სამხედრო ფსიქოლოგია, გამოცდილებების თუ აზრების გაზიარება პარამეტრები

[guest]

ეს თემა მე არსენალში მქონდა და ნამდვილად საინტერესოდ განვითარდა.ვფიქრობ, აქაც შეიძლება იყოს, გარდა ამისა , ფორუმს ყავს ფსიქოლოგები და ასევე სამხედრო პირები,ამ მხრივაც ამართლებს ამ თემის არსებობა.

ბოლო დროს განვითარებული მოვლენები კიდევ უფრო ახლოს მიგვიყვანს ამ საკითხთან. იწერებოდა კიდეც ჯარისკაცთა დღიურებიდან ამონარიდები და ასე თუ ისე , ბევრი რამ ბევრისთვის უცხო იყო.

აქვე გთხოვთ, რომ არ იყოს სხვების განკითხვა,განსაკუთრებით ფაქიზად მოიხსენიეთ მეომრები, ვისაუბროთ მხოლოდ გამოცდილის ან სარწმუნო ფაქტების გამოყენებით და არა ჭორებითა და ლეგენდების საშუალებით. მოდერატორს ვთხოვ, ნებისმიერი სახის დამაკნინებელ-დამამცირებელი პოსტის ავტორი დაისაჯოს, ვისაც წარმოდგენა არ აქვს, ვთხოვ თავი შეიკავოს.

მადლობა წინასწარ.

მე შევეცდები პუნქტების სახით დავყო, რაც გამახსენდება და რაც მაინტერესებს, ვისაც სურვილი, აქვს სიმარტივის გამო ჩამოთვლილთაგან აირჩიოს რომელიმე ან რამდენიმე და ერთმანეთს გავუზიაროთ ჩვენი აზრები. ვცადოთ შესაბამისი დასკვნები გავაკეთოთ. თუმცა, მე ვფიქრობ, რომ ეს საკითხი პიროვნულია და ზედმეტად განზოგადებაც არ მოხერხდება. თუ არ შეგეზარებათ, დიდი სიამოვნებით მოგისმენდით.



1. როგორ შევაფასებდით საკუთარ თავს , როდესაც ვბრუნდებით მშვიდობიან პერიოდში უკან.

2.სადამდე გრძელდება ჩვენი ფიზიკურ-ფსიქიური დატვირთვადობა?

3. რა ხდება ”საველე” სიტუაციების მერე, რას ვგრძნობთ, ნუთუ მხოლოდ უპირველესად რაც არის, გადარჩენა გვახარებს და მერე არ გვაწუხებს ის რაც გვინახავს და გამოგვიცდია?

4. საკუთარი ფსიქოსგან თავდაცვის ხერხები, თითქოსდა თავის მართლება საკუთარ თავთან, რომელიც შესაძლებელია არანაირად არ არის საჭირო, მაგრამ შინაგანად მაინც გვიჩნდება მოთხოვნილება ჩვენი მაშინდელი შინაგანი განწყობა გავამართლოთ.

5. როდის ხდება გრძნობების მოჭარბება და იმ ტკივილის ხელმორედ ატკივება, რაც ადრე გვინახავს და გამოგვიცდია?

6.როდის ხდება მოწინააღმდეგის როგორც სამიზნის და მოწინააღმდეგის როგორც ადამიანს შორის ზღვრის გაჩენა: ანუ როდის წყვეტს მოწინააღმდეგე იყოს მხოლოდ გასანადგურებელი სამიზანე და როდის ხდება ის ჩვენთვის ცოცხალი ადამიანი?

7.რამდენად დასაფასებლად მიგვაჩნია შევაფასოდ მოწინააღმდეგის საგმირო ქმედებები, თუნდაც იმ დროს, როცა მტრის ეს საქციელი როგორც მოსალოდნელია, ჩვენს საწინააღმდეგოდ არის მიმართული.( მსგავსად ვაჟასი:

”-იმ ცხონებულსა მუცალსა რკინა სდებიყო გულადა!
-რას ამბობ, ქისტის ცხონება არ დაწერილა რჯულადა!
-მით ვაქებ ვაჟკაცობასა არ იყიდება ფულადა! ”)

8. ე.წ. ვიეტნამის სინდრომი, რამდენად შესაძლებელია ეს გაუჩნდეს ნებისმიერს, თუ მხოლოდ გარკვეული ფსიქიური დარტყმის დროს იჩენს თავს?

9. მოტივაციის დადებითი ზეგავლენა ჯარისკაცებზე. რას მიიჩნევთ თქვენ მოტივაციად? თუ მხოლოდ ელემენტარული ბრძანების შესრულება-დაქვემდებარება-დამორჩილება წყვიტავს ჩვენს ქმედებისუნარიანობას?

10. როგორც ცნობილია, არსებობს შემთხვევები, როდესაც რომელიმე სამხედრო პირი არ ემორჩილება რაიმე არგუმენტის გამოყენებით ზემდგომის განკარგულებას, ისიც ვიცით, თუ რა შემთხვევებში ხდება ეს ანუ როდისაა დასჯის გარეშე დასაშვები. როგორ ფიქრობთ, ადამიანური გრძნობები, ემოციურობა იქნება მიზეზი, რომ რომელიმე ჩვენგანმა ეს ნაბიჯი გადავდგათ, თუნდაც მოსალოდნელი კონსექვენსების წინასწარი გააზრებით?

11. სიმამაცის ფაქტორი: როდის ხდება ყოველივე უმნიშვნელო, გარდა იმ მიზნისა, რისთვისაც ვიბრძვით (არაფერი გვაფერხებს, თვით სიკვდილის მოსალოდნელობაც ამის შესასრულებლად)? თუ სწორედ მაშინ არის მებრძოლი ყველაზე მეტად მამაცური, როცა ამ მიზნის გარდა მას უფრო მნიშვნელოვანი მიზნები გააჩნია და მის განსახორციელებლად ერთადერთი გზა გამარჯვებაა?

12. მეტად მნიშვნელოვანი საკითხი: ჯარისკაცი და სიყვარული. რა დონეზე მოქმედებს ჯარისკაცის ფსიქოლოგიაზე საყვარელი ქალის მიერ არდაცდა,სხვისი არჩევა. ვიცი, ეს ყველასთვის დიდი ფსიქოლოგიური დარტყმაა ბევრი მიზეზების გამო, მაგრამ არის თუ არა უფრო დამამძიმებელი ან პირიქით - შემამსუბუქებული გარემოებები ჯარისკაცებისთვის ამ უდიდესი ”სასოწარკვეთის” დასამუშავებლად.


13. ზღვარი სისასტიკესა და სამხედრო ეთიკას შორის, როგორ მოვახერხოთ კონტროლი ”ზედმეტის” არმოსვლის? რა ითვლება სისასტიკედ საერთოდ ბრძოლის პირობებში?

14. თავგანწირვის ფაქტორი, არა მხოლოდ ზოგადი მიზნების,არამედ მეგობრის გამო. როგორ უნდა ვიმექმოდოთ, თუ ეს გრძნობისმიერი ფაქტორი სხვა მიზნებისთვის იქნებ საშიში აღმოჩნდეს, თუ საკუთარ სიცოცხლეს დავივიწყებთ და მის გადასარჩენად ყველა ღონეს ვიხმართ?

ვისაც რაიმეს დამატება უნდა, მადლობელი ვიქნები თუ მიამატებს.

[guest]

egri3

დეიდებო და ბიძიებო.

ამ თემაში შენი ასაკის მიხედვით თუ ვიმსჯელებთ დეიდები და ბიძიკოები მგონი არ არიან.

ომი აუცილებელია არა?

არ არის.

პ.ს. შვეიცარიაში როდის იყო ბოლოს ომი და რა დონის ჯარი ყავს შვეიცარიას დღეს?

[betaneli luka]

egri3

ამ თემაში შენი ასაკის მიხედვით თუ ვიმსჯელებთ დეიდები და ბიძიკოები მგონი არ არიან.
არ არის.

პ.ს. შვეიცარიაში როდის იყო ბოლოს ომი და რა დონის ჯარი ყავს შვეიცარიას დღეს?

1272 წელს ალპების მასივის 3 კანტონი გაერთიანდა,რათა საერთო ძალებით გამკლავებოდა მათივე სიტყვები რომ ვიხმაროთ ''ველური ფრანგების,ველური იტალიელებისა და ველური გერმანელი ტომების შემოსევებს.''ეს წელიწადი ითვლება სწორედაც შვეიცარიის დაარსების თარიღად.ასე რომ ბოლო ომი შვეიცარიაში იყო სწორედაც ამ დროს.რატომ ბოლო?იმიტომ,რომ იმ 3 კანტონს არ ჰკავდა და ვერც ეყოლებოდა ნორმალური ჯარი.დღეისათვის კი 3 ენაა შვეიცარიაში სახელმწიფო ენად გამოცხადებული:იტალიური,ფრანგ
ული და გერმანული და ეს იმიტომ,რომ ადგილობრივი მოსახლეობა დამარცხდა ამ''ველურ ტომებთან''ბრძოლებში.
საქართველოს არ შეიძლება,რომ არ ჰყავდეს ჯარი ქვეყნის თავდაცვის მიზნით.
არსებობს კიდევ სხვა მაგალითიც:მონაკო.
მონაკოში ორკესტრის მუსიკოსთა რაოდენობა უფრო მეტია,ვიდრე პოლიციელთა რიცხვი.სან მარინოსაგან განსხვავებით(სან მარინოს ჰყავს ჯარი,რომელიც შედგება 16 ჯერისკაცისაგან და ერთი ოფიცერისაგან,ასე იყო მე-20 საუკუნეში,21-ე საუკუნეში შესაძლოა სიტუაცია შეიცვალა,ამ მხრივ ინფორმაცია არ მომეპოვება,რისთვისაც წინასწარ ვიხდი ბოდიშს)მონაკოს ჯარი არ ჰკავს.მაგრამ ჩვენთვის მონაკოსა და სან მარინოს მაგალითები ვერაფრით ვერ გამოდგება-სხვა გეოგრაფიული მდგომარეობა გვაქვს.
კიდევ ერთ მაგალითს მოვიყვანდი:პოლონეთსა,ლატვიას
ა,ბელორუსიასა და კალინინგრადის ოლქებს შორის მდებარეობს სახელმწიფო ლიტვა,რომლის ჯარი საგრძნობლად,ფრიად საგძნობლად ჩამორჩება დგეისათვის საქართველოს ჯარს.ეს კი იმიტომ,რომ ლიტვა არის ერთი ძლიერი სამხედრო ბლოკის წევრი ქვეყანა და მას ჯარი ჰყავს იმდენად,რამდენადაც სამხედრო თავდასხმის შემთხვევაში შესაძლებელი იქნება მტრის შეჩერება და მოგერიება(მაგალითად კალინინგრადის ოლქის მხრიდან-ირონიების გარეშე) სანამ სამხედრო ბლოკის სხვა წევრებისაგან მოვა დახმარება.ასე რომ ჯარის გარეშე და სამხედრო კონცეფციის გარეშე აქაც ვერ და არ შეიძლება.
სამოთხეს იცავენ ზეციური ძალები-ზეციურ მეომართა არმია,რომელსაც მეთაურობს სტრატეგი მთავარ-ანგელოზი მიქაელი.სამწუხაროდ,თუ საბედნიეროდ-არ ვიცი,მაგრამ ჯარის გარეშე არ გამოდის-არც აქ და არც იქ.
დედამიწაზე კი ძალიან ბევრი რამ არის საიქიოს მაგალითებიდან შექმნილი.