გამოკითხვა მონარქიაზე, და თავად-აზნაურობაზე პარამეტრები

[ვეშაპო]

ეს თემა თბილისის ფორუმზეც გავხსენი და საკმაოდ დამაფიქრებელი შედეგები მივიღე იმ ფორუმისთვისაც კი.

http://forum.ge/?f=29&showtopic=33926651&st=0

30 %-ს უნდა მონარქია (ამან გამაკვირვა. უფრო ცოტას ველოდი)
62 %-ს არ უნდა. არანაერი მონარქია

აქ როგორი მდგომარეობაა?

პირადად მე დიდად არ მანაღვლებს ეს საკითხი, მაგრამ მაინც კონსტიტუციურ მონარქიას მივეცი ხმა.

[იოანა]

თამარი-ცქნაფო

"მთავარი ტიბეტელის, დალაი-ლამას მოკვლაც მაშინ დაიგეგმა, როცა ჩინელები მიხვდნენ, რომ თენზინ-გიათსო, მხოლოდ სიმბოლო კი არ იყო ტიბეტური დაუმორჩილებლობისა, არამედ უშრეტი წყაროც მათი სულიერი სიმხნევისა, მაგრამ ჩინელებმა დალაი-ლამას დაპატიმრებაც კი ვერ შეძლეს, რადგან თენზინ-გიათსოს ათასობით ტიბეტელი, საკუთარი სხეულით იცავდა. იცავდა მანამ, სანამ ტიბეტის მეთოთხმეტე დალაი-ლამა ინდოეთში გადასვლას შეძლებდა, სანამ ტიბეტელები დარწმუნდებოდნენ, რომ თენზინ-გიათსოს სიცოცხლეს საფრთხე აღარ ემუქრება. რამდენი ქართველი მეფე ყოფილა (საუკუნეების მანძილზე) ასეთივე სიმბოლო იმ სულისა და სხეულისა, რასაც საქართველო ჰქვია და რამდენჯერ მიმხვდარა ჩვენი მტერი, რომ საქართველოს დამარცხება მხოლოდ მაშინ შეიძლება, როცა უმთავრესი სიმბოლო მოისპობა ქართული სახელმწიფოსი. ამიტომაც ქართული სახელმწიფოს აშენება იქიდან უნდა დაიწყოს, სადაც იგი შეწყდა, საქართველოს, როგორც სახელმწიფოს შექმნა, იქიდან უნდა გაგრძელდეს, საიდანაც არსებობა შეწყვიტა. სადაც მოისპო, იქ უნდა აღდგეს და სულაც არ უნდა იყოს მნიშვნელოვანი გადაწყვეტილების მიღებისას ჩვენი დამოკიდებულება მონარქიისადმი, მოგვწონს თუ არ მოგვწონს მონარქიის იდეა, საქართველომ დამოუკიდებლობა დაკარგა მაშინ, როცა ჩვენს ქვეყანაში სამეფო ტახტი გაუქმდა. ტახტის გაუქმებისას კი ქართველი ხალხის აზრი არ გაუთვალისწინებიათ და მისი აღდგენაც ისტორიული სამართლიანობის აღდგენა უნდა იყოს და არა ჩვენი სიმპატიების შედეგი ბაგრატიონთა მიმართ. თუმცა იგივე სამართლიანობა იმის კიდევ ერთხელ აღნიშვნასაც საჭიროებს, რომ ბაგრატიონთა სამეფო დინასტიის ისტორიას, ანალოგი არ მოეძებნება მთელს დედამიწაზე და არსად, მთელს მსოფლიოში, კაცთა მოდგმის არცერთ გვარს საკუთარი ხალხისა და ქვეყნისათვის, იმდენი სისხლი და ცრემლი, ნიჭი და ენერგია არ გაუღია, რამდენიც ბაგრატიონებს. სხვა ქვეყნებისა და ხალხების მონარქთაგან განსხვავებით, ქართველი მეფეების მიწიერი ცხოვრება არასოდეს ყოფილა მხოლოდ მიწიერ ინტერესთა ასპარეზი და ქართველ მონარქთა ნებისმიერი საცხოვრისი, ამიტომაც განსხვავდება ნებისმიერი სხვა ქვეყნის მეფეთა სასახლეებისაგან, მიუხედავად იმისა, რომ დღემდე, ერეკლე მეფის სახლს, სასახლე ჰქვია, მაგრამ სინამდვილეში ოროთახიან, ნაქირავებ ბინას ჰგავს...
მთელს დედამიწაზე ძალზედ ძნელად, იმ ფუნქციისა და მისიის ანალოგიც თუ მოიძებნება, რასაც სულიერი თვალსაზრისით ბაგრატიონები ასრულებდნენ საკუთარი სამშობლოსათვის. ალბათ ტიბეტელთა ლიდერს თუ შეედრება მათი როლი და ალბათ ამიტომაც გამახსენდნენ ქართველი ბაგრატიონები კატმანდუში, ტიბეტისაკენ გამგზავრებამდე რამდენიმე დღით ადრე."

"ტიბეტი არ არის შორს"
დათო ტურაშვილი