პოლემიკა "დიდგორის" სქიზმატურ დაჯგუფებასთან |
სტუმარს სალამი ( შესვლა | დარეგისტრირება )
პოლემიკა "დიდგორის" სქიზმატურ დაჯგუფებასთან |
devnili |
Jan 8 2009, 08:56 PM
პოსტი
#1
|
ირაკლი ჯგუფი: Members პოსტები: 47 რეგისტრ.: 1-January 09 წევრი № 6,202 |
პატივცემულო კანონისტო. ასეთი პასუხი გამოგიზავნა დიდგორელმა ნიკ გვარამიამ თქვენს შეკითხვებზე. მის ტონს არ ვეთანხმები და მეტად აღარ გამოვუქვეყნებ. დაე, თვითონ დარეგისტრირდნენ. ისინი კონტრ შეკითხვებს სვამენ.
_______________________________ დიახ, სრულ ჭეშმარიტებას ბრძანებთ, თქვენ მოქმედებთ მართლმადიდებელი ეკლესიის მიერ მსოფლიო და ადგილობრივ კრებებზე დაგმობილი და შეჩვენებული გრიგორიანული პაპისტური კალენდრით, თქვენმა საყვარელმა „ბიჭუნა" მნათეუსმაც ხომ დიდი ზარზეიმით აღნიშნა კათოლიკური შობა 25 დეკემბერი (ახ. სტ.) თბილისის ფორუმზე და თქვნც პაპისტური კალენდრით დააგვირგვინეთ არაეკლესიური ახალი წელი 1 იანვარს (ახ. სტ.) და ამას საჯაროდ თავადაც ადასტურებთ, ბ-ნო კანონისტო, თქვენი შემდეგი სიტყვებით: „მაგრამ რამდენადაც საქართველოს სახელმწიფოში მოქმედებს გრიგორიანული კალენდარი, რომელიც იწყება 1 იანვარს, ამ დღეს აღვნიშნავთ ახალ წელს და ვულოცავთ ერთმანეთს."-(ავტორი „კანონისტი")" რადგან გრიგორიანული კალენდრით აღნიშნავთ ახალ წელს და ულოცავთ ერთმანეთს, მაშინ ექვემდებარებით წმიდა მართლმადიდებელი ეკლესიის შემდეგი კანონის მსჯავრს!: „რომელიც მისდევს გრიგორიანულ პასქალიასა და კალენდარს, სამღვდელო პირი იქნება ის თუ ერისაგანი, განკვეთილ იყოს ღმრთისაგან და შეჩვენებულ, და მიეცეს ის სატანჯველსა საუკუნესა, თავს დაატყდეს მას ყოველთა პატრიარქთა და მართლმადიდებელ წმიდა კრებათა წყევლა და მიეცეს იგი ცეცხლსა გეჰენიისასა" (მსოფლიო პატრიარქი კირილე, სიგელიონი, 1756წ.). კარგით, მაშ ასე, საეკლესიო კალენდრის საკითხში აქეთ ინდიქტიონს (ღმერთის წესს) და იქით საერო 1 იანვარს (ახ.სტ.) (ეშმაკის წესს) ე. ი. ორივეს სცნობთ, ე. ი. ორ ბატონს ემსახურებით, და რადგან ეს საკითხი თქვენივე "აღსარებით" გავარკვიეთ, ახლა გადავიდეთ შემდეგ თემაზე და თუ შეიძლება გაგვეცით შემდეგ ორ კითხვაზე პასუხი: ა) შეიძლება თუ არა პატრიარქი (ბერი) და სხვა ეპისკოპოსები ოპერაში ვერდის სპექტაკლზე (ნაბუქოდო) დაესწრნენ, (ამა წლის 4 იანვარს (ახ.სტ) მოხდა თქვენ იერარქთა ეს მორიგი თეატრალიზებული სამარცხვინო გართობა) მაშინ, როდესაც საეკლესიო სამართლით მსახიობობა ცოდვაა: წმიდა პავლე მოციქულის მე 6 კანონი (ერისკაცთა შესახებ): „თუ ეკლესიისკენ პირს იზამს მომღერალი, მსახიობი….ან დაცხრეს მისი საქმიანონობისგან, ან უკან გაბრუნდეს.", და თუ მითუმეტეს მღვდლის შვილებსაც კი ეკრძალებათ საერო სანახაობებზე სიარული, (:კართაგენის ადგილობრივი კრების მე 15 კანონი: „მღვდელთა შვილები საერო სანახაობაში ნურც მონაწილეობას მიიღებენ, ნურც სანახავად წავლენ. ეს ყველა ქრისტიანს ექადაგება ყოველთვის, რომ სადაც გმობა იყოს, იქ არ უნდა მივიდნენ") რა უნდოდა თქვენს პატრიარქს და სინოდის წევრებს ოპერისა და ბალეტის თეატრში ვერდის ოპერაზე? სასულიერო დასისთვის შეუფერებელი ქმედების ბრალმდებელი ლაოდეკიის კრების 54-ე და კონსტანტინეპოლის სამეუფეო პალატაში შეკრებილ მამათა 50-51 კანონები: „მღვდლებმა და საეკლესიო დასის სხვა წარმომადგენლებმა არ უნდა უყურონ ქორწილში ან წვეულებაში წარმოდგენილ სანახაობებს, არამედ სანამ შემოვიდოდნენ მსახიობები, უნდა ადგნენ და წავიდნენ; სასულიერო პირთაგან ნურავინ მიეცემა შვება-თამაშს, სახუმარო სანახაობას, მგოსანთა როკვას, ხოლო თუ ვინმე დაარღვევს ამ კანონს… თუ ვინმე სასულიერო პირი იქნება იგი, განიკვეთოს". ! მოციქულთა მე 6 კანონი (სასულიერო დასის შესახებ): „ეპისკოპოსი, მღვდელი, დიაკონი ნუ შეუდგება ამქვეყნიურ საზრუნავს, თუ არადა განიკვეთოს." ბ) ასევე, თუ შეიძლება, გაგვეცით მეორე შეკითხვაზეც პასუხი, რატომ იყო თქვენი პირველიერარქი (პატრიარქი) სექტათა მსოფლიო ერეტიკული შესაკრებლის "ეკლესიათა მსოფლიო საბჭოს" ერთერთი თანაპრეზიდენტი და რატომ ლოცულოდა ამ საბჭოს ასამბლეებზე სექტის წარმომადგენლებთან ერთად?, ასევე, რატომ ლოცულობდა მონოფიზიტებთან და პაპისტებთან, როგორც ქართულ ტაძრებში ისე ეჩმიაძინსა და ვატიკანში?: „დიდ ხუთშაბათს — ფეხთბანვის დღეს მამა ერნსტ ქრისტოფ სუტნერი და მამა ცელესტინ პატოკი (არამართლმადიდებლები — ავტ.) თბილისის სიონის საპატრიარქო ტაძარში დაესწრნენ საღმრთო- სადღესასწაულო ლიტურღიას და სრულიად საქართველოს კათოლიკოს-პატრიარქის, უწმიდესისა და უნეტარესის, ილია მეორის ხელიდან მიიღეს წმიდა ზიარება, ხოლო დიდ შაბათს — ლიტონიობის დღესასწაულზე საქართველოს ეკლესიის სასურველი სტუმრები (ხაზგასმა ჩვენია — ავტ.) სრულიად საქართველოს პატრიარქთან და სიონის ტაძრის სამღვდელოებასთან ერთად ღამის 12 საათიდან დილის 7 საათამდე აღავლენდნენ ლოცვებს ბრწყინვალე აღდგომის სადიდებლად". „კვირას ეჩმიაძინის საკათედრო ტაძარში საღმრთო-სადღესასწაულო ლიტურღია აღასრულეს ყოველთა სომეხთა უმაღლესმა პატრიარქ-კათალიკოსმა უწმიდესმა ვაზგენ I და უწმიდესმა და უნეტარესმა ილია II" (საპატრიარქოს ჟურნალი - ჯვარი ვაზისა, 1982წ. N2″) მაშინ, როდესაც საეკლესიო სამართალით მკაცრად იკრძალება ერეტიკოსებთან ერთობლივი ლოცვა: მოციქულთა 45-ე კანონი: „თუ ეპისკოპოსი, მღვდელი ან დიაკონი მწვალებელთან ერთად ილოცებს, აეკრძალოს მღვდლობა. თუ ნებას მისცემს მათ (ერეტიკოსებს), რომ შეასრულონ რაიმე სამღვდელო წესი, როგორც მღვდლებმა, განიკვეთოს". წმინდა იუსტინე პოპოვიჩი: „მართლმადიდებელი ეკლესიის პოზიცია მწვალებელთა მიმართ - ანუ ყველა იმათ მიმართ, ვინც მართლმადიდებელი არ არის - ერთხელ და სამუდამოდ არის დადგენილი წმ.მოციქულთა და წმ.მამათა, ანუ ერთი და უცვალებელი ღმრთივსულიერი გარდამოცემის მიერ. ამ განჩინების თანახმად, მართლმადიდებლებს ეკრძალებათ მონაწილეობა რაიმე საერთო ლოცვასა თუ ღმრთისმსახურებაში მწვალებლებთან ერთად, "რამეთუ რაი მოყუსობა არს სიმართლისა და უსჯულოებისა? ანუ რაი ზიარება არს ნათლისა და ბნელისა? ანუ რაი შეტყუება არს ქრისტესი ბელიარის თანა? ანუ რაი ნაწილ უც მორწმუნესა ურწმუნოსა თანა?" (2კორ. 6,14-15). ჯერჯერობით, გთხოვთ გაგვცეთ პასუხი ამ ორ ბრალდებაზე, წინასწარ გაფრთხილებთ, თუ დაგვბლოკავთ, მაშინ უფრო საფუძვლიანად თქვენს მხილებას ჩვენს საითზე გავაგრძელებთ! |
კანონისტი |
Jan 19 2009, 06:46 PM
პოსტი
#2
|
დავით ჯგუფი: Members პოსტები: 16,930 რეგისტრ.: 17-October 06 მდებარ.: თბილისი, საქართველო წევრი № 284 |
ციტატა დაწყნარდი "კანონისტო", დაიწყნარე ნერვები, რადგან თვით ხსენებაც კი მღვდელ ბასილ მკალავიშვილის სრულიად გიმღვრევს გონებას და ელემენტარული ლოგიკური აზროვნების საზღვრებიდან გაგდებს! "კრიმინალები" თქვენს სამხედრო პუტჩის მომწყობ ღვთისთისმბრძოლ ხელისუფალთა და მათი კრიმინალური ბანდფორმირებების მაკურთხეველ თქვენი პატრიარქის და მისი სინოდის მხარეში მოიკითხეთ, რადგან, რა უნდა უქნას მტერმა გიორგი პუხაევმა ისეთი ჩვენს ქვეყანას, რაც თენგიზ კიტოვანმა, თენგიზ სიგუამ, ჯაბა იოსელიანმა, ედუარდ შევარდნაძემ არ დაგვატეხა თავს? რას მატყობთ აღელვებას და დამშვიდების საჭიროებას? საოცრად მშვიდად ვარ, ეს-ესაა დავბრუნდი სამთავისისა და გორის ეპარქიიდან სულიერად დიდად ამაღლებული იმ წესრიგისა და სათნო მსახურების შემყურე, რაც სუფევს მეუფე ანდრიას გარშემო. ჩამოვედი და დამხვდა თქვენი დემაგოგია, ანუ სულ სხვა კითხვაზე სულ სხვა პასუხები. 1. ფაქტია, რომ უწმიდესი პატრიარქი ილია II არის ერის სულიერი მამა და მას არერთხელ მოუწია და უწევს ისეთ ადამიანებთან შეხვედრა, მისალმება, სურათის გადაღება და ა.შ., რომლებიც უდავოდ დიდად არ ეხატება გულზე. თუმცა, მისი როლი იძულებულს ხდის მას, რომ ასე მოიქცეს. რასაც ვერ ვიტყვით თქვენ საიტზე და დამნაშავე მკალავიშვილზე, რომელიც ევქარისტიულ კავშირშია ანტიქართველ ბერძნებთან. მეტი რაღა გინდათ? მკალავიშვილს გაწყვეტილი აქვს ევქარისტიული კავშირი უწმიდეს ილია II-სთან, საქართველოს სამოციქულო ეკლესიასთან, მცხეთის საპატრიარქო საყდართან და მთელ საქართველოს ტერიტორიაზე ერთადერთი პიროვნება, ვისთანაც მას ევქარისტიული კავშირი აქვს არის ოსი სეპარატისტი, თვითგამოცხადებული ეპისკოპოს-მეჩექმე გიორგი ფუხაევი !! ამას სახელი არ აქვს!.... 2. უნდა იცოდეთ, რომ ემს-ში გაწევრდებიან მხოლოდ ის კონფესიები, რომლებიც ქრისტე მაცხოვარს: - აღიარებენ მესიად - აღიარებენ კაცობრიობის მხსნელად - აღიარებენ ღმერთად. ასე რომ, რასელისტებს, შამანებსა და მოლებს იქ ტყუილად უმატებთ. რაც შეეხება სხვა კონფესიებთან თანალოცვას, ამაზე პასუხი უკვე გაგეცით. 3. ციტატა წარმოადგენთ ერეტიკულ უმადლო საკრებულოს და რაღამც მიწიერ ტაძრებში იმყოფებით, ეს იმას არ ნიშნავს ზეციური ეკლესიიდან არ ხართ მოკვეთილნი, დიახ, აი, ეს არის ჭეშმარიტება და არ უნდა ამას დიდი განათლება და სიბრძნითი წვდომა! წმინდა წერილი გვასწავლის: "ადამიანი ხედავს გარეგნულ სახეს, ხოლო უფალი - გულსა კაცისასა" (1 მეფ.) შეცდომა ყოფილა და უნდა იყოს (მომიტევოს უფალმა, მაგრამ თქვენი მკრეხელობის მხილება სხვაგვარად არ ძალმიძს): "ადამიანი ხედავს გარეგნულ სახეს, ხოლო გულსა კაცისასა - უფალი და საითი (ეს "საითი" რაღა ოხრობაა? ქართულად ჰქვია ვებ-გვერდი ან საიტი) "დიდგორი"!! ვინ დაგირიგათ "მადლმზომი"? ვინ გეკითხებათ ვის აქვს მადლი და ვის არა?? თუკი მსოფლიო კრების კანონები ერეტიკულ საკრებულოთა მიერ აღსრულებულ ნათლობას ცნობენ და წყალში შთაფვლას აღარ აღასრულებენ, თქვენ ვინ აღგჭურვათ რომის პაპის ცრუ უფლებებით რომ ერთპიროვნულად განსაზღვროთ, ვინ მადლიანია და ვინ უმადლო? გაფრთხილდით ცოტა. და სერიოზულად მოეკიდეთ უფლის მადლზე საუბარს...... -------------------- „ნეტარ არიან, რომელთა დაიცვან სამართალი და ჰყონ სიმართლე ყოველსა ჟამსა.“ (ფს. 105; 4) |
მსუბუქი ვერსია | ახლა არის: 23rd June 2024 - 07:00 PM |
მართლმადიდებლური არხი: ივერიონი
ფორუმის ელექტრონული ფოსტა: იმეილი