წმიდა წერილის საკამათო ადგილებისათვის, ბიბლია და კონფესიები პარამეტრები

[KAIROS]

ამ თემის გახსნა გამოიწვია, ამავე განყოფილებაში სხვადასხვა თემად გაბნეულ ბიბლიის ზოგიერთი მუხლის მართლმადიდებლური ტრადიციისაგან განსხვავებულმა ინტერპრეტაციამ ან რომელიმე ტერმინის პირდაპირმა გაგებამ ან პირიქით ზოგის ნაძალადევად გადატანითმა თარგმნამ და შემდგომ მასზე მწვალებლური აზრების და მოძღვრებების აგებამ...
მსგავსი კამათი წარიმართა იგავთა 8 : 22 მუხლში "შემქნა" ზმნის არსებობამ, რადგან ხშირად ამ მუხლებში მოიაზრება ძე ღმერთი, უფალი იესო, მაშინ რასელისტი მწვალებლები, და ზოგი სხვა კონფესია ( ადრე არიანელები და ა.შ.) ამტკიცებს, რომ აქ სჩანს რომ "იესო შექმნილიაო", გადმომაქვს მთელი კამათი და შემდგომში აქ გავაგრძელოთ საუბარი...
იხარეთ;
კაიროსი!

[დათიკო]

მოყვასი

გთხოვ რელიგიური მასწავლებლების ინტერპრეტაციების ციტირებებს ნუ მოიშველიებ

უკაცრავად, მაგრამ ამის გარეშე აქ პოსტვა თითქმის აკრძალულიც კი არის.
მინდა შეგახსენოთ, რომ თქვენ მყოფებით მართლმადიდებვლურ ფორუმზე და ამ განყოფილების დანიშნულებაა მართლმადიდებლური ეგზეგეზის მიხედვით სახარების შესწავლა და არ აქვს ამ განყოფიებას კონფესიათაშორისი კამათის დანიშნულება.
ამიტომ გთხოვთ გაგებით მოეკიდოთ ჩემს სათქმელს და ნუ დაუშლით კაიროსს აციტიროს მართლმადიდებელი ავტორიტეტები.
ასევე თქვენც მოერიდეთ ისეთი მოსაზრებების დადებას, რომელიც არ არის მართლმადიდებლური და ეწინააღმდეგბა მართლმადიდებელი ეკლესიის სწავლებას.

[მოყვასი]

მოყვასი
უკაცრავად, მაგრამ ამის გარეშე აქ პოსტვა თითქმის აკრძალულიც კი არის.
მინდა შეგახსენოთ, რომ თქვენ მყოფებით მართლმადიდებვლურ ფორუმზე და ამ განყოფილების დანიშნულებაა მართლმადიდებლური ეგზეგეზის მიხედვით სახარების შესწავლა და არ აქვს ამ განყოფიებას კონფესიათაშორისი კამათის დანიშნულება.
ამიტომ გთხოვთ გაგებით მოეკიდოთ ჩემს სათქმელს და ნუ დაუშლით კაიროსს აციტიროს მართლმადიდებელი ავტორიტეტები.
ასევე თქვენც მოერიდეთ ისეთი მოსაზრებების დადებას, რომელიც არ არის მართლმადიდებლური და ეწინააღმდეგბა მართლმადიდებელი ეკლესიის სწავლებას.

Lashab
ლაშა, მინდა შეგახსენო, რომ ჩვენი ფორუმის წესებით ამ განყოფილებაში არ შეიძლება მართლმადიდებლური განმრტების გარეშე წმინდა წერილის შესახებ პოსტვა. ანუ პირადი აზრები, ან ისეთი სახის ეგრეგეზა, რომელიც არ არის მართლმადიდებლური ეკლესიის მიერ შეწყნარებული, აქ არ დაიშვება.
იმედი მაქვს გაითვალისწინებ.

გამარჯობა დათიკო

მადლობ რომ მოგვწერე, მაგრამ, მე პირადად, კარგად მაქვს გაცნობიერებული რომ ვიმყოფები მართლმადიდებლურ საიტზე; დათიკო, სწორედ ეს გახლავს იმის მიზეზი რომ მე არანაირი სურვილი არ მქონდა საუბრები რომელიც კაიროსმა კამათის მიმართულებიც წარმართა დასაწყისიდანვე, იძულებული გავმხდარიყავი უფრო ფართო სპექტრში განმეხილა.

მე კაიროსს დასაწყისში ვთხოვე უბრალოდ მოკლედ და კონკრეტულად გაეცა ჩემს შეკითხვაზე პასუხი. მე სულაც არ მქონდა მიზნად დასახული განსხვავებული რელიგიური თვალსაზრისი შემომეტანა ფორუმზე.ეს საკითხები ჩემი მხრიდან არ იქნებოდა ასე ფართო სპექტრში განხილული თუ კი კაიროსი მოკლე და კონკრეტულ პასუხს გასცემდა ჩემს შეკითხვას. ასე რომ......მთლად ნუ დამანაშაულებ დათიკო გთხოვ.

ახლა კი როგორც ვხედავ, მიუხედავად იმისა რომ არ დამიციტირებია არანაირად არცერთი კონფესიის სწავლებებიდან, არამედ მართლმადიდებელი ეკლესიის ბიბლიის ციტირებებითა და საყოველთაოდ აღიარებული ბიბლიის მანუსკრიპტებზე დაყრდნობით შევეცადე ნათლად დამენახვებინა კაიროსისთვის რომ იგავნის 8:22-ში წერია "უფალმა შემქმნა მე" ამისთვის ვიღებ გაფრთხილებას - გასაგებია და მიღებულია.

გამოდის რომ პირადად ჩემთვის აქ ადგილი არ ყოვილა. მიუხედავად იმისა რომ მე არც რომელიმე რელიგიის წევრი გახლავართ და არც რომელიმე რელიგიის სწავლებების ამ საიტზე დამკვიდრება მიცდია.
როგორც ავღნიშნე, მე უბრალოდ წარმოვადგინე ბიბლიის უძველესი თარგმანები თუ როგორ თარგმნიდა იგავნის 8:22-ს და მოვიხსენიე ზოგიერთი თანამედროვე თარგმანებიც რომლებიც უძველეს ხელნაწერებზე დაყრდნობით, სწორად გადმოსცემენ იგავნის 8:22-ში ჩაწერილი სიტყვების მნიშვნელობას.


ახლა კი როგორც ჩანს იმის დროა რომ შენი სიტყვები - დათიკო - რომელიც ზემოთ დავაციტირე მხედველობაში უნდა მივიღო და საკუთარი თვალსაზრისი, თუნდაც მართლმადიდებლური ბიბლიისა და უძველესი მანუსკრიპტებზე დაყრდნობით არ უნდა გამოვხატო. მაშ რა გამოდის? რაღა მინდა აქ? თავისუფალი აზროვნების უფლება თუ ჩამომერთვა ამ ფორუმში მაშინ გამოდის რომ უნდა დაგემშვიდობოთ და კარგად ჩაბვიბეჭდო ეს სიტყვები რასაც კიდევ ერთხელ ვციტირებ:

"არ შეიძლება მართლმადიდებლური განმრტების გარეშე წმინდა წერილის შესახებ პოსტვა. ანუ პირადი აზრები, ან ისეთი სახის ეგრეგეზა, რომელიც არ არის მართლმადიდებლური ეკლესიის მიერ შეწყნარებული, აქ არ დაიშვება".

როგორც ჩანს დამშვიდობება მომიწევს მხოლოდ იქიდან გამომდინარე რომ პატივს ვცემ ადამიანის პირად არჩევანს და ფორუმის მიმართულებას.

კაიროს

მე ნათლად წარმოვადგინე თუ როგორ ითარგმენბა ყველაზე ძველ საყოველთაოდ აღიარებულ მანუსკრიპტებში იგავნის 8:22-ში ჩაწერილი სიტყვები. "ძველი აღთქმის" ებრაული, დედნისეული ტექსტის თარგმანებში, როგორიცაა სეპტუაგინტა, სირიული ფეშიტა და თარგუმი ის ავტორიტეტული უძველესი მანუსკრიპტებია რომელიც მსოფლიოში საფუძვლად ედება ბიბლიას თარგმნისას და სწორედ ეს მანუსკრიპტები ფენს ნათელს იავნის 8:22-ში ჩაწერილი "კანანის" მნიშვნელობას, და მას თარგმნის ებრაულიდან როგორც: "უფალმა შემქმნა მე".
კაიროს, მხოლოდ ლათინური ვულგატაა რომელიც ისე თარგმნის იგავნის 8:22-ს, როგორც შენ მოგეწონებოდა (ირონიით არ გეუბნები და გთხოვ ცუდად არ გამიგო) და სწორედ ისე თარგმნის ლათ ვულგატა, რასაც ადვილად შეუთავსებს ზოგიერთი საკუთარ რელიგიურ შეხედულებებს. ამრიგად, 3 უძველესი თარგმანი (სეპტუაგინტა, სირიული ფეშიტა და არამეული თარგუმი) მხარს უჭერს იმას რასაც მე ვამბობდი. ანუ 3 ეწინააღმდეგება ერთს, ლათინურ ვულგატას. თუ არ ჩავთვლით თავად ებრაულს, ებრაულიანად კი 4.

ახლა დასკვნა შენ გააკეთე. მე არაფერს გიმტკიცებ და არ გეუბნები რა არის უფრო სწორი ან რა ირწმუნო და როგორ... ეგ შენი გადასაწყვეტია. გულზე დაიდე ხელი და თავად გადაწყვიტე რას მიიჩნევ სწორად და მისაღებად. ყველას ბოდიშს ვუხდი თუ ჩემმა პოსტებმა რაიმე ნაირად თქვენი რელიგიური შეხედულებების საწინააღმდეგო აზრები გამოხატა.
კაიროს, რაც შეეხება ქართულ თარგმანებს. ყველაზე სანდოა შენთვის როგორც გაირკვა. მაშინ აქვე გეტყვი, რომ მე პირადად, ძალიან ვაფასებ ყველა ქართულ თარგმანს. ქართული თარგმანები, ისევე როგორც სხვა ენაზე გაკეთებული უამრავი თარგმანი, უდიდესი და ძვირფასი მცდელობაა ბიბლიის ტექსტების ასლის თარგმნისა. მაგრამ სასურველია გახსოვდეს რომ ქართული თარგმანები თარგმანებია როლებიც ჩემს მიერ ზემოთმოხსენიებული, საყოველთაოდ აღიარებული თარგმანების შემდგომ გაკეთებული თარგმანებია. ქართული თარგმანები არ არის ისეთი ძველი თარგმანები როგორც სეპტუაგინტა, სირიული ფეშიტა და არამეული თარგუმი რომ მათ გვერდით დააყენო ავტორიტეტულობის, სიზუსტის და სიძველის თვალსაზრისით. თუმცა ეგეც შენი პირადი საკითხია რას როგორ და რანაირად განიხილავ და ირწმუნებ.
პატივისცემით

მოყვასი