პოლემიკა "დიდგორის" სქიზმატურ დაჯგუფებასთან პარამეტრები

[devnili]

პატივცემულო კანონისტო. ასეთი პასუხი გამოგიზავნა დიდგორელმა ნიკ გვარამიამ თქვენს შეკითხვებზე. მის ტონს არ ვეთანხმები და მეტად აღარ გამოვუქვეყნებ. დაე, თვითონ დარეგისტრირდნენ. ისინი კონტრ შეკითხვებს სვამენ.

_______________________________

დიახ, სრულ ჭეშმარიტებას ბრძანებთ, თქვენ მოქმედებთ მართლმადიდებელი ეკლესიის მიერ მსოფლიო და ადგილობრივ კრებებზე დაგმობილი და შეჩვენებული გრიგორიანული პაპისტური კალენდრით, თქვენმა საყვარელმა „ბიჭუნა" მნათეუსმაც ხომ დიდი ზარზეიმით აღნიშნა კათოლიკური შობა 25 დეკემბერი (ახ. სტ.) თბილისის ფორუმზე და თქვნც პაპისტური კალენდრით დააგვირგვინეთ არაეკლესიური ახალი წელი 1 იანვარს (ახ. სტ.) და ამას საჯაროდ თავადაც ადასტურებთ, ბ-ნო კანონისტო, თქვენი შემდეგი სიტყვებით: „მაგრამ რამდენადაც საქართველოს სახელმწიფოში მოქმედებს გრიგორიანული კალენდარი, რომელიც იწყება 1 იანვარს, ამ დღეს აღვნიშნავთ ახალ წელს და ვულოცავთ ერთმანეთს."-(ავტორი „კანონისტი")" რადგან გრიგორიანული კალენდრით აღნიშნავთ ახალ წელს და ულოცავთ ერთმანეთს, მაშინ ექვემდებარებით წმიდა მართლმადიდებელი ეკლესიის შემდეგი კანონის მსჯავრს!: „რომელიც მისდევს გრიგორიანულ პასქალიასა და კალენდარს, სამღვდელო პირი იქნება ის თუ ერისაგანი, განკვეთილ იყოს ღმრთისაგან და შეჩვენებულ, და მიეცეს ის სატანჯველსა საუკუნესა, თავს დაატყდეს მას ყოველთა პატრიარქთა და მართლმადიდებელ წმიდა კრებათა წყევლა და მიეცეს იგი ცეცხლსა გეჰენიისასა" (მსოფლიო პატრიარქი კირილე, სიგელიონი, 1756წ.).

კარგით, მაშ ასე, საეკლესიო კალენდრის საკითხში აქეთ ინდიქტიონს (ღმერთის წესს) და იქით საერო 1 იანვარს (ახ.სტ.) (ეშმაკის წესს) ე. ი. ორივეს სცნობთ, ე. ი. ორ ბატონს ემსახურებით, და რადგან ეს საკითხი თქვენივე "აღსარებით" გავარკვიეთ, ახლა გადავიდეთ შემდეგ თემაზე და თუ შეიძლება გაგვეცით შემდეგ ორ კითხვაზე პასუხი:

ა) შეიძლება თუ არა პატრიარქი (ბერი) და სხვა ეპისკოპოსები ოპერაში ვერდის სპექტაკლზე (ნაბუქოდო) დაესწრნენ, (ამა წლის 4 იანვარს (ახ.სტ) მოხდა თქვენ იერარქთა ეს მორიგი თეატრალიზებული სამარცხვინო გართობა) მაშინ, როდესაც საეკლესიო სამართლით მსახიობობა ცოდვაა: წმიდა პავლე მოციქულის მე 6 კანონი (ერისკაცთა შესახებ): „თუ ეკლესიისკენ პირს იზამს მომღერალი, მსახიობი….ან დაცხრეს მისი საქმიანონობისგან, ან უკან გაბრუნდეს.", და თუ მითუმეტეს მღვდლის შვილებსაც კი ეკრძალებათ საერო სანახაობებზე სიარული, (:კართაგენის ადგილობრივი კრების მე 15 კანონი:

„მღვდელთა შვილები საერო სანახაობაში ნურც მონაწილეობას მიიღებენ, ნურც სანახავად წავლენ. ეს ყველა ქრისტიანს ექადაგება ყოველთვის, რომ სადაც გმობა იყოს, იქ არ უნდა მივიდნენ") რა უნდოდა თქვენს პატრიარქს და სინოდის წევრებს ოპერისა და ბალეტის თეატრში ვერდის ოპერაზე?

სასულიერო დასისთვის შეუფერებელი ქმედების ბრალმდებელი ლაოდეკიის კრების 54-ე და კონსტანტინეპოლის სამეუფეო პალატაში შეკრებილ მამათა 50-51 კანონები: „მღვდლებმა და საეკლესიო დასის სხვა წარმომადგენლებმა არ უნდა უყურონ ქორწილში ან წვეულებაში წარმოდგენილ სანახაობებს, არამედ სანამ შემოვიდოდნენ მსახიობები, უნდა ადგნენ და წავიდნენ; სასულიერო პირთაგან ნურავინ მიეცემა შვება-თამაშს, სახუმარო სანახაობას, მგოსანთა როკვას, ხოლო თუ ვინმე დაარღვევს ამ კანონს… თუ ვინმე სასულიერო პირი იქნება იგი, განიკვეთოს". !

მოციქულთა მე 6 კანონი (სასულიერო დასის შესახებ): „ეპისკოპოსი, მღვდელი, დიაკონი ნუ შეუდგება ამქვეყნიურ საზრუნავს, თუ არადა განიკვეთოს."

ბ) ასევე, თუ შეიძლება, გაგვეცით მეორე შეკითხვაზეც პასუხი, რატომ იყო თქვენი პირველიერარქი (პატრიარქი) სექტათა მსოფლიო ერეტიკული შესაკრებლის "ეკლესიათა მსოფლიო საბჭოს" ერთერთი თანაპრეზიდენტი და რატომ ლოცულოდა ამ საბჭოს ასამბლეებზე სექტის წარმომადგენლებთან ერთად?, ასევე, რატომ ლოცულობდა მონოფიზიტებთან და პაპისტებთან, როგორც ქართულ ტაძრებში ისე ეჩმიაძინსა და ვატიკანში?: „დიდ ხუთშაბათს — ფეხთბანვის დღეს მამა ერნსტ ქრისტოფ სუტნერი და მამა ცელესტინ პატოკი (არამართლმადიდებლები — ავტ.) თბილისის სიონის საპატრიარქო ტაძარში დაესწრნენ საღმრთო- სადღესასწაულო ლიტურღიას და სრულიად საქართველოს კათოლიკოს-პატრიარქის, უწმიდესისა და უნეტარესის, ილია მეორის ხელიდან მიიღეს წმიდა ზიარება, ხოლო დიდ შაბათს — ლიტონიობის დღესასწაულზე საქართველოს ეკლესიის სასურველი სტუმრები (ხაზგასმა ჩვენია — ავტ.) სრულიად საქართველოს პატრიარქთან და სიონის ტაძრის სამღვდელოებასთან ერთად ღამის 12 საათიდან დილის 7 საათამდე აღავლენდნენ ლოცვებს ბრწყინვალე აღდგომის სადიდებლად".

„კვირას ეჩმიაძინის საკათედრო ტაძარში საღმრთო-სადღესასწაულო ლიტურღია აღასრულეს ყოველთა სომეხთა უმაღლესმა პატრიარქ-კათალიკოსმა უწმიდესმა ვაზგენ I და უწმიდესმა და უნეტარესმა ილია II" (საპატრიარქოს ჟურნალი - ჯვარი ვაზისა, 1982წ. N2″)

მაშინ, როდესაც საეკლესიო სამართალით მკაცრად იკრძალება ერეტიკოსებთან ერთობლივი ლოცვა: მოციქულთა 45-ე კანონი: „თუ ეპისკოპოსი, მღვდელი ან დიაკონი მწვალებელთან ერთად ილოცებს, აეკრძალოს მღვდლობა. თუ ნებას მისცემს მათ (ერეტიკოსებს), რომ შეასრულონ რაიმე სამღვდელო წესი, როგორც მღვდლებმა, განიკვეთოს".

წმინდა იუსტინე პოპოვიჩი: „მართლმადიდებელი ეკლესიის პოზიცია მწვალებელთა მიმართ - ანუ ყველა იმათ მიმართ, ვინც მართლმადიდებელი არ არის - ერთხელ და სამუდამოდ არის დადგენილი წმ.მოციქულთა და წმ.მამათა, ანუ ერთი და უცვალებელი ღმრთივსულიერი გარდამოცემის მიერ. ამ განჩინების თანახმად, მართლმადიდებლებს ეკრძალებათ მონაწილეობა რაიმე საერთო ლოცვასა თუ ღმრთისმსახურებაში მწვალებლებთან ერთად, "რამეთუ რაი მოყუსობა არს სიმართლისა და უსჯულოებისა? ანუ რაი ზიარება არს ნათლისა და ბნელისა? ანუ რაი შეტყუება არს ქრისტესი ბელიარის თანა? ანუ რაი ნაწილ უც მორწმუნესა ურწმუნოსა თანა?" (2კორ. 6,14-15).

ჯერჯერობით, გთხოვთ გაგვცეთ პასუხი ამ ორ ბრალდებაზე, წინასწარ გაფრთხილებთ, თუ დაგვბლოკავთ, მაშინ უფრო საფუძვლიანად თქვენს მხილებას ჩვენს საითზე გავაგრძელებთ!

[devnili]

მეგონა უკვე გამომიჭირეს მეთქი ამ მწიგნობრებმა, მაგრამ დიდგორელებიც საგანგებოდ მომზადებულან

------------------------------------

კანონისტი ბრძანებს: „პავლე მოციქულის განწესებებად წოდებული ეს კრებული, კონსტანტინოპოლის VI მსოფლიო კრების მე-2 კანონმა, როგორც შერყვნილი და მწვალებლური, ამოიღო მართლმადიდებლურ კანონთა კორპუსიდან. ასე რომ, ამაზე პასუხს ვერ გაგცემთ. ეკლესიის კანონისტებსაც ამ კანონთა განმარტება არ აქვთ, იგი არ შედის არც ბერძნულ "პიდალიონში" და არც სლავურ "კორმჩაიაში".



„დიდგორის" პასუხი:

„კანონისტის" სწავლება: მინდა დაგამწუხროთ, რომ თქვენ მიერ მოყვანილი არცერთი კანონი არ უკძალავს სასულიერო პირს დაესწროს თეატრალურ სპექტაკლს, რომელშიც საინტერესოდ, ყოველგვარი უხამსობის გარეშე ვითარდება სიუჟეტი და არანაირი წინააღმდეგობა არ არის მის შინაარსში მართლმადიდებლობასთან.

აღსარების_წიგნი; მოსანანიებელი_ცოდვა:

„მსახიობობით - თეატრალურ სანახაობათა ნახვით, ან მათში მონაწილეობით" (წიგნიდან „აღსარება" დაიბეჭდა უწმინდესისა და უნეტარესის სრულიად საქართველოს კათოლიკოს-პატრიარქის ლოცვა-კურთხევით)

ბ-ნო "კანონისტო", პავლე მოციქულს გაწესებებად წოდებული ეს კრებული კი არ ამოღო კონსტანტინეპოლის მე-6 მსოფლიო კრებამ, არამედ კლიმენტოსის მიერ გადმოცემული განწესება, რადგან მოციქულთა ჩვენს მიერ წარმოდგენილ განწესებაში მსახიობთა შესახებ არაფერია მწვალებლური და შერყვნილი და იგი თქვენივე საპატრიარქოს გამოცემულ საეკლესიო კოდექსში „დიდი სჯულის კანონი" -შედის; ასევე ეს კანონი შესულია ყველა ქვეყნის მართლმადიდებელი ეკლესიის აღსარებათა წიგნში, როგორც მსახიობის ცოდვის მსჯავრმდებელი კანონი და საუკუნეთა განმავლობაში ყველა დროის ქრისტიანულ ეკლესიაში ინანიებდენენ ზიარების წინ მსახიობობას, როგორც ცოდვას შემდეგნაირად: „მსახიობობით - თეატრალურ სანახაობათა ნახვით, ან მათში მონაწილეობით" (წიგნიდან „აღსარება" დაიბეჭდა უწმინდესისა და უნეტარესის სრულიად საქართველოს კათოლიკოს-პატრიარქის ლოცვა-კურთხევით) ხოლო ამ ცოდვილი პროფესიის მქონე ადამიანი, ანუ მსახიობი, თავისი ცოდვილი საქმით დადებით როლს განასახიერებს, თუ უარყოფითს, ცოდვაში რჩება მაინც და მისი ცოდვით სულიერ ტკბობას მიცემული სამღვდელო პირი აკანონებს მასში ცოდვას და განაკანონებს საკუთარ თავს სამღვდელო პატივიდან!

ჩვენ წარმოვადგინეთ სასულიერო დასისთვის შეუფერებელი ქმედების ბრალმდებელი ლაოდეკიის კრების 54-ე და კონსტანტინეპოლის სამეუფეო პალატაში შეკრებილ მამათა 50-51 კანონები: „მღვდლებმა და საეკლესიო დასის სხვა წარმომადგენლებმა არ უნდა უყურონ ქორწილში ან წვეულებაში წარმოდგენილ სანახაობებს, არამედ სანამ შემოვიდოდნენ მსახიობები, უნდა ადგნენ და წავიდნენ;

აქ წერია ქორწილში ან წვეულებაში წარმოდგენილ სანახაობებს არ უნდა უყურონ სასულიერო დასის წარმომადგენლებმაო, მაშინ დაწერდნენ თქვენსავით წმინდა მამები, ბ-ნო „კანონისტო" რომ მხოლოდ უხამსს არ უყურონ და „თუ საინტერესოდ ვითარდება სიუჟეტი" მას შეუძლია უყურონო! მათ კი უწერიათ, რომ არამც თუ არ შეიძლება უყურონ თვით „საინტერესოდ განვითარებულ სიუჟეტს"_ო, არამედ სანამ შემოვიდოდნენ მსახიობები უნდა ადგნენ და წავიდნენო, ე.ი. მსახიობთა წარმოდგენილ არანაირ სანახაობას არ უნდა უყურონო"

სხვა კანონებიც ჩვენს მიერ მოწოდებული პირდაპირ თუ ირიბად იგივეს ღაღადებენ, მაგრამ ისე გინდათ თქვენს იერარქთა ცოდვები საეკლესიო დარღვევად არ წარმოადგინოთ, რომ ნემსის ყუნწში ძვრებით, თანაც, იმდენად, რომ თვით პაპისტების მწვალებლობაც კი ეჭვქვეშ დააყენეთ, თურმე მსოფლიო კრებას ელოდებით მათი დოგმატურ-კანონიკური დარღვევები მწვალებლობად რომ დაამტკიცოთ, როგორც სჩანს არც იეღოველთა სექტა მიგაჩნიათ მწვალებლობად და ელოდებით მსოფლიო კრების განჩინებას.

ასე რომ, დასამწუხრებლად თავად გაქვთ საქმე, ბ-ნო კანონისტო, რადგან ცეცხლს ეთამაშებით ასეთი გაუკუღმართებული განმარტებებით და საშინელ სამსჯავროზე, ღმერთმა გამოგიხსნათ, რათა არიოზისა და ნესტორის გვერდით არ აღმოჩნდეთ!

p.s.

მსახიობთა წარმოდგენილ არამცთუ სანახაობებს არ უნდა უყუროს სასულიერო დასის წევრმა, არამედ "ვინც შეირთავს ცოლად მსახიობს არა აქვს უფლება გახდეს სამღვდელო დასის წევრი" (მოციქულთა მე-18 კანონი)


-------------------------------