ქართული და უცხოური სამზარეულო, უცხოეთში მცხოვრები ფორუმელების თხოვნით პარამეტრები

[ნათია]

თემა მზადაა! შეგიძლიათ დაწეროთ რეცეპტები, გააკეთოთ და "დააგემოვნოთ"

[ნაინა]

გინდათ ერთი რეცეპტი? მე მიყვარს ძალიან, გემრიელია და თან უცხოც

ხოდა ვიწყებ:
წვრილად დაჭრით ღორის ხორცს, საკმაოდ თხელი და პატარა ნაჭრები უნდა იყოს, დაახლოებით საჩვენებელი თითის სისქის ფენად დააწყობთ ეგრეთ წოდებულ ,,ჟარონაზე'' ოღონდ ცხიმი არ უნდა, ღორის ხორცი ისედაც ცხიმიანია. მოაყრით დაჭრილ ხახვს, გატარებულ ნიორს, ოღონდ ბევრი არაა საჭირო, ადგილ-ადგილ მოაყარეთ, უცხო სუნელს, მარილს, შავ პილპილს, დაფქულ ქინძს, ახალი ქინძი ან რაიმე მწვანილი არ სჭირდება.
აიღებთ რამოდენიმე მოზრდილ კარტოფილს, გაფრცქვნით, თხლად დაჭრით ,,ჩიპსების'' ფორმით და ხორცს დაგააწყობთ ზემოდან, ისე რომ ხორცი მთლიანად დაიფაროს, დაგჭირდებათ ორი ფენა კარტოფილი, ფენასა და ფენას შორის მოაყრით მარილს და სუნელებს, (ხახვი აქ არ სჭირდება, ხახვი მარტო ხორცის ზემოთაა საჭირო), ასევე კარტოფილის ზედა ფენასაც მოაყრით მარილს და სუნელებს.
გავამზადებთ ზემოდან მოსასხმელს:
თანაბარი რაოდენობის არაჟანს და მაიონეზს ავურევთ ერთმანეთში, ოღონდ მასა ბლომად უნდა გავაკეთოთ, ჩავაყაროთ გახეხილი ყველი, იმერული აჯობებს, ნაკლებ მარილიანი. (აქ მაზარელას ვიყენებ იმერული ყველის მაგივრად)
ამ გამზადებულ მასას გადავუსვავთ სქელ ფენად კრემივით,
ღუმელს დავაყენებთ დაახლოებით 300 გრადუსზე და ოდნავ მაღალზეც შეიძლება.
შევდგავთ გახურებულ ღუმელში და დაველოდებით დაახლოებით 40-45
წუთი, რომ გამოცხვება (ზემოდანაც უნდა იყოს კარგად გადაბრაწული) ცხელსვე დავჭრით ოთხკუთხელ ნაჭრებად, როგორც აჩმა-ხაჭაპურს.
სუფრაზე მიიტანთ ცხელს, თითო ნაჭერი, ანუ ერთი პორცია ერთ ადამიანზეა გათვლილი.

მე კი მომწონს, ძალიან გემრიელია, თუ არ დაგეზარებათ თქვენც გააკეთეთ და მოგეწონებათ თუ არა მოგვწერეთ შედეგებიც.

აბა წარმატებები