საიდან გავმრავლდით კაცობრიობა?!, ადამი და ევა... პარამეტრები

[ტარზანა]

აბა ვინ გამცემთ პასუხს საიდან და როგორ?

ადამს სამი ვაჟი ყავდა როგორც ვიცით კაენი, აბელი და სემი, მაგრამ ასულებზე მოსეს რჯულში არის რამე ნახსენები?

თუ სამი ვაჟი ყავდათ და ასულები არ ყოლიათ საიდან გავმრავლდით?

[.ნინო]

ქალის პრობლემა საერთოდ ხშირად იბადება , არის მსგავსი სხვა კითხვაც, ვინ იყო ის ქალი ვინც შეირთო? რაიმე სხვა პლანეტიდან ჩამოფრენილი რომ არ იყო ვიცით , შესაბამისად აუცილებლად უნდა ყოფილიყო ადამისა და ევასაგან, ანუ ჩვენეული გაგებით, ორივე კითხვას აქვს ერთი პასუხი, დიდი საპოვნი არ ყოფილა არც კაენის და არც შეთის ( მესამე ვაჟი) ცოლები, ისინი მათთან ერთად გაიზარდნენ და იყვნენ მათი "დები", ეს ნუ შეგვაშინებს, რადგან და-ძმა, ბიძაშვილი და ა.შ. გარდა დედ-მამის ინსტიტუტისა, არ არსებოდა ასეთი გაგება, იყო მშობლები და იყო ორი განსხვავებული სქესი, მხოლოდ შემდეგ, როცა გამრავლება მოხდა, დაიწყო სრულიად ბუნებრივი აკრძალვები ჯერ პირველ თაობაში, მერე მეორე , მესამე და ა.შ.
იხარე;
კაიროსი!



საერთოდ ენაა ასეთი ძველი აღთქმისა ( და არა მარტო), თუ სახელით იხსენებს ვინმეს ან საერთოდ თუ ამბობს რომელიმე ქალის შესახებ, მაშინ ამ ქალს რაიმე განსაკუთრებული ადგილი უნდა ეჭიროს ბიბლიურ ისტორიაში, წარმოიდგინეთ ეს ტრადიცია ( რათქმაუნდა თავისი ხასიათით პატრიარქალური) მეორდება მახარებელ მათესთანაც, სადაც თავის ცნობილი გენეალოგიაში ახსენებს მხოლოდ 4 ქალს, მათგან 3-ს სახელით, ერთს უსახელოდ, თავისთავად ისინი , რომ ახსენა ესეც ამ ქალთა განსაკუთრებულ მნიშვნელობაზე მიანიშნებს:
1. "3. ხოლო იუდა შვა ფარეზ და ზარა თამარისგან "
2. "5. სალმონ შვა ბოოს რექაბისგან; "
3. "ბოოს შვა იობედ რუთისგან"
4. "დავით მეფემან შვა სოლომონ ურიაჲს ცოლისაგან; "
თამარი, რექაბი, რუთი საღვთო მოშურნეობის, მესიის მოლოდინის და გმირი ქალების სახეა ბიბლიაში, მათ შესახებ წაიკითხე, მაგრამ ნახე მეოთხე უსახელოა, არადა ძველი აღთქმიდან ვიცით, რომ სახელი ერქვა - ბერშაბეჰ ( ბერსაბე), მაგრამ მისი საქციელის გამო ( აცდუნა მეფე დავითი), მესიის გენეალოგიაში მის სახელს არ იხსენებს, ასე რომ აქედან ცხადია, ბიბლიური მწერალი არ არის ისტორიკოსი, ამ სიტყვის ზედმიწევნითი გაგებით, იგი თეოლოგიცაა, და ან ყველა სახელის უკან მნიშვნელოვანი ისტორიაა, ან სახელიც არ არის...
იხარე;
კაიროსი!