სამხედრო ფსიქოლოგია, გამოცდილებების თუ აზრების გაზიარება პარამეტრები

[guest]

ეს თემა მე არსენალში მქონდა და ნამდვილად საინტერესოდ განვითარდა.ვფიქრობ, აქაც შეიძლება იყოს, გარდა ამისა , ფორუმს ყავს ფსიქოლოგები და ასევე სამხედრო პირები,ამ მხრივაც ამართლებს ამ თემის არსებობა.

ბოლო დროს განვითარებული მოვლენები კიდევ უფრო ახლოს მიგვიყვანს ამ საკითხთან. იწერებოდა კიდეც ჯარისკაცთა დღიურებიდან ამონარიდები და ასე თუ ისე , ბევრი რამ ბევრისთვის უცხო იყო.

აქვე გთხოვთ, რომ არ იყოს სხვების განკითხვა,განსაკუთრებით ფაქიზად მოიხსენიეთ მეომრები, ვისაუბროთ მხოლოდ გამოცდილის ან სარწმუნო ფაქტების გამოყენებით და არა ჭორებითა და ლეგენდების საშუალებით. მოდერატორს ვთხოვ, ნებისმიერი სახის დამაკნინებელ-დამამცირებელი პოსტის ავტორი დაისაჯოს, ვისაც წარმოდგენა არ აქვს, ვთხოვ თავი შეიკავოს.

მადლობა წინასწარ.

მე შევეცდები პუნქტების სახით დავყო, რაც გამახსენდება და რაც მაინტერესებს, ვისაც სურვილი, აქვს სიმარტივის გამო ჩამოთვლილთაგან აირჩიოს რომელიმე ან რამდენიმე და ერთმანეთს გავუზიაროთ ჩვენი აზრები. ვცადოთ შესაბამისი დასკვნები გავაკეთოთ. თუმცა, მე ვფიქრობ, რომ ეს საკითხი პიროვნულია და ზედმეტად განზოგადებაც არ მოხერხდება. თუ არ შეგეზარებათ, დიდი სიამოვნებით მოგისმენდით.



1. როგორ შევაფასებდით საკუთარ თავს , როდესაც ვბრუნდებით მშვიდობიან პერიოდში უკან.

2.სადამდე გრძელდება ჩვენი ფიზიკურ-ფსიქიური დატვირთვადობა?

3. რა ხდება ”საველე” სიტუაციების მერე, რას ვგრძნობთ, ნუთუ მხოლოდ უპირველესად რაც არის, გადარჩენა გვახარებს და მერე არ გვაწუხებს ის რაც გვინახავს და გამოგვიცდია?

4. საკუთარი ფსიქოსგან თავდაცვის ხერხები, თითქოსდა თავის მართლება საკუთარ თავთან, რომელიც შესაძლებელია არანაირად არ არის საჭირო, მაგრამ შინაგანად მაინც გვიჩნდება მოთხოვნილება ჩვენი მაშინდელი შინაგანი განწყობა გავამართლოთ.

5. როდის ხდება გრძნობების მოჭარბება და იმ ტკივილის ხელმორედ ატკივება, რაც ადრე გვინახავს და გამოგვიცდია?

6.როდის ხდება მოწინააღმდეგის როგორც სამიზნის და მოწინააღმდეგის როგორც ადამიანს შორის ზღვრის გაჩენა: ანუ როდის წყვეტს მოწინააღმდეგე იყოს მხოლოდ გასანადგურებელი სამიზანე და როდის ხდება ის ჩვენთვის ცოცხალი ადამიანი?

7.რამდენად დასაფასებლად მიგვაჩნია შევაფასოდ მოწინააღმდეგის საგმირო ქმედებები, თუნდაც იმ დროს, როცა მტრის ეს საქციელი როგორც მოსალოდნელია, ჩვენს საწინააღმდეგოდ არის მიმართული.( მსგავსად ვაჟასი:

”-იმ ცხონებულსა მუცალსა რკინა სდებიყო გულადა!
-რას ამბობ, ქისტის ცხონება არ დაწერილა რჯულადა!
-მით ვაქებ ვაჟკაცობასა არ იყიდება ფულადა! ”)

8. ე.წ. ვიეტნამის სინდრომი, რამდენად შესაძლებელია ეს გაუჩნდეს ნებისმიერს, თუ მხოლოდ გარკვეული ფსიქიური დარტყმის დროს იჩენს თავს?

9. მოტივაციის დადებითი ზეგავლენა ჯარისკაცებზე. რას მიიჩნევთ თქვენ მოტივაციად? თუ მხოლოდ ელემენტარული ბრძანების შესრულება-დაქვემდებარება-დამორჩილება წყვიტავს ჩვენს ქმედებისუნარიანობას?

10. როგორც ცნობილია, არსებობს შემთხვევები, როდესაც რომელიმე სამხედრო პირი არ ემორჩილება რაიმე არგუმენტის გამოყენებით ზემდგომის განკარგულებას, ისიც ვიცით, თუ რა შემთხვევებში ხდება ეს ანუ როდისაა დასჯის გარეშე დასაშვები. როგორ ფიქრობთ, ადამიანური გრძნობები, ემოციურობა იქნება მიზეზი, რომ რომელიმე ჩვენგანმა ეს ნაბიჯი გადავდგათ, თუნდაც მოსალოდნელი კონსექვენსების წინასწარი გააზრებით?

11. სიმამაცის ფაქტორი: როდის ხდება ყოველივე უმნიშვნელო, გარდა იმ მიზნისა, რისთვისაც ვიბრძვით (არაფერი გვაფერხებს, თვით სიკვდილის მოსალოდნელობაც ამის შესასრულებლად)? თუ სწორედ მაშინ არის მებრძოლი ყველაზე მეტად მამაცური, როცა ამ მიზნის გარდა მას უფრო მნიშვნელოვანი მიზნები გააჩნია და მის განსახორციელებლად ერთადერთი გზა გამარჯვებაა?

12. მეტად მნიშვნელოვანი საკითხი: ჯარისკაცი და სიყვარული. რა დონეზე მოქმედებს ჯარისკაცის ფსიქოლოგიაზე საყვარელი ქალის მიერ არდაცდა,სხვისი არჩევა. ვიცი, ეს ყველასთვის დიდი ფსიქოლოგიური დარტყმაა ბევრი მიზეზების გამო, მაგრამ არის თუ არა უფრო დამამძიმებელი ან პირიქით - შემამსუბუქებული გარემოებები ჯარისკაცებისთვის ამ უდიდესი ”სასოწარკვეთის” დასამუშავებლად.


13. ზღვარი სისასტიკესა და სამხედრო ეთიკას შორის, როგორ მოვახერხოთ კონტროლი ”ზედმეტის” არმოსვლის? რა ითვლება სისასტიკედ საერთოდ ბრძოლის პირობებში?

14. თავგანწირვის ფაქტორი, არა მხოლოდ ზოგადი მიზნების,არამედ მეგობრის გამო. როგორ უნდა ვიმექმოდოთ, თუ ეს გრძნობისმიერი ფაქტორი სხვა მიზნებისთვის იქნებ საშიში აღმოჩნდეს, თუ საკუთარ სიცოცხლეს დავივიწყებთ და მის გადასარჩენად ყველა ღონეს ვიხმართ?

ვისაც რაიმეს დამატება უნდა, მადლობელი ვიქნები თუ მიამატებს.

[Bagrem]

Iona

სად იყო და როდის?

ყველგან და მათ შორის საქართველოშიც. 3 წლამდეც აღწევდა ეს სასჯელი. ამაზე ვნახე უამრავი პოსტი წმინდა გიორგის თემასა (ძლევაი საკვირველი) და თემა "სამხედრო". დეტალები იქ იხილეთ, რამდენადაც ამ თემას არ შეესაბამება ამ საკითხზე კამათი.

ან მობინგი არაა?
ან ამოკი რას ნიშნავს ?

მობინგი არის კოლეგების ან გვერდით მყოფებისაგან 'ფსიქოტერორი'. რადგან სთეივეითი ჯერ ვერ იქნება ფორუმზე, უფლებას ვიტოვებ მისი არსენალში დაწერილი პოსტი აქ გადმოვაკოპირო , დანარჩენზე კი თვითონ გიპასუხებთ :

***
15.მე ჩემს მიერ ჩამოთვლილ პუნქტებს მივამატებ კიდევ ცოტას, ჯერ შევჩერდები ე.წ. მობინგზე. არსებობს მობინგის ორი სახე: ჰორიზონტალური და ვერტიკალური. მობინგის შემთხვევათა 55 პროცენტი არის სწორედ ვერტიკალური და დარჩენილი 45 პროცენტი კი ჰორიზონტალური. სამწუხაროდ, როგორც ყველგან, საერო ფირმებში, ფსიქოლოგიური ზეწოლის ეს სახეობა ჯარშიც არის გავრცელებული და გამოირჩევა მეტად არასახარბიელო შედეგებით. ჯარში ან ძალოსნურ დაწესებულებებში ეს მხოლოდ ფსიქოლოგიური მალტრეტირებით არ შემოისაზღვრება, ხდება ფიზიკური სახის დამცირებებიც.

ჰორიზონტალურ მობინგს ასევე ბოსინგი ქვია და წარმოადგენს შემთხვევას: როდესაც ხდება ერთ რომელიმე თანაჯგუფელზე ფსიქოლოგიური ზეწოლის გამოვლინება ერთის ან რამდენიმე პიროვნების მიერ, ასე მიყოლებით რიგის მიხედვით: ჯერ ერთს, მერე მეორს და ბოლოს ”მოივლის ” მთელ ჯგუფს.

ვერტიკალურ მობინგში იგულისხმება ერთნაირი პოზიციის თანაჯგუფელის მიერ მეორის ზეწოლა იერარქიულ საფეხურზე. ძირითადად გამოწვეულია შურის, პოზიციის დაკარგვის შიშით მეორის წარმატებულობის გამო, იმდენად მძაფრდება ეს სიტუაცია, რომ ჩნდება ასეთი წარჩინებული ჯგუფელის ილიმინაციის სურვილი, მოტივით, რომ მისი მოცილება გამოიწვევს ”მოწინააღმდეგის” დაწინაურებას კარიერაში.

p.s. სიცხადისთვის დავსძენ, რომ ვერტიკალურ მობინგს მე არ ვურევ ჯანსაღ ამბიციაში, რასაც დამსახურებული დაწინაურების სურვილი თუ მისწრაფება ქვია.

***

ამოკს რაც შეეხება, შტეფან ცვაიგის "ამოკით შეპყრობილი" გექნება წაკითხული ამოკი მეტად ცუდ რამეს ნიშნავს და კერძოდ უმიზნოდ ხალხის ხოცვას, თუნდაც მას შემდეგ, როდესაც ამოკის გამომწვევს მოკლავენ ჯერ ან სულაც არა და იმ მიუღწეველს სხვებზე აღწევენ. არ ვიცი მოკლედ როგორ ავხსნა ეს ფენომენი. იმედია ფორუმის ფსიქოლოგები უკეთ განმარტავენ.

meng-âmok მალაიზიურად ნიშნავს ბრმა მრისხანებას და კვლის 'წყურვილს'.