ხნის ავბედობის ყველაზე დიდი მიზეზი სწორედ აქაა მითითებული. ხალხია ცოდვა, თორემ გვხვდება. შემთხვევით არ გვცდის უფალი, ხოლო ვისაც საკმარისად უყვარს, ვერავინ და ვერაფერი მოერევა; კაცი იყოს ეს, თუნდა-ერი. სიყვარული შინაგანი მდგომარეობაა. როცა დავიმსახურებთ და მოვმწიფდებით საქართველოს ბედნიერებისათვის, ვიქნებით ბედნიერები... ლამისაა დოსტოევსკისებური "ყველა ყველაფერშია დამნაშავე" გამოვიდეს. არა, ბიჭო.. აბა, ეგრე სადაა?... კიდევ დიდსულოვანია ღმერთი, თორემ კარგა ხნის წინ გავქრებოდით... და დღემდე ზუსტად იმად მოვაღწიეთ, რომ მთელი ერი ერთი დიდი სიყვარულის ოჯახს წარმოადგენდა. სანამ კვლავ არ დავიბრუნებთ იგივეს, "ქე" ვიხეტიალებთ უდაბნოში... და "ქე" დავეხეტებით კიდეც...

"სიყვარული მარადიული დენაა მკვებავი, ზრდადი და დამცავი ენერგიის. მისი მარადიული მიზანი სიცოცხლეა" (სმაილეი ბლენტონი)

"სიყვარული ისეთივე უპრობლემოა, როგორც მანქანა. ერთადერთ პრობლემას წარმოადგენს მძღოლი, მგზავრები და გზა" (ფრანც კაფკა)

"შეყვარებულთა დრო მარადისობაა" (ჰენრი ვან დიკი)

"არ აქვს მნიშვნელობა, თუ რამდენად დიდია წინააღმდეგობა. ჭეშმარიტი სიყვარული ყველაფერს დაგაძლევინებს" (ანონიმი)

"მიყვარხარ არა ოდენ იმიტომ, თუ როგორი ხარ, არამედ იმადაც, თუ როგორი ვარ შენთან ერთად" (ელიზაბეტ ბარეტ ბროუნინგი)

ეს კი გენიალურია!

"არაა ცუდი, როდესაც გიყვარს მეფე, მაგრამ უკეთესია, როდესაც თვითონ მეფეს უყვარხარ" (ანონიმი)

"ბედნიერია ის მამაკაცი, რომელიც ქალის პირველი სიყვარულია, მაგრამ უფრო ბედნიერია ის ქალი, რომელიც მამაკაცის უკანასკნელი სიყვარულია" (ანონიმი)

"სიყვარული სამოთხის ალის მიღებაა" (კარენ სანდე)

კიდევ ერთი გენიალური თქმა! დიდზე დიდი სიმართლე!

"ტკბილია სიყვარულის მიერ თქმული, უფრო ტკბილი-მისი ფიქრები: მაგრამ უტკბილესია ის, რასაც სიყვარული არ ამბობს და არ ფიქრობს" (რიჩარდ გარნეტი)

"სიყვარული თავშეუკავებელი სურვილის თავშეუკავებელი სურვილია" (ლუი გინსბურგი)

"თუკი ღალატობ ვინმეს, ესე იგი, კარგავ ცხოვრების ერთ-ერთ უდიდეს საგანძურს-თვისებას, რომ გენდონ, რამეთუ ნდობის გარეშე შეუძებელია სიყვარული" (ოშო)

"სიყვარული არ ბატონობს; იგი აკეთილშობილებს" (გოეთე)

და კიდევ უზუსტესი სიბრძნე

"ცხოვრების უდიდესი ბედნიერებაა იმის გაცნობიერება, რომ ვუყვარვართ-რომ ვუყვარვართ ისეთები, როგორიც ვართ, ან უკეთ რომ ვთქვათ, იმის მიუხედავად, თუ როგორები ვართ" (ვიქტორ ჰიუგო)

მაისტერ ეკჰარტის მინდიაურ-ესკულაპურ-ფსევდოარეოპაგიტული ჭეშმარიტება

"თვით ქვებსაც კი გააჩნიათ სიყვარული, რომელიც მიწას მიელტვის"

"სიყვარული ერთმანეთის დანახვის სიამოვნებით იბადება, ერთმანეთთან შეხვედრის აუცილებლობით იკვებება და გვირგვინდება ერთმანეთთან შეუძლებელი განუყრელობით" (ანონიმი)

"მამაკაცი კარგავს ორიენტირების გრძნობას ოთხი ჭიქის შემდეგ, ქალი კი-ოთხჯერ ჩაკოცვნის შემდეგ" (ჰენრი მენკენი) ოთხჭიქიანობა-უმეტესწილად, დასავლური სტანდარტი, ზოგიერთისთვის კი, მიხო და კოპერფილდის ანეგდოტის არ იყოს (ე, რა მომიყვა ი კაცმა )-უნივერსალური

"არავის უყვარს ქალი იმიტომ, რომ ლამაზია, ან შეუხედავი, სულელი, თუ ჭკვიანი. უბრალოდ გვიყვარს იმიტომ, რომ გვიყვარს" (ანონიმი)

"სიყვარულის წარმატება სიყვარულშია-იგი არაა შედეგი სიყვარულის. რა თქმა უნდა, სიყვარულისათვის დამახასიათებელია მოყვასისადმი სიკეთის ნდომა, მაგრამ ასე იქნება ეს, თუ სხვაგვარად, ჩვენი ნამოქმედარის ღირსება ამით არ იქნება განსაზღვრული (დედა ტერეზა)

"ნამდვილ სიყვარულის თავგადასავლებს დასასრული არ გააჩნიათ" (რიჩარდ ბახი)

"თუკი მიყვარხარ, რა შენი საქმეა?" (გოეთე)

"სიყვარული სიტყვაა, რომლის ყველაზე დიდ მნიშვნელობასაც მისი გამაერთებელი ძალა განაპირობებს" (რელიგიური სიმბოლოებით დახუნძლული ფილმიდან "მატრიცა")